موضوع خاص للأستفسارات المتعلقة بالأسنان

[صب القفشه]

قووووه شلوونج دكتوووووره

بغيت استفسر شنو العصب و شنو اعراااضه و تاااثيرره ؟؟


و عسآآآآج عالقوه

 

[Eng.shosha]

السلام عليكم دكتورتنا ..
يعطيج ألف عافيه عالمجهود..

آنا توني شلت التقويم الثابت وقالي بيعطني تقويم متحرك وايد سمعت عنه ان يضايق
لازم ألبسه طول الوقت ؟ ولا في أوقات معينه أشيله؟؟

 

[نووووونا]

ملاحظه



الموضوع مغلق لحين عودة دكتورتنا بالسلامه ,,,





نتمنى عودتكم لنا بالسلامه وان تتيسر امورج يارب ,,:aha:

 

[رزنامة98]

يعطيج العافية دكتورة على المجهود الرائع
حبيت أسأل انا من اسبوعين ياني عوار بضروسي ( الأثنين الاخرانيين من فوق) و رحت عيادة و قال متسوسين و الحشوة قديمة فنظفهم و حطلي حشوة بيضاء يديدة بس ليلحين ما أقدر آكل عليهم أحس كل ما أعض عليهم يعوروني هل هذا أمر عادي ولا لأ لأني رحت للدكتور بعد عشر أيام وقال عادي لازم تصبرين فترة المصيبة ان هذي الجهة اهي اللي اكل فيها لان الجهة الثانية ناقصة سنين من تحت و انا الحين متعذبة طمنيني دكتورة انطر ؟؟

 

[نووووونا]

حياج الله بينا دكتورتنا الغاليه

ونشكر جهودج فى الرد على استفسارات عضواتنا

 

[زبــــــــدة]

نورتي مرة ثانيه دكتورة


حابه اسألج جراحة الجذوور راح احس فيها وقت العملية ولا لا؟؟

لاني خااااااايفه

 

[دكتورة أسنان]

حياج الله بينا دكتورتنا الغاليه

ونشكر جهودج فى الرد على استفسارات عضواتنا

الله يسلمج و يحييج مشكوره حبيبتي

 

[فـرفـر]

منورتنا دكتوره


انا لي بالتقويم سنه وشهر والدكتور قالي لازم سنه ونص بس اسنانى مافيها شي لهم اكثر من 5 شهور ماتغير شكلهم


مستغربه ليش بقعدني سنه ونص


سؤالى هل يأثر اذا شلت التقويم قبل موعده بشهر بس


لانه عندي مناسبه خاصه شهر 10 وانا يصير لي سنه ونص شهر 11


ياليت تفيديني

 

[النجوم]

الحمدلله على السلامه دكتورتنا 0 الله يعافيج دكتوره ضروري جاوبيني 0انا لثتي وايد تعبانه واسناني كله مفججه يعني في فراغات بين اسناني لاني شالعه الرحا من فوق وتحت اليمين واليسار واسناني الاماميين واي مخرطين شي بارز شي داش داخل يعني منظرهم كلش مو حلو استحي اضحك لانهم يلوعون الجبد ورحت حق دكاتره حكومه قالو لي نسوي لج تنظيف لثه بس مانقدر نلبس اسنانج ولا حتى تركيب جسوره او زراعة اسنان لان عظام الفك تعبانه 0 بس دكاتره بالخاص قالو لي يصير نركب لج جسور حق اسنانج ماادري انا خايفه وايد ومادري شاسوي وما ادري جم تكلفتهم بس يقولون وايد غالي بس بصراحه ماعندي مبلغ كبير علشان اسويهم خصوصا ان مرة نظفتهم تخيلي خليت الدكتور يبنج كل ضرس لما نظف لثتي كلها لما حسيت بتطلع روحي 0قولي لي شاسوي الله يرضى عليج ومنو دكتور شاطر يعدل لي اسناني بجلسه واحد ابي اخلص وافتك 0 مشكوره دكتوره تكفين ردي علي 0:0bee2e8d89:

 

[دكتورة أسنان]

حبايبي ان شاء الله راح ارد على كل الاستفسارات بس راح ابدي من الاقدم للاحدث باذن الله راح ارد على الكل بس طولو بالكم علي شويه .. الاستفسارات اللي قبل لا يتسكر الموضوع راح ارد عليها باقتباس متعدد و اذا في شي لا تترددون انكم تسالون مره ثانيه و سامحوني على القصور :eh_s(6):

طيب حبيبتي انا ملبسه سن بس احس مو جاي عدل عليه في فجه فوق يعني يطلع ريحه شنو الحل تعبت انا مرتين بدلتهم يصير تسويهم لي الدكتوره بدون ماتشيلهم

لا حبيبتي للاسف مايصير اذا في فراغ معناته العيب من التلبيسه و لازم تتغير و الفراغ اهو سبب الريحه انصحج تغيرين المعمل اللي تعاملتي معاه ..

مشكووووورة وايد على اجابتج الوافية...

عاد كنت ناوية..بس الحين افكر مرة ثانية...

تسلمين وموفقة يارب...

ممكن سؤال ثاني..

شنو الحل للاسنان لمخربطة..مابي تقويم ولا ابي شي يعور...

حبيبتي حياج الله .. بالنسبه لسؤالج للاسنان المتراكبه طبعا حسب درجة التراكب افضل الحلول التقويم و اقلها ضررا ثم الامينيت و اخر شي التلبيس اللي انا ما انصح فيه للي مو مضطره ..

السلام عليكم دكتوره

انا عندي سوء اطباق اسناني الاربعه الاماميه ما تسكر مع الاربعه الاسنان السفليه ودي اركب تقويم تتوقعين كم المده اللي راح يقعد معاي التقويم؟

وجزاج الله خير...

وعليكم السلام ورحمة الله و بركاته .. حبيبتي هذا السؤال الوحيد اللي يقدر يجاوب عليه الدكتور المعالج لانه يعتمد على درجة التراكب و الخطه العلاجيه للدكتور .. حياج الله

السلام عليكم دكتوره
انا مشكلتي مثل اللي يقول يامن شراله من حلاله عله حسيت بعوار في ضرسي اللي فوق رقم 4اي شئ اشربه بارد او حار يعورني المهم رحت الطبيب وياليتني مارحت لا وبعد مادحينه لي المهم دخلت عليه وشرحت حالتي وبدون اي سؤال اوحتي استفسار عن حالتي يمكن انا مريضه او حامل عطاني ابرة البنج واشتغل بالضرس وقال انا شلت لج السوسه وحشيت الضرس ويوم طلعت منه صار جنه فيني بووجه مارد لوضعه الطبيعي الا بعد 6ساعات ومن بكره صار الم في خدي من جهة الضرس اللي يعورني وصار فيه ورم وانا حدي خفت ونفسيتي تعبت ورحت المستشفي لدكتور جراحه وقال العصب ملتهب واثر علي الغده والتهبت وعطاني مضاد لمدة7ايام وامس حسيت بالم بخدي الثاني وفيه ورم مثل الكتله بس اصغر من الاولي وعطاني نفس المضاد لمدة7ايام مع العلم انه طبيب الاسنان ماسوي لي اشعه ولاشي وطبيب الجراحه قالي اكيد العصب فيه التهاب روحي لطبيب اسنان
وآسفه علي الازعاج..................ويعطيج العافيه

وعليكم السلام ورحمة الله و بركاته .. حبيبتي اول شي لاتحاتين اللي صار فيج من خدوره شي طبيعي و يصير وايد هذا تاثير البنج .. اما قصة ان الدكتور ما اخذ منج تفاصيل حالتج الصحيه طبعا هذا غلط بس التمسيله العذر طالما الشي خلص و احرصي دايما لو في اي مشكله انج تقولينها حتى لو ماسالج .. فعلا الشرح اللي قلتيه معناته العصب ملتهب و الحل بالمضاد الحيوي و بعدها لازم اشعه علشان تطمنين على الضرس و احتمال كبير يحتاج علاج للعصب .. الله يعافيج حبيبتي حياج الله

توووني ادري عن هالموضوع
انا من يوم الاربعا رحت سوولي العصب
و لي اليوم عوااار مو طبيعي عطوني مضاد و مسكن لون الحبه عنابي على بني جذي بس ما قعد تسوي شي
كليت بنادريكس يالله الي خف الالم
بس خدي وارم و اللثه وارمه و من امس طالع على خدي بقعه حمره
و لاحظت رقبتي و صدري صاروا حمر هل هذا طبيعي ؟؟ :\

حبيبتي تاكدي ان ماعندج حساسيه من البنسلين احتمال اهو السبب في البقع الحمرا بس شي عادي لاتحاتين ولكن فحصي تاكدي علشان المره اليايه تتجنبين هالادويه ..

السلام عليكم دكتوره ارجوج دكتور ه ريحيني الله يعافيج انا رحت حق دكتور حكومي انا لثتي وايد تعبانه اولا وبعدين اسناني بينهم وايد فجات ومازال تكبر هذه الفتحات لاني شايله الرحا على اليمين واليسار بالنسبه للاسنان العلويه وكذلك الاسنان السفليه الرحا على اليمين وعلى اليسار0 بس قال لي ان عظام الفكين وايد ضعاف مايصلح اركب جسوره حق اسناني ولا تلبيس ما يفيد معاي قولي لي شاسوي شكل اسناني واي مو حلو ويفشل وزوجي متضايق منهم لان اسناني الاماميه خاصة واحد داش وواحد بارز 0 افيديني الله يرضى عليج 0 مشكوووووووره0:eh_s(16):

وعليكم السلام ورحمة الله و بركاته .. حبيبتي سالي عن زراعة العظم و بعدها زرعي اسنان هالحل اسلم حل بالنسبه لج . اهو الكلام شكله يخوف بس ترى وايد سهاله و انتشرت عندنا و مامنها مشاكل بس تحتاج الفحص الدقيق .. ان شاء الله اكون افدتج و حياج الله

السلآآم عليكم

يعطيج العافيه دكتوره وماقصرتي .. بصراحه إستفدنا منج واايد واايد .. الله يجزاج كل خير ويجعله في ميزان أعمالج ويسر لج كل أمر صعب

دكتوره حبيبتي أنا مشكلتي إنه أسناني فيها فتحات إهيا شكلها زين ومرتب بس هالفتحات معيبتها بس مو العيب الكبير .. ورحت للمستشفى الحكومي بس رفض إني أحط تقويم يقولي حالتج مايستقبلونها لأن أسنانج زينه والفتحات مو عيب .. وأنا أحسها معيبه إبتسامتي ومنحرجه منها
فرحت لدكتور خاص وحطالي حشوه تجميليه ( 3 حشوات ) .. وقال انه الفتحه اللي بين اسناني الأماميه فوق أول سنين تحتاج لحشوتين لأن الفتحه شويه كبيره ..

المهم سويت هالحشوات وكل شي اوكي .. بس عقب تسع شهور لاحظت انه الحشوه اللي فوق لونها تغير وخاصه ع الأطراف صاير غير عن الأسنان واللي يقرب يمي حيل يلاحظ هاللون بالحشوه .. ولما أمرر لساني ع الحشوه أحس فيها خشونه من الأطراف على عكس الحشوتين اللي سويتها بأسناني اللي تحت

فأنا أخاف إطيح او يصير لها شي وتحرجني خصوصاً إني متزوجه .. فشنو الحل برايج دكتوره .؟ وأنا سمعت أكو حشوة سيراميك .؟ شنو إهي.؟
ودكتوره تنصحيني بأي نوع من الحشوات ؟ وشنو حل للحشوه اللي قلتلج عنها ؟

وتقريباً سعر الحشوه عند دكتور شاطر جم تتراوح.؟

وأدري كثرت عليج الأسئله وأزعجتج .. بس إسمحيلي والله محتاره بسبتها .. ودكتوره مافيني أحط تقويم لأن زوجي يكره شكل الأسنان بالتقويم والحشوات أنا كنت حاطتها قبل لا أتزوج

شورج دكتورتي

وعليكم السلام ورحمة الله و بركاته .. الله يعافيج مشكوره حبيبتي اي حبيبتي الحكومه مايستقبلون الا الحالات الصعبه و غير جذي يعتبر تجميلي .. اذا كانت الحشوات اللي سويتيها كومبوزت فعدل كلامج مع الوقت يتغير لونها بس مو تسع شهور !! يعني تاخذلها 5 سنين اذا كنتي مهتمه فيها ولكن هني العيب في التنعيم اذا تقولين خشته معناته هذا السبب لان اخر خطوه في هالحشوه اهم خطوه واللي انسميها ( finishing ) و الحل انج تغيرينها مانصحج بالسيراميك بحالتج لان عيوبه اكثر .. حشوتج احسن الحلول لج و اقلها ضررا اما عن الاسعار والله ماعندي خبر حبيبتي و حياج الله ..

السلام عليكم . دكتورة انا مركبة تقويم . بقيت اسأل هل اللثة تنزل من التقويم واذا انزلت شنو علاجها ؟ وشنو الطريقة اللي اسويها علشان اتجنب نزولها . مع الشكر. ضروري الرد من فضلج

يعطيكم العافيه

بليززززززززز


اسناني،، حلوه بس فيهم فلجه وانا ابي اسكرهـــا يصير ألبسهم

شتنصحوني فيه الله يخليك

الله يعافيج حبيبتي .. لا ما انصحج بالتلبيس الا اذا كانت الفلجه كبيره و ماتبين التقويم .. افضل الحلول الحشوات التجميليه بس مو اي احد يقدر يسويها الا اذا كانت الفلجه خفيفه جدا يتبعها التقريم ثم الامينيت و التلبيس ..

سوري على التأخير بالرد وربي يسلمج لغاليج

حبيبتي حياج الله .. بالنسبه لمشكلتج هذا خراج و علاجه سهل يبدأ بالمضاد طبعا لازم تراوينه الدكتور و بعد المضاد لازم تسوين اشعه و تتاكدين من حجم الضرر و احتمال تحتاجين علاج عصب ..

مشكوره حياتي على الرد وبالنسبه للبياض اللي فوق اللثه على سنين تقريبا فوق الثاني والثالث ومايعور عادي ومافي نقطه حمرا يعني

تحتها اللثه عاديه ؟؟

وبالنسبه للحمضي انا قالي الدكتور ان في نوعين للفم حمضي وقلوي وشايفه بعد برامج عن هالشي يعني مو بس كلام الدكتور

يعني لما اكل شي حامض يتفاعل معاه بسرعه وتأثر عالاسنان فهمتي قصدي اذا عرفتي السبب او قريتي عن هالموضوع ياليت تعطيني الحل

حبيبتي حياج الله بالنسبه لشرحج للبقع اللي باللثه غالباً ما تكون فطريات ( كانديدا فموية) و يمكن علاجها بالميكوستاتين موضعياً , أي مسح اللثة بسائل الميكوستاتين 3-4 مرات يومياً او اذا لو كانت الإصابة كبيرة و منتشرة في الفم فيفضل استخدام مضاد فطري جهازي مثل النيستاتين اما لو كنتي تاخذين بروفين أو مسكنات أخرى بشكل دائم فهذا يؤدي إلى تحويل الإصابات ( العدوى ) إلى خراجات ( إنتانات مزمنة) أي تعفنات في السن و اللثة و في الغالب تكون إصابة مختلطة فطرية و جرثومية و من المفيد استخدام الــــ spirazole و هو عبارة عن سبيراميسين + ميترونيدازول. .. اما بالنسبه للاوساط الحمضيه انا كان قصدي ان هل كلامج مبني على فحص طبي .؟ و لا تتوقعين هالشي ؟ عموما اذا عرف السبب بطل العجب قللي الحمضيات اما سبب تغير حمضيه الفم فهي موجوده عند الجميع ولكنها تختلف من شخص لاخر مثل اي شي ثاني و طبيعي ..

انا سعيدة بتواجدتج معانا وفعلن يشرفنا

حبيبتي بغيت استفسر

انا من 5 ايام تقريبا طلع لي ضرس عقل ثاني"

,, ومن سنه طلع لي وبس عورني اول ثلاث ايام ولارحت الطبيب ولاشي والحين اوكي .. الحين طلع لي غيره يعور حيل حتى ما اقدر اكل وعوار بالاذن بعد والبلعوم رحت الطبيب وكان باين ماله خلق حتى عور الضرس حييييل وشكله مستعجل وما فهمت من كلامه قالي ضرس عقل محفور ؟؟؟؟؟ اخذي مضاد حيوي واذا ماراح الالم لازم خلع واسوي لج اشعه ,,


وبعدها بيوم زااااد الالم ورحت طبيب ثاني وفحصني قال ضرس عقل عطاني مضاد حيوي
<< بس ما قدرت اخذه لان شوي معدتي فيها التهاب وقرحة وحساسه عطاني بداله ابر بنسلين لمدة 5 ايام ومسكنات وبعدها قال تعالي سوي اشعه ونشوف شنو المشكله واذا يحتاج خلع ولا لا ؟؟


وبعرررف شنو المشكله ممكن؟؟؟ ولاززززم خلع << لاني اخااااااااااااااف

ادري طولت عليج اعذريني ..​

حبيبتي تسلمين انا اسعد طبعا .. حسب كلامج فهمت ان قالج محفور يعني الضرس فيه حفره معناته سوس و العوار اتوقع منه هذا الحجي اذا كان الضرس طالع بشكل طبيعي و مو مايل ولا ضاغط على العظم او السن اللي يمه .. و احتمال يكونون شافو خراج على اساسه عطوج مضاد هذا اذا كانت اللثه صوب الضرس متفوخه .. من رايي ضرس العقل اذا سوا اي مشكله شيليه احسن لان اذا بدا بمشكله راح ترجع ولو بعد سنه لازم ترجع فشيليه و ارتاحي منه اذا كانت باجي اسنانج زينه ووجوده مو مهم و هذا رايي الشخصي طبعا حيااج الله ..

السلام عليكم دكتورة هاذي اول مشاركة لي ويشرفني أني اخذ رايج بموضوعي..
عندي استفسار اذا كنت ناوية اسوي تقويم وعندي ضرس شايلته وقالي الطبيب لازم اسوي زراعة ضرس لان يمه ضرس شايلته فلفراغ صاير وايد كبير بغيت اعرف الزرع اسوونه قبل التقويم ولا بعد التقويم؟ وبرايج جم المدة الكافية بين الزرع والتقويم يعني بعد ما ازرع متى اقدر احط التقويم ؟ وجنه سمعت بعد التقويم مايخلص يركبون التاج!! وشلون طريقة الزرع لان بصراحة وايد خايفة اول مرة ومفكرة اسوي بخاص لان اهم شي النفسية!! وعندي هم شغلة حيييييييييييييييييييييييييييييييييييل مضايقتني دكتورة انا من كنت صغيرة عندي الاسنان الامامية الصوبين رقم اثنين كانو مسوسين واعتقد كانو محشينهم طبعا من ورا مايبين المهم اذكر من كان عمري 10 او 11 كنت دايم اشوف بالمنظرة انه مافي حشوة كانو محفورين من ورا ولونهم اسود حيل غامج وماهتميت بس كانو يعوروني مرات وهملتهم لي صار عمري بالعشرينات ولما رحت للطبيب قالي لا مافيهم شي والسوس موجود بس واقف!!!!!!!!!!!!!!!!!!!!!!!!!!!! شلون واقف يعني قصده بس ميت وانه يقول مبين لان لونه اسود غامج!! وبس ماسوا شي نظف خفيف وسكر الفتحات بدون اي شي ولا شال الاسود!! هذا بالمستشفى العسكري كان ب2006 المهم من فتره مريت المستوصف الطبيب قالي مبين عصب ولازم يسويهم!! وبعد فتره رحت عيادة خاصة قالي الدكتور لا مبين انا مفي عصب ومايحتاج ان نفتح ونشوف ماكو شي!! طبعا هذا من المعاينة ولما شاف الاشعة الحين اصدق منو شلون هل صحيح في سوس يوقف ؟ شسوي بهالحاله اسوي شي قبل التقويم ولا اخليهم جذي؟ اسفة على الاطاله.

حبيبتي حياج الله و الشرف لي اني اسمعج و افيدج .. بالنسبه للزراعه انا احب الزراعه بعد التقويم علشان اعطي الاسنان مساحه تتحرك على كيفها و تالي اشوف الفراغ اللي باقي و على اساسه احدد حجم السن اللي احتاج ازرعه .. و لكن مافي مشكله انج تسوين الزراعه قبل اذا كان دكتورج مستشير دكتور التقويم و متفاهمين على المسافه المطلوبه .. بالنسبه للاسنان الماميه فعلا في تسوسات توقف و يقصد فيها الدكتور ان التسوس مو واصل للعصب ووايد ناس تنخدع بالشكل و تعتبره عصب من مجرد الشكل و اعتقد هذي غلطة الدكتور الثاني .. و اعتقد حسب الكلام اللي شرحتيه و طالما مافي عوار ولا ورمات ناحية الضرس من 10 سنين اتوقع العصب سليم حسب الشرح فلاتحاتين اخذي بكلام اللي سوالج اشعه لان يبين بالاشعه .. انصحج تسوين كل تسوساتج و تنظفين اللثه قبل لاتفكرين بالتقويم و بعده سوي الزراعه و هذا رايي الشخصي طبعا

دكتوره عندي سؤال حيل صغيرووون
بالنسبه للحشوات التجميليه هل اذا شلت الحشوات التجميليه يرجعون شكل اسناني الى شكلهم الطبيعي؟؟
ولا مايصير؟؟؟؟

لا حبيبتي مايصير لان الاسنان لازم تنحفر قبل الحشوه فاذا شلتيها راح اتضل الاسنان محفوره

 

[دكتورة أسنان]

السلام عليكم . دكتورة انا مركبة تقويم . بقيت اسأل هل اللثة تنزل من التقويم واذا انزلت شنو علاجها ؟ وشنو الطريقة اللي اسويها علشان اتجنب نزولها . مع الشكر. ضروري الرد من فضلج

وعليكم السلام ورحمة الله و بركاته .. اي حبيبتي تنزل اللثه مع التقويم و علاجها سهل في عمليات رفع اللثه و علشان تتجنبين هالشي اشتري من الصيدليه الراس المدبب المطاطي ترفعين فيه اللثه يوميا 3 مرات باليوم راح تخف المشكله بس غالبا لازم تنزل لو شويه .. حياج حبيبتي

قووووه شلوونج دكتوووووره

بغيت استفسر شنو العصب و شنو اعراااضه و تاااثيرره ؟؟


و عسآآآآج عالقوه

هلا حبيبتي بخير عساج بخير .. علاج العصب يعني ازالته و تنظيف القنوات ثم حشوها و بعد ذلك حشو السن نفسه .. اعراضه الم يقعدج من النوم اييج بدون سابق انذار و هذي من العلامات المتاخره لالتهاب العصب .. تبدا العلامات بالاحساس بالالم مع شرب السوائل الم مثل الكهربه .. في حالات ايضا متاخره تلاحظين التهاب على اللثه فوق الضرس .. عموما تشخيص الاشعه هو الفيصل تاثير علاج العصب ؟ من محاسنه انج ترتاحين من الالم اما مضاره ان السن راح يضعف حيل و يصير هش و يحتاج للتلبيس .. الله يقويج [COLOR

السلام عليكم دكتورتنا ..
يعطيج ألف عافيه عالمجهود..

آنا توني شلت التقويم الثابت وقالي بيعطني تقويم متحرك وايد سمعت عنه ان يضايق
لازم ألبسه طول الوقت ؟ ولا في أوقات معينه أشيله؟؟

وعليكم السلام ورحمة الله و بركاته .. الله يعافيج حبيبتي غالبا تحتاجين التقويم المتحرك وقت النوم ولكن حسب خطة الدكتور العلاجيه فسالي الدكتور احسن و عليج بالعافيه النو لوك

يعطيج العافية دكتورة على المجهود الرائع
حبيت أسأل انا من اسبوعين ياني عوار بضروسي ( الأثنين الاخرانيين من فوق) و رحت عيادة و قال متسوسين و الحشوة قديمة فنظفهم و حطلي حشوة بيضاء يديدة بس ليلحين ما أقدر آكل عليهم أحس كل ما أعض عليهم يعوروني هل هذا أمر عادي ولا لأ لأني رحت للدكتور بعد عشر أيام وقال عادي لازم تصبرين فترة المصيبة ان هذي الجهة اهي اللي اكل فيها لان الجهة الثانية ناقصة سنين من تحت و انا الحين متعذبة طمنيني دكتورة انطر ؟؟

الله يعافيج حبيبتي .. اتوقع الحشوه عاليه روحي حبيبتي قوليله يتاكدلج لان هالعوار ماراح يروح طالما صارله اسبوعين ! لا تنطرين لان راح يزيد و احتمال يلتهب بعد و بسببه ينضرب العصب لاقدر الله ..

ملاحظه



الموضوع مغلق لحين عودة دكتورتنا بالسلامه ,,,





نتمنى عودتكم لنا بالسلامه وان تتيسر امورج يارب ,,:aha:

حبيبتي تسلمين على الدعاء ماقصرتي يالغاليه

 

[دكتورة أسنان]

اتمنى اكون جاوبت على كل الاستفسارات و مانسيت احد الحين راح ارجع للاستفسارات اليديده بس تعبت شويه اسمحولي حبيباتي فاصل و نواصل :eh_s(6):

 

[دكتورة أسنان]

نورتي مرة ثانيه دكتورة


حابه اسألج جراحة الجذوور راح احس فيها وقت العملية ولا لا؟؟

لاني خااااااايفه

منور باصحابه حبيبتي

قصدج علاج اقنية الجذور بعد ازالة العصب ؟ لا حبيبتي اذا العصب مسحوب عدل ماتحسين فيها ابدا بس في بعض الاحيان يكون في بقايا للعصب تلتهب و تحسين فيها وقت الشغل .. بهالوقت قولي حق الدكتور يعطيج بنج بالجذور و بعدها يروح العوار نهائيا .. لا تخافين العلاج سهل و مايسوى

 

[دكتورة أسنان]

منورتنا دكتوره


انا لي بالتقويم سنه وشهر والدكتور قالي لازم سنه ونص بس اسنانى مافيها شي لهم اكثر من 5 شهور ماتغير شكلهم


مستغربه ليش بقعدني سنه ونص


سؤالى هل يأثر اذا شلت التقويم قبل موعده بشهر بس


لانه عندي مناسبه خاصه شهر 10 وانا يصير لي سنه ونص شهر 11


ياليت تفيديني

حبيبتي منور باصحابه انا ما انصح تشيلينه قبل الموعد الا باستشارة دكتورج لانه في خطه حق العلاج اذا غيرتيها انتي المسؤله لو يصير اي شي فاحسلج اخلي مسؤليتج و استشيريه لان في قوه معينه نربط فيها التقويم و تختلف من حاله لي حاله فمايعرفها الا اللي سواها .. فساليه احسن

 

[دكتورة أسنان]

الحمدلله على السلامه دكتورتنا 0 الله يعافيج دكتوره ضروري جاوبيني 0انا لثتي وايد تعبانه واسناني كله مفججه يعني في فراغات بين اسناني لاني شالعه الرحا من فوق وتحت اليمين واليسار واسناني الاماميين واي مخرطين شي بارز شي داش داخل يعني منظرهم كلش مو حلو استحي اضحك لانهم يلوعون الجبد ورحت حق دكاتره حكومه قالو لي نسوي لج تنظيف لثه بس مانقدر نلبس اسنانج ولا حتى تركيب جسوره او زراعة اسنان لان عظام الفك تعبانه 0 بس دكاتره بالخاص قالو لي يصير نركب لج جسور حق اسنانج ماادري انا خايفه وايد ومادري شاسوي وما ادري جم تكلفتهم بس يقولون وايد غالي بس بصراحه ماعندي مبلغ كبير علشان اسويهم خصوصا ان مرة نظفتهم تخيلي خليت الدكتور يبنج كل ضرس لما نظف لثتي كلها لما حسيت بتطلع روحي 0قولي لي شاسوي الله يرضى عليج ومنو دكتور شاطر يعدل لي اسناني بجلسه واحد ابي اخلص وافتك 0 مشكوره دكتوره تكفين ردي علي 0:0bee2e8d89:

الله يسلمج حبيبتي .. بعد عمري تاخرت عليج سامحيني على القصور .. انا رديت على استفسارج بس بالنسبه للتكلفه راح تكون وايد اكيد اذا بتسوينه بخاص و مايصير تسوينهم بخلسه وحده لان يبيلج شغل وايد .. و بعدين الخاص ماراح يقولج لا طالما راح تدفعين مايبون يخسرونج بس انا انصحج سويهم بالحكومه او اذا تبين الخاص اخذي استشاره من الحكومه .. و ارجع اقولج سالي عن زراعة العظم يعدلولج عظام الفك و مكان الزراعه و تالي يزرعون الضرس .. حياج الله حبيبتي

 

[النجوم]

مشكوره وايد دكتوره ريحتيني الله يعطيج العافيه 0 بس والله خايفه من الدكاتره زراعة العظم ييبيلها دكتور عنده خبره ومتمرس وشاطر لاني انا اخاف وايد من معالجة الاسنان 0 الله يعافيج اذا تعرفين دكتور شاطر ومتمرس في الحكومه ياريت تساعديني 0 الله يآجرج ويفرج همج 0:0bee2e8d89:

 

[ســتارز]

مرحبا دكتورة يعطيج العافية

لو سمحتي بسألج عن عملية رفع اللثة برايج اي واحد افضل واامن ؟

قص بالليزر والا الجراحة العادية ؟

شكرا

 

[أبلة مرايم]

يعطيج العافية دكتورة

و مشكورة على سعة صدرج

بغيت أسألج انا بسوي تلبيس الماس مو سيراميك .... سامعه عنه دكتورة ؟؟؟ عند دكتور طارق ابو رزق


و مشكورة و جزاج الله الف خير

 

[Angelicious™]

السلام عليكم بناااااات
شلونج دكتوووره ؟؟؟
انا مشكلتي بضرس العقل الي تحت ، اثنيناتهم تحت اللثه بشكل افقي وضاغطين على اسناني
و كراون الـ 8 ضاغط على الـ7
كذا دكتور قالي شيليهم بس دكتور واحد قالي خليهم احسن لانه ممكن العمليه فيها خطوره على العصب لانه قريب من المنطقه
انا ما احس بعوار والحمدالله لافي لا التهاب ولا تسوس فيهم بس الخوف انهم يضغطون على اسناني وانا توني شايله التقويم مابيهم يشوهون منظرهم
انا عمري 22 وناس تقولي صبري لاتسوينها لانه غيري نفس الحاله وقالولهم لازم عمليه ولا سووها بس عقب جم سنه طلع طبيعي الضرس !
مادري ابي نصيحتج دكتوره اذا ممكن

في دكتور مادحينه لضرس العقل اسمه عباس الرامزي اذا تعرفينه قوليلي شرايج فيه بليز ؟
وفي بعد علي عاشور
الله يعين

 

[قلبين وسهم]

يعطيــــــــــــــــج العافيـــــــــــــــــه دكتووووره


اذا ممكن انا عندي باول سن بالنص لوون ابيض نفس اللي يطلع بالاظافر مادري شسالفته

يمكن نقص في شي مادري حبيت اعرف شنو سببه وشنوو حله علشان يرووح ان شاء اللهولج كل الشكر


بالتوفيــــــــــــج
​