موضوع خاص للأستفسارات المتعلقة بالأسنان

[شمس 20]

حبيبتي انا مركبه اربع اسنان اماميه وبسال يصير اشيل التلبيسات واحط حشوه تجميليه بدالهم مع انه الاسنان بردوها ؟؟

واذا لا مايصير شلون احافظ على التلبيسات اكثر

 

[دكتورة أسنان]

السلام عليكم اشلونج دكتورا
بغيت اسألج جم سؤال
1 انا شايله ضرسي جراحه وبعد اسبوعين اكتشفت ان الدكتور مو شايل الضرس كله ومخلي الجذور ؟؟؟؟؟؟؟؟ شنوراح يسولي بهالحاله ويوم رحتله شكله مو عارف شنو يسوي مع العلم اني مسويا الجراحه بالمستوصف مادري ان لازم تحويل الله يسامحه لعب فيني عدل
2 ممكن الضرس اللي فيه الحشوه الدايمه يعور لان بعض المرات احس بعوار يروح ويرد وانا مااكل عليه
والله يعافيج

وعليكم السلام ورحمة الله و بركاته .. بخير عساج بخير

حبيبتي عادي تصير وايد مو مشكله لاتحاتين .. اخذي تحويل للجراجه و اشيلونه لج بسهوله

بالنسبه لسؤالج الثاني .. اي ممكن يعور اذا كانت الحشوه كبيره او تحتها سوس .. سوي اشعه لها و راح يبين السبب ان شاء الله ..

 

[دكتورة أسنان]

مشكوره ماقصرتي ياريت من خبرتج اذا تعرفين دكتور زين تفيديني

حياج الله حبيبتي والله ما ادري ما اقدر افيدج اذا ما جربت

 

[دكتورة أسنان]

السلام .. دكتوره شالفرق بين تبييض الانسان وبقشرة السيراميك بين الليزر و القالب؟؟ وشنو افضلهم ؟ وشنو اكثر واحد فيهم يطلعهم بيض؟؟

وعليكم السلام ورحمة الله و بركاته ..

حبيبتي اقري موضوعي الخاص بالتبييض فيه كل االاجوبه على تساؤلاتج

http://q8yat.net/showthread.php?t=227422

 

[دكتورة أسنان]

السلام عليكم

دكتورة يعطيح العافية

بغيت اعرف احسن دكتور و لا عياده لتلبيس الاسنان الامامية

ابي شي طبيعي و الضحكه تصير حلوة

امدحولي د. طارق ابو رزق عياده اسنان
و
عبدالهادي شهاب عياده فرجينيا

بس مو عارفه اذا في احسن منهم ؟؟

انتي بشنو تنصحيني

يعطيج العافية و جزاج الله الفي خير

وعليكم السلام ورحمة الله و بركاته ..

الله يعافيج حيبيبتي .. والله اسمحيلي ماعندي علم حاولي تسالين ناس تكون مجربه احسن و تكونين انتي شايفه النتيجه

 

[دكتورة أسنان]

حبيبتي انا مركبه اربع اسنان اماميه وبسال يصير اشيل التلبيسات واحط حشوه تجميليه بدالهم مع انه الاسنان بردوها ؟؟

واذا لا مايصير شلون احافظ على التلبيسات اكثر

لا حبيبتي مايصير لانهم مبرودين للاسف ... و للحفاظ على التلبيسات لازم تفرشينهم اكثر من المعدل الطبيعي و طبعا ماتنسين الخيط السنني الخاص بالتلبيسات بالاضافه لغسولات الفم

 

[شمس 20]

طيب حبيبتي انا ملبسه سن بس احس مو جاي عدل عليه في فجه فوق يعني يطلع ريحه شنو الحل تعبت انا مرتين بدلتهم يصير تسويهم لي الدكتوره بدون ماتشيلهم

 

[يابختي]

هلا حبيبتي ..

قصدج اللمينيت ؟ اللي اهو قشور البورسلان ؟ او الفينيرز اللي اهي التلبيسات ؟؟ كل شي يصير بس حبيبتي اذا تبين رايي ما انصحج فيهم وايد مشاكلهم و يحتاجون عنايه كبيره بالاضافه الى انهم يحتاجون الى برد الاسنان السليمه و هالشي يضعفها ..

و اذا قصدج تبين اشرحلج الطريقه ..

اللامينيت ( قشور البورسلان ) يتم فيه برد 1\2 ميللي من الجهه الاماميه للاسنان و يلصق عليها قشور مصنوعه من البورسلان تشبه العدسات الاصقه بالترتيب اللي تحبينه ..

اما الفينيرز ( التلبيسات ) يتم فيها برد 2 ميللي من الاسنان في جميع الجهات و من ثم يوضع عليها تاج من السيراميك او الذهب او الاثنان معا حسب طلب المريض و هكذا بالنسبه لجميع الاسنان و بالترتيب اللي تحبينه بعد ..

و الاثنين لهم مضار الحساسيه و الرائحه الكريهه بعد فتره طبعا تصل الى 6 سنين يعني مو بنفس الوقت .. بالاضافه الى تغير لون حواف التلبيسه .. و الشي الاهم ان شكلهم يبين انهم موطبيعيين .

بالنسبه لسؤالج الثاني .. مضار الليزر حساسيه الاسنان و اللثه و هذا شي اساسي في ناس يطول معاهم و ناس يخف بمجرد الخروج من العياده .. واذا تحبين تقرين اكثر عن التبييض اقري موضوعي عن تبييض الاسنان ..

http://q8yat.net/showthread.php?t=227422

و اي سؤال انا حاظره

مشكووووورة وايد على اجابتج الوافية...

عاد كنت ناوية..بس الحين افكر مرة ثانية...

تسلمين وموفقة يارب...

ممكن سؤال ثاني..

شنو الحل للاسنان لمخربطة..مابي تقويم ولا ابي شي يعور...

 

[نوري يكفيك]

السلام عليكم دكتوره

انا عندي سوء اطباق اسناني الاربعه الاماميه ما تسكر مع الاربعه الاسنان السفليه ودي اركب تقويم تتوقعين كم المده اللي راح يقعد معاي التقويم؟

وجزاج الله خير...

 

[KOKO1]

السلام عليكم دكتوره
انا مشكلتي مثل اللي يقول يامن شراله من حلاله عله حسيت بعوار في ضرسي اللي فوق رقم 4اي شئ اشربه بارد او حار يعورني المهم رحت الطبيب وياليتني مارحت لا وبعد مادحينه لي المهم دخلت عليه وشرحت حالتي وبدون اي سؤال اوحتي استفسار عن حالتي يمكن انا مريضه او حامل عطاني ابرة البنج واشتغل بالضرس وقال انا شلت لج السوسه وحشيت الضرس ويوم طلعت منه صار جنه فيني بووجه مارد لوضعه الطبيعي الا بعد 6ساعات ومن بكره صار الم في خدي من جهة الضرس اللي يعورني وصار فيه ورم وانا حدي خفت ونفسيتي تعبت ورحت المستشفي لدكتور جراحه وقال العصب ملتهب واثر علي الغده والتهبت وعطاني مضاد لمدة7ايام وامس حسيت بالم بخدي الثاني وفيه ورم مثل الكتله بس اصغر من الاولي وعطاني نفس المضاد لمدة7ايام مع العلم انه طبيب الاسنان ماسوي لي اشعه ولاشي وطبيب الجراحه قالي اكيد العصب فيه التهاب روحي لطبيب اسنان
وآسفه علي الازعاج..................ويعطيج العافيه

 

[BaTTy]

توووني ادري عن هالموضوع
انا من يوم الاربعا رحت سوولي العصب
و لي اليوم عوااار مو طبيعي عطوني مضاد و مسكن لون الحبه عنابي على بني جذي بس ما قعد تسوي شي
كليت بنادريكس يالله الي خف الالم
بس خدي وارم و اللثه وارمه و من امس طالع على خدي بقعه حمره
و لاحظت رقبتي و صدري صاروا حمر هل هذا طبيعي ؟؟ :\

 

[النجوم]

السلام عليكم دكتوره ارجوج دكتور ه ريحيني الله يعافيج انا رحت حق دكتور حكومي انا لثتي وايد تعبانه اولا وبعدين اسناني بينهم وايد فجات ومازال تكبر هذه الفتحات لاني شايله الرحا على اليمين واليسار بالنسبه للاسنان العلويه وكذلك الاسنان السفليه الرحا على اليمين وعلى اليسار0 بس قال لي ان عظام الفكين وايد ضعاف مايصلح اركب جسوره حق اسناني ولا تلبيس ما يفيد معاي قولي لي شاسوي شكل اسناني واي مو حلو ويفشل وزوجي متضايق منهم لان اسناني الاماميه خاصة واحد داش وواحد بارز 0 افيديني الله يرضى عليج 0 مشكوووووووره0:eh_s(16):

 

[شـُ...ـوٍق]

السلآآم عليكم

يعطيج العافيه دكتوره وماقصرتي .. بصراحه إستفدنا منج واايد واايد .. الله يجزاج كل خير ويجعله في ميزان أعمالج ويسر لج كل أمر صعب

دكتوره حبيبتي أنا مشكلتي إنه أسناني فيها فتحات إهيا شكلها زين ومرتب بس هالفتحات معيبتها بس مو العيب الكبير .. ورحت للمستشفى الحكومي بس رفض إني أحط تقويم يقولي حالتج مايستقبلونها لأن أسنانج زينه والفتحات مو عيب .. وأنا أحسها معيبه إبتسامتي ومنحرجه منها
فرحت لدكتور خاص وحطالي حشوه تجميليه ( 3 حشوات ) .. وقال انه الفتحه اللي بين اسناني الأماميه فوق أول سنين تحتاج لحشوتين لأن الفتحه شويه كبيره ..

المهم سويت هالحشوات وكل شي اوكي .. بس عقب تسع شهور لاحظت انه الحشوه اللي فوق لونها تغير وخاصه ع الأطراف صاير غير عن الأسنان واللي يقرب يمي حيل يلاحظ هاللون بالحشوه .. ولما أمرر لساني ع الحشوه أحس فيها خشونه من الأطراف على عكس الحشوتين اللي سويتها بأسناني اللي تحت

فأنا أخاف إطيح او يصير لها شي وتحرجني خصوصاً إني متزوجه .. فشنو الحل برايج دكتوره .؟ وأنا سمعت أكو حشوة سيراميك .؟ شنو إهي.؟
ودكتوره تنصحيني بأي نوع من الحشوات ؟ وشنو حل للحشوه اللي قلتلج عنها ؟

وتقريباً سعر الحشوه عند دكتور شاطر جم تتراوح.؟

وأدري كثرت عليج الأسئله وأزعجتج .. بس إسمحيلي والله محتاره بسبتها .. ودكتوره مافيني أحط تقويم لأن زوجي يكره شكل الأسنان بالتقويم والحشوات أنا كنت حاطتها قبل لا أتزوج

شورج دكتورتي

 

[رونق الكويت]

السلام عليكم . دكتورة انا مركبة تقويم . بقيت اسأل هل اللثة تنزل من التقويم واذا انزلت شنو علاجها ؟ وشنو الطريقة اللي اسويها علشان اتجنب نزولها . مع الشكر. ضروري الرد من فضلج

 

[قمـــر عشر طعش]

يعطيكم العافيه

بليززززززززز


اسناني،، حلوه بس فيهم فلجه وانا ابي اسكرهـــا يصير ألبسهم

شتنصحوني فيه الله يخليك

 

[RmRom]

هلا حبيبتي مشكوووره تسلميلي ..

بالنسبه لسؤالج الاول .. جراحة الاسنان بحر و يختلف التكنيك باختلاف مكان و نوع الضرس بالاضافه الى سبب الخلع .. ولكن واضح انج تقصدين الضرس المكسور تاجه ( اقصد الجزء البارز فوق اللثه ) و المتبقى منه فقط الجذور عدل ؟ بهالحاله اذا كان الجذر سليم ممكن ينشال باداة تشبه المفك ( طبعا بعد البنج الموضعي ) توضع الاداة بين الجذر و اللثه وبالارتكاز على عظام الفك تتم ازالة الجذر.. و في بعض الاحيان يكون الجذر مكسور او مفتت هنا يحتاج الطبيب الى ان يفتح فتحه صغيره باللثه لكي يرى الجذر بوضوح و طبعا كل دكتور و تكنيكه .. في دكاتره تحب تستخدم المفك و دكاتره تحب تشوف و تشيل بالخلاعه الرفيعه .. اذا كان مكان الخلع كبير و الجرح كبير ممكن ينم عمل غرزه او 2 حسب كبر حجم الجرح لتساعده في عملية الالتئام اما في وضع المفك لا يحتاج المريض الى الغرز ابدا ..
تسلمين دكتورة على الشرح الوافي :ggdw:
سويت الجراحه للسن الأول قبل جم يوم وإن شااء الله أروح الأسبوع الجاي أفك الخياط .. وباقي سـنّـيـن يبيلهم جراحه .. الدكتور كان سريع ويده خفيفه .

بالنسبه لسؤالج الثاني .. شنو لونها و حجمها تقريبا ؟؟
مالها لون وحجمها جداً صغير بس لا ضغطت عليها تعورني شوي .
و هل اذا ضغطتي عليها تتحرك ولا ثابته ؟
ثابته ما تتحرك
و يطلع منها سائل اصفر او دم ولا ماكو شي ؟
ما يطلع منها لا سائل أصفر ولا دم .. ماكو شي نهائي
و هل يوجد حولينها ضرس فيه حشوه او مكسور او عصب ..
بصراحه .. أسناني كلها خربانه .. يعني فيه حشوات وفيه سن مكسور وفيه عصب .. وفيه ما لذا وطاب :dddds:
بس خليني أوضح لج شغله .. فيه سن عندي كان السوس واصل للعصب .. بس أنا أهملته وما سويته يعني عشت على المسكنات .. ليما تكسر هالسن وما بقى منه شي .. بس الشغله اللي طلعت لي في لثتي فوق .. أعتقد سبب ظهورها هالسن لان قبل لما أضغط عليها يعورني السن اللي قلت لج عليه بس عقب ما تكسر ما قام يعورني بس الشغله اللي في اللثه هي اللي تعور لما أضغط عليها

شرايج دكتورة أوريها الدكتور الأسبوع الجاي وإلا مو لازم .. هي مو مأذيتني بس لما أضغط عليه أحس بألم خفيف


الله يعافيج حبيبتي و ناطره ردج

سوري على التأخير بالرد وربي يسلمج لغاليج

 

[تلفوني رن]

مشكوره حياتي على الرد وبالنسبه للبياض اللي فوق اللثه على سنين تقريبا فوق الثاني والثالث ومايعور عادي ومافي نقطه حمرا يعني

تحتها اللثه عاديه ؟؟

وبالنسبه للحمضي انا قالي الدكتور ان في نوعين للفم حمضي وقلوي وشايفه بعد برامج عن هالشي يعني مو بس كلام الدكتور

يعني لما اكل شي حامض يتفاعل معاه بسرعه وتأثر عالاسنان فهمتي قصدي اذا عرفتي السبب او قريتي عن هالموضوع ياليت تعطيني الحل

 

[الدمــاني]

انا سعيدة بتواجدتج معانا وفعلن يشرفنا

حبيبتي بغيت استفسر

انا من 5 ايام تقريبا طلع لي ضرس عقل ثاني"

,, ومن سنه طلع لي وبس عورني اول ثلاث ايام ولارحت الطبيب ولاشي والحين اوكي .. الحين طلع لي غيره يعور حيل حتى ما اقدر اكل وعوار بالاذن بعد والبلعوم رحت الطبيب وكان باين ماله خلق حتى عور الضرس حييييل وشكله مستعجل وما فهمت من كلامه قالي ضرس عقل محفور ؟؟؟؟؟ اخذي مضاد حيوي واذا ماراح الالم لازم خلع واسوي لج اشعه ,,


وبعدها بيوم زااااد الالم ورحت طبيب ثاني وفحصني قال ضرس عقل عطاني مضاد حيوي
<< بس ما قدرت اخذه لان شوي معدتي فيها التهاب وقرحة وحساسه عطاني بداله ابر بنسلين لمدة 5 ايام ومسكنات وبعدها قال تعالي سوي اشعه ونشوف شنو المشكله واذا يحتاج خلع ولا لا ؟؟


وبعرررف شنو المشكله ممكن؟؟؟ ولاززززم خلع << لاني اخااااااااااااااف

ادري طولت عليج اعذريني ..​

 

[Bnt.Azmer]

السلام عليكم دكتورة هاذي اول مشاركة لي ويشرفني أني اخذ رايج بموضوعي..
عندي استفسار اذا كنت ناوية اسوي تقويم وعندي ضرس شايلته وقالي الطبيب لازم اسوي زراعة ضرس لان يمه ضرس شايلته فلفراغ صاير وايد كبير بغيت اعرف الزرع اسوونه قبل التقويم ولا بعد التقويم؟ وبرايج جم المدة الكافية بين الزرع والتقويم يعني بعد ما ازرع متى اقدر احط التقويم ؟ وجنه سمعت بعد التقويم مايخلص يركبون التاج!! وشلون طريقة الزرع لان بصراحة وايد خايفة اول مرة ومفكرة اسوي بخاص لان اهم شي النفسية!! وعندي هم شغلة حيييييييييييييييييييييييييييييييييييل مضايقتني دكتورة انا من كنت صغيرة عندي الاسنان الامامية الصوبين رقم اثنين كانو مسوسين واعتقد كانو محشينهم طبعا من ورا مايبين المهم اذكر من كان عمري 10 او 11 كنت دايم اشوف بالمنظرة انه مافي حشوة كانو محفورين من ورا ولونهم اسود حيل غامج وماهتميت بس كانو يعوروني مرات وهملتهم لي صار عمري بالعشرينات ولما رحت للطبيب قالي لا مافيهم شي والسوس موجود بس واقف!!!!!!!!!!!!!!!!!!!!!!!!!!!! شلون واقف يعني قصده بس ميت وانه يقول مبين لان لونه اسود غامج!! وبس ماسوا شي نظف خفيف وسكر الفتحات بدون اي شي ولا شال الاسود!! هذا بالمستشفى العسكري كان ب2006 المهم من فتره مريت المستوصف الطبيب قالي مبين عصب ولازم يسويهم!! وبعد فتره رحت عيادة خاصة قالي الدكتور لا مبين انا مفي عصب ومايحتاج ان نفتح ونشوف ماكو شي!! طبعا هذا من المعاينة ولما شاف الاشعة الحين اصدق منو شلون هل صحيح في سوس يوقف ؟ شسوي بهالحاله اسوي شي قبل التقويم ولا اخليهم جذي؟ اسفة على الاطاله.

 

[عــبورة]

دكتوره عندي سؤال حيل صغيرووون
بالنسبه للحشوات التجميليه هل اذا شلت الحشوات التجميليه يرجعون شكل اسناني الى شكلهم الطبيعي؟؟
ولا مايصير؟؟؟؟