موضوع خاص للأستفسارات المتعلقة بالأسنان

[بنات عطا]

مشكوووووووووووووره

 

[ثقتي بالله كبيره]

السلام عليكم دكتورتنا

شلونج ؟؟ ان شاء الله بخير

الله يعطيج العافية حبيبتي على مجهودج الطيب

بغيت أسألج عن الفراغات الصغيرة بين الأسنان مو كل الأسنان (بعض الأسنان) ,, شنو الحل لهالمشكله ؟؟؟

 

[دلوعه بكيفي]

قوه دكتوره انا فيني فتحه بين ضروسي الاماميه وشكلي يضحك شرايج وين اصكها وبشنو اصكها ناس تقول حشوه تجميليه وناس تقول سيراميك وشرايج بدكتور بدر الانصاري ينفع الشغلات هذه

 

[الاسطورية]

الله يابج

ابي اعرف شلون افرق بين العصب والسوس وانا بالبيت قبل ماروح الطبيب في طريقه؟

وعندي عصب قديييييييييم امبيه يمكن صارله 6 سنين وحدي خايفه اروح الطبيب

وعندي حفر وايد
وبغيت اعرف هل ممكن اطلب بنج كامل اذا بسوي هالصعب لاني اتوقع اني ماتحمل كلش اني اكون قاعده خصوصا ان ورا وفوق

انتي عندج عياده؟

انا يبيلي ترميم وخايفه صراحه

 

[دكتورة أسنان]

حبيبتي دكتورتنا يعطيج ألف عافيه عالرد ما قصرتي

الله يعافيج حبيبتي حياج الله

 

[دكتورة أسنان]

مشكوووووووووووووره

حياااااج الله

 

[دكتورة أسنان]

السلام عليكم دكتورتنا

شلونج ؟؟ ان شاء الله بخير

الله يعطيج العافية حبيبتي على مجهودج الطيب

بغيت أسألج عن الفراغات الصغيرة بين الأسنان مو كل الأسنان (بعض الأسنان) ,, شنو الحل لهالمشكله ؟؟؟

وعليكم السلام ورحمة الله و بركاته ..

بخير حبيبتي عساج بخير الله يعافيج مشكوره ..

اذا كانت الفراغات وايد صغيره ممكن تتسكر بحشوه تجميليه الكومبوزت و هذا الحل الاسلم و الاقل ضررا من التلبيسات

حياج الله

 

[دكتورة أسنان]

قوه دكتوره انا فيني فتحه بين ضروسي الاماميه وشكلي يضحك شرايج وين اصكها وبشنو اصكها ناس تقول حشوه تجميليه وناس تقول سيراميك وشرايج بدكتور بدر الانصاري ينفع الشغلات هذه

هلا حبيبتي .. في اكثر من حل و يعتمد على المسافه بين الاسنان .. افضل التقويم اولا اذا في مجال و اذا كانت الفتحات كبيره احسن من التلبيسات .. انا ااذا كانت المسافه صغيره فممكن تتسكر بالحشوات التجميليه الكومبوزت ..

مادري والله حبيبني ساليه اذا في مجال يسويلج اياها وال لا

 

[دكتورة أسنان]

الله يابج

ابي اعرف شلون افرق بين العصب والسوس وانا بالبيت قبل ماروح الطبيب في طريقه؟

وعندي عصب قديييييييييم امبيه يمكن صارله 6 سنين وحدي خايفه اروح الطبيب

وعندي حفر وايد
وبغيت اعرف هل ممكن اطلب بنج كامل اذا بسوي هالصعب لاني اتوقع اني ماتحمل كلش اني اكون قاعده خصوصا ان ورا وفوق

انتي عندج عياده؟

انا يبيلي ترميم وخايفه صراحه

هلا حبيبتي ..
العصب غالبا اذا كان واصل اخر مراحله ممكن تفرقينه عن السوس العادي .. الم ما تتحملينه و يقعدج من النوم بعد اما السوسه العاديه فتعرفيها من الحلويات .. اذا حاشها شيره تعور و اطخ عادي .. بس مو مقياس هالحجي لان ساعات تكون السوسه قريبه و تعور عوار العصب بس مو عصب !

حتى الاشعه ساعات تخدع لانها صوره ثنائية الابعاد لجسم رباعي الابعاد ! فالحل الوحيد هو الفحص بالعياده حق هالحالات ..

و في حالات تبين من النظر العصب مكشوف وردي .. يعني عايمه حسب الحاله ..

ممكن تطلبين بنج عام في بعض المراكز سالي عنه .. حبيبتي لا والله ماعندي عياده انا تابعه الحكومه

 

[RmRom]

يا سلام عليج يا دكتورة

جزاج الله ألف خير

هالموضوع في ميزان أعمالج إن شاااء الله

دكتورة يا ليت تشرحين لنا طريقة جراحة الأسنان .. يعني لما يكون فيه سن ما ينشلع لانه مكسور .. يضطرون يسون له جراحه

أشلون تتم هذي الجراحه ؟

وسؤال ثاني : في أعلى لثتي طالع لي شي لما ألمسه يعور حجمه حجم الكورة الصغيرة .. مدري فهمتي على وصفي ؟ هذا شنو ؟ وأشلون أتخلص منه ؟

ومشكووورة ويعطيج ألف عافيه

 

[يابختي]

دكتورتنا..ابي استشارة...لو سمحتي..

انا اسنان الفك السفلي داشة ببعضها من طلع لي ضرس العقل...ابي اسوي شي اعدلهم.بس مابي تقويم ولا ابي اشلع اسنان...يصير؟؟؟

يعني ابي شي تجميلي...لاني سامعة عنه بس مو عارفة اسمه...

وسؤالي الثاني..ابي اعرف اضرار تبييض الاسنان بالليزر...

 

[تلفوني رن]

مرحبا اختي عندي جم سؤال ماعليج امر

اول سؤال : انا مسويه كراون لاسناني الاماميات السته اللي فوق الوضع الحمدالله تمام بس اللي متعبني سالفه اللزق المؤقت يعني

حطلي لزق مؤقت وبعد فتره قامو يطيحون واروح ويحط لي دائم هل هالشي بجميع العيادات ولا شسالفه واللزق الدائم جم يدوم؟؟ وهل مع

الحمل والولاده احتمال يطيحون ؟؟


السؤال الثاني : بغيت اسألج شنو الطبقه البيضا اللي تطلع فوق اللثه احاول اوخرها لما افرش ماتروح واطر مرات اشيلها باأيدي

حدها تفشل جنها وصخ بس مووصخ لاني افرش شنو الحل؟؟

السؤال الثالث: انا الفم عندي حمضي وهالشي مضعف لي اسناني حيل يعني بسرعه يسوسون وبنيتهم ضعيفه مايتحملون شنو الحل؟؟

واسفه عالاطاله

 

[l.6o0ofa]

السلام عليكم اشلونج دكتورا
بغيت اسألج جم سؤال
1 انا شايله ضرسي جراحه وبعد اسبوعين اكتشفت ان الدكتور مو شايل الضرس كله ومخلي الجذور ؟؟؟؟؟؟؟؟ شنوراح يسولي بهالحاله ويوم رحتله شكله مو عارف شنو يسوي مع العلم اني مسويا الجراحه بالمستوصف مادري ان لازم تحويل الله يسامحه لعب فيني عدل
2 ممكن الضرس اللي فيه الحشوه الدايمه يعور لان بعض المرات احس بعوار يروح ويرد وانا مااكل عليه
والله يعافيج

 

[الاسطورية]

مشكوره ماقصرتي ياريت من خبرتج اذا تعرفين دكتور زين تفيديني

 

[Mysterious_Girl]

السلام .. دكتوره شالفرق بين تبييض الانسان وبقشرة السيراميك بين الليزر و القالب؟؟ وشنو افضلهم ؟ وشنو اكثر واحد فيهم يطلعهم بيض؟؟

 

[قطوة@@]

السلام عليكم

دكتورة يعطيح العافية

بغيت اعرف احسن دكتور و لا عياده لتلبيس الاسنان الامامية

ابي شي طبيعي و الضحكه تصير حلوة

امدحولي د. طارق ابو رزق عياده اسنان
و
عبدالهادي شهاب عياده فرجينيا

بس مو عارفه اذا في احسن منهم ؟؟

انتي بشنو تنصحيني

يعطيج العافية و جزاج الله الفي خير

 

[دكتورة أسنان]

يا سلام عليج يا دكتورة

جزاج الله ألف خير

هالموضوع في ميزان أعمالج إن شاااء الله

دكتورة يا ليت تشرحين لنا طريقة جراحة الأسنان .. يعني لما يكون فيه سن ما ينشلع لانه مكسور .. يضطرون يسون له جراحه

أشلون تتم هذي الجراحه ؟

وسؤال ثاني : في أعلى لثتي طالع لي شي لما ألمسه يعور حجمه حجم الكورة الصغيرة .. مدري فهمتي على وصفي ؟ هذا شنو ؟ وأشلون أتخلص منه ؟

ومشكووورة ويعطيج ألف عافيه

هلا حبيبتي مشكوووره تسلميلي ..

بالنسبه لسؤالج الاول .. جراحة الاسنان بحر و يختلف التكنيك باختلاف مكان و نوع الضرس بالاضافه الى سبب الخلع .. ولكن واضح انج تقصدين الضرس المكسور تاجه ( اقصد الجزء البارز فوق اللثه ) و المتبقى منه فقط الجذور عدل ؟ بهالحاله اذا كان الجذر سليم ممكن ينشال باداة تشبه المفك ( طبعا بعد البنج الموضعي ) توضع الاداة بين الجذر و اللثه وبالارتكاز على عظام الفك تتم ازالة الجذر.. و في بعض الاحيان يكون الجذر مكسور او مفتت هنا يحتاج الطبيب الى ان يفتح فتحه صغيره باللثه لكي يرى الجذر بوضوح و طبعا كل دكتور و تكنيكه .. في دكاتره تحب تستخدم المفك و دكاتره تحب تشوف و تشيل بالخلاعه الرفيعه .. اذا كان مكان الخلع كبير و الجرح كبير ممكن ينم عمل غرزه او 2 حسب كبر حجم الجرح لتساعده في عملية الالتئام اما في وضع المفك لا يحتاج المريض الى الغرز ابدا ..

بالنسبه لسؤالج الثاني .. شنو لونها و حجمها تقريبا ؟؟ و هل اذا ضغطتي عليها تتحرك ولا ثابته ؟ و يطلع منها سائل اصفر او دم ولا ماكو شي ؟ و هل يوجد حولينها ضرس فيه حشوه او مكسور او عصب ..

الله يعافيج حبيبتي و ناطره ردج

 

[دكتورة أسنان]

دكتورتنا..ابي استشارة...لو سمحتي..

انا اسنان الفك السفلي داشة ببعضها من طلع لي ضرس العقل...ابي اسوي شي اعدلهم.بس مابي تقويم ولا ابي اشلع اسنان...يصير؟؟؟

يعني ابي شي تجميلي...لاني سامعة عنه بس مو عارفة اسمه...

وسؤالي الثاني..ابي اعرف اضرار تبييض الاسنان بالليزر...

هلا حبيبتي ..

قصدج اللمينيت ؟ اللي اهو قشور البورسلان ؟ او الفينيرز اللي اهي التلبيسات ؟؟ كل شي يصير بس حبيبتي اذا تبين رايي ما انصحج فيهم وايد مشاكلهم و يحتاجون عنايه كبيره بالاضافه الى انهم يحتاجون الى برد الاسنان السليمه و هالشي يضعفها ..

و اذا قصدج تبين اشرحلج الطريقه ..

اللامينيت ( قشور البورسلان ) يتم فيه برد 1\2 ميللي من الجهه الاماميه للاسنان و يلصق عليها قشور مصنوعه من البورسلان تشبه العدسات الاصقه بالترتيب اللي تحبينه ..

اما الفينيرز ( التلبيسات ) يتم فيها برد 2 ميللي من الاسنان في جميع الجهات و من ثم يوضع عليها تاج من السيراميك او الذهب او الاثنان معا حسب طلب المريض و هكذا بالنسبه لجميع الاسنان و بالترتيب اللي تحبينه بعد ..

و الاثنين لهم مضار الحساسيه و الرائحه الكريهه بعد فتره طبعا تصل الى 6 سنين يعني مو بنفس الوقت .. بالاضافه الى تغير لون حواف التلبيسه .. و الشي الاهم ان شكلهم يبين انهم موطبيعيين .

بالنسبه لسؤالج الثاني .. مضار الليزر حساسيه الاسنان و اللثه و هذا شي اساسي في ناس يطول معاهم و ناس يخف بمجرد الخروج من العياده .. واذا تحبين تقرين اكثر عن التبييض اقري موضوعي عن تبييض الاسنان ..

http://q8yat.net/showthread.php?t=227422

و اي سؤال انا حاظره

 

[ANGELICA]

لي عوده مايتطوف

 

[دكتورة أسنان]

مرحبا اختي عندي جم سؤال ماعليج امر

اول سؤال : انا مسويه كراون لاسناني الاماميات السته اللي فوق الوضع الحمدالله تمام بس اللي متعبني سالفه اللزق المؤقت يعني

حطلي لزق مؤقت وبعد فتره قامو يطيحون واروح ويحط لي دائم هل هالشي بجميع العيادات ولا شسالفه واللزق الدائم جم يدوم؟؟ وهل مع

الحمل والولاده احتمال يطيحون ؟؟


السؤال الثاني : بغيت اسألج شنو الطبقه البيضا اللي تطلع فوق اللثه احاول اوخرها لما افرش ماتروح واطر مرات اشيلها باأيدي

حدها تفشل جنها وصخ بس مووصخ لاني افرش شنو الحل؟؟

السؤال الثالث: انا الفم عندي حمضي وهالشي مضعف لي اسناني حيل يعني بسرعه يسوسون وبنيتهم ضعيفه مايتحملون شنو الحل؟؟

واسفه عالاطاله

هلا حبيبتي ..

بالنسبه للزق المؤقت عادي يطيح لانه مؤقت .. بس الدائم لا مو المفروض انه يطيح فلاتحاتين ..

بالنسبه لسوالج الثاني .. الطبقه البيضه على اللثه فوق كل الاسنان ولا سن واحد ؟ و تعور ولا لا ؟ ولمن تشيلينها هل في تحتها نقطه صغيره حمرا ؟؟ حاولي تعطيني اي معلومه عنها علشان اقدر افيدج

اما سؤالج الثالث .. عللى اي اساس حمضي يعني من شنو ؟ في لا قدر الله شي معين يخليها جذي ولا انتي تتوقعين ؟ عموما بالنسبه لبنية الاسنان هذا شي وراثي للاسف .

لا حبيبتي حياج الله