رودي للاستشارات الهندسية

[rudy]

مرحبا رودي يعطيج العافية حبيبتي

بغيت اسالج عن الاضاءة بالبيت ككل وخاصة الصالات وغرف النوم

نتصحيني بشنو سبوت لايت والا نيونات او اللمبات العادية اللي يصيرون بالثريات

والا اسوي مكس مثلا غرف النوم سبوت لايت مع نيون حتى يصير توازن بالاضاءة

اشرايج ؟

مرحبا اختي
كل الي ذكرتيهم مهمين بس بالمكان المناسب
على سبيل المثال
انا صالتي اليومية فيها 5 انواع لللإضائة وهي
1- ابجورات
2- ابليكات
3- ثرية بالوسط
4- اضائة مخفية نيون اصفر
5- سبوت لايت
فمثلا بالنهار افتح النيون ( لأنى ما احب النيون وايد احسه ينرفز ويعور العيون خاصة اذا كان اللون ابيض)
والمغرب اسبوت والثريا
باليل لما اشوف التلفزيون احب اشغل الابليكات
وباليل كلش لما ينامون العيال وابي هدوء اشغل الابجورات
يعتمد على الوقت
ومثلا لو عندك ضيوف راح تشبين اغلب الإضاءة

والحين انتي قرري​

 

[الكيكة]

السلام عليكم
اشلونج رودي ... لكم وحشه
بس داشه اسلم

 

[ســتارز]

مشكورة رودي ربي يوفقك يا رب

 

[rudy]

السلام عليكم
اشلونج رودي ... لكم وحشه
بس داشه اسلم

:nbvppw:
من وين طالع القمر



:bye22:
​

 

[ام عمار]

يعطيكي العافية

 

[&أضوى&]

يا عمري ابي مساعدتكم ورايكم
انا عندي غرفه صابغتها لون بنفسجي فااتح فامادري شنو احد لون الستاره .... شنو تنصحون اي لون
انا ابيسوي غرفتي عند منجره شرايكم احط غرفتي اي لون ؟؟
اخذ غرفه كامله مع السرير والا اخذ غرفه كامل من غير السرير واشتري سرير طبي
بنات تكفوووون شرااااايكم ؟؟؟
انا محتاره

 

[داريني]

ترا انا سالتج سؤالين وللحين ما رديتي علي

 

[رورو الحلوة]

السلام عليكم اختي رودي


انا اخصائية نفسية في مدرسة بنات ابتدائية حابه تعطيني افكارج بالنسبة لتجهيز المكتب خصوصا ابيه يكون بيئة جاذبة للحالات
والله يعطيج العافية

 

[q8 sara]

السلام عليكم بنات شلونج اخت رودي ؟؟ , والله انا مشكلتي تونا ساكنين بيتنه و حمداللة خلصت غرفتي و اثثتها بس احس انه في شي ناقصها يعني احسها فاضيا شنو تنصحيني بليييز مساعدة

 

[rudy]

حبيبتي انا عندي صاله استقبال الي بسويها
سقفها نازل او واطي
شنو الوان المناسبه حق الصاله وابي الوان تعطي وسع ؟

عذريني رديت عليك رد طويل عريض بس ماقدرت ابعثة وانمسح
بس باختصار
مافي الوان معينة للصالات والوان لغرف النوم
وبالنسبة للصالات الي سقفها واطي ننصح بالمقلم بالطول
او انك تصبغين لون سادة وتحطين الستاير مقلمة طبعا بالطول
واذا الشباك كبير لا تسكرين الستاير لأنها راح تصير مثل ستارة المسرح
ومع قصر الطوفة راح تصير ماساة حطي شتر
الالوان الفاتحة تعطي وسع وشارحية
وابتعدي عن الغامج واذا خاطرك فيه حطيه جهة وحدة بس

وتر في سر كثير غافلين عنه
وهو




.






.





الزرع

يعطي للمكان لمسات سحرية وتخلي غرفتك فيها جاذبية وحياة والكل يتعجب منها بس موعارفين السر

وسامحيني على التاخير بالرد​

 

[rudy]

السلام عليكم اختي رودي


انا اخصائية نفسية في مدرسة بنات ابتدائية حابه تعطيني افكارج بالنسبة لتجهيز المكتب خصوصا ابيه يكون بيئة جاذبة للحالات
والله يعطيج العافية

مرحبا اختي

حاولي ما تحطين صور رسوم متحركة او شخصيات على الطوفة
احسه موديل قديم ويصلح للروضة
وحاولي تحطين بالمكتب اكسسوارات والعاب تخلي الي يقعد معاك يتسلى فيهم مثل العاب الذكاء والعاب المغناطيس والبندول .الخ
!

!


انا ماني فاهمة بضبط شنو احتياجاتكم بالمكتب
يعني تحتاجين اماكن تخزين ولا لأ
اذا تحتاجين حاولي توحدين التخزين يعني نفس العلب او الصناديق تعطي المكان شكل ارتب
عندي افكار وايد بس مادري شنو تحتاجين

ويعتمد على الميزانية

شرايك تحطين الارضية باركية رول بلاستك هذا اذا كانت الارضية كاشي مو سيراميك

اهتمي بالإضائة ولونها وحطي زرع وحطي علبة فيها هدايا تشجيعية

ولا تلصقين على الطوفة صور اي شي تبينة في برواز ويتعلق


حطي ستارة فينسية خشبية مالت المكاتب شكلها راقي وحلو

 

[rudy]

السلام عليكم بنات شلونج اخت رودي ؟؟ , والله انا مشكلتي تونا ساكنين بيتنه و حمداللة خلصت غرفتي و اثثتها بس احس انه في شي ناقصها يعني احسها فاضيا شنو تنصحيني بليييز مساعدة

مرحبا اختي

@@

اكو بنت غرفتها فاضة

شلون

الله ياكثر دثرتنا احنا يالبنات

لاحقة خير ابتنترس وراح يصير غزو على الغرف الي حواليك


بس بغيت اسالك غرفتك فيها قنفة
اذا ما فيها حطي

ومكتب تحتاجينه اكيد

مكتبة للكتب وغيرلكتب

طاولة جانبية يم القنفة عليها ابجورة وتليفون ولاب توب


خلي لك ركن قراءة

وذا تبين ارتبها لك علميني شنو فيها وانا اقترح عليك الاضافات​

 

[rudy]

يا عمري ابي مساعدتكم ورايكم
انا عندي غرفه صابغتها لون بنفسجي فااتح فامادري شنو احد لون الستاره .... شنو تنصحون اي لون
انا ابيسوي غرفتي عند منجره شرايكم احط غرفتي اي لون ؟؟
اخذ غرفه كامله مع السرير والا اخذ غرفه كامل من غير السرير واشتري سرير طبي
بنات تكفوووون شرااااايكم ؟؟؟
انا محتاره

مرحبا اضوى

انا لما صبغت غرف عيالي اخذت الاوان ورحت سوق الاقمشة وهناك قعدت اقلب بهالمساطر لأن السوق مو على كيفي والبنفسجي الفاتح يمشي معاه الاخضر الفاتح او البنفسجى الغامج مع لون ثالث تختارينه مثل الوردي او الاحمر وبعد حلو معاه الفوشية

بالنسبة للون الاخشب كل الالوان حلوة ...بس شرايك بالابيض يشرح القلب بس يعتمد على الموديل الناعم ستايل فرنسي مو ايطالي

وبالنسبة للسرير تقدرين تاخذين الماترس بروحة يعني النجار يسويلك الظهر بس على اساس عرض السرير الي شريته

وانا انصحك انك تاخذين ماترس​

 

[rudy]

مشكورة رودي ربي يوفقك يا رب

مشكورة​

 

[ام الشوق]

حبيبتي الله يعافيج ممكن تفيديني آن غرفة نومي حمرة وسودة شنو انسب ورق جدران ولارسومات واي لون احط عشان تبرز عدل ومشكورة

 

[rudy]

حبيبتي الله يعافيج ممكن تفيديني آن غرفة نومي حمرة وسودة شنو انسب ورق جدران ولارسومات واي لون احط عشان تبرز عدل ومشكورة

مرحبا ام شوق

الاحمر والاسود يبرزهم الابيض + درجة الرمادي الفاتح او الفضي

وحلو انك تصبغين الغرفة ابيض وتحطين رسومات او ورق جدران

 

[داريني]

مشكووووووره وايد حبيبتي

 

[سنعه ومنعه]

حبيت أسطر أعجابى فيح أخت رودى


وأناا فى معمة تشطيب مانستغنى بشوف شى بقولج تذكرت ما أدرى توافقينى الرأى أولااا

أنا صبغت أبواب غرف النوم أبيض ديزان مربعات ومسكة فضية ,, وحطيت بممر غرف النوم خط فاصل بالديكور أصبغة ابيض فاصل بين لونين تحت غامق وفوق أفتح أشرايج؟؟ أختار أى لون؟ واللون اللى فوق الفاصل هو بيكون اللون الموحد للغرف كلها

وبعد بعتمد ستاير غرف النوم ..ماعدا الماستر,,,,,كلهح
فيها الأبيض سواء شيفون أو تور أو دانتيل
أبيض ؟ أى خامة أحسن وشنو؟ اللون الثانى معاة؟ يعنى اللون الستارة الرئيسى؟ شنو الخامة واللون؟\\

وبختاررر لون صبغ موحد اللبيت فوق أختار أى لون؟؟؟ أنشاللة تكون أسفساراتى واضحة

 

[&أضوى&]

rudy

انشالله ابسوي لون غرفتي لون ابيض احسن احلى
فـــــــــــــــديتج يا قلـــبي ويعـــطيج الـــعافيه

 

[ام الشوق]

مشكورة حبيبتي ماتقصرين بس كلش مايركب يعني ورق جدران احمر والاثاث احمر