رودي للاستشارات الهندسية

[rudy]

يعطيج العافية اختي العزيزة رودي على الموضوع الحلو,,,,والشكر للأخوات كيكة وام هاني وكل من شارك بالموضوع:tek:


صارلي ثلاث ايام وانا اقرا الموضوع لحد ما وصلت اليوم ,,,لأخر الموضوع ( تعبت):ada:


انا ابي اسألكم وياليت تساعدوني لان مال الديكور ينطرني

شنو الستايل الدارج للديكور ,,لازم المخفي !!!!

لا مو لازم حسب ذوقك ورغبتك​

واذا بحط مخفي لازم بكل الغرف ولا بس الاستقبالات وغرف الماستر؟؟؟؟

:dddds: فعلا انا حاطة بالاستقبال والماستر​

ايييييييييييييييييه ,,,, اسوي حركات مثل مربعات ودوائر ولا عادي ؟؟؟؟ ويفرق بالسعر ؟؟

اكيد يفرق السعر وعلا حسب ذوقك وعلى حسب النوع موديرن ولا كلاسك وتقدرين من مجلات الديكور تعرفين شنو الدارج الحين او سوي جولة بالبيوت الجديدة وتشوفيلك بعض الأفكار​

ابي اكسي البلكونة شنو انسب نوع تراني عليميه مدري يسمونه كاشي ولاوشو؟؟؟

انا كسيت البلكونات سيراميك شكله احلى ومايفرق بالسعر​

رودي بانتظارردك والاخوات اللي تتفضل وتخدمنا بمعلوماتها اكون شاكرة:klhfl:



سلام عليكم​

وعليكم السلام

 

[shjoon]

رودي حبيبتي ... سمعت ان الحين لسطوح ما يبلطونها يحطون مادة زجاج مدري صلبوخ

علميني شالسالفة ... كلام ريلي صج ولا يدور الرخص

 

[rudy]

كلام ريلك عدل لان الكاشي مع الوقت يسرب ماي وتاثر في الشمس في مواد جديدة يفرشون فيها السطح مثل الفوم وسكريت مصطلحات نسيتها بس القاولين يعرفونها وعليها كفالة

 

[blue-shadow]

ريدو بلييززز



ابي اصبغ داري .. بس مادري شنو اصبغهااا


ودي احط ورق جدران لون طووفه وطووف بااقيه صبغ ...



بس ابي لووون حلووووو ... @@ .. مادري شنو احطـ !!


< محتارهـ



^_^


ممكن تفيديني بخبرااتج . يا حلووهـ ...!!

 

[(لورا)]

الله يعطيكم العافية على الأفكار الحلوة

 

[rudy]

مرحبا بلو شدو
انا مرة رحت محلات الديكور الي مقابل البحر سنتر وبالاخص دشيت محل ميداس كنت ادور ورق جدران ولا عندهم مسطرة تشوق ستايلها كانه اوليلي الوانهم حلوة وفيهم نوع كانه دانتيل ابيض وارضيته وردية حدة رقيق

القصد من هالكلام انك لما تروحين لمحلات الديكور راح اتيك افكار يديدة وتقتنعين من الوان ما كانت على البال

 

[أحـــــلام]

هاي رودي

حبيت استشيرك في شي جدا مهم بالنسبه لي

انا ابي احط تلفزيون سنمائي في داري يعني بعلق التلفزيون فالطوفه

ومحتاره من سالفة الوايرات اللي طالعه من التلفزيون

اشـلــون اقدر اخفيها ؟؟ ابي طريقه ماتخرب على ديكور الطوفه

لاني ماراح احط مكتبه للتلفزيون ولا حتى قاعده .. ابي شكله ابروحه امعلق فالطوفه بس الوايرات حدها محيرتني

 

[زري وترتر]

قوة رودي
حابة استشيرج انا عندي صالة الأستقبال طويلة حيل تقريبا 13 متر وحابة اغير الأثاث بس مشكلتي اني كل ماأغيرة الأثاث احس انها فاضية وغير هذا لما يزورني اي شخص ما اقدر اقعد اقبالة لازم يمة <بجانبة>لان الطوفة إلي قبال الكراسي فيها ثلاث بيبان مداخل ومخارج للصالة وما اقدر استغني عنهم فساعديني

 

[أم تروفه]

مرحبا اختى ياليت تساعدينى بتصميم فيلا لى تكون دور واحد وانا عندى 3 عيال وبنتين ومساحة الارض 600 م بصراحة اثق برايج وياليت تساعدينى

 

[أحـــــلام]

روووودي وييييينج ؟؟

عسى ماشر صارلج يومين مو شابكه وانا ناطرتج

 

[blue-shadow]

تسلمينـــ فديتج ..


برووح اشووفـ انشاء الله .. { ... :eh_s(6):

 

[في احضان مجهول]

صباحوووو حبيبتي رودي

الله يرضى ياحلوه ابغى اخذ رايك انا عندي صالون كبييير يمكن 12*6 وابغى اصبغه واشتري له جلسه ابغاها تكون عمليه ماابغاها ارضيه ولا مرتفعه ابغاها بينهم
شو رايك باالوان الصبغ وطريق الجلسات و الستاره شنو اعمل فيها?
نوريني الله ينور عليك
واذا رديتي ياغلاي ردي ع الخاص لانو انسى المواضيع اللي دخلتها و اصير احوس بكل المنتدى ادور ع الموضوع اللي كتبت فيه استفساري
واذا تبي اطرش لج صور البيت من عنوووووووني اطرشهم لج
بس اهم شي مايجي نهاية الشهر الا وانا مقرره شنو اصبغ وشنو اختار جلسه واثاث و اكسسورز
لانو اختي راح تولد و مو عدله يجو اهل زوجها يزوروها والبيت مو حلوه

شاااااااااكره لج مقدما حبيبتي

 

[rudy]

هاي رودي

حبيت استشيرك في شي جدا مهم بالنسبه لي

انا ابي احط تلفزيون سنمائي في داري يعني بعلق التلفزيون فالطوفه

ومحتاره من سالفة الوايرات اللي طالعه من التلفزيون

اشـلــون اقدر اخفيها ؟؟ ابي طريقه ماتخرب على ديكور الطوفه

لاني ماراح احط مكتبه للتلفزيون ولا حتى قاعده .. ابي شكله ابروحه امعلق فالطوفه بس الوايرات حدها محيرتني

مرحبا احلام
يبيلك عامل متخصص يمدد لك واير الكهرباء والرسيفر ويرفعهم مكان ما تبين بعدين يسكر الطوفة ويصبغها
او
يركب لك النجار لوح خشب عريض وتمدد من وراه الوايرات ويركب التلفزيون فوقه
وفيه نوع من الوايرات سمعت عنها بس ما شفتها تكون مثل الشريط او اللزاق تثبت على الطوفة وتصبغ من صبغ الطوفة​

 

[rudy]

قوة رودي
حابة استشيرج انا عندي صالة الأستقبال طويلة حيل تقريبا 13 متر وحابة اغير الأثاث بس مشكلتي اني كل ماأغيرة الأثاث احس انها فاضية وغير هذا لما يزورني اي شخص ما اقدر اقعد اقبالة لازم يمة <بجانبة>لان الطوفة إلي قبال الكراسي فيها ثلاث بيبان مداخل ومخارج للصالة وما اقدر استغني عنهم فساعديني

بالعكس عمر البيبان ما كانو مشكلة تقدرين تحطين جدامهم قنفة بس لازم تعطيني القياسات او رسميلي رسم مبسط علن غرفتك بابعادها مع تحديد البيبان والدرايش وانشاء الله اقدر اساعدك​

 

[rudy]

مرحبا اختى ياليت تساعدينى بتصميم فيلا لى تكون دور واحد وانا عندى 3 عيال وبنتين ومساحة الارض 600 م بصراحة اثق برايج وياليت تساعدينى

مرحبا اختي
قبل لا تروحين الي مكتب هندسي
حضري ورقة وقلم وسجلي احتياجاتك
وبما انه امكانياتك محدودة وما تسمح ببناء دورين فعلى الاقل تحتاجين 3 غرف نوم للعيال وحدة للبنات مع حمامها و2 للاولاد مع حمامهم
وتحتاجين غرفة رئيسية لك مع حمامها وغرفة ملابس واكيد صالة يومية واستقبال ومطبخ رئيسي ومطبخ تحضير وغرفة خدم مع غرفة غسيل وغرفة ضيوف.....الخ

بعد ما تكتبين كل احتياجاتك قدري المساحة المطلوبة لكل غرفة

على فكرة انا كنت ساكنة في دور مساحتة 500 وفيه كافة احتياجاتي ومن ميزاته ان ملحق البيت شابك بالبيت مادري شلون اشرحلك بس اهو متصل ومعطي اتساع كبير للغرف.

 

[lo0ola]

شي مميز

 

[بنوته cool]

حبيبتي رودي.... بغيت اسالج وين القى جاكوزي نفرين مع شور بوكس؟؟
ويا ريت تدليني على اكثر من مكان عشان اقارن بين الاسعار
شاكرتلج جهودج الروعة.:eh_s(7)::eh_s(7):

 

[rudy]

هلا بنوتة كول
انا شايفتهم عند تيسير بالشويخ
يم بي ام اذا ماني غلطانة

 

[ســتارز]

مرحبا رودي يعطيج العافية حبيبتي

بغيت اسالج عن الاضاءة بالبيت ككل وخاصة الصالات وغرف النوم

نتصحيني بشنو سبوت لايت والا نيونات او اللمبات العادية اللي يصيرون بالثريات

والا اسوي مكس مثلا غرف النوم سبوت لايت مع نيون حتى يصير توازن بالاضاءة

اشرايج ؟

 

[داريني]

حبيبتي انا عندي صاله استقبال الي بسويها
سقفها نازل او واطي
شنو الوان المناسبه حق الصاله وابي الوان تعطي وسع ؟