مرحبا اخت بريتي سويل
اختي لو سمحتي عندي كم سؤال
غرفة نومي 4متر في 4 متر وحبيت أغيرها لكن المشكلة إن الجدر خشب لأن بيت أهلي جدرانة خشب من الداخل
ولونها رمادي وبين كل قطعة وقطعة خط محفور ولونه أسود حبيت أغير هذا اللون ألبسه خشب من جديد لكنه مكلف جدا
تقدرين تركبين فوقه ورق جدران واكيد تكلفتة اقل بس ييبي واحد فاهم
أن أعرف إن المساحة إن كانت ضيقة ألوان الحائط فاتحة تعطي انطباع بأن المساحة واسعة وراحة كبيرة.
كلامك صح 100%
وأكره الأوان الغامقة لكن أهلي يفضلونها أقصد بالكنبات طبعا إحنا أرضية الصالة اللي نقعد فيها موكيت موسيراميك والمشكلة إنه عنابي غامق والكنب غامق فتغير لون الصالة وسبب ضيق حتى بالنظر.
شنو الحل؟؟؟
الحل انكم تغيرون يا لارضية يا القنفات
بخصوص غرفة النوم عادي إن استغنيت عن الأباجورة لأن غرفتي صغيرة وماأحب الزحمة في الأثاث.
تقدرين تحطين اضائة بالطوفة يعني الابجورة معلقة بالطوفة مثل الأبليكات
وإضاءة بيتنا فلورسنت من اللمبات الطويلة أغير للإضاءة الصفراء الفاتحة أم أبقى على القديمة؟؟؟
الاضائة الفلورسنت او الي نسميها نيون تخرب الالوان وتعور العين وتستعمل بالمكاتب ولو فكرتي تغيرين الاثاث وتضلين على اضائة النيون حسافة ما كانك سويتي شي واذا ما تقدرين تغيرينهم على الاقل غيري لون المبة من الابيض الى الون الأصفر بس مو الاصفر بمعني لكلمة لا الي قريب من السكري
ومع الكنب جات طاولة طقم كبيرة وقطع صغيرة لكنها موخشب مصنعة بالقماش وفوق الطاولة زجاج وتندمت إني سويتها لو شريت طقم خشب أفضل بكثير لكن ماعندي خبرة فهل عندك حل أو اقتراح؟؟؟
مادري والله بس الموديل الي تكلمتي عنه هذا قديييييييييييييييييييييييييييييييم جدا خبري فيه قبل الغزو بس ماشفته عقب
تقدريت تغيرينه بطاولات شفافة تعطي شراحية للمكان
ألحين إن كان الشباك وراء الكنب مباشرة شنو الحل مع الستارة؟؟؟
سوي ستاير رومانية
