السلام عليكم ورحمة الله
مشكووووووووووووووره اختي على الموضوع الحلو
صراحه وايد شجعتيني على اني مصره لكن كل الي حولي يحبطوني
انا احمد ربي اني راجعت بحملي عند مستوصف حكونه لاني راجعت عند دكتوره ايمان اليافعي
واهي الي علمتني عن الرضاعه الطبيعيه وشجعتني وتقريبا عطتني كل المعلومات الي قلتيها لكن حبيت في موضوعج التجربه
لاني كنت احاتي المستشفى ان يعطون البيبي صناعي وكنت احاتي الاستقبال والحمدلله لقيت عندج الاجابه
هذا موقع الدكتوره ايمان http://dr-eiman.spaces.live.com/ واهي تحب تشجع على الرضاعه
الي عندها اي سؤال يسألها
بس حبيبتي حبيت اسأل جم سؤال من خبرتج
الاول ان الدكتوره قالت لي لا تستخدمين كريم للتشققات لكن دهني الحلمه ودلكيها من حليبج احسن ؟
والثاني تقول من الغلط انج تمهدين البيبي حزة الرضاعه
والثالث أكل النفاس ؟؟؟؟؟؟؟؟؟؟ يقولون انه وايد حار على البيبي ويأذيه بالرضاعه الطبيعيه يليت تذكرين لنا الاكل الي ما ناكله
ويعطيج الف عافيه اختي زما قصرتي
الله يقدرج وتقدرين اترضعين ان شاء الله ...
تبين الصراحة ... مشكلة مجتمعنا ايييب الإحباط حق اللي تبي ترضع طبيعي مع ان المجتمعات الغربية اتشجع على الرضاعة واحنا مذكورة في قرآننا ... لكن ما نعطيها حقها للأسف ...
أنا والله كنت أبجي من الضغط اللي اييينيي لأني ارضع طبيعي ... وحرام بنتج يوعانة ... عطيها حليب صناعي ... وخصوصا اذا حزة ناس ياييين ... ايطفروني ... ياخذون بنتي لما اتصيح علشان اجابل الأوادم ... وانا اعصب ... ويعطونها حليب من وراي ... ولما شاي اعشاب ... استخف ... حبيبتي ... اتكون يوعانة ... ويسدون يوعها ابخرابيط ...
علشان جذي انا قلت ضروري نتكلم بالموضوع ... ان ترى في صعوبات اتواجه اللي بترضع طبيعي ... في نقص بالمعلومات ... وضغط من اللي حوالين الأم انها اتقدم الحليب الصناعي للطفل ... الله يعين ان شاء الله ...
سؤالج الأول: كريم التشققات:
اكيد في مراجع اتقول ان حليب الأم هو مطهر للثدي ... كلام ما يختلف فيه أحد ... بس بصراحة أنا ما فادني وايد ... عقب التشقق ولما طابت الحلمة .. صار ممكن اعتمد على الحليب ... بس بالنسبة للحلمة أنا أحس انها تخترع من الرضاعة ... تخيلي .. يعني استخدام جديد عليها هههههه .... دكتورتي قالت لي أستخدم بيبانثين ... ابصراحة ما ارتحت له ... يقولون في منه نزل نوع جديد أقوى من اللي قبل بس ما لحقت عليه ... بيبانثين لازم ينغسل ... هذي مشكلته ... أنا اللي استعملته آمن للطفل ومو لازم اتغسلينه ... اللي نصحتهم فيه بصراحة ارتاحوا عليه ... واعتقد الترطيب مهم الحين .. هالمرة أنا قاعدة ارطب من قبل ... لأن احس الحلمة ناشفة من الحين ... بس لأن ما في بيبي للحين (ان شاء الله يطلع عن قريب) فقاعدة احط زيت اللوز على المنطقة علشان يرطبها
السؤال الثاني: مهاد البيبي ....
اكيد في ناس بيكفخوني .... هههههههههه ... انا بصراحة ما امهد البيبي وايد ... وخصوصا ما اربط بخيط ... بنتي مهدتها يمكن اسبوعين ... بعدين كل ما امهدها اتعصب وتحتقن ... جان اهون ... خلي معاج .. يشراكج التجربة ... ساعات البيبي يحط ايده على صدرج ... ايصير في تفاعل عاطفي حلو
بس ساعات لا زم تمسكين ايديه لأنه يستعسر ويكفخ وايد ههههههههههه
السؤال الثالث: أكل النفاس:
أي شي راح تاكلينه طعمه يروح للبيبي في الحليب
علشان جذي في ناس لهم خبرة في الأعشاب يقولج وخري عن شرب المرة والعنزروت والحلتيتة لأنه اتخلي الحليب مر ... عن نفسي أبتعد عن الفلفل الأسود ... لأنه حار ... وممكن يحبب ويه البيبي ... علشان لا انزف من عشاق الفلفل الأسود ... اقول ممكن ... أنا جربت الحلبة ... والحسو العادي ... والحمد لله ما صار فيني ولا في بنتي شي
الشغلة اللي أثرت في بنتي ... اني كنت لما ارضعها احط قلاص ماي يمي وماعون صغير بيذان أو لوز نيء ... يعني مو مالح ... بنتي طلعت اتموت على المكسرات ... وخصوصا اذا نية
سبحان الله
من الأشياء اللي تأثر على الحليب ... انا قريت عنها اهيا المرممية ... انها تقلل من الحليب ... اللي عليها الدورة تاخذها بس اللي في النفاس المفروض ما تاخذها ... والله أعلم
ومشكورة وايد على مرورج ... وراح اجيك على موقع الدكتورة ... ودي اروح لها علشان انسوي حملة مع بعض ههههه وان شاء الله اني اقدر افيدج
