قصة حب بين طلال وشيخة ... مو صج!!عجيــــــــــــبه... "قصة حقيقية"

[esperanza]

صبــــــــــــــــــــــــــاح الخيـــــــــــــــــــر ياحلواااااااااااات ..


شلونكم؟؟ مشكورين كلكم على المتابعه والتشجيع .. صج ونستوني :eh_s(22):



واسفه .. اسفه .. اسفه حيـــــــــــــــــل على الكشته امس! مو مني والله رحت اصلي ولما رديت .. لقيت القوات الامنيه "سي سيد" مصادره اللاب توب والانترنت واحتلته لي ساعه متأخره .. فما كان بيدي شي غير اني استسلم للحصار :ssssso:


الحين انشالله راح انزل بارتات يديده .. ثواني وراجعه :sfg:
​

صبااااح النووور والقرنفل

تسلمين ويعطيج العااافيه

إي عيل لازم تعوضينا الحين عن أمس ببارتااات أكثر

 

[ام سوسو]

امبي نبيل شعيل دلوعه شخبااااااااااااااااااري
اخر سنه بالثانوية


كملييييييييييييييييي
روعه
كاشته بالدوام والشغل وحدي مندمجة

نبي التفاصيل المملة عشان نعيش الجو
يالله متى يحبون بعض (حدي مستعيله )

 

[esperanza]

امبي نبيل شعيل دلوعه شخبااااااااااااااااااري
اخر سنه بالثانوية


كملييييييييييييييييي
روعه
كاشته بالدوام والشغل وحدي مندمجة

نبي التفاصيل المملة عشان نعيش الجو
يالله متى يحبون بعض (حدي مستعيله )

حدددددددددددده

 

[ام سوسو]

افا رحت ورديت و ليلحين ماكو شي يديد
بالانتظااااااااااااااااااار

 

[rawona]

بو مشعل طالع بسيارته لما دق تلفونه..

بو مشعل: الوو

احمد (ولد خالة شيخه): الوو ها عمي شلونك؟

بو مشعل: هلا .. بخير الله يسلمك .. شخباركم؟

احمد: والله تمام .. عمي ودي اكلمك بموضوع مهم مادري اذا فاضي الحين والا لا؟

بو مشعل: لا ماعندي شي .. وينك انت؟

احمد: في البيت

بو مشعل: خلاص انا ربع ساعه واوصل البيت .. تعال لي على طول الديوانيه ..

احمد: صار .. مسافة الطريج ..

بو مشعل: حياك..

بو مشعل كان عنده خبر عن الموضوع اللي يبي يكلمه فيه وقعد يفكر بشنو راح يرد على احمد..

** *** ***

بيت بو مشعل

رجع مشعل ومرته من مصر .. وللحين دلال ما قدمت رسالتها لان الدكتور طلب منها تعدل فيها شوي وتضيف عليها بعض الشغلات وعطاها موعد بعد 3 اشهر ..

الكل كان قاعد بالصاله تحت( ماعدا شيخه اللي كانت قاعده تدرس بغرفتها فوق) .. واليهال قاعدين يلعبون حواليهم ..

بدرية: مشعل الله يخليك .. حاول تكلم ابوك بموضوع زواج اختك من احمد ولد خالتك .. انا كلمته بس مارد علي .. ونظرته ما تبشر بخير!

مشعل: شيخه اشرايها باحمد؟

بدريه: شخيه ياهل .. مو عارفه مصلحة نفسها .. اهي ماقالت انها ماتبي احمد .. بس اهي ماتبي يملجون الحين .. تبي تخلص دراستها اول ..

دلال: والله ياخالتي انا معاها .. اذا ماكانت مستعده للزواج بهالفتره ومو قد مسؤولية بيت وريل وعيال ودراسه .. فمولازم الحين .. اذا تخرجت انشالله يصير خير .. (دلال وايد اتمون على خالتها .. وبدريه تحبها حيل مثل بنتها ووايد تستشيرها بامورهم وحياتهم فمو غريبه قعدتها معاهم واهم يناقشون موضوع شيخه)

بدريه: بس احمد ماقصر بعد تفهم وجهة نظرها .. وماعنده مانع يكتب بعقد الزواج شرط تكملة دراستها .. وفوق هذا كله راضي ينطرها لين تخلص دراستها بس الولد مايبي يتعلق بس يبي يملج!

مشعل: خير؟ انشالله يبون يملجون على البنت ويخلونها معلقه لين تخلص دراستها؟

بدريه: والله اختك اللي ماتبي تتزوج الحين!

مشعل: والله خوش ما تبي تتزوج الحين اتقوم تملج على الريال وتقعد في بيت اهلها جم سنه لين تخلص دراستها! شاللي حادها ترضى؟؟ وبعدين اشبيقولون عنا الناس؟؟ البنت اسمها متزوجه واهي مو متزوجه؟؟!! اذا باغيها صج يصبر عليها ! ماراح اطير البنيه!

دلال: اي صج خالتي ليش مستعيل؟ اهو توه متخرج .. على الاقل يكون نفسه وايمع له جم بيزه يقدر يفرش فيها شقته وهم حلوين لشهر العسل بعد ويكون مرتاح ماديا اكثر بعد..

بدريه: اهو بعد يفكر بالمستقبل .. وده يملج الحين علشان يقدر يقدم على الاسكان وتنحسب له هالسنين بدال ماتروح عليه .. على الاقل يستغل هالجم سنه بدال ماتروح عليه! واهو صاج يمه .. يبي لما يطلع له البيت او الارض يكون بعز شبابه علشان يتهنى فيه ..

مشعل: هيهيهي ! يحليلج يمه! اقدروا يقصون عليج؟؟

بدريه: هاو! اشايفني علشان يقصون علي؟ مدمغه؟ والا مغفله؟

مشعل: لا يمه محشومه.. بس اقدروا يقنعونج برايهم وخلوج تنسين شيخه! .. بنتج! انتي ترضين لها هالوضع؟ وبعدين انتي ضامنه الحياه؟ الاعمار بيد الله .. بس فرضي الله لا يقدر وخذا عمر احمد قبل لا تدخل عليه؟ ترضين بنتج تترمل قبل لا تشوف الدنيا؟؟ ما مات .. فرضي انه خلال هالمده قدر يدخل عليها واهي في بيت اهلها ولاي سبب كان .. طلقها .. شنو مصيرها؟؟ انتي ترضين لها جذي؟؟ وبكل الاحوال اهو الربحان لانه قدم الطلب وخلص وباجر لو ياخذله اي وحده عنده طلب قديم فعادي مو هامه!

بدريه (تبجي ومنصدمه شلون مافكرت بكل هذا)

دلال: لا ياخالتي الله يهداج لا تبجين .. ماصار شي الحين الحمدلله .. بالعكس انا اشوف كلام مشعل صح.. وانتوا بعدكم على البر مافي شي رسمي .. فاذا اهو صج شاري البنت ينطرها .. واذا مافيه صبر على طلب الاسكان .. مايشوف شر! بنتنا عندنا .. وما تستاهل انها تتزوج لسبب سخيف مثل هذا .. وشيوخه توها صغيره وحلوه ماشالله .. وكل من يتمناها .. لاهي كبيره بالعمر اللي تزوجونها لاي واحد ولا هي شينه! وانشالله بتلاقي اللي يستاهلها ..

مشعل: يالله عاد بسكم ماصار شي الحين .. دلول انا رايح الديوانيه الحين .. ماني متأخر انشالله ساعه والا ساعتين وراد ...

دلال: انشالله ..

مشعل: يالله يمه تامرين على شي؟ (وراح يحب راسها)

بدريه: سلامتك حبيبي .. حافظك الله..

مشعل: يالله .. مع السلامه ..

********************** يتبع!

​

 

[rawona]

امبي نبيل شعيل دلوعه شخبااااااااااااااااااري
اخر سنه بالثانوية


كملييييييييييييييييي
روعه
كاشته بالدوام والشغل وحدي مندمجة

نبي التفاصيل المملة عشان نعيش الجو
يالله متى يحبون بعض (حدي مستعيله )

لاحقيــــــــــــــن على الغراميات لوووول .. ليش مو متسلين بهالسوالف اللي اكتبها؟ :eh_s(22):
​

 

[» мσσ∂ч ģίяĻ «]

still waiting

 

[rawona]

غرفة شيخه


ارفعت شيخه راسها من الكتاب واهي تحس بتعب .. وايد اضغطت على نفسها بهالفتره .. وحست انها محتاجه بريك الحين

دقت على حنان..

شيخه: الووووووووووو

حنان: هلالالالالالالالالا

شيخه: ها وينججججججج؟

حنان: كانيييييييي .. الحمدلله والشكر مادري متى نعقل ..

شيخه: هيهيهي .. شقاعده تسوين؟

حنان: والله توني شابكه ... بتشبكين؟؟

شيخه: منو موجود من الشله؟

حنان: ماكو .. المليق (تقصد الزعيم) .. و حدي كول .. و فنان ... و احلى اسبرينا (رفيجتهم) .. بدوي ان يو اس اي .. بس

شيخه: امممم يالله الحين اشبك ..

واول ما شبكت شيخه على الدال نت مامداها تدخل التشنل مالتهم الا ويتها رساله من بدوي ان يو اس اي ..

التشـــــــــــــــــــات..

Ebdiwe_in_usa: yahala .. ba7laa ebnayah bel chat!

Ghareebah: besmellah ! ma emdanee shebakt! Eshdarak enee mawjoodah!

Ebdiwe_in_usa: hehehe .. ma a3lem!

شيخه تدري انه حاطها بقائمة الnotify ويبين عنده انها شابكه على الدال نت بمجرد دخولها الشبكه بس تبين له انها مو عارفه (تستعبط) ..

Ghareebah: waaaay! 9ij un5aaf minkom!

Ebdiwe_in_usa: Ghareebah!

Ghareebah: hala ?

Ebdiwe_in_usa: mn **** o e7na n3aref ba3a'9?

Ghareebah: o mn gal inaa in3aref ba3a'9?

Ghareebah: ana ma a3rfik wala inta et3arefne!

Ebdiwe_in_usa: esha3waah! Kil hal fatrah elle 6afat o ma in3aref ba3a'?

Ghareebah: ee wallah ma in3aref ba3a'9!! Shet3arif 3anee?

Ebdiwe_in_usa: ellee a3rfah inech insanah 6aybah ,, o 7asasah,, o '3air 3n bajee elbanat ellee bel internet!

Ghareebah: eshdaraak inee '3air?? 3la ay asas 7akamt?

Ebdiwe_in_usa: awal shy intee damech 5afef o 3asal… o tafkerech razeen … o salftich 7elwah … 7ata sa3at ashek etkoneen bent!!

Ghareebah: lol eshda3wah! O laish 3ad?

Ebdiwe_in_usa: l2ana a'3lab elbanat ellee 9adafthom ehnee maleqeeen, o sowalifhom tafhah o as5af minhom mafee .. o fooq hathaa damhom theqeeeeeeel… le darajat enee ma a9adeq ina fe "bent" damhaa 5afef

Ghareebah: loooooool y3nee lazem athagel damee al7en 3lshan et9adig enee bent?

Ebdiwe_in_usa: la mo lazem .. fi 6areqah as-hal!

Ghareebah: ala wahya?

Ebdiwe_in_usa: etsam3eneee 9otich!

Ghareebah: hehehe .. kan '3airak ash6ar!

شيخه بوقت قصير عرفت نوعيه الشباب اللي بالنت .. اول ما يبدونها جذي .. اول شي يقولون انتي غير عن باجي البنات!
ثانيا: يبدون يبدون الاعجاب ! << علشان يطيحون البنات المغفلات بهواهم
ثالثا: التلميح الى ان الاعجاب بهالبنت خلاه ما يقدر ينام وعفس حياته فوق تحت!!
رابعا: يقنعون البنات بفكره الارتباط والزواج وانه "غرضه شريف" << اخاف صج!
بس لازم بالاول يتعرف عليها اكثر! ومن اهني اتيي قطة الارقام وكانت شيخه اطالع هالارقام وتبتسم ولا تفكر ابد انها تسجلها او اتعبرها!!

واذا ازحقوا وما اقدروا يدخلون لها من هالمدخل .. اطلبوا منها صورتها! وطبعا هالشي من سابع المستحيلات بقاموس شيخه .. وكان الواحد يحن يشوف صورتها قبل لا يوريها صورته << لا بتموووت اذا ما شافت طلعتك البهيه! وبالاخير يدز صورته من غير ما تطلبها منه!!

وبعدين اذا هم شافوا ماكو فايده من استجابتها.. ينقلبووون عليها!! وتسمع مثل هالعبارات

اقص ايدي اذا انتي بنت!!

انت واحد مو وحده!

اذا انتي بنت صج اثبتيلي! سمعيني صوتج!!

وطبعا كانت دايما ترفض هالشغلات ولا تعبرها واذا ملقوها ازياده على طول ignore !

وهذا اللي صار بالضبط مع ابدوي ان يو اس اي!

قالها انه ما يعرف يكلم وحده من غير ما يتأكد انها فعلا بنت!! قالتله مولازم اتكلمني! وزعل وقطع فتره وتالي رد ! اوكي باكلمج بس بشرط سمعيني صوتج بس الو! وطبعا ارفضت شيخه هالشي وسوا نفس الشي عصب وطلع << زعل بويعل!

جان يرد مره ثانيه ! وطلب هالمره صورتها حتى لو كانت ياهل! وارفضت طلبه! وبالاخير اهو اللي سمعها صوته ودز اصوره من غير ما تطلب! "وين كلامه عيل يوم قال ما اكلم اي وحده الا لما اتأكد انها بنت!!" وبالاخير لا قدر ياخذ لا حق ولا باطل وحصل اخر شي ignore من شيخه و kick و band من التشنل !!


*********************************** يتبع!
​

 

[» мσσ∂ч ģίяĻ «]

بلا والله بالعكس والله خوش موضوع "ماشالله طلع عندنا كاتبات موبدعين بالمنتدى واحنا ماندري"

روونه بليز لاتأخرين علينا نبي بارت بعد << طماعين

 

[احساس الشعور]

لا يوقف

 

[ضي2007]

متابعه وبشده بالعكس قصتج اتينن بس ودي أعرف شلون التقت شيخه بطلال

 

[rawona]

متابعه وبشده بالعكس قصتج اتينن بس ودي أعرف شلون التقت شيخه بطلال

اممممممممم التقوا ب....


والا تدرين .. تابعي وبتعرفين :nbvppw:​

 

[ام سوسو]

لاحقيــــــــــــــن على الغراميات لوووول .. ليش مو متسلين بهالسوالف اللي اكتبها؟

rawona



لا حبيبتي متسلين بس تعرفين (فيني دوده لوووول بعرف اشبصير )

 

[» мσσ∂ч ģίяĻ «]

ثانكس حبيبتي كملي متابعين بضمير

 

[moon@q8yat]

تسلم ايدج وايد حلوه القصه وبانتظار التكمله

 

[rawona]

بيت بو مشعل

"بو مشعل التقى باحمد بديوانيته بذاك اليوم وبطريقته الخاصه انهى الموضوع من غير ما يعلم احد شاللي قاله او شاللي سواه .. كل اللي تعرفه بدريه ان اختها دقت ثاني يوم معصبه ومشتطه! على اساس يرفضون ولدها .. ومنو شايفين نفسهم .. ومن هالحجي .. اللي ماعطت فرصه لبدريه ترد او تتكلم.. ولما سألت بدريه ريلها خالد قالها بس سكري على الموضوع .. وبنتنا ماراح تتزوج احمد لا الحين ولا بعدين! وقال اذا سالتج شيخه عن الموضوع .. قوليلها تفركشت السالفه وبس!"


شيخه نايمه بغرفتها .. ماعندها محاضره لان اليوم الخميس..

قامت مخترعه على النغمه اللي حاطتها لحنان بتليفونها.. وتذكرت انها نست تحطه سايلنت قبل لا اتنااااام!

التلفووون: هلا باللي لفاني ..ياهلا به .. عدد دقات قلبي في غيابه .. هلا باللي ..

شيخه: شتبيييييييييييييين؟؟ (متنرفزه لانها اقعدت من النوم مخترعه)!

حنان: ويعه! الناس تسلم .. تقول الو تقول هلا .. مو اشتبين!

شيخه: حنون نقزتيني! اشعندج داقه من فير الله؟

حنان: ويهج! هذا يزاي .. اللي افكر فيج وشايله همج! بس تدرين شلون؟ عناااد ماني معلمتج اشعندي!

حنان: يالله روحي خمدي .. يقولون نوم الظالم عباده!

شيخه: حنون وثول! خلاص عاد لا تصيرين سخيفه! بعد قعدت ورديت عليج .. طارت النومه! يالله قولي اشفيج؟

حنان: المشكله ان قلبي طيب والا جان دقرتج!

شيخه: ماتقدرين ( واهي تبتسم)..

حنان: اي والله ما اقدر! ساحرتني انتي!

شيخه: هيهيهي شفتي شلون؟ ها اشعندج؟

حنان: روحي بطلي جريدة الوطن صفحه 4 وشوفي الخبر على ايدينج اليمين!

شيخه: شنو؟ شصاير؟

حنان: يالله انا سويت اللي علي وعطيتج المفتاح.. وانتي عليج اتبطلين الباب!

شيخه: حنووون! اشمفتاحه؟ واشبابه؟ شقاعده تخربطين؟!

حنان: هيهيهيهي يالله باروح الحين اهلي ناطريني تحت بنروح الشاليه .. قوليلي شيصير معاج! بااااااي!

شيخه: الووو .. حنانوووه ..! هبله سدته!

اركضت شيخه بسرعه غسلت وبدلت وانزلت بسرعه الصاله والا تلاقي مشعل قاعد يقرا الجريده ..

شيخه: مشعل بليز بليز بليز .. عطني الجريده اشوي دقيقه واردها!

مشعل واهو يرفع راسه ويطالعها: بسم الله! يالله صباح خير! الناس تصبح وتسلم اول شي! اشفيج تركضين؟ منو لاحقج؟

عبدالعزيز: هيهيهي لا جيك بس على الكشه لووول اشفيج شيوخ عسى ماشر؟ منو بفجر بشعرج؟؟

شيخه: انطم انت ولا كلمه .. طالعت نفسها بالمرايه اللي بالصاله وانصدمت! نست تمشط شعرها قبل لا تنزل .. والخصل كلها متشابكه مع بعض!

شيخه: مشعل انا رايحه امشط شعري وانزل .. لو سمحت ابي ارد الاقيك مخلص من الجريده!

مشعل: انشالله عمتي! اقول روحي مشطي كشتج لا اكوفنج الحين!

شيخه( شوي وتبجي ): يمااااااااااا (نادت امها بخوف على دلع! واركضت فوق)

عبدالعزيز: هيهيهي صج هبله!

**************************** يتبع!

​

 

[ام سوسو]

حبيبتي نزلي بارت طويل خل نقراه قبل لا نرد البيت
(وحده طماعه و مستعيله )

يعطيج العافية

 

[rawona]

امريكا..

طلال يكلم اهله بالتلفون: الحمدلله يبه كل الامور تسهلت اهني .. والسفاره كلموني امس غيرو الادفايزر مالي .. وكلمته وقالي ان اوراقي كلها تحولت عنده وانشالله من هالشهر بنصرف لي الراتب وبنهاية السنه بيصرفون لي فلوس التذكره..

بوطلال: الحمدلله .. ها وشلون موادك هالكورس؟ لقيت المواد اللي تبيها وكانوا مو منزلينها؟

طلال: لا والله الماده اللي ابيها مونازله هالكورس بتنزل انشالله الكورس الياي .. المشكله انها تفتح لي مواد ثانيه.. بس مو مشكله انشالله سهالات ..
بوطلال: انشالله .. ماقلت ناوي اتزورنا بعطلة الكريسميس والا نفس السنه اللي طافت؟ بتخلينا مانشوفك الا بعد سنه؟

طلال: والله يبى ما اتوقع اقدر ارد .. بس عندي لكم اقتراح.. ليش ما اتيوني انت وامي واخواني بالصيف؟ انا طلعت من شقتي القديمه وخذيت لي شقه بغرفتين .. وفيها حمامين وايد اكبر واوسع وبتشيلكم انشالله.. منها اشوفكم ومنها تتسيحون بامريكا ..

بوطلال: والله انشالله .. ذاك اليوم امك اتقولي نفس الشي .. اذا مانت ياي بالكريسميس بلغنا وانشالله نزورك بالصيف ..

طلال: انشالله..

بوطلال: يالله يبى ديربالك على نفسك.. وشد حيلك.. تامر على شي؟

طلال: سلامتك يالغالي .. سلملي على الوالده .. واليهال (يقصد اخوانه لانهم اصغر منه )

بوطلال: هيهيهي ماعاد فيه يهال .. كلهم اكبروا و كبرونا ..

طلال: انتو الخير والبركه ..

بوطلال: خير يبه.. اخليك الحين .. سلم على اللي عندك ..

طلال: يوصل

بوطلال: مع السلامه ..


** ** ***

الكويت

بيت بووليد


ام وليد: صج ولد اخوك تحول على حساب التعليم العالي مثل ما سمعت؟

بوليد: اي .. المسكين يستاهل .. حمد اخوي يقولي ان المسكين ضغط على نفسه وتفوق علشان يقدر يحول على حسابهم .. ماكان راضي يكلف على ابوه..

ام وليد: اشدعوه عاد! ابوه الحمدلله عنده خير ونعمه ومو مقصر عنه!

بووليد: اي ادري بس طلال مايبي يكمل على حسابه .. يبي يحس انه كسب هالشي بمجهوده وانه صج يستاهله مو بفلوس ابوه ..

ام وليد (وموعاجبها بس قالت): اي الله يوفقه انشالله .. يعني ماشالله الحين اهوا ماشي بدراسته؟

بووليد: اي الحمدلله .. ماشالله عليه شاد حيله وابوه يقول يمكن يكمل ماجستير بعد!

ام وليد ( واهي تفكر وتخطط) وتقول بينها وبين نفسها : اممم والله خوش فكره .. مدامه ناوي يكمل بره فرصه .. ازوجه فاطمه بنتي منها انها خذت واحد عنده شهاده كبيره ومنها تكمل دراستها بره!

ام وليد: ايي ماشالله .. والله يبيلي اخذ البنات واروح ازور سعاد .. من زمان عنها ..

بووليد (مستغرب لان مرته ماتحب تودي بناتها معاها لبيت اخوه): تستاهل العنوه ام طلال .. زين تسوين!



***************** ها كافي لليوم والا تبون بعد؟ :ceaf32e183:

​

 

[احساس الشعور]

نبى يالله لايوقف

 

[ام سوسو]

امبلا نبي
لا يوقف

قطيعه اشتبي ام وليد حدها دعله باطه جبدي