قصة حب بين طلال وشيخة ... مو صج!!عجيــــــــــــبه... "قصة حقيقية"

[حور العيون]

<<متـآبـعه فـي هـدوء وسكـيـنـه

كملـي بلـــــــيـيـيـزز

 

[عاشقة الصمت]

الظاهر السي سيد عندها حاكرها لوووووووووول

ماكو الا نصبر لباجر

 

[NeG6a]

 

[Shima-Style]

ميخااااالـــف انــــااا داشــــــه عـــــــــــــــــرض
بس وين قصه العضوه نجديه اختـــفـــت ؟؟؟؟

 

[najdeya]

ههههههههههههههه حذفتها...

 

[» мσσ∂ч ģίяĻ «]

ثاااااااااااااانكس رووونه حبيبتي عالقصه وكثري من هالبارتات الحلوه
طلال قدها وقدود وريال والي يبيعه برخيص يبيعه بتراب
وشيوخه حبيبتي اكسرت خاطري
احب شروفه اخت فاطمه صريحه واتينن







الديوانيه انزالت ياجماعه والحل؟؟؟؟؟
نبي ديوانيه ؟؟
عاشقة الصمت حبيبتي يالزعيمه اشرايج؟؟ وين نروح؟؟

 

[najdeya]

هااااااااااااااي مودي

 

[» мσσ∂ч ģίяĻ «]

هلا والله نجديه اشلونج حبوبه ؟؟

زين انج موجوده عالاقل تقوليلي وين ودا ديوانيتنا؟؟

 

[Simply_The_Best]

ماشاءالله !! واووو .. ما تـوقعت هذا يطلع منـج رونـه .... و كأنـي قاعـدة أشـوف الشخصيـات جدامي !! ماشاء الله عليـج

بس ديـري بـالج .. لا أحـد يبـوق قصتـج ... والله إنهـا أحلـى من القصص الي نشوفها بالتلفزيـون


و شخباري mirc !! ... أول ما طلع البرنـامج و نزلت النت بالكويت أنـا و اخـوي نايمين فيـه لـوووووول وقتهـا محـد يعرف له إلا قليل .. و Kick لـووووول .. اشكثر يسولي كيك

كملــــــــــــــــــــــــــــــــــــــــــــــــــــــي بليز

 

[ضي2007]

صج ماشالله القصه روعه وسرد الأحدااث أحلى وأحلى

 

[دانة الاحرار]

هاااي رووون

البارتات حدها عاجبتني

وبليز لا تتاخرين علينا ننتظر وبشوق كبير جداً



ليش انحذفت قصة نجدية .؟؟


الحين وين نروح ؟؟؟


جنكم قلبتوها هني مو ؟



تعجبوني

 

[إنسانه وأكثر]

واااااااااااي رووووووونه كملي حدي مندمجه وكاشته بالدوام حتى الريوق تريقوا عني

يلا ياحلوه كملي
متااااااااابعين وبقووووووووووه

تحياتي

 

[» мσσ∂ч ģίяĻ «]

صبحكم الله بالخير اشلونكم شخباركم؟؟

شنو مانزل شي؟؟

 

[rawona]

صبــــــــــــــــــــــــــاح الخيـــــــــــــــــــر ياحلواااااااااااات ..


شلونكم؟؟ مشكورين كلكم على المتابعه والتشجيع .. صج ونستوني :eh_s(22):



واسفه .. اسفه .. اسفه حيـــــــــــــــــل على الكشته امس! مو مني والله رحت اصلي ولما رديت .. لقيت القوات الامنيه "سي سيد" مصادره اللاب توب والانترنت واحتلته لي ساعه متأخره .. فما كان بيدي شي غير اني استسلم للحصار :ssssso:


الحين انشالله راح انزل بارتات يديده .. ثواني وراجعه :sfg:
​

 

[rawona]

بيت بو مشعل


طلب بو مشعل من شيخه ماتقول لامها شي الحين عن موضوعها لين يلقون حل .. فالمسكينه بدرية ماكانت تدري بوضع بنتها الدراسي .. وعلبالها ان بنتها ماشيه بالدراسه وكل شي اوكي!

بدرية: شيوخه حبيبتي .. عندج شي الحين؟

شيخه: لا يمه .. شبغيتي .. آمري؟

بدرية: مايامر عليج عدو ياقلبي .. خالتج سهام (اخت بدريه) بتيي تزورنا ورا صلاة المغرب .. عفيه باطرشج اتيبين حلو ومالح من "لابجيت" .. اي وطلبي عصاير فريش من صاحبنا اللي كل مره نطلب منه .. طلبي فراوله.. ومنجا.. وكيوي!

شيخه مستغربه: يمه خالتي سهام مو غريبه! عادي يعني ماله داعي كل هالخبه واللويه! عندنا عصاير كي دي دي بالثلاجه.. وجاي وقهوه وحب .. والحلو خلي جينيفر تسوي حلو القهوة اللي كل مره تسويه ..

بدريه (تضحك): لا يمه هالمره غير! خالتج يايه تخطبج لولدها احمد ..

شيخه: نعم؟!! ومن قال ابي اتزوج؟!

بدريه: ادري حبيبتي انج تحاتين دراستج .. بس لا تخافين انا قلت لخالتج انه تو الناس عليج باجيلج 3 اسنين على ماتخلصين .. وطمنتني ان احمد ما عنده مانع تكملين دراستج .. وعلى ما يتقدمون رسمي ويملجون .. ويصير العرس الا انتي ما بقالج شي انشالله!

شيخه: اييييي ... واكيد اتفقتي معاها على تفاصيل العرس .. ووين راح تسوونه.. ومن وين اشتري نفنوفي .. والصالون .. والدي جي .. وباجي هالسوالف .. ومو بعيده بعد .. انكم اخترتوا اسم عيالنا من الحين!! يمه انتي من صجج؟؟!! (معصبه حدها)

بدريه: هااو! شيوخه اشفيج؟ انتي ما تبين احمد؟

شيخه تضحك مقهوره: لا والله ! زين تذكرتي تسأليني عن رايي!

بدريه (محتاره ومرتبكه): شيوخ! انتي تدرين ان خالتج سهام طول عمرها تقول شيخه حق احمد واحمد حق شيخه وكانت تقول هالشي جدامج وكنتي عادي ما تعترضين بس اتبوسمين! وانا بصراحه اول ما كلمتني .. هقيتج على طول بتوافقين! ادري ان دراستج عندج اهم .. وكلمت خالتج وقالت مافي اي مشكله من ناحية احمد .. حتى قالتلي اذا تحاتوون وايد نحط هالشرط بالعقد!


شيخه: !!!!!!! لا اللي قاعد يصير مو صج!! من قال اني ابي اتزوج الحين؟!

بدريه: ومن قال بتتزوجين باجر!! خالتج بتيي اليوم تتقدم رسمي .. وبتصير فتره خطبه.. ولازم نشاور ابوج "وانا كنت ملمحتله من قبل بالموضوع وماعنده مانع".. وتالي الملجه.. وانا قلت لخالتج يمكن ما توافقين تتزوجين وانتي تدرسين .. قالتلي مو مشكله .. تملجون ومتى ماخلصتي دراستج يصير العرس!

شيخه: يمه انتي من صجج؟؟!! تبيني اقعد ملعقه 3 اسنين على ما يصير العرس؟!!! ليش؟؟؟ وين قاعدين؟؟ ليش ما ينطرون على ما اخلص؟؟ اذا اهوا صج يبيني .. ينطر!

بدريه: انا قلت لخالتج هالكلام .. وقالتلي الولد يبيج وشاريج .. واذا كنتي ماتبين تتزوجين الحين الا عقب ما تخلصين .. عادي خل اتصير الملجه الحين واذا تخرجتي نسوي عرس .. وهم تدرين بعد يمه احسن لكم اذا ملجتوا الحين .. على الاقل يقدر الريال يقدم طلب اسكان مبجر وبجذي تستغلون هالجم سنه على ماتتزوجون..

شيخه (اشوي وتطلع عيونها لانها مو مصدقه ان امها قاعده تقول هالكلام): مستحيــــــــــــل اصدق ان هذا كلامج!! انتي مستوعبه الكلام اللي قاعده تقولينه؟؟ واصلا شلون من الاساس ترضين هالشي لبنتج؟!! تبيني اقعد معلقه هالسنين؟؟ وليش؟؟ علشان شنو؟؟ علشان قرض اسكاني؟؟ اصلا انتي المفروض من اول ما سمعتي هالحجي من اختج ترفضين سيده!! شنو ؟؟ زواج مصلحه اهو والا شنووووووو؟؟ اشكره جذي!! صج ما يستحوون!!

بدريه: شيخه!!

شيخه: انا باطلع مع حنان الحين .. وماني راده الا متأخر .. وقولي لخالتي العزيزه وولدها الحلو .. ماعندنا بنات للبيع!!

بدريه: شيوخ.. نطري باحاجيج!! شيخه!!

اطلعت شيخه من البيت معصبه وشابه نااار .. اقعدت شوي بالسياره تهدي نفسها وتحاول تنسى اللي صار.. طالعت التلفون بيدها .. واتصلت على ابوها..

خالد: هلا شيوختي..

شيخه: هلا يبه.. وينك؟

خالد: كاني دقيقه واكون عند الباب..

شيخه: انا ناطرتك بره بالسياره.. ترى قلت لامي باطلع مع حنان .. ماتدري اني باروح وياك..

خالد: كاني جدامج .. يالله تعالي!

انزلت شيخه من سيارتها واركبت مع ابوها..

شيخه وهي تحب راسه: السلام

خالد: وعليكم السلام .. هلا يبه.. ها شتقولين توه امج شنو؟؟

شيخه: قلت لامي باطلع مع حنان .. ماقلتلها باروح معاك .. انا موصيه حنان اذا امي دقت عليها والا شي .. بس حبيت ابلغك علشان ما تنسى ..

خالد: هيهيهي ياويلنا من بدريه ان اعرفت مخططاتنا ..

شيخه مبوزه وما اضحكت ويا ابوها..

خالد: اشفيج؟؟

شيخه: مافيني ..

خالد: شيوخ!

واهني قامت شيخه تقول لابوها عن اللي صار مع امها اليوم على سالفه زواجها .. وشلون انقهرت ان امها ماعرفت ترد على خالتها وولدها ..

خالد: صج جليل حيا! ومن قاله اني باوافق اعلق بنتي كل هالسنين!

شيخه: اهم شي يبه.. القرض الاسكاني!! اي شي!!

خالد: ماعليج منهم .. خلينا الحين نخلص مشوارنا وانا اعلمج بعدين شراح اسوي فيهم..



**************************** يتبع!



​

 

[rawona]

راحت شيخه وابوها يفترون مابين عماده القبول والتسجيل .. ومابين الكليات الثانيه .. يستفسرون .. ويسألون .. ويدورون حلول .. مني ومناك .. حاولوا يدورون اي طريقه يحولون فيها شيخه من كليتها حق كليه ثانيه .. وكانت كل الاجابات اللي لقوها محبطه حيـــــــــل..

موظفه: ماتقدر تحول الا بحاله وحده ترفع المعدل علشان ينشال الانذار وهذا معناته ترد تعيد المواد هذي واتييب فيها اقل شي b .. الشغله الثانيه عقب ما ترفع المعدل وتخلص تبتدي من الكورس اللي وراه تاخذ مواد الكليه اللي تبي تحول لها .. وبعد ما تجتاز 45 وحده وبمعدل ما يقل عن 2.76 تقدر عقب تتقدم بطلب تحويل للكليه .. وعلى حسب الشاغر يتم قبول طلبها..

شيخه (بقمه شعورها بالاحبـــــــــــــــــاط): يعني مافي طريقه ثانيه؟؟ اذا سحبت اوراقي من الجامعه اقدر ارد اقدم مره ثانيه على شهادة الثانويه؟؟

الموظفه: لا مايصير! لانه بيكون لج رقم موحد بالجامعه .. وحتى لو تسحبين اوراقج وتردين تقدمين .. بمجرد ما اندخل رقمج المدني .. راح يطلع لنا سجلج بالجامعه وراح تعتبرين طالبه مقيده مو مستجده..

بو مشعل: انزين .. اشتنصحينا فيه؟

الموظفه: انا مابيديني شي .. اذا اهي مو حابه الكليه .. مالها الا حل واحد .. تحول تربية اساسيه او تقدم على التطبيقي "علوم تكنلوجيه او تجاري او اتصالات وملاحه) ما اشوف غير هالحل!

بو مشعل: يعطيج العافيه!

بالسياره قامت شيخه تبجي

بو مشعل: شيوخ!

شيخه: كله مني! انا اللي ضيعت مستقبلي بايدي!

بو مشعل: هالكلام مامنه فايده الحين .. شراح تسوين؟؟

شيخه ( بعد تفكير قصير): مالي الا اضغط على نفسي واسجل المواد اللي سقطت فيها صيفي .. علشان ارفع المعدل .. وتالي اشوف سالفه التحويل!

بو مشعل: متأكده ؟؟

شيخه (واهي تاخذ نفس عميق): متأكده! .. مو انا اللي استسلم بسرعه! مع اني مادري شلون باكمل بس باحاول ..

بو مشعل يبتسم: انشالله بتقدرين!

وقف بو مشعل سيارته عند وزارة التعليم العالي وقال لشيخه

بو مشعل: يالله .. نزلي ..

شيخه: وين؟

بو مشعل: رفيجي بو بدر قالي ايي واسأل عن المنح اللي يقدمونها الجامعات الخليجيه للطلبه الكويتيين .. خل ندش نسأل !

شيخه: ادرس بره؟؟

بو مشعل: هذا اللي ذابحج !! هيهيهي .. لا مو بره اللي في بالج .. بره في القصيم!! هيهيهيي

شيخه: لا يبه صج!

بو مشعل: امشي الحين نسأل وخل نشوف شالموجود..


********************************* يتبع!

​

 

[rawona]

التعليــــــــم العالي ..


دخل بو مشعل وشيخه الوزاره وراحوا قسم البعثات والمنح الخليجيه .. سألوا عن الجامعات في البحرين والامارات (الشارقه و عجمان) وهم عن الجامعات اللي بعمان ..

الموظف: امبلا كان عندنا جم مقعد منحه من هالجامعات قبل فتره .. بس للاسف انحجزت المقاعد كلها..

بو مشعل: انزين شلون على البعثات؟؟ اذا ابي اقدر لبنتي في البحرين او الامارات .. شاللي لازم نسويه؟؟

الموظف: والله حاليا مافي بعثات لدول الخليج .. مكتفين منها بالوقت الحالي .. بس اتوقع على الشهر الياي بيبطلون باب التقديم للبعثات الخارجيه .. دق علينا اذا تحب قبلها علشان تتأكد من التواريخ او تقدر تنتظر الاعلان بالجرايد..

بو مشعل: تسلم .. يالله يعطيك العافيه..

الموظف: حياك..
سجلت شيخه بالكورس الصيفي وعادت مادتين من المواد اللي اسقطت فيهم او اللي بالاحرى ما حضرتهم ..

كانت تتلاقى مع حنان اذا عندهم فراغ او في ساعات الغدا .. واحيانا يروحون سينما الفنار على حسب ظروفهم .. بس كانوا عموما يروحون السينما مره او مرتين بالاسبوع .. وكانت سينما الفنار اهي سينمتهم المفضله! ( بذيج الحزة ماكو الا اهي وسينما شرقيه اللي يفتحون النفس!)

نوره ما تعرفت على شيخه للحين ( ما حصلت فرصه) بس كانت تعرفها من سوالف حنان عنها .. وكانت شيخه مقله بصداقاتها بعكس حنان اللي تعرفت على عدد كبير من البنات من دخولها الكليه .. وماكانت شيخه تعرف الا ريم وايمان اكثر شي .. ومره كانت شيخه مواعده حنان بمواقف الكليه علشان يروحون يتغدون مع بعض .. وبالطريج اتصلت ريم على حنان ..

ريم: هلا حنون .. وينج؟؟

حنان: اهلين .. انا مع شيخه رايحين نتغدى

ريم: وين بتتغدون؟

حنان: بيتزا مجمع زهره..

ريم: ليش ما اتيون تتغدون معانا؟؟ انا وايمان ونوره بنروح "ابل بيز" .. تعالوا

التفتت حنان على شيخه وقالتلها : بيتغدون في ابل بيز اتيين؟؟

شيخه تهز راسها برفض قاطع: لاااااا ! عليهم بالعافيه ..

حنان: لا خلاص ريوم روحوا تغدوا .. وخلونا احنا للمرات اليايه انشالله ..

ريم: اوكي .. يالله بيباي

حنان: باي..

شيخه وحنان كانوا من النوع اللي مايحبون المطاعم اللي على البحر من كثر ما سمعوا سوالف عنها .. كانت مطاعم البحر "منطقه ممنوعه ومحرمه" وترفض شيخه تروح تقعد بهالاماكن (لانها حزتها كانت تخاف لا احد يفهم روحتها اهناك غلط!! كان جذي تفكيرها) .. وحنان ودها تروح بس لان شيخه مو معاها فماكانت تحب تروح من غيرها ..

احلى حزة للقز على البحر لشيخه وحنان هالحزة!! الظهاري .. بعز الحر!! الشارع فاضي .. وعقب ما خلصوا غداهم مروا طربان للتسجيلات (مثل عادتهم دايما) واشتروا شريط نبيل شعيل اليديد و شغلوه وراحوا يتمشون على شارع الخليج .. رايحين رادين .. واهم يغنون !!!

شيخه وحنان: هيهات اننا اهوى ياعمري .. واعشق غيرك هيهات !!
هيهات اعشق هيهات.. او افكر ياحبيبي ابعد عنك هيهــــــــات ..
قرب مني ياعمري وهات .. هات هات هات
هات حبك وانسى ماضي فات .. وخذني لدنيا ..

اجمل دنيا .. وحدك فيها ومافي سواك ..

وردها حبك .. عطرها قربك .. وشمسها انت وظلها هواك!!

وقاموا يضحكون وينتقلون من اغنيه لغنيه "بخبال" ..

شيخه وحنان: ما انســــــــــاك انا وينك .. ياللي غيابك طاااااال

ما انســـــــــاك انا وينك.. وحدك شغلت البال ..

هو هو هو هو هوهووووووو ,.. (حنان شوي وتفصل لووول)

اغنيه ثانيه:

مادااااااااااااام حلوه ياقلبي .. دلوعه لازم تصير .. دلوعه لازم تصير!!

واخر الفصله حطوا شريط حمود ناصر وافصلوا على هالاغنيه!!

بالروحاااااااااااااات والجيه .. اسأل علينا شويـــــــــــه ..
مدامك مار عند البيت ليش ماتزووووووووور..
تذكر بيوم تلقاني .. الدنيــــــــــــا تدوووووووور
خبري بقليبك طيب .. طيب.. ما تسال علييييييييه!!

******************************* يتبع!


​

 

[rawona]

بيت بو طلال


حالة استنفاااااااااااار في البيت مو طبيعيه سببها سعاد ام طلال .. باجر رجعه طلال لامريكا .. خلصت عطلته وام طلال المسكينه .. مابقى شي بالجمعيه الا وحطته بجنطه ولدهاااا!!

طلال: يمه الله يهداج .. ليش كل هذا؟؟ امريكا مافيها اكل؟؟!!

سعاد: لا حبيبي مو عن.. بس تدري مو كل شي عندنا تحصله اهناك!! اخاف يطري عليك تاكل شغله وماتكون متوفره فليش العذاب؟؟ اخذها معاك من الحين احسن!

طلال: هيهيهيهي اشدعوه يمه باتنسى انا؟!! والله كل شي موجود اهناك ونحصله البقالات العربيه والهنديه مو مقصره .. والله ماله داعي كل هالاغراض!

سعاد: مو على كيفك .. بتاخذهم يعني بتاخذهم!! وعاد انا مو حاطه وايد بس كرتون جالكسي وكرتون كت كات وكرتون باونتي وكرتون سناك وكرتون فليك .. وكرتون بسكون "ماري" وبسكوت دايجستف وكرتون جاي .. وشويه زعفران وهيل وقهوه عربيه وتركيه .. وشويه بهارات ومعمول تمر .. وقيمر كي دي دي .. وشوربة ماجي .. ومكعبات ماجي .. وشويه خرابيط .. وتمر .. بس !!

طلال: هيهيهيهيهي لا حرام ماحطيتي شي!! والله شكلهم بيسحبون جنطتي بالمطار ويحولوني على ال FBI

نوره: هيهيهي ودك عاد؟؟

فهد: اصلا انتوا اشعرفكم!! اللي تسويه امي صح 100% لاني لو مكان طلال جان خليتها بعد تحط اكثر من جذي .. مادري شلون متحمل ما تاكل هالسوالف اهناك.. انا لو مكانك امووووووت!

طلال: هيهيهي ليش اشقالولك عني؟ ابطيني مثلك!! هيهي انت لو ماتاكل عيش كل يوم تروالي يصير فيك شي!

نوره: هيهيهي تصكه الغلقه ..

حصه: حدكم ..حدكم.. ما ارضى على فهودي ترى!

نوره: اي منو يشهد للعروسه غير امها!

طلال: مشكله هالتوائم .. مايرضون على بعض..

فهد: اي اكيد طبعا! اذا حصوص توأم روحي مادافعت عني منو بيدافع عيل؟ انويرووووه!

نوره: جني مو عاجبتك؟؟

حصه: اقول هوب .. هوب .. تايم اوت ..

طلال: اي والله بسكم نجره وصيحه .. صدعتوا راسي .. يالله طلعوا بره خلوني اساعد امي واشوف اغراضي على راحتي..

نوره: سمعتووه؟؟ يالله بره .. بره!! عيال ما تختشيش!

طلال واهو واقف ورا نوره يخزها ولما التفتت عليه قالها: وانتي بعد يالله بره .. معاهم..

نوره: افااااا .. بتشمت الاعداء فيني؟؟

حصه وفهد: هيهيهيهي .. تستاهلين !


********************************** تسلوا بهالبارتات على ما اكتب غيرهم .. رايكم بليز بالاحداث so far :eh_s(20):

​

 

[» мσσ∂ч ģίяĻ «]

yslmoooo al.ayadi 7bebti

waiting

 

[esperanza]

وناااسه .. عجيييبــــــه كملي كملي ناطريــــــــــــــــــــــــــــن

لايوقف لايوقف