ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

[اوركيدا]

ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

السلام عليكم ..

بالتعاون مع زميلتي واختي شربووته و keeka
ومن بعد الكم الكبير من الرسائل اللي يوصلنا على الخاص ..
وكلنا طبعاً لي قررنا نروح ديره وبدينا نخطط لها .. نبي نستفيد من كل يوم .. ومانبي يطوفنا شي لأنه يمكن هالديره مانرد نرجع لنا مره ثانيه .. وهالشي مايصير إلا اذا سمعنا واستفدنا من خبرات اللي راحو قبلنا ..
واحنا اهني اصلاً لهالسبب ..
لذا قررنا انزل هالموضوع شامل جميع دول العالم ..

اولا : عشان الكل يستفيد من الاسئلـه المطروحه وماتكون محصوره على الخاص ومعظم الاسئله مكرره اصلاً ..
ثانياً : السعه اكبر لنا اهني عشان نسولف ونشرح و احياناً الاسئله كثيره وماتشيل خانة الرسائل الخاصه لذا اهني الرد بيكون اوسع وأشمل واسهل .. لنا ولكم ..
ثالثاً : رد اي رساله خاصه بنطرحه فالموضوع؟ حتى اذا بغيتو من غير ذكر النك؟ عشان تعم الفائده للجميع
ونتمنى جميع خبيرات السفر يتعاونون معانا وينقلون الرسائل لهالموضوع .. عشان تعم الفائده .

هالموضوع بنتعاون فيه كلنا .. وان شاءلله بنستفيد منه كلنا ..
بانتظاركم

 

[بنت عبدالغني شربت]

رد: ஹ๛ഝॢഖഐๅ๛.- عندكم اي سؤال او استفسار حياكم الله مع مشرفات وخبيرات السياحه -.๛ഝഖॢഐ

مشكوره اوركيدا يعطيج العافيه انا اول سؤال بس عن البحرين دار الزين

اخر مره يت البحرين ضيعت ما لقيت بنيان تري


وين مكانه بالضبط ويسوا السكن فيه ولا اروح اكل فيه كافي يعني المكان بعيد عن المنامه واللويه هادي

مشكوره يالغاليه

 

[rawona]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

يعطيكم الف عافيه .. وعساكم على القوه ..

انا عندي استفسار بخصوص فرنسا ... تحديدا الكروز انا ادري في موانئ وايد مثل مرسيليا وفيلا فرنش بس حبيت اعرف عن الكروز اللي يطلعون من هالموانئ والمناطق اللي تمر فيها وطريقة الوصول لها

ويعطيكم العافيه
​

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

هلا حبيبتي شربوته ..

بالنسبه لمكانه .. فماعليج إلا تلحقين لافتات " حلبة البحرين الدوليه" .. وهاللفتات موجود بكل مكان باديه من المطار وطبعا منفذ جسر الملك فهد .. منتجع بنيان تري .. ايي بعد الحلبه ب4 كيلومترات او 5 .. بس الطريج HIGHWAY واحد .. بتيي لافته كبيره مكتوب عليها العرين .. وتلفين عليها ..

يسوى السكن فيه .. يسوى وايد .. خصوصا فالصيف .. مرافق الفندق روعه .. الشاليهات نفسها وسيعه وشرحه وكلشي فيها وكله 5 نجوم .. عيبه الوحيد البعد .. لكن انتي اخبر بالبحرين .. كلشي قريب منج .. ولو انا سايحه ..
جان بقضي ليله في بنيان تري اول مااوصل .. او ثاني يوم احول على فندق ثاني اجرب للديره ..

المطاعم فيه حلوه لكن هاديه زياده عن اللزوم اللهم فالمناسبات .. لكن الفندق بشكل عام او اذا عندكم وقت كافي يستحق الزياره ..

واحسن مطاعمه زعفران .. مايفتح غير للعشى .. وهذي بعض الصور منقوله من احد المنتديات ..
حمام السباحه الخاص بالشاليه .. وفيه جاكوزي بعد ..

غرفة النوم

الصاله

الشاليه بالليل

والحمام وايد وسيع ..

وطبعا هذا غير عن حمام السباحه العام فالمنتجع ومرافقه مثل السبا و صالات الاكل وغيره ..
ان شاءلله وصلت الفكره

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

يعطيكم الف عافيه .. وعساكم على القوه ..

انا عندي استفسار بخصوص فرنسا ... تحديدا الكروز انا ادري في موانئ وايد مثل مرسيليا وفيلا فرنش بس حبيت اعرف عن الكروز اللي يطلعون من هالموانئ والمناطق اللي تمر فيها وطريقة الوصول لها

ويعطيكم العافيه
​

عزيزتي راونا ..
نورتي موضوعي ..

بالنسبه للكروز ماقدر اقولج الخطوط بدون لااعرف التاريخ اللي ناوين تروحون فيه لانه الخطوط موسميه ..
ونصيحتي لج .. لو تغيرين الميناء من فرنسا لي اسبانيا تحدديداً برشلونه وايد احسن لعدة اسباب..
اولاً .. لانه هالخط بيوصل لي فرنسا وبيمر على احلى المدن الاوروبيه ..
ثانياً .. انا شخصياً مجربه الكروز نفسها بس ايامها كانت في فلوريدا اللحين نقلوها اوروبا اللي اهيا Voyager of the Seas واهيا قريبه جداً من Liberty of the seas اللي موجوده في تقريري ويايبينها لفتره معينه الصيف القادم بعدين تنتقل اما امريكا مره ثانيه او اي ميناء اخر تطلع منه بواخر الرويال كاريبيان..
ثالثاً .. لأنها تابعه لشركة الرويال كاريبيان المعروفه ..
وخط الرحله محدد لشهر مايو كالتالي ..

المغادره .. برشلونه , اسبانيا
ثاني يوم أبحار
ثاني يوم
Naples, Italy
ثالث يوم
Civitavecchia (Rome), Italy
رابع يوم
Livorno (Florence & Pisa), Italy
خامس يوم
Villefranche-Sur-Mer, France
سادس يوم
Marseille (Provence), France
سابع يوم
Barcelona, Spain

طبعا هالرد نصيحه وشوفي شنو تبون بالضبط وبأي تاريخ وان شاءلله افيدج اكثر.
وحياج الله

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

هذا رد رساله خاصه ياتني ..

بالنسبه لأستفسارج .. اول شي حياج الله وبتنورين ديرتج الثانيه ..
بما انج فالمركيور فعندج ليلو تروحين له مشي .. اهوا يعتبر فالعاليه بس مدخله الرئيسي فالخط اللي ورى الفندق .. حلوياتهم روعه وأكلهم بعد وايد حلو ..

أطباق اللي انصح فيها : السيزر سالاد ..
الGrilled chicken with sun dried tomato
ال ميني بيرجر او فيه انواع كلها حلوه ..

الحلو : الكنافه عندها وايد حلوه .. واذا تحبين الجوكليت
عندج كونسيرتو او ميلو ميلو .. وتقدرين تختارين اصلاً ..

العالي فيه توسعه والسيف بعد في توسعه .. ولايطوفج مايا .. نفس طخت Chocolate bar وله فرعين فالسيف والستي سنتر قريب لـMagic Planet اذا وياكم يهال يقدرون يلعبون او انتو تقعدون فيه ..

مجمع الشيراتون اليديد (مودا مول) وايد حلو .. واذا انتو من محبين ام كلثوم مسوين لها معرض روووعه .. والقهوه اللي تحت تابعه لمايا بس يبيعون فيها اكل مو كله Chocolate

منطقة العدليه .. خلف فندق الخليج في مطاعم روعه .. انصح بمونسون او مراي اذا تحبون الاكل التايلندي .. وفيه في نفس المنطقه من ورى Cafe Italy مطعم روعه .. ديكوراته واكله وكلشي ..

بالنسبه لمحلات العبي .. احنا عادتاً نخيط فالخبر .. لكن اذا تبين تشوفين في محل اسمه رفحه للعبايات في سوق المحرق بس يبيله دواره شوي سألو عنه وان شاءلله بيدلونكم .. واذا كلش كلش 181 هذي الاستعلامات قولولهم اسم المحل وكلمو المحل يدليكم .. وسأليه عن عبايات قمره

هممممم .. الصوغه .. طبعا صوغت البحرين معروفه .. حلوى ومتاي وسمبوسه حلوه كلهم بتلقينهم بسوق المحرق .. احسن شي حسين شويطر.

وبعد؟ في اكشاك بمجمع العالي .. تبيع فيهم مره اجار واجبان على نكهات .. وايد يستانسون عليهم الناس واشوف كويتيين وايد يشترون منهم ..

واي استفسار ثاني انا حاضره وان شاءلله اكون فدتج عزيزتي .. و اذا احتجتي اي شي ثاني لايردج الا الكيبورد ..

 

[كـلا كـلا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

ماشالله عساكم عالقوة خوش موضوع

انا بسأل عن استراليا جم يبيلها ميزانية لعائلة 4 اشخاص؟
وفيزتها تطول ولا لا؟ ومن وين نطلعها؟

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

الله يسلمج عزيزتي ..
اول شي بالنسبه للتكلفه تعتمد ... اول شي على المده .. وعلى المناطق اللي ناويه تزورينها .. التنقلات لها تكلفتها
ومستوى الفنادق لها تكلفتها .. وانتي شكثر عادتج تشترين بالسفر .. فهالشي صعب احنا نحدده لج احنا نقدر نقولج اسعار التذاكر والفنادق ونعطيج فكره عن تكلفة المعيشه اهناك مقارنه بعندنا والباقي يتحدد منج انتي ..

بالنسبه للفيزا اذا ماكان عندهم سفاره ولا مكتب عندكم فالكويت فالـdhl يسونها لكم ..
وتروحون بالسلامه ان شاءلله

 

[كـلا كـلا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

المدة 3 اسابيع الى 4 اسابيع
الفنادق مستوى 4 او 5 نجوم
المناطق سيدني وجولد كوست

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

انا ماقط زرت استراليا ..
بتفيدج شربوته اكثر مني ..
بس بحاول اساعدج اول شي ..
لقيت لج هالجدول بالانترنت يمكن يفيدج تاخذين فكره ..
الجدول مو شامل التذاكر ولا السكن ..
التذاكر اسعارها موسميه ..

ويمدحون بفندقين .. عندج Four Points و الكراون بلاز أسعارهم بحدود ال 50 و 70 فيه الفورسيزون 75 دينار الغرفه ..

فندق Four Points by Sheraton ..اللي على الدارلنج هاربر
الفندق ممتاز كونه يطل على الدارلنج هاربر وهذي المنطقه كلها مقاهي ومطاعم
غرفه حلوه ووسيعه
السعر 60+الفطور مع الغرفه..

اما فنادق قولد كوست ماعندي فكره عنها بالمره بس وجدتج فالانترنت ..


فنادق 5 نجوم



palazzo Versace

يقع بالاطراف و قريب من المتاجر الحديثة والمطاعم (30 دقيقة )


تبدأ الاسعار من 40- 50 دينار بحريني لليله

و


conrad jupiters

فندق و منتجع و مجمع قريب من الشاطىء والسيرفر ( 5 دقائق ).
غرفة مزدوجة 225us$
غرفة مفردة 170 us$



العنوان
Conrad Jupiters Hotel Gold Coast
Gold Coast Highway
Broadbeach Gold Coast
Queensland 4218
Australia


يبعد21 كم عن مطار جولد كوست
يعد 8 كم عن محطة القطار Robina



العنوان
Palazzo Versace Hotel Gold Coast
Sea World Drive Main Beach
Gold Coast QLD 4217
Australia

وبالنهايه هذي
استمارة الفيزا الاسترالية 2009

http://file13.9q9q.net/Download/5755...-157a.pdf.html

ان شاءلله قدرت افيدج ولو بالقليل ..

 

[rawona]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

مشكوره اوركيداااااااا


بصراحه الكروز اللي شفته يطلع من برشلونه ومدته 12 يوم وايد حلو واغلب المناطق اللي يمر عليها ايطاليه بس قلت يمكن في شي احسن يطلع من فرنسا ..

على العموم ميرسي :eh_s(6):
​

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

العفو حبيبتي ..

 

[بنت عبدالغني شربت]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

مشكوره اوركيدا يعطيج العافيه يا حياتي


ان شاء الله لي عوده وراح اشرح عن استراليا اكثر

 

[^noonaa^]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

واااو رووعه الموضووع و واايد مفييد وريحتونا الصراحه

يعطيييكم الف عااافيه


ولي عودة ان شاءالله بسأل عن جم دولة

 

[rawona]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

اذا يسمحولي المشرفات اشارك بهالاستفسار اللي واصلني على الخاص ومنها علشان البنات يستفيدون ..

بغيت اسألج اورلاندو رطوبه نفس ماليزيا يعني؟؟

وحبيبتي ابي نصيحتج .. بنت خالي بتروح فلوريدا .. تبي اورلاندو وتبي بعد كروز

وتبي بعد تفتر بفلوريدا !

انا مادري مورايحه فلوريدا ولا ادري شنو المناطق اللي فيها .

بليز تقدرين تقولين لي شلون تسوي رحلتها..؟ اهيا بتروح انشاء الله 1-7 الى 15-8

وشنو احسن فندق ب اورلاندووووو يبون شقه ,, وقايلين لهم سكنو بمنتجعات الدزني ..

بليز هيييييييييييييلب

شوفي حبوبه اول شي انا انصحها قبل لا تحجز تشوف مواعيد الكروز
في بتاريخ 6-7 كروز مدته 4 ليالي من ميامي يمر بجزر الباهاماس

خل تحجز الكروز اول وطبعا تضبط معاه الطيران بحيث توصل قبل موعد الكروز بيوم يعني لازم تكون بميامي يوم 5-7 تصير رحلتها كويت- ميامي - كويت

وتحجز ليله 5-7 بفندق المطار بميامي وتريح اول يوم

وثاني يوم تسوي جيك اوت وتاخذ تاكسي يوديها المينا وتروح الكروز لمدة 5 ايام بعدين لما ترد تاخذ تاكسي يوديها المطار ومن اهناك تاخذ سياره "طبعا تكون مرتبه الحجوزات قبل عن طريق الانترنت"

وانصحها تقعد بميامي 4 ليالي وتوني حاطه بالتجمع منتجع حلو بميامي عباره عن شقق فندقيه جيكيه

وتطلع من ميامي تروح منطقه اسمها ft. Laurder مادري شنو السبيلينغ بس شي جذي هم حلوه المنطقه وماتبعد وايد عن ميامي يمكن ساعه اذا حابه تسكن فيها جم ليله مو مشكله واذا لا تطول ايامها بميامي وتروحلها من اهناك

بالكروز راح تمر على الكي ويست بميامي واذا عجبتها المنطقه تقدر تروح لها مره ثانيه بالسياره من ميامي

اذا خلصت عاد تروح اورلاندو الطريج 4 ساعات بس حلو كله استراحات
في اورلاندو في ريزورتات وايد حلوه

شيراتون فيستانا

ماريوت بوينا فيستا او يسمونه ريزيدينس ان ماريوت

انا حاطه منتجع بعد بالتجمع وايد حلو جيكيه

وفي الورلد كويست

وبعد منتجع ليك بوينا فيستا وعموما خل تشيك منتجعات هالمنطقه وايد حلوين وراقين وشقق فندقيه ومواقعهم حلو lake buena vista

تقدر تروح تامبا تبعد عن اورلاندو ساعه وفيها البوش غاردنز وتقدر تجيك على مولاتهم اهناك

وهم ديتونا بيتش تبعد ساعه عن اورلاندو فيها بحر وكافيهات ومطاعم وطبعا تروح وترد بنفس اليوم

منتجعات ديزني حلوه بس غاليه بس تقدر اهي بالايام اللي بتروح فيها ديزني مثلا خل نقول حجزت تذكره ام 4 ايام تقعد هالاربع ايام بمنتجع من منتجعات ديزني وبس تخلص تروح ريزورت ثاني

الجو رطوبه بس مو استوائيه مثل ماليزيا لا افضل طبعا والمطر ماشالله يبرد الجو شوي بس في ايام مافي رطوبه بس الشمس حيل حاميه خل ايديرون بالهم بهالنقطه من ناحيه sun block وهالسوالف حتى بالنسبه للرياييل والاطفال


وخل ترد ميامي قبل السفره بيوم وتنام ليله بالمطار وتطير ثاني يوم للكويت انشالله

موفقه

واوركيدا اذا عندج اي اضافات ثانيه عن الموضوع ياريت تفيدينهم اكثر


​

 

[الصابرة المحتسبة]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

من لا يشكر الناس لا يشكره الله
جزاكم الله خير على سعة صدركم

 

[s-h-9]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

خواتي عساكم على القوه و من جد ما تقصرون ..^^

عندي كم استفسار عن دبي لاننا ان شاء الله بنروح مع الوالده كم يوم عاد هذه اول سفره لنا اذا اتمت..^^!

شنو احسن الفنادق هناك و اسعارها مو غالية حيل ابي الاسامي على اساس الحجز لاني بأحاول من النت ان شاء الله.

و احسن الاماكن السياحيه مو الاسواق الله مو معطينا حبها..^^

مره ثانيه الف شكر لكم و الله يجزاكم كل خير.

 

[كـلا كـلا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

شكرا اوركيد يا عمري ما قصرتي

وبانتظار شربوتة

 

[شندوخه]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

يعطيج العافيه اوركيدا خوش موضوع
انا سامعه عن مطعم اسمه ميت فاكتوري بالبحرين
مشهور بالستيكات واعتقد قالولي انه بالعدليه
بس وين بالظبط ؟

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

Rawona
حبيبتي مشكوره ألف شكر .. وياريت كل مره تنقلين لنا عشان الكل يستفيد ..
:eh_s(17)::eh_s(17)::eh_s(17):
:eh_s(17)::eh_s(17):
:eh_s(17):

مشكوره اوركيدا يعطيج العافيه يا حياتي


ان شاء الله لي عوده وراح اشرح عن استراليا اكثر

الله يعافيج حبيبتي :eh_s(17):

واااو رووعه الموضووع و واايد مفييد وريحتونا الصراحه

يعطيييكم الف عااافيه


ولي عودة ان شاءالله بسأل عن جم دولة

حياج الله حبيبتي والله يعافيج ..

من لا يشكر الناس لا يشكره الله
جزاكم الله خير على سعة صدركم

اسعدني مرورج عزيزتي ..

خواتي عساكم على القوه و من جد ما تقصرون ..^^

عندي كم استفسار عن دبي لاننا ان شاء الله بنروح مع الوالده كم يوم عاد هذه اول سفره لنا اذا اتمت..^^!

شنو احسن الفنادق هناك و اسعارها مو غالية حيل ابي الاسامي على اساس الحجز لاني بأحاول من النت ان شاء الله.

و احسن الاماكن السياحيه مو الاسواق الله مو معطينا حبها..^^

مره ثانيه الف شكر لكم و الله يجزاكم كل خير.

يابختكم ماتحبون الاسواق ..
فنادق دبي وايد حلوه .. او هالايام مع الازمة نزلت الاسعار وايد ..
عندج هالموقع فيه معظم الفنادق مع اسعارها ..

فنادق دبي

اختاري اللي تبين او انسب لكم وبنقول لج عن مستواه ..

بالنسبه للأماكن السياحيه .. فعندهم فهالفتره .. سيرك عالمي مشهور ..
اللي اهوا سيرك دو سوليه .. بس مادري اذا بتحصلون حجز او لا .. معظم الايام التذاكر نأخذت .. بس بعد حاولو .. لانه هالسيرك رووووووووووووووووووووعه .. انا رحت له في امريكا .. غير عن اي سرك بتشوفينه فحياتج ..

عندهم في فندق اتلانتس .. رحله السباحه مع الدلافين .. وايد حلوه .. والفندق بشكل عام يستحق الزياره ..
قسم الاكويريم في مول دبي وااايد حلو وغريب لازم تشوفونه ..
عندج بعد رحلة السفاري
الباص البرمائي

شكرا اوركيد يا عمري ما قصرتي

وبانتظار شربوتة

العفو حبيبتي

يعطيج العافيه اوركيدا خوش موضوع
انا سامعه عن مطعم اسمه ميت فاكتوري بالبحرين
مشهور بالستيكات واعتقد قالولي انه بالعدليه
بس وين بالظبط ؟

الله يعافيج شندوخه حبيبتي ..
اسمه Meat & Co مو ميت فاكتوري ..
او موقعه .. بالعدليه المنطقه اللي فيها المطاعم .. بنفس الداعوس اللي على راسه Zoe او Mirai بس على يدج اليمين اهما يصيرون عاليسار .. اذا ماوضحت الصوره بعد قوليلي بشرح لج اكثر ..