ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

[د.شريفة]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

الله يعطيكم العافيه
هذي المواضيع والا فلا
ياينا الصيف والسفر مايحلى الا بالصيف

 

[s-h-9]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

يابختكم ماتحبون الاسواق ..
فنادق دبي وايد حلوه .. او هالايام مع الازمة نزلت الاسعار وايد ..
عندج هالموقع فيه معظم الفنادق مع اسعارها ..

فنادق دبي

اختاري اللي تبين او انسب لكم وبنقول لج عن مستواه ..

بالنسبه للأماكن السياحيه .. فعندهم فهالفتره .. سيرك عالمي مشهور ..
اللي اهوا سيرك دو سوليه .. بس مادري اذا بتحصلون حجز او لا .. معظم الايام التذاكر نأخذت .. بس بعد حاولو .. لانه هالسيرك رووووووووووووووووووووعه .. انا رحت له في امريكا .. غير عن اي سرك بتشوفينه فحياتج ..

عندهم في فندق اتلانتس .. رحله السباحه مع الدلافين .. وايد حلوه .. والفندق بشكل عام يستحق الزياره ..
قسم الاكويريم في مول دبي وااايد حلو وغريب لازم تشوفونه ..
عندج بعد رحلة السفاري
الباص البرمائي

تسلمين لي اختي اوركيدا و ما قصرت أسأل الله لج السعاده في الدنيا و الأخره...آمين..

شكلنا هونا من السعر أسعار الفنادق الي عاجبتنا غالية و احنا بنحجز بطيران الامارات أجلناها لديره بالعطله ادعوا ربي انه يتمم علينا هذه بتكون اول سفره و الله يرزق الي ما سافر و لا مره و الي سافر الله يرزقه بالسفرات الي يتمناها قولوا آمين و الله يسعد الكل..^^

 

[شندوخه]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

تسلمين حبيبتي اوركيدا عالتوضيح
بس اذا عندج عنوانه احسن لان مادل العدليه ابد

 

[ملوووكة]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

السلام عليكم
يعطيج العافيه حبيبتى على هالموضوع الحلو صج محتاجينه

حبيبتى بغيت استفسر عن جم شغله
احنا ودنا انسافر هالصيف انشالله بس محتارين بين استراليا وبالاخص غولد كوست وبين جوله في اوروبا
العام انا خذيت فره بسيطه فاوروبا مع اختى وهالسنه يقول ريلى شرايج بلفه باروبا وناجر سياره او استراليا وقبلها نريح 3 او4 ليالى بماليزيا او بانكوك وبالرده نفس الشي
والشي اللى خلينى احتار انه اوروبا احسها كلها نفس الشي واستراليا حلوه وتونس حق اليهال بس غاليه
انا حاطه ميزانيه تقريبا 4 الاف كويتى وعيالى كبار شوي بس هم يبون لعب فشنو تنصحينى حبيبتى؟؟
واسفه اذا دوختج بكثره استفساراتى بس صج محتاجه نصيحتج
مشكوره

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

الله يعطيكم العافيه
هذي المواضيع والا فلا
ياينا الصيف والسفر مايحلى الا بالصيف

الله يعافيج حبيبتي .. وان شاءلله تعزمون ونفيدكم وتروحون وتستانسون يارب

تسلمين لي اختي اوركيدا و ما قصرت أسأل الله لج السعاده في الدنيا و الأخره...آمين..

شكلنا هونا من السعر أسعار الفنادق الي عاجبتنا غالية و احنا بنحجز بطيران الامارات أجلناها لديره بالعطله ادعوا ربي انه يتمم علينا هذه بتكون اول سفره و الله يرزق الي ما سافر و لا مره و الي سافر الله يرزقه بالسفرات الي يتمناها قولوا آمين و الله يسعد الكل..^^

الله يسلمج حبيبتي .. يالله خيره من الله ماتدرين .. الله يتمم عليكم ويرزقكم بسفره احلى واحسن ان شاءلله ..

تسلمين حبيبتي اوركيدا عالتوضيح
بس اذا عندج عنوانه احسن لان مادل العدليه ابد

شوفي حبيبتي .. اذا انتي يايه من شارع الفاتح .. على لفة فندق الخليج .. فندق الخليج يكون على يسارج .. تخليين اول اشاره .. الاشاره الثانيه تسوين فيها فوق تحت وتدخلين اول دخله عاليمين .. يسار هاللفه بيت السفير لكويتي سابقاً اللحين مو ساكنه اهني اهو بس معروف ببيت السفير .. المهم تروحين سيده اول لفه بتييج على اليمين تدخلينها او على طول بتشوفين المطعم على يمينج ..

السلام عليكم
يعطيج العافيه حبيبتى على هالموضوع الحلو صج محتاجينه

حبيبتى بغيت استفسر عن جم شغله
احنا ودنا انسافر هالصيف انشالله بس محتارين بين استراليا وبالاخص غولد كوست وبين جوله في اوروبا
العام انا خذيت فره بسيطه فاوروبا مع اختى وهالسنه يقول ريلى شرايج بلفه باروبا وناجر سياره او استراليا وقبلها نريح 3 او4 ليالى بماليزيا او بانكوك وبالرده نفس الشي
والشي اللى خلينى احتار انه اوروبا احسها كلها نفس الشي واستراليا حلوه وتونس حق اليهال بس غاليه
انا حاطه ميزانيه تقريبا 4 الاف كويتى وعيالى كبار شوي بس هم يبون لعب فشنو تنصحينى حبيبتى؟؟
واسفه اذا دوختج بكثره استفساراتى بس صج محتاجه نصيحتج
مشكوره

عليكم السلام حبيبتي .. الله يعافيج ..
انا رايحه اوروبا لكني مارحت استراليا .. فيمكن ماباقدر احكم .. لكن الكل يمدح الجوله جذي بالسياره يقولون وايد ممتعه او السياقه اهناك حلوه .. وطبعا المناظر ماله داعي اقولج .. تقدرين تشوفين الدول اللي ماشتفيها .. يعني مثلا اسبانيا او سويسرا غير عن بعض .. بريطانيا او المانيا غير .. اللي يتشابهون اكثر شي .. فرنسا او ايطاليا .. وسويسرا والنمسا من رايي ..

لكن دام معاكم عيالج .. احس بيستانسون اكثر في استراليا .. عندج البحر والحدايق والطبيعه بشكل عام .. حتى الثلج تقدرون تروحون له .. فلو انا مكانج بختار استراليا .. وبالنسبه للميزانيه اعتقد تكفي .. او لو ماكفت تقدرين تحولين على امريكا .. بتستانسون اكثر .. وارخص خصوصا مع الازمه الاقتصاديه اللحين ..

ادري مافدتج بالعكس يمكن حيرتج لكن الله يكتب لكم اللي فيه الخير ..

 

[keeka]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

مشكوريين على هالموضوع المفيد ما قصرتو

 

[xxx]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

:aha:

موضوع مميز ومفيد

ماقصرتو وعساكم على القوة

:aha:

 

[بنت عبدالغني شربت]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

استـــــــــــراليـــــــــــــا



اول الشي الفيزا تقدرين تاخذينها من مكتب او تعبينها بلانترنت انا سويتها بالانترنت ومدتها تقريبا 10 ايام بالكثير وللاسف المواقع مسيفه بلاب توبي القديم :0bee2e8d89:

سدني المده كحد اقصى 5 ايام والسكن فندق

four point sheraton sydney

قولد كوست المده من 10 الي 14 يوم والسكن انصح بشقق فندقيه لانه المده طويله وبالنسبه لي سكنت في
The Towers of Chevron

http://www.chevrontowers.com.au/

او Q1

http://www.q1.com.au/

بالنسبه للميزانيه استراليا تعتبر من الدول الغاليه شوي وكل سنه عن سنه تزيد اسعارها وانا رحت لها من 2006 ما عندي فكره عن اسعارها الحين ان شاء الله انزلكم عن قريب الاماكن الترفيهيه فيها وحياكم الله :

 

[بنت عبدالغني شربت]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

الطريج لاستراليا

طبعا استراليا من الدول البعيده وتقريبا بالطياره 16 ساعه وانا بالنسبه لي ما اعرف اسافر الا على طيران الامارات

http://www.emirates.com/

تقدرين تاخذين سدني دايركت لمده 16 ساعه او لج خيار ثاني هذا الاحسن طبعا بالنسبه لي

تختارين ديره من دول شرق اسيا تاخذينها ترانزيت لمده 3 ايام منها تشوفينها ومنها ترتاحين وتستانسين ويكون طريجها 8 ساعات من دبي

الخيارات

1- ماليزيا
2- سنغافوره
3- تايلند
4- هونغ كونغ

طبعا يفضل انه بالروحه تختارين ديره وبالرده ديره ثانيه انا اخترت سنغافوره وهونغ كونغ وقعدت في كل وحده 3 ليالي

ومن دول شرق اسيا الي استراليا طيران الكوانتس ( الاسترالي ) مقرهم مجمع دار العوضي

http://www.qantas.com.au/regions/dyn/home/qualifier-country-au

 

[اموره وحلوه]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

اوركيدا مشكورة ع الموضوع وبغيت اعرف شنو اهم الاشياء الي المفروض ناخذها معانا بالسفر او الشاليه اذا كان لعدة ايام ومشكورة ياقلبي

 

[كـلا كـلا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

مشكورة بنت عبدالغني ماقصرتي
حيل فدتيني

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

مشكوريين على هالموضوع المفيد ما قصرتو

العفو حبيبتي ..

:aha:

موضوع مميز ومفيد

ماقصرتو وعساكم على القوة



:aha:

نورتينا بنوته .. الله يعافيج حبيبتي

اوركيدا مشكورة ع الموضوع وبغيت اعرف شنو اهم الاشياء الي المفروض ناخذها معانا بالسفر او الشاليه اذا كان لعدة ايام ومشكورة ياقلبي

العفو حبيبتي وبالنسبه لأستفسارج .. لقيت لج هالمواضيع تتحدث عن محتويات الشنطه بالتفصيل وان شاءلله بتستفيدين منهم ..

محتويات شنطة السفر .. يالله تعالو نستفيد ...

شنو تحطين بجنطتج للطياره

لاتنسين تحطين هالاشياء بجنطة السفر

هذا ردي على سالة الاخت الموش وصلتني عالخاص:

السلام عليكم ..

شلونج اوركيدا .. وشلون البحرين

حبيبتي انا ماعندي خبره بفلوريدا انا رايحه كلفورنيا ..

بس بنت خالي بتروح امريكا واول مره .. بالضبط تبي تروح اورلاندو ..


بليز اذا عندج فكره .. ابي شنو المناطق الحلوه بفلوريدا .. وبره فلوريدا ؟؟

اهيا ودها تروح كروز .. وبعدين اورلاندو.. وبتشوف مناطق بفلوريدا .. وتبي تطلع من فلوريدا ّ!

رحلتها 45 يوم .. بليز هيلب وثانكس

انا الحمدلله طيبه والبحرين زينه تسلم عليكم :ggdw:

تقريباً رحلتها بتكون نفس رحلتي بتقريري .. فتقريري بيفيدها وايد .. وهذا الرابط ..
بأختصار الرحله اذا ماعندها وقت تشوف التقرير على هالرابط..

http://www.q8yat.net/showthread.php?t=200551

اول تطير مباشر لمطار ميامي .. تقدر اذا تبي تمر نيويورك قبل لانه معظم خطوط الطيران تنزل أول لمطار نيويورك .. خصوصا الخطوط اللي مباشر من الخليج الى امريكا .. احنا على البرتش اير ويز نزلنا لندن او من لندن على طول مطار ميامي ..

المعامله فمطار ميامي ممتازه .. احنا اكثر من مره ننزل فيها ودايما متعاونين ويانا ومانلاقي اي مضايقات ..
المهم ميامي يبيلها حول ال4-5 ليالي .. ومنها تطلع كروز .. الكروز مدته 7 ليالي ويوم اللي توصل .. تاخذ تاكسي وعلى طول تستأجر سياره اللي بتروح فيها اورلاندو .. اورلاندو اذا معاهم يهال يقدرون يقضون فيها الباقي من المده ..

واهما في اورلاندو يقدرون يطلعون ويروحون دايتونا بيش او تامبا .. او اذا كانو خفاف يقدرون بالطياره يروحون لاس فيجاس تبعد 3-4 ساعات ..

وان شاءلله يستانسون ..

 

[اموره وحلوه]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

حبيبتي اوركييدا مشكورة وايد وايد الله يعطيج العافيه ماقصرتي
:tek:

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

العفو حبيبتي اموره ..

هذي بعض الرسايل اللي مامسحتهم من الخاص ..

قوة اختي اوركيدا:68_asmilies-com:
ومشكووووووووووورة
على تقرير سفرتج لفلوريدا:eh_s(6):
ممكن اعرف سؤال
انا ما فهمت شلون الكروز ينزلج المكان وتتمشون وتباتون فيه ولا بس 12 ساعة وترجعون تصعدون الكروز؟؟؟؟؟؟؟؟؟؟؟؟؟؟؟؟؟؟؟؟؟؟
لاني سويت سيرج على الكروز وبفر اوربا او ديزني فلوريدا
ما ادري في 3 ايام شلون يمديني انزل ديزني وابات بالفندق
فلازم احجز فنادق بعد ولا بس احجز الكروز والتذاكر
ساعديني وفهميني
الله يعطيج الف عافية
ولج اجر عملج
وشرايج الكروز على اوربا ولا امريكا احلى
ولا السفرة على المانيا والنمسا وفرنسا وسويسرا
ابي رايج من تجربتج :ggdw:
بس معاي اطفال صغار على فكرة

وجزاج الله كل خير:tek:

وردي ..

لا حبيبتي العفو اول شي دام فكرة امريكا وارده لاتفكرين باوروبا .. امريكا ارخص واحلى وانسب خصوصا انه معاج اطفال .. الفنادق مثل المنتجعات .. كلهم نظام فندق وشقه بنفس الوقت ..

لكروز اللي رحنا لها مدتها اسبوع من السبت الى السبت .. يوم الخروج ويوم ابحار و4 ايام على التوالي كل يوم ننزل بجزيره .. بين 8 ساعات او 10 ..

مانبات المبيت كله بالكروز ..

بالنسبه لكم انتوا انسب لكم تحجزين كروز التابعه لدزني .. فيه بين 3 الى 7 ايام شوفي اللي يناسبكم سوي سيرج على ديزني كروز لاين .. اما فلوريدا فيبيلها فوق الاسبوعين .. اهيا اللي فيها حدايق ديزني .. وان شاءلله تستانسون

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

أرسل أصلا بواسطة ice box
هلا اختي
سوري عالازعاج
بس حبيت اسأل عن سفرتش اللي بالسفينه كلفتكم 700 دينار بحريني لكم شخص وهل اهي شامله كل شي الفندق والاكل وكل شي؟ورحتو تبع قروب والا بروحكم؟؟
سوري عالازعاج مره ثانيه

اهلين عزيزتي مامن ازعاج ..

المبلغ شامل السكن فالسفينه والوجبات كلها اكل وشرب .. ومارحنا تبع قروب بروحنا بس اهم شي تحجزون مبجر احنا حجزنا شهر 4 ورحلتنا كانت شهر 8

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

أرسل أصلا بواسطة dalalcollection
السلام عليكم...


وايد قريت لج مواضيع بنات يستفسرون عن البحرين فحبيت بس اسألج وين صاير السيتي سنتر باي منطقة؟؟

وهل كل محلاه فاتحة؟ انا انشالله بيي البحرين بس يوم واحد فمراح يميديني اروح الا يا السيف او السيتس سنتر ...

ستنصحيني ؟؟

مشكورة

عليكم السلام

هلا حبيبتي انصحج بالستي سنتر بدون شك .. اهوا صاير قريب كلش من السيف .. تخلين السيف على يدج اليسار او تروحين سيـــــــــده بتشوفينه على يسارج .. مايتضيع فلاتحاتين وان شاءلله تستانسون

 

[اوركيدا]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

وهذي ردود على استفسار وحده من البنات على الخاص ..

اهلين حبيبتي .. مبرووك مقدماً ..الله يعافيج .. والحمدلله انه تقريري شجعكم على الروحه لانه صج بتستانسون ..
امريكا تينن وفيها كل شي .. بتدمنونها مثلنا ...
تقدرين تختارين انج تنزلين بمطار ميامي .. ميامي تبعد عن اورلاندو مثل ماتبعد البحرين عن الكويت تقريباً لكن مع المناظر الحلوه والاستراحات ماتحسين بالطريج ابداً ..
ميامي اخذو فيها كروز .. 7 ليالي .. او احلى شي انه الكروز يكون بأول الرحله ..
كل ماحجزتو قبل كل ماقلت تكلفة الكروز .. او بعد ماتنزلون من الكروز تمو في ميامي ليلتين على الاقل شوفوها .. ومنها اخذو سياره لي اورلاندو .. اورلاندو فيها الحدايق الاسواق المطاعم وبشهر فبراير الجو رووووووووووووووووووووووووعه .. براد معقول ويناسب التمشي فيها ..
برامج اورلاندو اكثرها حدايق ديزني ويونيفرسال .. ومثل ماقلت لج لسوقه .. فالطبيعه اكثر شي بتشوفونها في ميامي او فالكروز ..
اذا حسبنا 9 ايام في ميامي مع الكروز .. و15 يوم في اورلاندو .. يبقى 5 ايام حق لاس فيجاس .. تشوفونها وتباتون ليله في ميامي فالرجعه قبل ماتسافرون ..

يتبع ماشالت رساله وحده

المخطط الثاني انكم تنزلون في نيويورك .. تقعدون فيها 3 ايام .. نيويورك فيها احسن الاسواق .. واسمها نيويورك بتشوفون الـchina town و little italy وتمثال الحريه وفيها معالم وايد ..
السنترال بارك بروحها تينن .. ومحلاتها بحجم المجمعات عندنا وعندهم outlet يبيله اقل شي يومين ..
بعد هالـ3 ايام تروحون بالطياره اورلاندو .. تقعدون فيها 15 يوم .. ومنها لي ميامي .. 5 ايام وترجعون نيويورك ..
ميامي تينن .. طبيعتها حلوه .. اسواقها حلوه .. والمحيط فضيـع او فيها برامج بحريه وايد .. تقدرون تأجرون يخت او جت سكي غير المتاحف اذا من هواياتكم ..
ان شاءلله اكون فدتج حبيبتي

واخر شي ردها ..

ماقصرتي يالغااااااااااااااااااليه عسى عمرج طويل .. احنا تقريبا بس اسبوعين لان انا ابيها بشهر 2 عشان يصادف الفلنتاين وعيد ميلادي وبعدها تبتدي الدومات

هلا حبيبتي دام اسبوعين وزعيهم 10 ايام اورلاندو و 4 فيجاس ..
اورلاندو يبلكم حق الحدايق 8 ايام والسوق يومين .. وتقدرون اتسوقون في فيجاس سوقها اينن كلشي قيه ..
وخلي اليومين اللي في اورلاندو حق الـoutlet .. وحتى بايام الحدايق تقدرين تروحين المجمعات اذا خلصتو من وقت لانه انتوا وايد بيساعدكم الجو حلو ..

وبالسلامه ان شاءلله

رد اخر .. وللأسف ماعندي الاسئلئه .. مسحتهم لانه صندوق الرسائل امتلى .. بس يمكن تستفيدون من الاجوبه ..

هلا حبيبتي .. انا الحمدلله بخير شلونج انتي ؟؟

الكروز is a must على قولتهم! ..
للكروز لا مايبيله فيزا بس أهم شي انه فيزتج تكون multible يعني ممكن الدخول والخروج فيها ..
اتوقع دام معاج اطفال بكروز ديزني بتستانسون اكثر .. لأنه البرامج عائليه اكثر من الرويال كاريبيان .. وكفايه انه معاهم الشخصيات وفي عروض بيستانسوون .. لكن حتى في حين ماحصلت الرويال كاريبيان كروز بعد روعه او فيها برامج لهم

بالنسبه اذا كان لازم تختارين فانا اختي راحت على المجستي بشهر العسل وتمدحها بس انتي ليش مصممه على البهاماز؟ في كروز ايدد وحده بتنزل جريب في ميامي اسمها oasis of the sea اكبر وحده فالعالم واظن تتناسب مع وقت روحتكم .. + الجو فالجزر الكاريبيه ادفى من البهاماز في شهر 12 على مااعتقد

اذا تحسين الرحله مو مترتبه لحد اللحين فأنصحج تنتظرين للسفره اليايه وترتبينها لأنه حتى الاسعار فيها فرق فحرام! اللي بتدفعونه حق غرفه سعر اكبر سويت قبل 3 او 4 اشهر من وقت الرحله ..

الكروز تسوى حتى لو سفرتكم 15 يوم لكن اهم شي انه ترتيبكم يكون صح .

أرسل أصلا بواسطة alshamali
السلام عليكم حبوبه عليكم بالعافيه رحلت المروز بس بالنسبه للياهال نفس سعر الكبار في الكروز ولا يفرق ؟
وشاكرتلج

عليكم السلام .. هلا حبيبتي ..
الله يعافيج .. الكروز طبعا الياهل وايد اقل بس ماني ذاكره السعر بالضبط ..حياج الله

ورد اخر ..

اهلين عزيزتي ..
الحمدلله انج استفدتي من الكروز هذا غرضي وعليكم بالعافيه ..
بالنسبه للكروز اكيد بكون صريحه معاج .. اولاً الكروز بتستانسون .. ومابيكون النقاب عائق ابداً .. لاتحاتين هالشي بالمره .. نظرات الاستغراب دام انتي بامريكا اكيد تشوفينها فالحال بيكون نفسه فالكروز .. وتقدرين تستمتعين بكافة المرافق باذن الله
بالنسبه لخطنا احنا ..
أول جزيره اللي اهيا تاهيتي .. لابادي ..
هالجزيره تابعه لشركة الرويال كاريبيان .. تفدرون من المكتب نفسه وانتوا تحجزون للرحله تسألونهم عن الprivet beach فالهجزيره شاطئين خاصيين .. يخلونج فيه انتي او زوجج بس او تستمتعون على راحتكم وطبعا بتقدرين تسبحين وتسوين كل شي خاطرج فيه .. حاولينكم جبال او محد يقدر يوصل للبيج إلا عن طريق البحر .. وعندكم تلفون خاص في حال تبون تقطعون الوقت وترجعون في اي وقت .
ثاني جزيره جامايكا .. تقدرون تاخذون رحله استطلاعيه على الديره تشوفون معالمها او اسواقها .. ونفس الحال فالمكسيك وجراند كايمان .. او تقدرون تحجزون beach .. او تستمتعون اذا انتي من النوع اللي ماتفتكرين حق الناس وعادي .. ترى اهما نفس الشي كل واحد في حاله ..
يعني رايي توكلي على الله .. وفي حل ثاني انكم تختارون خط ثاني من نيويورك الى كندا بتمرون على ولايات وايد وبتكون عندكم نشاطات مختلفه مب كلشي بحري والاهم انكم بتستمتعون فالكروز .. واي شي ثاني انا حاضره عزيزتي

 

[Al-MoSH]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

مشكووورين ويعطيكم العافيه على الموضوع ..

 

[ملوووكة]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

مشكوره حبيبتى اوركيدا بالعكس ما قصرتى انا حاليا يمكن راح افكر باوروبا لانى احس انى تعبانه هذا اذا الله كتب لانه سفرت استراليا احس متعبه اكثر
اما بالنسبه لامريكا ميته اروحلها بس اضحكج على ريلى يقول انه مو امان وانه حاس انه راح يموت هناك يعنى راح يذبحونه الله يهديه

 

[ام كتكوت]

رد: ஹ๛ഝॢഖഐ بتسافرين عندج اي سؤال او استفسار حياج الله مع مشرفات وخبيرات السفر ๛ഝഖॢഐๅஹ

الله يعطيكم العافيه بنات

سؤال :

اذا عجبني منتجع او شاليه يعني مو فندق ..!

شلون احجز من الكويت واتواصل معاهم

بالنت ولا التلفون

يعني اذا بالبحرين منتجع اتصل فيهم واحجز يصير او لأ ؟؟؟

ومشكورين