موضوع خاص للأستفسارات المتعلقة بالأسنان

[مريم81]

جزاج ربي خير على اللي قاعدة تساعدينا فيه .. ولو سمحتي عندي إستفسار ،،

حطيت لمدة ( أربع سنين ) تقويم وشلته قبل جم سنه .. طبعا تعدلوا أسناني وايد ،، ولله الحمد // لكن إللي لاحظته إن صوب غير عن الثاني // صوب الأسنان عدلين ،، والصوب الثاني الأسنان كل واحد فيهم صاعد إشويه على الثاني من كثر ما أهمه مرصوصين في بعض ،، زبدة كلامي ،،

يفيدني ألحين إذا حطيت تقويم شفاف ولا لأ عشان يعدلهم ،، حتى لو لمدة قصيرة !!

وجزيتي الجنة .

 

[سراب2008]

انا ركبت التقويم لمده 7 شهور لسبب بسيط ان الانياب في الفك العلوي مرتفعه عن مستوى بقيه الاسنان والسن الي جنب الانياب كان راجع قليل عن مستوى الاسنان والحين سافر الدكتور الي كنت اتعالج عنده ورحت لدكتور ثاني وفك التقويم ولما رحت سالت بمستشفى ثاني قال ان الدكتور فتح التقويم قبل وقته يعني لم يتم تطابق الاسنان على بعضه في الفك العلوي والسفلي الا من جانب واحد والثاني لا وقال ان عندي سن في الفك السفلي مايل على جنب قبل مااركب تقويم كان عدل قال اذا ركبتي تقويم الحين ماراح تستفيدين منه بس بيعدل السن المايل ام باالنسبه لتطابق الاسنان قال انه ماراح يصير شي وانتي بتحطينه 6 شهور على الفاضي انتي ماريك في الموضع انا الحين الاسنان العلويه ترتبت عندي مافيه مشكله بس الحين صار عندي اثنين من الاسنان مايلين واحد بعد التقويمم الثابت مباشره والثاني بعد تركيب التقويم المتحرك مال عن مكانه ساعديني الله يعطيك العافيه باسرع وقت ممكن شسوي الحين

 

[دلـــع_الكويــت]

مشكورة دكتورة بعد قلبي طمنتيني...

 

[digital]

يعطيج العافييييه

عندى سؤال

تعرفين اذا فى دكتورات متخصصين بزراعهة الاسنان

دكتووورات يعنى بنات مو رياييل ؟؟؟

 

[ملح و سكر]

السلام عليكم اشلونج دكتورتنا .....انا دشيت بس علشان اقولج يعطيج العافيه على كل اللى سويتيه مع بنات المنتدى.....

 

[ghalaty]

دكتوره يعطيج العافيه ابي اسأللزراعه تعور ؟؟؟؟؟ وتعرفين عياده زينه للزرتعه وشكرااااااااااااااااا

 

[شوق عمري]

دكتورة حبيبتي عندي سؤال بسيط ارجو تردين علي ...........

انا مسوية عصب وخلصت بس بقالي لازم البس الضرس وانا زقهت من الحكومة ودي اروح خاص بس كم التكلفة ؟

سمعت 100 وفوق اذا جذي ارد الحكومة احسن لي ...............ززز

 

[سما الكويت]

دكتوره الله يعطيج العافيه ويجزاج كل خير..

انا عندى تسوس بين الاسنان الاماميه..الثنايا..وشلته من جم سنه وقطعت عصب..وسويت حشوه بورسلان نفس لون السن..والحين الحشوه مع السنين تقريبا خفت وصار فيه فلجه بين السنين..وصارت صفره..بروح اشيلها واركب غيرها بس ودى ابيض اسنانى..شرايج ايهو الانسب..يهمنى صحة السن..لانى انا تقريبا مهمله بالفرشاة والمعجون..ماحب كل يوم استعملهم..بس انظف اسنانى بالخيط والمسواك كل يوم تقريبا..

تعليماتج يا قلبي..شسوى..

 

[ميمونيه]

سلام عليكم ورحمة الله وبركاته
حياج الله يادكتوره بخصوص حالتى أنا شايله اعصاب أسنانى الأمامى الأثنين قالوا دكتور شالوا غلط وخربت معاىالأسنان قال فى هذه حاله علاجهالازم نحط لكى وتد ثم نلبسه فونيرز مو بس الأثنين الأربع أمامى

شنو تنصحنى جزاك الله خيرا

 

[والله احبــه]

اول شي اشكرج على الموضوع الاكثر من رائع وله افاده كثيره
ثاني شي بدش بموضوعي :
انا كان عندي تسواس بسني فادكتور شالي الضرس وحطلي واحد ثاني من( السيراميك ) المهم الضرس هذا الصناعي له ريحه غير مستحبه مع العلم انا قبل لا احط سن صناعي ماكنت اعاني من مشكلت رائحة الفم
بس لما حطيت السن هذا صار لي رايحه بالفم مهما سويت في رايحه فارحت للدكتور فا قالي هذا لانه السن من (السيراميك) وهذا سبب الرايحه
بعدين قرارت اشيله واركب غير من (الزيركون )اذا انتي سامعه فيه او لا لانه الدكتور قالي هذا ما يخلي بضرس رايحه المهم نفس الشي للحين الريحه موجوده والسبب في الضرس
ياليت القي عندج حال ؟
نصحيني شنو اسوي ؟
والله مرات ودي اشيله واخليه فاضي بس اخاف اسنونسي تفرق
انتظر ردج ​

 

[اشغلت بالي]

مرحبا دكتورتنا انا اسناني الاماميه فيها اوجاج بسيييييييط ورحت حق الدكتور وقالي لازم تقويم وانا مااحب شكل التقويم العادي ابي اسالج عن التقويم الشفاف نفس العادي ولا لأولا العادي افضل؟

 

[نووووونا]

 

[دكتورة أسنان]

مشكووووووووووره دكتوووره على الرد يعطيج الف عافيه
ماقصرتي

الله يعافيج حبيبتي حياج الله

 

[دكتورة أسنان]

السلام عليكم دكتورتنا الغالية

شلونج ؟؟

ان شاء الله بخير وصحة وعافيه

حبيت أسأل عن التصبغات اللي تصير بالاسنان نتيجة لكورسات الحديد (تناول حبوب الحديد) ,, هل تنظيفهم يكون سهل ؟؟ ,, ولا يكن يظلون ما يروحون !!


وسلامتج

وعليكم السلام ورحمة الله و بركاته ..

بخير عساج بخير حبيبتي مشكوره

اي حبيبتي ممكن تروح بس غالبا اللي صارلها فتره كبيره يظل لها اثر خفيف ..

حياج الله

 

[دكتورة أسنان]

مشكووره دكتووره ما قصرتي ,,, بس الضرس اللي جدام اهو اللي اعتقد انه لبني ,,مو اللي ورى اللي بشيله ,,اممم تهقين راح يطيح اللي جدام !!!!
وتقولين عادي يعني يقصون اللي ورى والا يبردونه لي؟ لانه بصراحه اخااف اشييله احسه حييييييل قوووي

--------------------------------

اي حبيبتي غالبا اللبني مرده يطيح .. اي عادي ممكن ينبرد بس انا اقصد تبردين اللي جدام مو اللي ورا .. لاتجيسين الضرس الدائم حرام .. بردي اللبني شويه سنعيه و بس علشان هم اذا طاح يضل الدائم مكانه ..

حياج الله

 

[دكتورة أسنان]

اختي بعد بسالج عن اجهزة تبييض الاسنان اللي يبيعونها صج يقولون مو زينه ؟؟؟
وفي جهاز مثل الليزر ينباع مفكره اشتريه بس خاايفه اخاف يضر الاسنان شرايج فيهم ؟؟؟

شوفي هالرابط فيه جهاز لتبييض الاسنان
http://www.q8yat.net/showthread.php?t=282540&page=5


-----------

من اي ناحيه تقصدين مو زينه ؟

عموما التبييض يسبب حساسيه للاسنان و اللثه بشكل عام .. و الجهاز اللي حطيتيلي الرابط ماله مو جهاز تبييض .. الماده المبيضه تكون موجوده بالجل نفسه و اهو نفس الجل العادي اللي ينباع بالضيدليات و لصقات التبييض و الفارنش .. اما وضيفة الليت الازرق فهي بس علشان تنشف الماده بسرعه و ماتحتاجين تخلينها على اسنانج طول الليل بس ..

اذا في ضرر فهو بالماده المبيضه مو جهاز الليت .. و اذا تبين تقللين من الضرر حطي ماده عازله مثل الفازلين على اللثه قبل لا تحطين الجل .. بس طبعا النتايج ماراح تكون مثل التبيض في العياده و في ناس يفرق معاهم و ناس لا ..

حياج الله

 

[دكتورة أسنان]

مشكوووووره دكتوره وماقصرتى

دكتوره انا مسويه تلبيس باجزء العلوى من الفك بس مرات اللثه تنزف وحاسه ان فيه دم متجمع عادى اروح اشيل التلبيس وانظفه

تهقين مايخرب التلبيس ؟

واسنانى القواطع مسويتهم سيراميك واللى بصفهم تلبيس عادى ذهب ابيض تهقين لو غيرت السيراميك وسويته تلبيس ذهب ابيض مايطلع شكل الاسنان كبير

يسلمووو ع الاستشاره

حبيبتي لازم تروحين تنظفينه و اذا في مجال ينرد اوكي رديه عادي بس اغلب الاحيان يتغير ..

حبيبتي يعني بتسوين القواطع ذهب ابيض ؟ ولا تبين ذهب تحت السيراميك ؟؟

 

[دكتورة أسنان]

يعطيج العاااافيه دكتورة
انا بنتي عمرها 3 سنوات وتشتكي من اسنانها اللي جدام واهم اصلا متأكلين هل ينشالون ولا بس علاج لهم لان يقولون الضروس اللبنيه ماتنشاال
والله يعطيج العااااافبه

الله يعافيج حبيبتي ..

شنو نوع الشكوه يعني ؟؟ متاكله من السوس ؟

اذا في مجال للعلاج افضل لان اللبنيه تطلع بعمر ال 6 سنوات عالاقل فنبي نحافظ على المسافه قدر الامكان اما اذا الم ماتتحمله و مايصلح يتعالج .. عادي تشيله و يركبولها حافظ مسافه و ساعات بالاشعه يبين اذا الضرس الدائم قريب و يطلع ما يركبولها حافظ مسافه ماله داعي ..

الله يعافيج حبيبتي

 

[دكتورة أسنان]

جزاج ربي خير على اللي قاعدة تساعدينا فيه .. ولو سمحتي عندي إستفسار ،،

حطيت لمدة ( أربع سنين ) تقويم وشلته قبل جم سنه .. طبعا تعدلوا أسناني وايد ،، ولله الحمد // لكن إللي لاحظته إن صوب غير عن الثاني // صوب الأسنان عدلين ،، والصوب الثاني الأسنان كل واحد فيهم صاعد إشويه على الثاني من كثر ما أهمه مرصوصين في بعض ،، زبدة كلامي ،،

يفيدني ألحين إذا حطيت تقويم شفاف ولا لأ عشان يعدلهم ،، حتى لو لمدة قصيرة !!

وجزيتي الجنة .

حببيتي مشكوره و حياج الله ..

غالبا وايد اسمع هالشكوى من اللي مركبين تقويم .. ممكن تحطين التقويم الشفاف بس لازم قبل تفحصين عند الاستشاري تشوفين اذا في مجال يتحركون اكثر ولا ماله داعي ..

 

[دكتورة أسنان]

انا ركبت التقويم لمده 7 شهور لسبب بسيط ان الانياب في الفك العلوي مرتفعه عن مستوى بقيه الاسنان والسن الي جنب الانياب كان راجع قليل عن مستوى الاسنان والحين سافر الدكتور الي كنت اتعالج عنده ورحت لدكتور ثاني وفك التقويم ولما رحت سالت بمستشفى ثاني قال ان الدكتور فتح التقويم قبل وقته يعني لم يتم تطابق الاسنان على بعضه في الفك العلوي والسفلي الا من جانب واحد والثاني لا وقال ان عندي سن في الفك السفلي مايل على جنب قبل مااركب تقويم كان عدل قال اذا ركبتي تقويم الحين ماراح تستفيدين منه بس بيعدل السن المايل ام باالنسبه لتطابق الاسنان قال انه ماراح يصير شي وانتي بتحطينه 6 شهور على الفاضي انتي ماريك في الموضع انا الحين الاسنان العلويه ترتبت عندي مافيه مشكله بس الحين صار عندي اثنين من الاسنان مايلين واحد بعد التقويمم الثابت مباشره والثاني بعد تركيب التقويم المتحرك مال عن مكانه ساعديني الله يعطيك العافيه باسرع وقت ممكن شسوي الحين

هلا حبيبتي .. رديت على رسالتج بالخاص