موضوع خاص للأستفسارات المتعلقة بالأسنان

[دكتورة أسنان]

الله يعطيج العافيه وحياج الله بيناتنا الصراحه اول مره اشوف الموضوع وما اقول الا بارك الله فيج ان شاءالله ووفقج قولي امين

حبيبتي دكتورتنا الفاضله

انا من النوع اللي يحافظ على اسناني وايد مو شويه خيط وافرش اسناني مرتين باليوم
بس اعاني من مشكله ان اسناني وايد متلاصقه ببعضها البعض
مسوي تقويم من زمان ظل مدة 6 سنوات
وخلالها تم خلع 6 اسنان ومازالت في تراص وتلاحم حلوه الكلمه السابقه

المشكله يا دكتوره تصير السوسه بين الاسنان ما تبين من بره الاسنان نظيفه ولانقطه فيهم
فجأه احس بالم اروح الطبيب يفتح لي ضرس الا واصل لي العصب الضرس اللي يعورني والضرس اللي يمه الحين تقريبا كلهم صار معاي هالحاله
ماظل شي
حتى هاليومين احس بعوار يخيليني انقز اذا حاش واحد من ضروسي شيره او حلا للعلم ان واحد فيهم مسويته عصب والثاني مشتغلين فيه بس الظاهر بيناتهم في سوسه شسوي شنو الحل تعبت والله تعبت من كثر ماا اراجع طبيب الاسنان

هلا حبيبتي الله يحييج و مشكوره على الدعوه الحلوه و لج مثله امين

مشكلة التسوسات اللي تصير بين الاسنان انها مسرع ماتضرب العصب مباشره و السبب اهو قرب ها منه طبعا .. الحل الوحيد اهو انج تستخدمين الخيط السنني المشمع (waxed) و اللي فيه فلورايد لان الفلورايد يقوي الاسنان و يعالج التسوسات البسيطه في بدايتهاو يمنع انتشارها و حاولي تزيدين عدد مرات استخدامه .. ما انصحج توسعين المسافات اذا كنتي تفكرين بهالشي ابدا

حياج الله

 

[دكتورة أسنان]

مرحبا دكتورة بغيت اسال عن طريقة تبييض الاسنان بازالة الطبقة الرقيقة ووضع مكانها نفس القشرة عشان تصير نفس الفنانين بيضة وحلوة والله ناسية اسمه

بغيت اسال عن النتيجة هل بيصير تغيير على اسناني غير اللون اقصد بالشكل و البياض هل بيصير اوفر لاني شفت وحده مسوية ضروسها بيضة لدرجة اني قمت اشوفهم زرق وشكل اسنانها تغير بس ماعجبتني موحلوة وهل الافضل هالطريقة ولا الزووم؟


وهل صج في طريقة طريقة تترتيب للاسنان غير التقويم؟ وشنو ايجابياتها وسلبياتها؟
ومن قبل قالي كذا دكتور ضروس العقل لازم اشيلهم ال 4 لان طالعين غلط بالجراحة فجم يوم راح اعاني من الجراحه وهل اشيلهم كلهم بوقت واحد ولا واحد واحد ولا شنو بالضبط وسامحيني عالاطالة

هلا حبيبتي قصدج قشور البورسلان ( اللامينيت فينيرز ) ..

طريقتها كالاتي ..
في الزياره الاولى يشرح الطبيب فكرتها للمريض و ياخذله طبعه لاسنانه و يختار معاه اللون اللي يناسبه و يحدد له موعد للزياره القاده و اللي فيها يتم برد ما يعادل 0.5 ميللي من الجهه الاماميه للاسنان .. و من ثمم تلصق عليها قشور من البورسلان مثل شكل العدسات الاصقه طبعا باستخدام صمغ خاص و اخيرا يسلط عليها الضوء لسرعه التسريع عملية اللصق و بس

اما عن سؤالج عن اللون .. الغلط مو منها لان دائما المريض يسعى للبياض الناصع و يعجب فيه كثيرا لانه مو دارس مقاييس جمال الاسنان و الفرق بين المعقول و اللا معقول هني ايي دور الطبيب في اقناعه

و بالنسبه لرايي الشخصي اذا كنتي مصره فافضل التبييض العادي لانه اقل ضررا على الاسنان اما اذا ماكان يهمج الضرر و سؤالج الهدف منه ايهما اطول مده و عمر افتراضي .. فجوابي بيكون اللامينيت وهقتج ؟

سؤالج هذا ما فهمته حبيبتي (وهل صج في طريقة طريقة تترتيب للاسنان غير التقويم؟ وشنو ايجابياتها وسلبياتها؟) ..

بالنسبه للجراحه في دكاتره يخلصون كل جهه بيوم يعني الجهه اليمين فوق و تحت بنفس اليوم اذا كان في مجال و الجراحه ماراح تاخذ جهد كبير لان في بعض الاحيان تكون اصعب من ان الطبيب يسوي الاثنين .. فهالشي سالي فيه الدكتور اللي راح يسويهم احسن

حياج الله حبيبتي

 

[دكتورة أسنان]

الله يعطيك العافيه دكتوره

بوديه دكتوره ونشوف وان شاءالله خير

اذا على العمر هو كمل ثمان سنوات في 13|2

تسلمين على اهتمامك

الله يعافيج حبيبتي طمنينا عليه

 

[دكتورة أسنان]

سلام دكتورتنا

عندي سؤال

اسناني الامامية على طول احس جنه فيهم هوا بارد

يعني اهما حساسسين؟؟؟؟

شنو اقدر استخدم لهم

علما اني استخدم معجون كلوس اب وغسول سنسوداين للاسنان الحساسة تقريبا 3 مرات في اليوم




سؤال ثاني



انا عمري 35 سنة واكو فتحات بين اسناني اقدر اسوي لي تقويم؟؟؟؟


سؤال ثالث

اسناني الامامية التحتانية من كثر التنظيف صاير شكلهم من تحت مثل بينهم فتحة بس من فوق ملصوقين ببعض

شنو الحل


ولج جزيل الشكر

هلا حبيبتي ..

اذا تحسين بهوا معناته حساسه .. استخدمي اي معجون اسنان يحتوي على نيترات البوتاسيوم و كلوريد الصوديوم .. اي ماركه مو شرط شي معين و اذا تستخدمين سانسوداين ممتاز استمري عليه و استخدمي العجون بعد سانسوداين ..

حبيبتي التقويم ماله شغل بالعمر سوي فحص عند الدكتور و اشعه للفك اذا كل شي تمام طبعا تقدرين تسوين

بالنسبه للاسنان السفليه .. لا تستخدمين الفرشه القاسيه حاولي تستخدمين الوسط او الناعمه بعد لان استمرار التفريش بالفرشه القاسيه بشده يؤدي الى انحسار اللثه عن الاسنان و نزولها عن المستوى الطبيعي .. كوني حذه و لا تتهاونين لانه مشاكلها كثيره بالمستقبل .. حساسيه و التهابات و جيوب ..

حياج الله

 

[يا صغر الفرح في قلبي]

يزااج الله الف خيير اختي وجعل هالشي في موازين حسناتج ان شاء الله


اختي عندي اول سؤال : انا حيييييييل اخاف من ابرة البنج فشلون اتغلب على هالشي؟؟؟ وشلون ممكن اتغلب على عوار الابره ؟؟؟؟؟؟؟؟




ثاني سؤال بشرحلج حالتي : انا عندي ضرس زاايد فووق مكان الناب ,,, منزماااااان بس هالايام قاعده افكر اشيله ... من جم سنه رحت للطبيب وفحصني نظري ماسوالي اشعه وقالي الظاهر انتي عندج ضرس لبني جدام ,,وماطاح للحين فطلع الضرس الزايد وراه ,, قتله اوكي ابي اشيل الزايد اللي ورى وخل الي جدام ,, قالي اخاف اذا شلت اللي ورى يطبح اللي جدام ,,@@ انزين انا شسوي بهالحاله ؟؟؟ ماكو حل اني اتخلص من الضرس الزايد بدون لا اشيله ؟؟؟ مثلا اقصه والا ابرده ؟؟؟؟اخاف تشيله ويطيح اللي جدامه بشنو تنصحيني؟؟؟؟؟؟؟؟ا

 

[دكتورة أسنان]

مرحبا دكتوره

شلونج ان شاء الله بخير

بغيت استفسر عن عمليه تنظيف الاسنان

رحت للمستوصف الحكومه قالت لي الدكتوره مااقدر اسويلج لان

اللثه عندج تعبانه !! عطتني علاج!!

رديت مره ثانيه لقيت دكتور جان يقولي

ماراح اسويلج لان اسنانج ماتحتاج تنظيف@@!!

طيب بسوي شلون يعني!!

تخيلي رفض!!

طبعا مالي الا الخاص!!
دقيت على احد العيادات وسالت عن السعر طبعا

قالت لي اذا عند استشاري ب 20!!
واذا عند دكتور ب 30 وطالع الى ال 80@@!!
سالتها الفرق
قالت
الدكتوره اعمق تنظيف!!

طبعا انا مافهمت شي!!

وحبيت اسالج هو التنظيف درجات وشلون يصير!!

ويعطيج الف عافيه

هلا حبيبتي بخير عساج بخير

والله غريبه مو من حقه يرفض .. انا اقولج ليش .. لان كل انسان لازم يكون عنده التهاب طفيف جدا و لازم كل 6 شهور تسوين تنظيف للجير .. يرفض الطبيب في حاله وحده بس ( اذا كنتي مسويه تنظيف قبل مده اقل من 6 شهور ) غير جذي ماله حق ابدا ..

بالنسبه للخاص طبعا الاسعار وايد اشدعوه عليهم المهم ..

نعم التنظيف درجات .. في التنظيف العادي اللي فيه يتم ازالة الجير فوق اللثه و ميللي تحت اللثه فقط .

و التنظيف العميق المقصود فيه التنظيف تحت اللثه و عادة يكون جراحي للحالات الصعبه .. و ماعتقد انتي محتاجه التنظيف عند الطبيب فاذا تبين تقدرين تختارين الاستشاري و اذا لا قدر الله في شي ( ماعتقد ) اهو راح يقولج ..

حياج الله حبيبتي

 

[دكتورة أسنان]

السلام عليكم دكتوره

حبيت استفسر عن شغله انا اللثه عندي صارلها فتره كل مره تقمج والحين لونها بنفسجي قامج حتى الشفايف قمجت واللي يشوفني يقول انتي ادخنين انا مادخن فيني ربو رحت دكتور سولي تنظيف اللثه وقالي اللثه مافيها شي وتعالي شهر 5 اسويلج تنظيف ثاني سألته عن الليزر موعارف اللي ابي اعرفه جم جلسه احتاج حق تفتيح اللثه دقيت علي عيادات يقولون جلسه وحده بس معقوله والشفايف انا سمعت اني في ابره حق المدخنين يشلون الدم الفاسد منها ادري قرقت على راسج سوري اتمني ردج لاني محتاره

وعليكم السلام ورحمة الله و بركاته

حبيبتي عدد جلسات تفتيح اللثه تعتمد على درجة اللون الغامج في ناس تحتاج جلسه و ناس اكثر طبعا بالخاص لان الحكومه مافيها الجهاز يمكن من جذي ماعرفه الدكتور ..اما بالنسبه للابره ماعندي خبر اتوقع يسوونها بعيادات التجميل مو عندنا بس هم سالي يمكن انا طايفه علي يجووز

حياج الله حبيبتي

 

[دكتورة أسنان]

السلام عليكم ..

يعطيج العافية دكتورتنا .. والله يرزقج على قد نيتج ..

بغيت اسأل شنو علاج الأسنان المتقدمة ؟ هل هو التقويم ؟ والا مافي ؟

وعليكم السلام ورحمة الله و بركاته ..

الله يعافيج حبيبتي مشكوره

غالبا التقويم هو العلاج ولكن اذا كانت المشكله في عظام الفك نفسها التقويم ماراح يحل المشكله .. طبعا بالاشعه راح يبين كل شي ..

 

[دكتورة أسنان]

دكتورة بغيت استفسر عن التقنية اليديدة في تلبيس الاسنان بدون برد يعني بس يحطون قشرة ضعييييييفة على كل ضرس لحمايتة وعشان مايتغير لونهم اسمها المينيريال اتوقع

انا حابة اسويها عشان اسناني يصيرون بيييييض مثل الفنانات واتمتع بابتسامة هوليود
بس شرايج بهالتقنية منها ضرر؟ مع العلم انها مكلفة

هلا حبيبتي اسمها (الامينيت فينيرز ) ..

طبعا اهي تقنيه يديده للمهووسين ببياض الاسنان تطيل من عمر بياض الاسنان و عمرها الافتراضي 5 الى 6 سنين قد تزيد او تنقص حسب مهارة الدكتور و محافظة المريض عليها و على التنظيف الجيد .. اضرارها اخف من التلبيس الكامل و اكثر من التبييض العادي

 

[دكتورة أسنان]

كان فيه اعلان من فتره بجريده بس ناسيه اسم العياده

يسوون تقويم اسنان بستة شهور فقط

هل تعرفين هذه العياده ؟؟

وما رأيك بالمووضوع ؟؟

لا والله حبيبتي ماعرف اسم العياده

اما بالنسبه لرايي بالموضوع .. اكيد مو دقيق لان من مريض لي مريض يفرق .. يعني معقوله اللي اسنانها متراكبه حيل تاخذ فتره كثر اللي اسنانها فيها تراكب بسيط ؟ مستحيل ! فكري فيها بالاضافه الى ان حركة الاسنان السريعه و المفاجاه تسبب الم فظيع بالاسنان و تاكل عظام الفك .. انا ماعرف شنو هالتقنيه بس هذا رايي الجمله اللي كتبتيها يمكن يكون صياغتهم للفكره غير جذي و بالتالي يتغير الحجي بالموضوع

 

[دكتورة أسنان]

دكتورة انا بسوي تقويم لأسناني بس لمن رحت للمستشفى حكومي قالوا لي ما نسوي وانتي اسنانج ما تحتاج

مع ان الكل قالي من خواتي والاهل ان يبيلي تقويم

مادري تنصحيني اروح واسويه عند خاص ولا لا؟؟

نفس المستشفى الي انا رايحه له السستر قالت لنا احنا ما نسوي الا للحالات الي يحتاجون ومو اي احد
هذا قانون منزلينه توه

حبيبتي طالما فحصتي بالحكومه و قالولج ماتحتاجين ما انصحج تفتحين على نفسج باب التقويم لانه مو بهالسهوله اللي انتي متخيلتها .. فعلا بالحكومه التقويم للحالات اللي تحتاجه بس فمعناته انتي مو بحاجته ليش اتعبين نفسج معاه ؟

 

[دكتورة أسنان]

انا حطيت تقويم اسنان من اربع اشهر والحين حط لى الدكتورمسامير باللثة وآنا ما ادري هذي المسامير طريقه يديدة ولا لأ لأن اختي حطت تقويم اسنان عند دكتور ثاني بس ماحط لها مسامير افيدوني

حبيبتي شلون هالمسامير يمكن انتي فاهمه غلط ؟؟ اذا عندج صوره او توضحيلي اكثر شلون شكلها علشان انساعدج

 

[دكتورة أسنان]

شكرا على ردج دكتورة

انا الحمدلله سويتهم طلعوا يهبلون :eh_s(6):ومومتحسفه على الي قطيته عليهم

بس شلون احافظ عليهم سألت الدكتور قالي بس فرشيهم مرتين او ثلاث باليوم

في شي ثاني

انتي دكتورة باي مركز

اسناني ذبحهم التسوس كل ماروح التخصصي يحفرون منهم شوي وبالتالي التسوس للحين موجود وسيء

وماعندي ميزانيه للخاص

شكرا

حياج الله حبيبتي و عليج بالعافيه الحمدلله انهم اعجبوج

التفريش اهم شي و ضروري جدا مو بس 3 مرات .. كل ما اكلتي شي فرشي و استخدمي الخيط السنني عالاقل مره باليوم قبل النوم ..

حبيبتي والله انا اطفال صيري طفله و حياج الله :eh_s(6):

 

[دكتورة أسنان]

يزااج الله الف خيير اختي وجعل هالشي في موازين حسناتج ان شاء الله


اختي عندي اول سؤال : انا حيييييييل اخاف من ابرة البنج فشلون اتغلب على هالشي؟؟؟ وشلون ممكن اتغلب على عوار الابره ؟؟؟؟؟؟؟؟




ثاني سؤال بشرحلج حالتي : انا عندي ضرس زاايد فووق مكان الناب ,,, منزماااااان بس هالايام قاعده افكر اشيله ... من جم سنه رحت للطبيب وفحصني نظري ماسوالي اشعه وقالي الظاهر انتي عندج ضرس لبني جدام ,,وماطاح للحين فطلع الضرس الزايد وراه ,, قتله اوكي ابي اشيل الزايد اللي ورى وخل الي جدام ,, قالي اخاف اذا شلت اللي ورى يطبح اللي جدام ,,@@ انزين انا شسوي بهالحاله ؟؟؟ ماكو حل اني اتخلص من الضرس الزايد بدون لا اشيله ؟؟؟ مثلا اقصه والا ابرده ؟؟؟؟اخاف تشيله ويطيح اللي جدامه بشنو تنصحيني؟؟؟؟؟؟؟؟ا

هلا حبيبتي مشكوره على الدعوه الحلوه و لج مثلها

بالنسبه للبنج .. في جل موضعي مخدر نستخدمه للاطفال و موجود بكل عياده ( المفروض ) بخدر مكان غزة الابره و فعال جدا احنا نستخدمه للاطفال .. الطفل ياخذ البنج علباله راشيله ماي بالمكان مايدري فطلبي هالمخدر الموضعي قبل الحقن

بالنسبه لسؤالج الثاني .. وايد يصير ان الضرس اللبني مايطيح .. بس انتبهي مو شرط يكون لبني ! في حالات يكون ناس عندهم اسنان زايده اوناقصه بالخلقه عادي .. لازم تسوين اشعه و منها راح يعرفون شنو هالضرس هذي اول خطوه ..
ثانيا .. اذا كان لبني و زايد شيليه عادي اذا مضايقج لان مرده بيطيح .. اما اذا كان دائم لاتشيلينه يبردونه لج و يصير شكله عادي مايبين اشعليج عندج ضرس زياده عن العالم مثل اللي على راسه ريشه :eh_s(6):

 

[نوف الكويت]

مشكووووووووووره دكتوووره على الرد يعطيج الف عافيه
ماقصرتي

 

[ثقتي بالله كبيره]

السلام عليكم دكتورتنا الغالية

شلونج ؟؟

ان شاء الله بخير وصحة وعافيه

حبيت أسأل عن التصبغات اللي تصير بالاسنان نتيجة لكورسات الحديد (تناول حبوب الحديد) ,, هل تنظيفهم يكون سهل ؟؟ ,, ولا يكن يظلون ما يروحون !!


وسلامتج

 

[يا صغر الفرح في قلبي]

هلا حبيبتي مشكوره على الدعوه الحلوه و لج مثلها

بالنسبه للبنج .. في جل موضعي مخدر نستخدمه للاطفال و موجود بكل عياده ( المفروض ) بخدر مكان غزة الابره و فعال جدا احنا نستخدمه للاطفال .. الطفل ياخذ البنج علباله راشيله ماي بالمكان مايدري فطلبي هالمخدر الموضعي قبل الحقن

بالنسبه لسؤالج الثاني .. وايد يصير ان الضرس اللبني مايطيح .. بس انتبهي مو شرط يكون لبني ! في حالات يكون ناس عندهم اسنان زايده اوناقصه بالخلقه عادي .. لازم تسوين اشعه و منها راح يعرفون شنو هالضرس هذي اول خطوه ..
ثانيا .. اذا كان لبني و زايد شيليه عادي اذا مضايقج لان مرده بيطيح .. اما اذا كان دائم لاتشيلينه يبردونه لج و يصير شكله عادي مايبين اشعليج عندج ضرس زياده عن العالم مثل اللي على راسه ريشه :eh_s(6):

مشكووره دكتووره ما قصرتي ,,, بس الضرس اللي جدام اهو اللي اعتقد انه لبني ,,مو اللي ورى اللي بشيله ,,اممم تهقين راح يطيح اللي جدام !!!!
وتقولين عادي يعني يقصون اللي ورى والا يبردونه لي؟ لانه بصراحه اخااف اشييله احسه حييييييل قوووي

--------------------------------

 

[يا صغر الفرح في قلبي]

اختي بعد بسالج عن اجهزة تبييض الاسنان اللي يبيعونها صج يقولون مو زينه ؟؟؟
وفي جهاز مثل الليزر ينباع مفكره اشتريه بس خاايفه اخاف يضر الاسنان شرايج فيهم ؟؟؟

شوفي هالرابط فيه جهاز لتبييض الاسنان
http://www.q8yat.net/showthread.php?t=282540&page=5


-----------

 

[ektifeet]

مشكوووووره دكتوره وماقصرتى

دكتوره انا مسويه تلبيس باجزء العلوى من الفك بس مرات اللثه تنزف وحاسه ان فيه دم متجمع عادى اروح اشيل التلبيس وانظفه

تهقين مايخرب التلبيس ؟

واسنانى القواطع مسويتهم سيراميك واللى بصفهم تلبيس عادى ذهب ابيض تهقين لو غيرت السيراميك وسويته تلبيس ذهب ابيض مايطلع شكل الاسنان كبير

يسلمووو ع الاستشاره

 

[أحلى ريماس]

يعطيج العاااافيه دكتورة
انا بنتي عمرها 3 سنوات وتشتكي من اسنانها اللي جدام واهم اصلا متأكلين هل ينشالون ولا بس علاج لهم لان يقولون الضروس اللبنيه ماتنشاال
والله يعطيج العااااافبه