موضوع خاص للأستفسارات المتعلقة بالأسنان

  • بادئ الموضوع دكتورة أسنان
  • تاريخ البدء

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
هاي بسال عن الحشوه شلون الحشوه تنصحيني فيها ولا لا شنو عيبها وشلونها اذا بسكر فتحة اسناني؟يتغير لونها ولا لا؟تحلي ولا تخرب الاسنان؟

هلا حبيبتي ..

قصدج الكومبوزت ؟؟ حشوه تجميليه ؟؟
جميع الحشوات التجميليه لها عمر افتراضي 5 الى 6 سنوات تزيد او تنقص حسب العنايه ..
اذا كانت الفتحه صغيره انصح فيها كاسلم حل طبعا
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
شندوخه عادت من جديد :) الله يعينج علي
حبيبتي بغيت اسالج شرايج بالفيليز ؟ هل يضر الظرس ولالا
لان كلش الحشوات التجميليه اللي ركبتها مافادوني لوعو جبدي

يا هلا و غلا :) نورتيناا

تقصدين الفينيرز ؟؟ يضر الضرس وايد لانه راح يبردولج 1.5 الى 2 ميللي من الضرس داير مايدور طبعا ..
انصحج اذا براسج شر تسوين قشور البورسلان الامينيت اقل ضرر من الفينيرز يبردون 0.5 ميللي من الجهه الاماميه فقط ..

حياج الله :eh_s(21):
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
موضوع روعة
سؤالي انا سويت حشوة لضرسين واحد تقريبا من سنة بس الين الحين قاعدة اتحسس منه بس الحين خف وايد
وخبرت دكتورتي وقالت انه عادي
والثاني قبل 3 شهور بعد اتحسس منه بشكل كبير
هل هالشي عادي وشو سبب التحسس


سؤال ثاني
هل فيه ضرر لو اخرنا زراعة ضرس مكان المخلوع؟؟ انا جالعتنه من8 شهور؟؟

هلا حبيبتي ..

سبب الحساسيه هو ان الحشوه قريبه من عصب السن و لم يتم عزلها غالبا .. مافيها ضرر غير الحساسيه ولكن في بعض الاحيان اذا كانت قريبه جدا ممكن تسبب التهاب العصب وهالشي يبين بالاشعه ..

تاخير الزراعه مو من صالحج طبعا لان الاسنان تتحرك باتجاه الفراغ دائما .. فالاسنان اللي بجانب السن المخلوع راح تتحرك باتجاه الفراغ و السن فوق المخلوع راح ينزل باتجاه الفراغ .. انصحج ماتتاخرين اكثر
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
thaanx for helping us :)

بغيت اسأل من اي عمر اقدر ابرد ضروسي ؟

وعندي ناب راح ينبرد معاهم يصير؟؟ ( للعلم اهوا ناقز شوي)



برد الاسنان يفضل بعد ال 16 سنه :) .. يصير حبيبتي
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
صباح ومســــــــاء العسل


دكتورة آنه أعاني من الم بأسناني من فتره تقريبآ يعني لما أشرب بارد أو حار يصير لي الم غير طبيعي وحتى يوم يطق الهوى بضرسي أحس بالم فظيع
والشي الثاني أسناني متباعدين عن بعض شوي ،بشنو تنصحيني اسوي تقويم وله سد ابالحشو بالفراغات ؟؟؟؟؟؟؟؟؟

والشي الثالث عندي سنين لبنين ماطاحو شنو تنصحيني فيهم؟؟؟؟؟

والشي الرابع شنو تنصحيني أسوي حق التبيض الاسنان الليزر واله التبيض العادي ؟؟؟؟؟؟

والشي الخامس أسناني من قدام اللي فوق شوي مكسرين هاي صارلي يوم كنت حامل بشنو تنصحيني اسوي فيهم؟؟؟؟؟؟؟؟

وتسلمين ويعطيج ربي مليوووووووووووووووووون عافيـــــــــــــــــــة..

مسائج قيمر :)

حبيبتي اسنانج متحسسه من شي .. استخدمي سنسوداين للاسنان الحساسه 4 اسابيع ووقفيه اسبوع و هكذا راح تحسين بفرق ان شاء الله ..

بالنسبه للفراغات .. حسب المسافه بينهم اذا صغيره سديهم بالحشوات اذا كبيره سوي تقويم و طبعا يبين بالفحص ..

بالنسبه للاسنان اللبنيه ... جم عمرج ؟

بالنسبه للتبييض .. الليزر اهو الفعال طبعا و نتايجه مضمونه ..

وبالنسبه لاسنانج الاماميه .. حسب حجم الكسر اذا صغير ممكن يحطولج حشوه تجميليه اذا كبير لازم تلبسينه للاسف علشان لاينكسر عدل ..

الله يسلمج ويعافيج حبيبتي :)
 

Chocolate Milk

New member
إنضم
3 مارس 2006
المشاركات
2,446
مستوى التفاعل
0
النقاط
0




برد الاسنان يفضل بعد ال 16 سنه :) .. يصير حبيبتي

شكرا وايد :)

لاني سألت و قالولي جنه بعد 18

انززين ولازم يكونون كلهم مصفوفين صفه وحده ولا عادي لانه ضروسي مرتبين بس النابين شوي شوي طالعين ؟
 
إنضم
28 فبراير 2006
المشاركات
1,272
مستوى التفاعل
0
النقاط
0
ابى عناية بالاسنان وبياضهم وبشنو تنصحيني حت التبيض
لاني سويت ليزر تبييض ورجعو نفس الشي لاني اشرب شاااااااااااااااااااااااي وايد
 
إنضم
7 مارس 2008
المشاركات
102
مستوى التفاعل
0
النقاط
0
الإقامة
}{Q8}{
السلام عليكم دكتورة ^^

شلون الحال؟

عندي استفسار و مشكلة في نفس الوقت
عندي في اسناني الامانية نابين فوق الاسنان و صراحة حيل مشوهين شكل اسناني،، امي مو راضية احط تقويم تقول انه يضعف الاسنان في المستقبل >< و انا اسناني ما فيها شيء حلوين ..

انا تابعة محافظة الفروانية و مثل ما تعرفين مستشفى الفروانية مو شيء و مواعيدهم هما مو شيء بشنو تنصحيني و عارفة شنو اسوي بعمري
 

ما حلاتي

New member
إنضم
6 أكتوبر 2008
المشاركات
55
مستوى التفاعل
0
النقاط
0
يزاج الله خير
وعقبال ما تستوين برفسوروووووووة ...........قولي امييييييييين .....
سؤالي هل فيه شي منتج امن لتفتيح الاسنان ؟
سؤال ثاني البعض يستخدمون بيكرنونات الصودا او البيكنج صودا لللاسنان هل تضر؟؟
 

eng.jacvara

New member
إنضم
1 مارس 2008
المشاركات
1,242
مستوى التفاعل
0
النقاط
0
الإقامة
7abibty lq8
دكتورتنا الغالية
عندي سؤال واتمنى تردين عليه :)
انا حاليا حاطه تقويم وتقويمي اني شلت اربع ضروس عشان الاسنان تعدل ويرد الفك شويه
والحمدلله شكلي وايد وايد وايد تغير والكل لاحظ وابتسامتي صارت حيل احلى واحلى وانشالله شهرين ثلاثه واشيل التقويم
بس اللي حسيته تغير معاي لثتي :(:(:(
احسها نزلت يعني قبل لما اضحك ما تبين لثتي الحين شويه تبين
اللي ابي اسإله
شلون طريقه رفع اللثه؟
يعني يأثر علي بشي ولا عادي وهل لو برفعها يتغير لون اللثه لان الحمدلله لون لثتي وردي حلو مابيه يصير مزورق
ويعطيج الف عافيه :)
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
شكرا وايد :)

لاني سألت و قالولي جنه بعد 18

انززين ولازم يكونون كلهم مصفوفين صفه وحده ولا عادي لانه ضروسي مرتبين بس النابين شوي شوي طالعين ؟

حياج الله حبيبتي ..

دايما نعطي العمر الاكثر امانا و لكن بعد ال 16 سنه حسب اكتمال نمو جذور الاسنان ممكن نبردهم طبعا بعد ما نسويلج اشعه و نتاكد .. في ناس من 16 سنه كل شي تمام و ناس لي ال 18 يالله يكتمل النمو كامل .. من بعد عمر ال 16 سوي الفحص و تاكدي :)

الوضع الطبيعي للاسنان انهم مو نفس الطول ماعدا هالشي مو طبيعي 100% .. اما اذا قصدج الصفه يم بعض ؟؟ فمافي مشكله اذا كان الناب شويه بارز عموما الناب اسمك من الاسنان اللي جدام :) لاتلعبين باسنانج نصيحه انتي صغيره بس اهتمي بتنظيفهم عدل و ماكو الا العافيه ..
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
ابى عناية بالاسنان وبياضهم وبشنو تنصحيني حت التبيض
لاني سويت ليزر تبييض ورجعو نفس الشي لاني اشرب شاااااااااااااااااااااااي وايد

حبيبتي اللليزر اقوى تبييض و طالما تشربين شاي او قهوه او غازيات ماكو فايده للاسف :eh_s(1): اهتمي بالتفريش و تنظيف الجير و بس
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
السلام عليكم دكتورة ^^

شلون الحال؟

عندي استفسار و مشكلة في نفس الوقت
عندي في اسناني الامانية نابين فوق الاسنان و صراحة حيل مشوهين شكل اسناني،، امي مو راضية احط تقويم تقول انه يضعف الاسنان في المستقبل >< و انا اسناني ما فيها شيء حلوين ..

انا تابعة محافظة الفروانية و مثل ما تعرفين مستشفى الفروانية مو شيء و مواعيدهم هما مو شيء بشنو تنصحيني و عارفة شنو اسوي بعمري

وعليكم السلام و رحمة الله و بركاته هلا حبيبتي :) بخير عساج بخير ..

حبيبتي جم عمرج ؟ و النابين فوق النابين اللبنيين و لا فوق الاسنان الدائمه ؟؟ عموما في تقويم بس حق الانياب اذا كانت طالعه فوق الاسنان الدائمه مثل الحلقات الفونها فوق الناب و ينزل مع الوقت مو الا تقويم كامل :)

العكس انتو بالفروانيه ما شاء الله مركزكم من المراكز المتطوره اخذي موعد من مستصفج بعد ماتخلصين حشواتج كلها و تسوين تنظيف للثه و روحي المركز اسوولج فحص و يعطونج موعد تعالي بموعدج اشين سيده .. الناس تحس بلويه المواعيد لانهم مايلتزمون بيوم الفحص و ادشون بايام الشغل طبعا ماكو مواعيد :) ..

و طمنينا عليج لي رحتي اوكي ..
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
يزاج الله خير
وعقبال ما تستوين برفسوروووووووة ...........قولي امييييييييين .....
سؤالي هل فيه شي منتج امن لتفتيح الاسنان ؟
سؤال ثاني البعض يستخدمون بيكرنونات الصودا او البيكنج صودا لللاسنان هل تضر؟؟

الله يسلمج مشكوره امين :)

بالنسبه للتفتيح غير اللي بالعياده انصحج بالمنجات المعترف فيها بجمعيه اطباء الاسنان الامريكيه ada غيرها بتكون فعاه معاج بس مضره على المدى البعيد لان تركيز الماده المبيضه عالي ..

لا لا حبيبتي ديري بالج هذي مواد قاسيه على طبقة المينا .. اهي راح تبيض اسنانج لانها تكشط المينا و بالتالي راح تصير الاسنان ضعيفه و حساسه على المدى البعيد ايضا .. ديري بالج من هالاشاء و الليمون و الفحم و غيره و غيره :)
 

دكتورة أسنان

طبيبة أسنان
إنضم
17 أبريل 2008
المشاركات
708
مستوى التفاعل
0
النقاط
0
دكتورتنا الغالية
عندي سؤال واتمنى تردين عليه :)
انا حاليا حاطه تقويم وتقويمي اني شلت اربع ضروس عشان الاسنان تعدل ويرد الفك شويه
والحمدلله شكلي وايد وايد وايد تغير والكل لاحظ وابتسامتي صارت حيل احلى واحلى وانشالله شهرين ثلاثه واشيل التقويم
بس اللي حسيته تغير معاي لثتي :(:(:(
احسها نزلت يعني قبل لما اضحك ما تبين لثتي الحين شويه تبين
اللي ابي اسإله
شلون طريقه رفع اللثه؟
يعني يأثر علي بشي ولا عادي وهل لو برفعها يتغير لون اللثه لان الحمدلله لون لثتي وردي حلو مابيه يصير مزورق
ويعطيج الف عافيه :)

هلا حبيبتي :)

طبييعي جدا ان اللثه تنزل مع التقويم السبب اهو صعوبة التفريش لمده طويله .. و رفع اللثه امن جدا و بالعكس راح تصير وايد حلوه ان شاء الله لاتحاتين و انا انصحج فيها لان اذا ماسويتيها الجير راح يتراكم تحت اللثه و بالتالي تلتهب عليج كل اقل من شهر و تنتفخ و تنزف ..

بس الله يعينج راح تتعبج شويه اخذيلج اجازه 3 ايام ارتاحي و التزمي بالمسكنات و المضاد و كلها اسبوع و كل شي يرد احلى من الاول باذن الله :)

الله يعافيج حياج الله
 

eng.jacvara

New member
إنضم
1 مارس 2008
المشاركات
1,242
مستوى التفاعل
0
النقاط
0
الإقامة
7abibty lq8
مشكوووووووووووورة دكتورة ما قصرتي
بس انا حابة اعرف
هل لونها بتغير اذا رفعتها يعني يصير ازرق؟
 
إنضم
7 مارس 2008
المشاركات
102
مستوى التفاعل
0
النقاط
0
الإقامة
}{Q8}{
عمري 19 و النابين دكتورة فوق الاسنان الدائمة
بس مركز الفروانية حدة موشيء
اول ما جيت عشان اخذ الموعد قالنا الدكتور اطلعوا برة انا كافي علي 30 السنة هذي
تعالوا السنة الجاية
جانه ما في غيرة

انا فكرة اروح عيادة الحكمة شرايج دكتورة؟؟؟
 

blue eye

New member
إنضم
30 سبتمبر 2008
المشاركات
36
مستوى التفاعل
0
النقاط
0
تسلمين دكتورة مشكوووووووووووورة :tek:
 

حسايف*

New member
إنضم
31 يناير 2008
المشاركات
209
مستوى التفاعل
0
النقاط
0
مرحبا دكتورة شلونج حبيبتي
دكتورة انا مفروض اني اسوي تقويم اوكي
ومفروض اشيل 3 ضروس واحد شلتة من زماااااان
الحين تاريخ 6-1 هذا الشهر شلت ضرس كنت بمووووووت من الخوف والحين باقي ضرسين بس دكتورة مو قادرة اروح اشيل الاثنين اخاف اموووووووووووت وااااااااااااااااااايد اوسوس واسمع فلانة شالو ضرسها وماتت فصارت عندي فوبيا بلغصب شلت اخر واحد
واحاتي يصيرلي شي والوقت قاعد يمشي وانا لازم السوي التقويم
واللي خوفني ان دكتور اللي شال ضرسي قبل لايشيلة ماسألني عند سكر عندي قلب ابد علا طول شالة احس انة مهمل لان مفروض يسالني
وهذا اللي زاد خوفي لان دكتور مو مهتم وعندة كل شي عااااادي وامور بتمشي تمام
تعبت تعبت ابي اركب تقويم من 7سنين والخوف مانعني
ابي اعرف شنو اللي لازم اعرفة عن حالتي عشان اشيل اسناني وانا مرتاحة اني ماراح يصيرلي مضاعفات واموووووووووت
والشي الثاني شنو مفروض اسوية بعد خلع السن
وبغيت اعرف شنو طريقة التفريش الصحيحة اللي ماتنزل اللثة
وعندي شي صارلي من سنتين طلعت لي حبوب بااااخر لساني كبيييييرة ومنتشرة فيية مادري من شنو
جربت مضمضة بس ماراحت ابيها تتروح علا طووووووول اغسلها
واسفة حبيبتي ادري سألت وااااااااااااااااااااااااااااايد سامحيني يالغالية