موضوع خاص للأستفسارات المتعلقة بالأسنان

[Killer^Girl]

يعطيج العافيه
انا سويت ليزر تبييض قبل اكثر من سنتين
والحين ردت اسناني صفره شويه لاني ماستمريت على الجل والقالب
الجل موجود عندي من سنتين يصير استخدمه الحين والالا؟
وبعد ابي اعرف شنو احدث طريقه للتبييض اكو شي غير الليزر والا لا
وشكرا

 

[دكتورة أسنان]

الله يعطيج الف عافيه على سعة صدرج ومتابعتج للمرضى الف شكر....

1.ودي اعرف من اي عمر اودي طفلي لطبيب الأسنان للفحص الدوري؟؟

2.ضرسي الأمامي طايحه عليه لمن كان عمري 14 بعدها بسنه ااو سنتين تقريبا بدأ يغمق لونه لااعرف لماذا؟؟ الدكتوره تقول يمكن عصب بس كل مره تأجل لين تعودت على شكله والحين بعد ما كملت علاج جميع اسناني من السوس ابي اسوي هذا اللون + اعدل الشكل العام لأسناني واشوف اذا يحتاج تقويم؟؟؟ ابي شورج

الله يعافيج حبيبتي ولا شكر على واجب
بالنسبه لولدج انا انصح بالبدء بالفحص الدوري بمجرد ظهور الاسنان لان ولله الحمد في الكويت بدينا تطبيق الفلورايد على اسنان الاطفال للحمايه من التسوسات بالاضافه الى الحشوات الوقائيه و اللي اثبتت نجاحها على التسوسات الاوليه حيث تقوم بايقاف انتشار التسوس بالسن و تثبيطه .. فاذا بديتي معاه من اول ما تظهر اسنانه راح تحمينه من التسوس و بالتالي من السقوط المبكر للاسنان( قبل اقتراب الاسنان الدائمه من الظهور) مما يؤدي الي تغير المسافات بين الاسنان و عدم خلق مسافات كافيه لها بالتالي تتراكب الاسنان الدائمه بمجرد ظهورها !!

بالنسبه لضرسج الامامي صعب اعطيج الحل لان ممكن فعلا يكون عصب و احتمال لا .. الاشعه اهي اللي تبين فلازم تسوين اشعه و نعيما مقدما

يعطيج العافية علا الردود يا احلا دكتووورة اللة لا يحرمنا منج

حبيبتي الله يعافيج مشكوره

يعطيج العافيه
انا سويت ليزر تبييض قبل اكثر من سنتين
والحين ردت اسناني صفره شويه لاني ماستمريت على الجل والقالب
الجل موجود عندي من سنتين يصير استخدمه الحين والالا؟
وبعد ابي اعرف شنو احدث طريقه للتبييض اكو شي غير الليزر والا لا
وشكرا

الله يعافيج حبيتي .. والله حسب تااريخه شوفيه متى نتهى لان من سنتين عندج اوكي بس متى تصنع ما ادري فما اقدر اجزملج انه صالح للاستعمال الى الان ولا لا ...

بالنسبه لانواع التبييض انا شرحتها مفصله بموضوعي المثبت و هذا الرابط

http://q8yat.net/showthread.php?t=227422

حياج الله

 

[blue eye]

دكتورة شلونج
يعطيج العافية ع المجهود الرائع

انا عندي ضرس عقب مابردته حق التلبيس ، عقبها بفترة طاح التلبيس ومعاه الضرس، والدكتور حط مكانه طعم يعني حشوه عادية ع شكل ضرس.. وقال ان صعب ان يبرده مرة ثانية ويحط ضرس تلبيس لأن صار ضعيف وممكن يطيح مرة ثانية.. وشكله مو حلو ولونه غامج وكلش مومتناسب مع اللي يمه... الحين اذا خليته جذي عادي ماراح ينكسر او يتأثر..؟؟

وعندي سؤال ثاني لوسمحتي >>>سوالف ضروسي ماتخلص:cxxxp:

عندي ضرس من فترة كنت مسويتله تنظيف وحشوة عادية ، الحين احس فيه عوار ، انا عبالي بسبب ضرس العقل لأن توه طالع .المهم لما سويتله اشعة قال الدكتور ان الحشوة قريبة من العصب، وان العوار راح يروح عادي.. بس للحين يعورني ، الحين العصب ممكن يتأثر بعد فترة؟؟

وشكراااا لج

 

[blue eye]

صباح الخير

شلونج دكتورة

اليوم سألت الدكتور بالنسبة للضرس اللي حطه ، قالي ممكن ان اسويه معدن بس راح يكون شكله موحلو او زراعة .. صراحة محتارة ودي اخلي ع حالته .. بس اقدر بالمستوصف يعدلي شكله ع الاقل..؟؟

وفي شغلة ثانية

انا عندي ضرس فوق رقم 6 شالعته ، يوم شافه قالي لما تسكرين اسنانج يبين الضرس اللي تحته بالضبط جنه داش بالفراغ
وقال لازم زراعة لأن الضرس اللي تحت راح يكبر ويرتفع لما يدخل مكان الضرس المشلوع وراح يأذيج وماراح تقدرين تسوين شي.. صراحة خرعني:eh_s(16):

شرايج دكتورة؟؟؟

 

[دكتورة أسنان]

دكتورة شلونج
يعطيج العافية ع المجهود الرائع

انا عندي ضرس عقب مابردته حق التلبيس ، عقبها بفترة طاح التلبيس ومعاه الضرس، والدكتور حط مكانه طعم يعني حشوه عادية ع شكل ضرس.. وقال ان صعب ان يبرده مرة ثانية ويحط ضرس تلبيس لأن صار ضعيف وممكن يطيح مرة ثانية.. وشكله مو حلو ولونه غامج وكلش مومتناسب مع اللي يمه... الحين اذا خليته جذي عادي ماراح ينكسر او يتأثر..؟؟

وعندي سؤال ثاني لوسمحتي >>>سوالف ضروسي ماتخلص:cxxxp:

عندي ضرس من فترة كنت مسويتله تنظيف وحشوة عادية ، الحين احس فيه عوار ، انا عبالي بسبب ضرس العقل لأن توه طالع .المهم لما سويتله اشعة قال الدكتور ان الحشوة قريبة من العصب، وان العوار راح يروح عادي.. بس للحين يعورني ، الحين العصب ممكن يتأثر بعد فترة؟؟

وشكراااا لج

هلا حبيبتي الله يعافيج

اي حبيبتي ممكن ينكسر للاسف .. الضرس المبرود فيه عصب ولا مسويتله علاج عصب ؟؟

والله شوفي حبيبتي .. المفروض اذا كانت الحشوه كبيره و الحفر قريب من العصب المفروض يعزل العصب بكالسيوم هيدروكسايد و هذي ماده محفزه تحفز الاسنان لتكوين طبقات فوق العصب و مع الوقت يقل حجم الحفره .. و فوقها يحط لاينر وهي ماده مبطنه للحفره تعزل الحشوه عن الكالسيوم هيدروكسايد .. و هذا الاجراء السليم بس ما ادري بالضبط شنو صار معاج عموما في حالات ممكن تنجح بدون تطبيق الكالسيوم هيدروكسايد بس تحتاج وقت وراح تحسين بالالم فتره اطول لان العصب يتحسس من الحشوه .. اذا ما فهمتي قولي عادي

صباح الخير

شلونج دكتورة

اليوم سألت الدكتور بالنسبة للضرس اللي حطه ، قالي ممكن ان اسويه معدن بس راح يكون شكله موحلو او زراعة .. صراحة محتارة ودي اخلي ع حالته .. بس اقدر بالمستوصف يعدلي شكله ع الاقل..؟؟

وفي شغلة ثانية

انا عندي ضرس فوق رقم 6 شالعته ، يوم شافه قالي لما تسكرين اسنانج يبين الضرس اللي تحته بالضبط جنه داش بالفراغ
وقال لازم زراعة لأن الضرس اللي تحت راح يكبر ويرتفع لما يدخل مكان الضرس المشلوع وراح يأذيج وماراح تقدرين تسوين شي.. صراحة خرعني:eh_s(16):

شرايج دكتورة؟؟؟

هلا حبيبتي صباح الانوار

بخير عساج بخير ..
طبعا مو حلو المعدن !! و ليش في حل ثاني اذا وصلت للزراعه .. ممكن يحطلج وتد بالجذر و يبني عليه الحشوه و يلبسها هذا طبعا اذا كان الضرس مافيه عصب .. ااما اذا كان فيه عصب و شكله جذي و اح يلبسه معدن او يزرع مكانه انا افضل يموت العصب و يحطلج وتد و يحافظ عليه بدال لا يشلعه و يزرع مكانه .. هذا رايي طبعا حسن وصفج

بالنسبه لضرسج اللي شلعتيه طبعا لازم تزرعين مكانه وكلامه عدل و الانتظار مو من مصلحتج .. لاتخافين مو بيوم وليله بس لازم تزرعين مكانه لان سبحان الله الاسنان تمشي باتجاه الفراغ سواء حركه جانبيه او طوليه .. و بهالحاله يسمونها over eruption

 

[Ms. hypnotic]

السلام عليكم دكتوره يعطيييييج العافيه
دكتورتنا عندي سؤال الله لاهينج
اسناني الي فوق مو متساويه يعني الي جدام الاثنين طوال والي يمهم قصار جذي يعني وانا ودي كلهم يكونون صفه وحده مع العلم اني مابي ابردهم
هل في طريقه ثانيه غير البرد ؟؟؟ ومشكوووره مقدما

 

[blue eye]

دكتورة يعطيج العافية
مشكورة وماقصرتي

اي حبيبتي ممكن ينكسر للاسف .. الضرس المبرود فيه عصب ولا مسويتله علاج عصب ؟؟

طبعا مو حلو المعدن !! و ليش في حل ثاني اذا وصلت للزراعه .. ممكن يحطلج وتد بالجذر و يبني عليه الحشوه و يلبسها هذا طبعا اذا كان الضرس مافيه عصب .. ااما اذا كان فيه عصب و شكله جذي و اح يلبسه معدن او يزرع مكانه انا افضل يموت العصب و يحطلج وتد و يحافظ عليه بدال لا يشلعه و يزرع مكانه .. هذا رايي طبعا حسن وصفج

اي الضرس المبرود مسويتله العصب..
بس لما طاح التلبيس طاح معاه حتى نتفة الضرس المبرود لأن الدكتور كان بارد الضرس وايد
وماظل منه الا داخل اللثة وبعدين حط حشوة مؤقته كمل فيها شكل الضرس ،، وقال ان مايصير يتلبس
لأن ضعيف ومايتحمل برد وتلبيس ،بس شكله مومتناسق مع اللي يمه صغير ولونه اغمج ،،

الحين شسوي.. اقدر اعدله واخليه ع حاله بالمستوصف يسوونه..؟؟؟؟ او احط وتد نفس ماقلتي ؟؟؟؟ ، مابي زراعة..

 

[blue eye]

اعذروني ع الاطاله >>>>ادري وايد قرقة

اذكرت شغلة ان الضرس حطله حشوة تدعيمية ، وقال ان التلبيس الابيض اعتقد قصده السيراميك ، قال اذا بتسويه لازم بالخاص مو هني..

يعني مافهمت الحين لو بسوي بالخاص شلون؟؟؟
وطبعة الاسنان وين اسويها بالاميري والا هناك؟

ولو بغير الدكتور بكبره شلون ، آخذ تحويل من المستوصف و الا من الاميري هناك؟؟


:0bee2e8d89::0bee2e8d89::0bee2e8d89:

 

[miss 3yamoo]

السلام عليكم دكتوره ,,,
انا اسناني مو وايد مفرقه او معفوسين بس اشويه من تحت ضرس اشويه راد ليمن ورا والي فوق مايبين انه متحركين اله ليمن تطالعينهم من تحت تشوفين واهمه اسناني من تحت اشوي صايرين امشرشرين جني قرش لوووووووووووووووول المهم فانا ماودي بالتقويم فشسوي ؟؟
انا لمن اطالع برامج make over وجي اشوف لمن يودونهم حق اسنانهم تكون اسنانهم معفوسه وجي والدكتور من اول جلسه او ثاني جلسه يعدل اسنانهم يسويهم سيده من تحت وفوق بدون لايحط سيراميك ومادري شنو وهم بدون تقويم فشنو هالشي عندج فكره عنها ولا لا ؟؟؟
اي وشلون على تبريد الاسنان يقولون مو زين ؟؟

ومشكوووره وياريت تردين علي بالخاص لانه ماراح ادري انه رديتي علي ولا لا تسلمين على الموضوع

 

[نور الأنوار]

قوه دكتورتنا .. عندي سؤال يا لييييت تفيديني وتدليني وين اروح لأني صارلي 4 شهور وانا اعاني

رحت قبل فتره وشلعت ضرس العقل بعمليه جراحيه,, وعقبها من الالم عطاني الدكتور وصفه لمضاد حيوي اسمه اوقمنتين.. وعقبها يا دكتوره عينج ماتشوف الا النور!!

من بعدها وانا احس اني مو طبيعيه .. لاحظت اول شئ انه في طبقه بيضا على اللسان وعسر هضم شديد ومكان الضرس للحين شوي يعورني ودايم احس انه في طعم بفمي مو طبيعي,, ولو انسى افرش اسناني احس بريحه .... !!

ما ادري يا ليت تفيديني لأني ما ادري شنو فيني بالضبط؟!!

 

[كربوشا]

هاي بسال عن الحشوه شلون الحشوه تنصحيني فيها ولا لا شنو عيبها وشلونها اذا بسكر فتحة اسناني؟يتغير لونها ولا لا؟تحلي ولا تخرب الاسنان؟

 

[شندوخه]

شندوخه عادت من جديد الله يعينج علي
حبيبتي بغيت اسالج شرايج بالفيليز ؟ هل يضر الظرس ولالا
لان كلش الحشوات التجميليه اللي ركبتها مافادوني لوعو جبدي

 

[ما حلاتي]

موضوع روعة
سؤالي انا سويت حشوة لضرسين واحد تقريبا من سنة بس الين الحين قاعدة اتحسس منه بس الحين خف وايد
وخبرت دكتورتي وقالت انه عادي
والثاني قبل 3 شهور بعد اتحسس منه بشكل كبير
هل هالشي عادي وشو سبب التحسس

سؤال ثاني
هل فيه ضرر لو اخرنا زراعة ضرس مكان المخلوع؟؟ انا جالعتنه من8 شهور؟؟

 

[Chocolate Milk]

thaanx for helping us

بغيت اسأل من اي عمر اقدر ابرد ضروسي ؟

وعندي ناب راح ينبرد معاهم يصير؟؟ ( للعلم اهوا ناقز شوي)

 

[زوجة الغالي]

صباح ومســــــــاء العسل


دكتورة آنه أعاني من الم بأسناني من فتره تقريبآ يعني لما أشرب بارد أو حار يصير لي الم غير طبيعي وحتى يوم يطق الهوى بضرسي أحس بالم فظيع
والشي الثاني أسناني متباعدين عن بعض شوي ،بشنو تنصحيني اسوي تقويم وله سد ابالحشو بالفراغات ؟؟؟؟؟؟؟؟؟

والشي الثالث عندي سنين لبنين ماطاحو شنو تنصحيني فيهم؟؟؟؟؟

والشي الرابع شنو تنصحيني أسوي حق التبيض الاسنان الليزر واله التبيض العادي ؟؟؟؟؟؟

والشي الخامس أسناني من قدام اللي فوق شوي مكسرين هاي صارلي يوم كنت حامل بشنو تنصحيني اسوي فيهم؟؟؟؟؟؟؟؟

وتسلمين ويعطيج ربي مليوووووووووووووووووون عافيـــــــــــــــــــة..

 

[زوجة الغالي]

صباح ومســــــــاء العسل


دكتورة آنه أعاني من الم بأسناني من فتره تقريبآ يعني لما أشرب بارد أو حار يصير لي الم غير طبيعي وحتى يوم يطق الهوى بضرسي أحس بالم فظيع
والشي الثاني أسناني متباعدين عن بعض شوي ،بشنو تنصحيني اسوي تقويم وله سد ابالحشو بالفراغات ؟؟؟؟؟؟؟؟؟

والشي الثالث عندي سنين لبنين ماطاحو شنو تنصحيني فيهم؟؟؟؟؟

والشي الرابع شنو تنصحيني أسوي حق التبيض الاسنان الليزر واله التبيض العادي ؟؟؟؟؟؟

والشي الخامس أسناني من قدام اللي فوق شوي مكسرين هاي صارلي يوم كنت حامل بشنو تنصحيني اسوي فيهم؟؟؟؟؟؟؟؟

وتسلمين ويعطيج ربي مليوووووووووووووووووون عافيـــــــــــــــــــة..

 

[دكتورة أسنان]

السلام عليكم دكتوره يعطيييييج العافيه
دكتورتنا عندي سؤال الله لاهينج
اسناني الي فوق مو متساويه يعني الي جدام الاثنين طوال والي يمهم قصار جذي يعني وانا ودي كلهم يكونون صفه وحده مع العلم اني مابي ابردهم
هل في طريقه ثانيه غير البرد ؟؟؟ ومشكوووره مقدما

وعليكم السلام و رحمة الله و بركاته .. الله يعافيج حبيبتي

حبيبتي اسنانج وضعهم طبيعي لازم اللي جدام اطول شويه من اللي يمهم ( الحين الناس هابين يسوونهم اطول بعد و يسمونها ابتسامة حليمه بولند :denya: ) ..

اسوون برد او في ناس تحب اطول اللي يمهم بحشوه تجميليه او قشور البورسلان او التلبيس .. اما نصيحتي اهي انهم طبيعيين جدا و لا تخربينهم حرام ..

حياج الله

 

[دكتورة أسنان]

دكتورة يعطيج العافية
مشكورة وماقصرتي





اي الضرس المبرود مسويتله العصب..
بس لما طاح التلبيس طاح معاه حتى نتفة الضرس المبرود لأن الدكتور كان بارد الضرس وايد
وماظل منه الا داخل اللثة وبعدين حط حشوة مؤقته كمل فيها شكل الضرس ،، وقال ان مايصير يتلبس
لأن ضعيف ومايتحمل برد وتلبيس ،بس شكله مومتناسق مع اللي يمه صغير ولونه اغمج ،،

الحين شسوي.. اقدر اعدله واخليه ع حاله بالمستوصف يسوونه..؟؟؟؟ او احط وتد نفس ماقلتي ؟؟؟؟ ، مابي زراعة..

الله يعافيج حبيبتي .. فهمت قصدج ,, سالي عن الوتد طبعا اخر حل تفكرين فيه الزراعه بس ما منها خوف ولكن اقصد دائما هدفي الحفاظ على السن لاخر لحظه ممكنه ..
لا بس اخذي التحويل من المستوصف و سويه بالمركز اللي انتي تابعه له ..

اعذروني ع الاطاله >>>>ادري وايد قرقة

اذكرت شغلة ان الضرس حطله حشوة تدعيمية ، وقال ان التلبيس الابيض اعتقد قصده السيراميك ، قال اذا بتسويه لازم بالخاص مو هني..

يعني مافهمت الحين لو بسوي بالخاص شلون؟؟؟
وطبعة الاسنان وين اسويها بالاميري والا هناك؟

ولو بغير الدكتور بكبره شلون ، آخذ تحويل من المستوصف و الا من الاميري هناك؟؟


:0bee2e8d89::0bee2e8d89::0bee2e8d89:

حبيبتي حياج الله بالعكس مرورج اسعدنا

حبيبتي يسوونها بالاميري ليش الخاص ؟؟ طلبي تحويل من المستوصف مثل ماقتلج و روحي الاميري او المركز اللي تابعه له و اسوونها لج و طلبي الدكتور اللي تبينه طبعا من حقج ..

طمنينا عليج ..

 

[دكتورة أسنان]

السلام عليكم دكتوره ,,,
انا اسناني مو وايد مفرقه او معفوسين بس اشويه من تحت ضرس اشويه راد ليمن ورا والي فوق مايبين انه متحركين اله ليمن تطالعينهم من تحت تشوفين واهمه اسناني من تحت اشوي صايرين امشرشرين جني قرش لوووووووووووووووول المهم فانا ماودي بالتقويم فشسوي ؟؟
انا لمن اطالع برامج make over وجي اشوف لمن يودونهم حق اسنانهم تكون اسنانهم معفوسه وجي والدكتور من اول جلسه او ثاني جلسه يعدل اسنانهم يسويهم سيده من تحت وفوق بدون لايحط سيراميك ومادري شنو وهم بدون تقويم فشنو هالشي عندج فكره عنها ولا لا ؟؟؟
اي وشلون على تبريد الاسنان يقولون مو زين ؟؟

ومشكوووره وياريت تردين علي بالخاص لانه ماراح ادري انه رديتي علي ولا لا تسلمين على الموضوع

تم ارسال الرد على الخاص :d

 

[دكتورة أسنان]

قوه دكتورتنا .. عندي سؤال يا لييييت تفيديني وتدليني وين اروح لأني صارلي 4 شهور وانا اعاني

رحت قبل فتره وشلعت ضرس العقل بعمليه جراحيه,, وعقبها من الالم عطاني الدكتور وصفه لمضاد حيوي اسمه اوقمنتين.. وعقبها يا دكتوره عينج ماتشوف الا النور!!

من بعدها وانا احس اني مو طبيعيه .. لاحظت اول شئ انه في طبقه بيضا على اللسان وعسر هضم شديد ومكان الضرس للحين شوي يعورني ودايم احس انه في طعم بفمي مو طبيعي,, ولو انسى افرش اسناني احس بريحه .... !!

ما ادري يا ليت تفيديني لأني ما ادري شنو فيني بالضبط؟!!

هلا حبيبتي ..

معقوله الموضوع صارله 4 شهور الى الان ؟؟ سويتي اشعه على مكان العمليه ؟؟ ماعتقد السبب المضاد لانه امن و نصرفه للمراه الحامل !! هل عندج مشاكل صحيه ثانيه لاقدر الله ؟؟

من رايي اولا تسوين اشعه للمكان اذا مافي شي راجعي الطبيب العام ممن يكون في سبب خارجي لاقدر الله ..

وطمنينا عليج ..