اي استفسار لطلبة الحقوق - جامعة الكويت

[zoya_m]

السلام عليكم بنات شلونكم؟؟


طبعا انا حايسه حووس بالجامعه وموعارفه شنو اتخصص ووين اروح..

بالبدايه كنت بحول علوم اداريه وخذيت هالكورس تمهيدي رياضيات مال العلوم بس من درجاتي مالي امل اييب نسبه فيه واحول..

قلت بقعد بمكاني واشوف لي تخصص مناسب ماحسيت ان في تخصص يناسبني..

استخرت وقررت اني احول حقوق..

طبعا انا ادري ان ماراح ينحسب لي شي وراح ارجع من اول ويديد بس انا ماعندي مشكله اني اتاخر لان انا اساسا متأخره..

ممكن بنات الحقوق يساعدوني ويقولولي شنو المواد اللي اخذها ؟؟ والكورس الياي اوقف قيدي عشان ماينزل معدلي والا اخذ مواد؟؟ شنو شروط التحويل؟؟

انا سنه ثانيه وخلصت 15 وحده بس وهالكورس ماخذه 3 مواد يعني اجمالي وحداتي مع هالكورس 24 وحده..

معدلي 2.73 واتوقع هالكورس قريداتي زينه ..

المواد اللي خذيتهم:

تمهيدي انجليزي , مهارات اتصال لغويه , جماليات الادب العربي, مدخل علم نفس , ثقافه اسلاميه, انجليزي 141 وهالكورس 142 , جغرافيا انسان وبيئه , اسس نظريه لتربيه رياضيه.

اتمنى انكم تفيدوني

أولا السلاام عليكم وشولونك بنيات ؟
سوري حبيباتي ماقدرت اشبك الفترة الي طافت وأدري اني مقصره جدا معاكم فالسموحه

بالنسبه لج مريوم
السؤال الأول الي عن المواد الي تاخذينها بالحقوق انتي مالج حق إلا انج تختارين موعد محاضراتج ليش المواد موحده وضيفي لهم مواد اللغات تقدرين تاخذينهم متى ما حبيتي
سنة اولى فيها 6 مواد اساسيه لازم تاخذينهم ( اصول + دستوري + مبادئ اقتصاد +شريعه + ماده اختياريه + قاعة بحث )

وبالنسبه لمعدلج وايد زيت للتحويل ليش انه معدل التحويل بين الكليات 2 و 67 إذا ماخاب ظني



مادة تدريبات لغويه اعتقد يعادلونها لج بمهارات اتصال لغويه والانجليزي راح تاخذين مستويين بدال 3 مستويات لانج ماخذه واحد

أنما بالنسبه للكادر اكيد عندنا كادر 100 مستوى وظيفي و 60 دينار مكافآه تشجيعيه يصير مجموعه 160 دينار

وطبعا الوظايف تقدرين بكل مكان بس في اماكن وايد مهمه وعلى راس كل الأماكن بالكويت مع احترامي لكل وظايف الحقوقيين بس الأهم ( التحقيقات + الفتوى والتشريع + ديوان المحاسبه +النيابه العامه للرجال طبعا + البنوك والشركات الاستثماريه الكبيره ) وفي اماكن وايد حلوه ومحترمه وموفقه آمين يارب :eh_s(9):​

 

[zoya_m]

قوه بنات انا مثل مريومه بسال عن الحقوق بس مو لي لزوجي اهوا مستجد وبيحول حقوق وقالي اساليلي رفيجاتج وانا مالي غيركم ياخواتي اهوا مايعرف احد بالحقوق وحتى لو يعرف راي واحد مايبرد الجبد
الحييييييييييييييين من تجااااااااربكم نبيكم تفيدونا
كم المعدل المطلوب
وهل المواد صعبه لهدرجه ولا ادرس تنجح
وسمعت قالو ان اللي يسقط في ماده يعيد الكورس كله يعني يرسب بباقي المواد
وشنو تنصحونه يتخصص
وشنو ااول شي ياخد ومنو افضل دكاااتره الحقوق اللي تنصحون فيهم واشكركم ياحقوقياااااااااااااااااات

ياهلا ام عبدالرحمن

المعدل المطلوب نقطتين و67 إذا ماخاب ظني
وبعدين الي يدرس ينجح في مواد صعبه بس مو كل المواد وإذا حب القانون بحس انه سهل وبيمشي فيه
الي يسقط مايعيد إلا إذا رسب اب 3 مواد وفوق بس إذا ماده وحده او ثنتين يشيلها معاه السنه الي وراها

الحقوق مافيها تخصصات كلنا تخصصنا حقوق

والمواد اهو ماله حق الا يختار مواعيدها لانها موحده
سنه اولى 6 مواد
سنه ثانيه 8 مواد
سنه ثالثه 8 مواد
سنه رابعه 10 مواد

بالاضافه لمواد اللغات ( تدريبات + انجليزي 3 مستويات أو الفرنسي مستويين )

وبعدين إذا قدر يحول خل يحول لانه مستقبل الحقوق حق الشباب وايد حلو وعسى الله يوفقه يارب​

 

[law love]

بنات بليز منو عندها معلومات عن امتحان مدني عند الهندياني (سنة رابعة ) بلييييييييز ضروري

 

[L a w y e R]

شلونكم بنات شمسوين ؟

من زمان عنكم

موفقين انشالله ..

 

[zoya_m]

بنات بليز منو عندها معلومات عن امتحان مدني عند الهندياني (سنة رابعة ) بلييييييييز ضروري

والله مادري انا درسني مدني دكتوري المفضل عسى الله يوفقه ويذكره بالخير ( سامي الدريعي )​

 

[zoya_m]

شلونكم بنات شمسوين ؟

من زمان عنكم

موفقين انشالله ..

هلا اوخيتي
انا بخير انتي شلونج وشلون الدراسه معاكم ؟

 

[بنت العديليه الشقرديه]

قوه حقووووووووووووووووووووووقياااااااااااااااات

شلوووونكم

بناااااات منو اتعرف جدول امتحاناااات الفاينل ؟؟؟ سنه اولى بليييييييييييييييبز

 

[L a w y e R]

هلا وغلا زويا

انا ماشي حالي والدراسة تمام الحمدلله

طاحسين بالكلية واي امتى نعطل لوول

.
.

بنت العديلية حبي ريض تو الناس على جدول الفاينل

الكورس الياي يحددون

.
.

ادعولنا عندنا اصول باجر

فطومة - محامية - بنت العديلية - وجنه دمي خفيف

موفقين انشالله وانا معاكم لوول

 

[بنت العديليه الشقرديه]

واااااااااااااااااااااي لوير احبج دايمااتردين علي :****

لا انا ما عندي باجر امتحاان انا دكتوري الرضوان امتحاني اول يوم دوااام الكورس الثاني :s
والله يوفقكم

 

[L a w y e R]

بعد عمري حبج ربج :*

موفقة ياقلبي ..

.
.

اليوم الامتحان وايد سهل الحمدلله

بس لازم نغلط مايصير

ضايق خلقي .. الله يستر من الدرجة مابي انصدم

كافي درجة التزامات لوول

 

[بنت العديليه الشقرديه]

امين اجمعين

لا ان شاء الله يراااااعيكم بالتصحيييييييييييييييييح

 

[L a w y e R]

انشالله

كان في كلاس دستوري اليوم ؟

وباجر في دوام والا لأ ؟

في بنات قالولي عطلة ! متى وشلون مادري

يقولون عشان القمة الاقتصادية .. من عندها الخبر اليقيين ؟؟؟

 

[miss^law]

law love
امتحان الهندياني انشالله 26-1 والكميه من 177 ليما 516
واحتمال كبير يحطه بوالليل ويكون امتحان موحد حقنا وحق الشباب بس احنا يصلحه الهندياني

 

[zoya_m]

الله يعينكم
سنه اولى سهالات حدها
بس الي بنسه ثانيه من قلب الله يعينهم
الي عند بوالليل ركزو على امتحاناته القديمه وايد مهمه
:d

 

[شوق والدمعه]

والله لووير ماادري بس حلاته باجررر نقضيها نووومه لوول عقب اصوول

 

[L a w y e R]

لووول يبيله شواقه

انا مواصلة من امس وحدي هلكانة الحين

بس ماني قادرة انام مادري ليش :/

بشري حبي شلون الامتحان ؟

موفقة انشالله :*

 

[شوق والدمعه]

حيااااااتي هلا لووير

الحمد الله اليوم عند ياسر جزاه الله خير سهههههل بس كالعاده ولااازم الاغلاط ولا ماصير شووووق يارربي مت حررره بس عالاقل تعويض احسن من دستوووري

وانتي لونج وشلون اصوول

 

[القلوب الساهيه]

السلاام
شلونكم بنااااات والله لكم وحشه ........... بس سنه 3 هلكت فيهااااا

 

[L a w y e R]

حبيبتي موفقة انشالله

صاجة امتحان ياسر حلو ماشالله بس انا اخاف اتفاءل بالحقوق

انشالله خير ..

بدعت بسؤال القانون المدني < الكل يقول اسخف واسهل سؤال لوول

.
.

دستوري من عنده انتي ؟

لاتحاتين انشالله يعطون بونص ويرفعون الكورس الياي

 

[مـ سهله ـو]

واااي ياربي انتو يا حظكم ياسر مو انا ثومه اففففففف بس الحمدالله خلصت امتحانات التيرم هذا كله حرررررررررره :>