اي استفسار لطلبة الحقوق - جامعة الكويت

[L a w y e R]

بنت العديلية

د.فاطمة مادرستني

بس اللي اعرفه ان طلبة 2004 حدهم مايحبونها لوول

مادري عن امتحاناتها جيكي عالنوت شوفي طريقتها

لاتحاتين حبيبتي مبادئ سهلة وامتحاناتها دااااايما مكررة وتعتمد عالحفظ

موفقة ياقلبي

 

[بنت العديليه الشقرديه]

ثانكس لووير

بس الامتحااان وايد صعب يعتمد على الفهم الدقيييييييييييييييييييييييييييييييييييييييييييييق مو الحفظ ووو كان 7 اسئله كلها عللي مدى صحة العباره:s

 

[شوق والدمعه]

هلووو بنت العديليه انتو منو يدرسكم مبادى اي دكتور؟

 

[L a w y e R]

الله يهداها مو من صجها على الاسئلة :/

مبادئ بروحها مليقة وحدها مالها داعي

الله يوفقج حبيبتي لاتحاتين انشالله اتساهل معاكم بالتصحيح

 

[بنت العديليه الشقرديه]

هلçو çïٌَني ïكêوٌه ‎çّمه ïôêي

êَلمين çوويٌ مç ê‏ٌُين وçللله يْنç ىميْççç

 

[مـ سهله ـو]

لوووووووووووول بنات الامتحان حده صعب ويضحك لووووووووووووووووول انا كتبت اشياء ما ادري من وين يبتها حتى يوم قمت اراجع ما قدرت امس ضحكتي وسلمت الامتحان اي شي حده الامتحان لووول

 

[Asrarie]

السلام عليكم بنات شلونكم؟؟


طبعا انا حايسه حووس بالجامعه وموعارفه شنو اتخصص ووين اروح..

بالبدايه كنت بحول علوم اداريه وخذيت هالكورس تمهيدي رياضيات مال العلوم بس من درجاتي مالي امل اييب نسبه فيه واحول..

قلت بقعد بمكاني واشوف لي تخصص مناسب ماحسيت ان في تخصص يناسبني..

استخرت وقررت اني احول حقوق..

طبعا انا ادري ان ماراح ينحسب لي شي وراح ارجع من اول ويديد بس انا ماعندي مشكله اني اتاخر لان انا اساسا متأخره..

ممكن بنات الحقوق يساعدوني ويقولولي شنو المواد اللي اخذها ؟؟ والكورس الياي اوقف قيدي عشان ماينزل معدلي والا اخذ مواد؟؟ شنو شروط التحويل؟؟

انا سنه ثانيه وخلصت 15 وحده بس وهالكورس ماخذه 3 مواد يعني اجمالي وحداتي مع هالكورس 24 وحده..

معدلي 2.73 واتوقع هالكورس قريداتي زينه ..

المواد اللي خذيتهم:

تمهيدي انجليزي , مهارات اتصال لغويه , جماليات الادب العربي, مدخل علم نفس , ثقافه اسلاميه, انجليزي 141 وهالكورس 142 , جغرافيا انسان وبيئه , اسس نظريه لتربيه رياضيه.

اتمنى انكم تفيدوني

 

[Asrarie]

وبسالكم خريجات الحقوق لهم كادر؟؟؟

ووين اماكن الوظايف؟؟

 

[Asrarie]

رفع

 

[رمز الوفـا]

مريوم انا حسب معلوماتي المواد اللي خذيتيهم بليهم واشربي ميتهم على قولة اخوانا المصريين يعني ما يفدونج بالتحويل لكليتنا :0bee2e8d89::krkrkr:

واعرف ان لازم معدل محدد للتحويل للكليه وبس يحسبولج العربي والانجليزي اللي خذيتيهم المادتين

بس حبيبتي احسلج تروحين تسألين عمادة شئون الطلبه عشان يفيدونج اكثر وحياج معانا بكليتنا الموقره ...​

​

 

[Asrarie]

انزين بسالج عن الدراسه ,, يعني موادكم وامتحاناتكم واايد صعبه؟؟؟

 

[بنت العديليه الشقرديه]

هلا مريومه .. يعني اذا كان مدتيرم اقل شي تدرسين سبوع ...والفاينل الي درستيه الكورس الاول والثاني ...يعني اذا درستي اول باول ماكو شي صعب ان شاء الله والامتحانات صعبه او سهله على حسب الدكتور والله يوفقج والي دخلو الحقوق مو احسن منج

 

[Asrarie]

حبيبتي والله وعلى قولتج اللي دخلوها مو احسن مني وانشالله بشد حيلي


انزين خريج الحقوق له كادر؟؟

 

[بنت العديليه الشقرديه]

اعتقد اكيد له كادر او يمكن على حسب المكان الي تتوظفين فيه

 

[Asrarie]

وين بنات الحقوق ابي نصايحكم

 

[رمز الوفـا]

مريوم كل مكان في الصعب والشين

صح موادنا غثيثه كميه وضغط والكاتره حدعم مليغين ويحوشج دكاتره ياخذونكم دوام كل الاسبوع مثل الاخ عبيد المطيري والحين منصور


بس اقولج توكلي على الله وحولي ترى القانون حده عجيب وراح تحبينه ...

 

[رمز الوفـا]

اما سؤالج على الكادر على حسب المكان اللي تتوظفين فيه مثل للشباب كادر اذا اشتغلو في النيابه


وفي كادر للتحقيقات اللي اعرفه اما المجالات الثانيه اسألج عنها وارد لج خبر ...


واي استفسار احنا برسم الخدمه ولا يردج الا الكيبورد...

 

[Asrarie]

بعد قلبي والله انتي ,, وادري انه موسهل بس مثل ماقلتوا اذا حبيت الشي انجح فيه ,, وانا صراحه عطيني شي احفظه عند ويهج بس مااواطن العملي ,, وماعليج امر شوفيلي اذا عندهم كادر والا لا

عاد انشالله اذا حولت ابيكم تضبطوني بالدكاتره من تجاربكم

 

[ام عبدالرحمن2]

قوه بنات انا مثل مريومه بسال عن الحقوق بس مو لي لزوجي اهوا مستجد وبيحول حقوق وقالي اساليلي رفيجاتج وانا مالي غيركم ياخواتي اهوا مايعرف احد بالحقوق وحتى لو يعرف راي واحد مايبرد الجبد
الحييييييييييييييين من تجااااااااربكم نبيكم تفيدونا
كم المعدل المطلوب
وهل المواد صعبه لهدرجه ولا ادرس تنجح
وسمعت قالو ان اللي يسقط في ماده يعيد الكورس كله يعني يرسب بباقي المواد
وشنو تنصحونه يتخصص
وشنو ااول شي ياخد ومنو افضل دكاااتره الحقوق اللي تنصحون فيهم واشكركم ياحقوقياااااااااااااااااات

 

[ام عبدالرحمن2]

اب ..............................