شرايكم باللي قاعد يصير داخل محلات قمصان النوم ؟؟؟؟؟!!

[yummy girl]

انا بصراحه مره مو بالكويت بلندن قلت حق ربلي دش وياي جان يقولي طيري زين
حده يستحي اقوله ابيك تختار يقولي كل شي عليج حلو و يقلب ويهه احمر
صج احس روحي انا الي ما استحي لووول
بس مستحيل اطلب منه يدش وياي اب محل حريم بالكويت نوووووو ويييي
و شكرا

 

[bintq8]

حده فشله اذا دخل وياي محل قمصان النوم حلاته تصير له مفاجأه

 

[~*~الملكة~*~]

حبيبتي اذا تزوجتي تعالي كلميني على الحيا .. (( راح تنسينه )) هههههههه

وبعدين الرياييل انواع ..

فيه اللى يحب يروح واهو يختار وفيه اللى يقول شنو يبي وفيه رياييل ما يدرون وين الله قاطعهم ..

بصراحه انا زوجي يدخل معاي مع انه مايختار لي شي ويقولي انتي وذوقج
(( اذا كان المحل فاضي )) بمجرد تدخل زبونه ينحاش بره ..

اصلا هذا الي يصير اذا كان واحد مع زوجته داخل المحل ودخلو زباين يطلع

واذا ماطلع الي تشتغل بالمحل تقوله لو سمحت في زباين مايصير تكون موجود داخل

هذا الي اشوفه

 

[C'est La Vie]

انا متزوجه والحياء مش بس عند البنت لا كمان المتزوجه تستحى فالحياء شعبه من شعب الايمان والرسول عليه الصلاة والسلام كان اكثر حياء من العذراء وانا راى ان كل واحده تسال زوجها عن للى يحبه وتدخل هى لوحدها والله ان فى مره زوجى حب يدخل وقلتله لا لان فى حريم ازاى تقبلى على نفسك ان زوجك يرى اخريات وهن ينتقون ملابسهن الداخليه انا عن نفسى ما اقبل ان زوجى يدش محلات قمصان النوم وفى مية حل ممكن لو زوج حابب يهدى لزوجته قميص ياما من كتالوجات ويختار ويطلب وهو واقف بره المحل او من على النت وده راى

تصفيييييييييييييييق
:ggdw::ggdw::ggdw:
جك جك جك جك





ويييي نسيييييت :tomato2:
ميرسي احبكم عالموضوع صج ان ما احب هالحركة بس ما صادفني هالموقف من قبل

 

[ZajiL]

صااااجه انا معاج 100%
انا المتزوجه استحي فمابالج البنت
انا ليه رحت السوق وصدف اهو معاي اخلي زوجي ينطرني بره مااحب يدخل اصلا احرااااااااااااااج
وانا احب افاجأ÷ مااحب يشوف الي اشتريييييييييييييييييه
وصج في ريايييييييل مايستحون شلون يسمحون لنفسهم يدخلون محلات الحرييييييييييييييم

 

[ام دودو المزيونه]

ما له داعي دخول الريال مع مرته لمحل خاص لمستلزمات الحريم وين الحياء يعني وناسه عندكم اتطالعون القمصان جدام الحريم الثانيين خل ينطر بره وخلي القميص مفاجأه له ببيتكم والمصيبه الكبري الرياييل الي يبيعون بالمحل اغلب المحلات فبهم بائع زلمه لا وفي محل معروف بالسالميه صاحبه الكويتي كل ساطر بالمحل

 

[بطريقة]

صاااااااجه والله سالفه بايخه ..

انا ريلي مايدش معاي ولا محل يقعد ينطرني بره .. والصراحه احسن شي ..(وانا اساسا نادر ما اتسوق و ريلي معاي ... اذا بتسوق اروح بروحي)
لأني الصراحه اتضايق لما يزاحمني ريال بمحل حريم ..نننننننععععععععععععععععععععم؟؟؟؟؟؟؟؟؟؟؟؟؟ شمدخلك ؟؟؟؟؟؟؟؟؟؟؟؟؟؟؟؟؟؟؟؟

 

[لجين]

لا تعليق

 

[برنسيسة زمااني]

ترى هالمحلات مو بس حق المتزوجات!!!

يعني من حقنا احنا البنات نتشرى اللي نبيه فما لاداعي تدخلون رييالكم المحلات

هذي اسمها محلات نسائيه يعني بس اللي يدخلها الحريم واللي يبيعون حريم يعني بس حقهم

يعني الصراحه انتوا قاعدين تأذون غيركم لمن تدخلونهم المحل والوحده فينا ماتروح المحل الا وهي مضطره بتشتري شي معين

فأذا شافت الرياييل داخل بتضطر تتترك المحل و تكنسل الشغله

فكروا بغيركم قبل ما تفكرون بنفسكم بسسسسسسسس

وشكرا

 

[xtina-90]

اي حدا احراج انا بروحي استحي ادش اذا في ناس وايد برا بعد هالنوب رياييل داخل
وفي طريقه اللي تبي ريلها يختار ((النت))
ويسلمو عالطرح

 

[حلاالحب]

هههههههههههههههه صج والله ,, انا استحي اذا شريت من هالمحلات وحاسبني الكاشير !!

واذا في ريال مع مدامته اخش الستيان من جنب استحي يشوف الغريب وش ماخذه !!
وابوي واخواني ما يدخلون معانا هالمحلات ..
بس مرة دخل زوجي وراي وع طووووووووووول طلعت مع ان المحل فاضي
بقولكم موقف مع بابا ......
شرينا ستيانات اني وامي وطلع غلط في القياس وقالت لأبوي يبدلهم اييب القياس العدل ,, وماااااااااااارضى قال محل نسوان كيف ادخل ؟
قالت له امي اللي يبيع ريال , قال لاااا بنتش تروح معاي تبدلهم ., ورحت معاه
بس عاادي يدخل الريال اذا كان المحل فاضي فاااااااضي

 

[الدلال]

انا صار لي متزوجه 10 سنوات وما اذكر اني دخلت مع زوجي بيووم محل قمصان نووم, اصلا ما اراضاها على نفسي ادخل ريلي اماكن خاصه للحريم , ومن الاساس ريلي ما يرضى يدخل, شنو يعني ساحبته وراي يختار لي قمصان نوم؟؟ عيب والله

انا حرمه ومتزوجه اذا شفت ريال بمحل قمصان نووم والله استحي وما اقدر اشتري شي , وانقد على الحرمه اللي معاه وسامحتله يفرفر بالمحل ومبقق عيوونه على القمصان!!

والادهى والامر لما تكون الحرمه بغرفة القياس وتقايس قميص النوم وريلها ينطرها عند باب الغرفه وتفتح الباب ويدخل يشوف
القميص عليها, صدقوووني هالشي شايفته بعيووني باحد المحلات, والله عيييييييييب واحراااج, يا اختي قايسيه بالبيت وتفرفري جدامه فيه وفكينا

فشله والله, احس ان هذا الشي مو شغل رياييل بالمره, مع احترامي للكل

 

[om MaRyooM]

كلامج صح حبيبتي ..


بس انا اعارظج على شي معين
يعني مافيها شي صراحة اذا زوجي دش معاي ،، من ناحيتي انا أحب زوجي يكون معاي
عشان يستمتع واهوا ينقي .. الرياييل اذواق

بس عاد مو بكل محل ومو كل مرّة .. تصير مصاخة جذي
يعني اذا محل بالمجمعات وجذي عادي ممكن،،بس في محلات معروفة مايدشلها الا الحربم او اغلبها فما أحب أخلي زوجي محط انظار وحقد الحريم فأهوا من كيفه مايدخل ينطرني برة ..

وفي شغلة ذكرتيها انا معاج فيها
اللي ايي بروحه... هذي مالها داعي عاد نفس ماقلتي خلي يدز أحد من اهله مثلا او يسأل زوجته مو اهوا بروحه يروح ويدخل بروحه
اصلا فشلة . .


بعدين في شغلة ..
يا حرييييم ياحلوين
اللي تعرف ان زوجها عينه زايغة (مثلا) لاتوديه معاها عشان هالبنات لايبصبص عليهم والباجي عاد انتو عارفينه!

 

[baby-phat85]

زوجي يقولي اذا وقفت عند محلات قمصان النوم تجيني رجفة موطبيعية

لوووووووووووو بطني ووووووووووول :dddds:

 

[Confused Girl]

ترى هالمحلات مو بس حق المتزوجات!!!
يعني من حقنا احنا البنات نتشرى اللي نبيه فما لاداعي تدخلون رييالكم المحلات

هذي اسمها محلات نسائيه يعني بس اللي يدخلها الحريم واللي يبيعون حريم يعني بس حقهم

يعني الصراحه انتوا قاعدين تأذون غيركم لمن تدخلونهم المحل والوحده فينا ماتروح المحل الا وهي مضطره بتشتري شي معين

فأذا شافت الرياييل داخل بتضطر تتترك المحل و تكنسل الشغله

فكروا بغيركم قبل ما تفكرون بنفسكم بسسسسسسسس

وشكرا

100% معاااااااااج

 

[فروحة البطوطة]

الصراحة انا ما أيدد الزوج يدش فشله اراعي الناس الي بتشتري اذا دشيت اهوا ينحاش ما يوقف جدام المحل
واحب اسويله مفاجأة واحلى تلبسين كل شي مو لون معين او شكل معين

 

[حبيبة دودي]

روحي الصبح

 

[دلوعه زوجها]

حبيبتي انا زوجي مايدخل المحل اذا كان فيه حريم بس اذا فاضي مافيها شي يدش وينقيلي ومن تدش وحده يطلع علي طوول
بس مو حلوه يرووح يقول حق اخته روحي نقيلي حق مرتي احس حد الفششششششششششششله
بس حبيبتي لازم زوجي ينقيلي يعني مو كل مره انا لأنه يحب ينقيلي اللي بلبسه له
والله يوفقج وتزوجين وتشوفين شلون لازم يدش وينقيلج وانا حاسه فيج انج مستحيه الحين بس اذا تزوجتي ان شاء الله راااح تقولين عكس كلامج الحين

 

[جوك احلى جو]

صراحه المسالله مو جرأه ولا حيا المساله اهي بحد ذاتها قلة ادب شكو ريال داش ويا مرته بعد هالمحلات صج صج يطيح من عيني اهو مرته شنو هاليراعه جدام الله وخلقه داش هالاماكن ياربي احنا مو باوروبا عشان نقول عادي الريال ومرته داشين هالاماكن يعني لو احد من اهلهم شافهم شبقول رايح يختار اليرع ملابس داخليه حق مرته وااااي والله فشله

 

[كويتية 1990]

الحل انه يفصلون قسم لقمصان النوم وقسم للملابس الداخلية .. لانه من حق اللي تستحي تاخذ راحتها ومن حق المتزوجين انهم ينقون مع بعض !!