شرايكم باللي قاعد يصير داخل محلات قمصان النوم ؟؟؟؟؟!!

[بناتي حبيباتي]

روحاتي للسوق كله بروحي وان رحت معاه بالغلط وشاف قميص وعجبه من الفترينه ادش انا بروحي واشتريه واهو ينطرني بره المحل

فماله سالفه دشته داخل المحل معاي

كلامج عيل العقل حبوبه وانا اايدج فيه

 

[ودي بطفل احضنه]

صح كلامج حتى انا ذاك اليوم كنت رايحه اشتري

جم قميص ولا هذا البطه الضخم مع مرته ينقيلها

ويتبوسم الحمدلله والشكر شكله مو مصدق انه تزوج

انا من شفت شيفته طلعت ولا شريت شي....

 

[بتبوتااا]

والله انا اكثر وحده اعاني من هالشي بما اني اموت على هالسوالف ولازم اذا رحت سوق لازم ادش محل قمصان

ومره شفت واحد من اخونا العرب مع مرته واهو ماسك القميص والقميص نظام مايوه ويحطه على جسمها يقول لها ده شكلوو جنان

انا واقفه @@

ويروح صوب القمصان الباجيه وياخذ ويشوفه على مرته !!!

اشكره جذي !!@@

يعني مادري شهالتصرف عيب اصلاا انا لما اروح مع ريلي فيني خير اطل بس حتى عالباترينه !!

اتذكر اول مره رحت مع ريلي السوق وعلى حسن نيه قلت له الله شوف بروح اشتري هالقميص خزني ذيج الخزه الي

طلعت من السوق بكبره !!

 

[رويال ديزاين]

والله ما أدري بس شي زين إن الريال يشتري لمرته قميص نوم و يقولها ودي أشوفه عليج ..
و شي مو زين غن الريال يدخل هالأماكن ...

بصراحه ...


الوضع محير .. بس أعتقد يعتمد تصرف الزوج على مرته .

يعني المره اللي ما تبي ريلها يدخل محلات الملابس الداخليه تسأله و عقبها تطلب منه ينطرها بره المحل أو بعيد ...

أما المره اللي ودها إن إهو يشتري و إهو يفع بعد ... ( في بنات أعرفهم يقولون قمصان النوم على أزواجنا ما نشتريهم على حسابنا أو من مصرفنا ) بتدخله يشتري..

بعدين ليش حلال على بعض الرياييل الي نشوفهم يشروون حق هالفلبينيات و رفيجاتهم اللي من بعض الجنسيات العربيه بدون تحديد .. و حرام على اللي عاف نفسه و راضي بزوجته !!!!!

 

[رفرف]

انا معاج ..

دخلة الريال لهالمحلات انتقاص لرجولته ..
واحراج للحريم اللي بيشترون خاصة انه محل نساااااائي يعني المفروض الحريم ياخذون راحتهم واهوه اللي يطلع بره ..

الاحساس بالناس حلو .. وقلة الاحساس .. مشكلة

 

[شسوى مليت]

حبيبتي اذا تزوجتي تعالي كلميني على الحيا .. (( راح تنسينه )) هههههههه

..

:dddds::dddds: والله انج صاجه

 

[ScarletteO'Hara]

ويييع كلش مو حلو, حتى الحريم الي يمه يستحون يتشرون على راحتهم, انا من اسبوع كنت باويشو بالافينيوز و الله فوق الاربع رياييل قاعدين يتشرون منه, لوعة انا استحيت اشتري الاندر وير على راحتي, اويشو شوي استر من المحلات الي متخصصة باللنجري السكسي, انصدم من الرياييل الي يتشرون منه, انا صارلي 5 سنين و نص مع ريلي و تصدقون انه ما يدخل معاي محلات الملابس الي مافيها قسم للرياييل, ينطرني برا المحل, فمبالكم محلات الملابس الداخلية؟ اذكر مرة بدبنهامز مرينا يم قسم اللانجري طالعني بنظرة و قاللي وين يايبيتني؟؟

مطلوب من بعض الرياييل انهم يستحون على ويوههم و يخلون محلات الحريم للحريم

 

[الاستاذة]

اي والله شكو يدخل معاي اصلا عيب

 

[كولوراديه]

انا قبل كنت اقول وااي شالرياييل إلي يدخلون مع حريمهم !!
ولما تزوجت قمت اقوله يلا دز معاي عادي لا تستحي لوووووووووووووووووووووووووووووووووول
ويختار لي واذا اختار شي مو حلو اقوله لا شرايك بالثانيه بس بصوت واطي بس طبعا اذا كان المحل فاضي وماكو احد واذا في احد دخلت بروحي وخليته بره ينطرني

 

[MaHoNa]

انا ماصادفني هالموقف ان ريال ومرته بمحل قمصان حتى لو كان داخل اذا شاف احد دخل المحل بسرعه ينحاش وبعدين احس عادي الريال

يشتري حق مرته انا وايد يصادفوني الصبح رياييل بروحهم قاعدين يتشرون بس يكون الوقت وايد مبجر ومافي احد وتقبلي مروري

 

[روقاء]

الصراحه فشله انا انحرج شلون الريال والله عيب مفروض يحطون لافته ممنوع دخول الرجا
احسن

 

[المصريه]

انا متزوجه والحياء مش بس عند البنت لا كمان المتزوجه تستحى فالحياء شعبه من شعب الايمان والرسول عليه الصلاة والسلام كان اكثر حياء من العذراء وانا راى ان كل واحده تسال زوجها عن للى يحبه وتدخل هى لوحدها والله ان فى مره زوجى حب يدخل وقلتله لا لان فى حريم ازاى تقبلى على نفسك ان زوجك يرى اخريات وهن ينتقون ملابسهن الداخليه انا عن نفسى ما اقبل ان زوجى يدش محلات قمصان النوم وفى مية حل ممكن لو زوج حابب يهدى لزوجته قميص ياما من كتالوجات ويختار ويطلب وهو واقف بره المحل او من على النت وده راى

 

[dectora 7elwa]

ماااااا اييد ان الر جل يدخل هالمحلات واشوة زوجي مايسويها الا برة الكويت ومو دايما بعد

 

[㋡..PRINCESS..㋡]

يعطيكم العااااااافيه حبايبي كلكم عالمشاركه :ggdw:

مااااااا قصرتوا :balo:

 

[AL-LULU]

زييييين هذا الشي يهون على الاقل عندنا في حريييم يبيعون قمصان نوم تعالي شوفي بالسعوديه اللي يبيعون رياييل بالله شلون اشتري وشلون اقوله مقاسي فشله وعيب بصراحه

 

[حلآ آلروووح]

اانا بعد صارلى هالموقف
مرة كنت بمحل انور للقمصان اول مادخلت كان واحد مع زوجتة وانطرهم يخلصون طولو وياليت تشرى قميص قاعدة تشترى دراعات مخمل واهو مبقق عيونة عالقمصان وفتش باللصقات مالوت الجسم انا واللة ماعرفت اشترى .واللة حتى اللى تبيع استحت تطلعلى اللأغراض قعدة تخزة وتضحك
انا ما افضل دخول الزوج محل قمصان النوم احس انة تقلل من رجولتة وهذا رايى

 

[april_q8]

اشوف انه الموضوع عادي ما فيها شي انا مادري اذا قصدج عن محلا ت قمصان النوم اللي تبيع سوالف هلاقه تنكري ما تنكري بس انا شخصا لما اكون بدبينهامز و هالمحلات عادي يكون معاي لأن نكون قاعدين تنسوق بس المحلات الغريبه انا هاذي ما ادشها

 

[سعودية شرقاوية]

هالمواقف ما احبها ابدا
ولا في ريايل يدخلون مع زوجاتهم حق يخزون في باقي الحريم وش يشترون
اذا كان يحب بختار لزوجته يروحون اوقات ما يكون فيها المحل زحمة مثلا الصبح او الظهر
لان الزبونة ما تاخذ راحتها
انا زوجي مستحيل يرضى يدخل معاي هو محلات ملابس عادية ويالله يدخل واذا شاف زحمة حريم طلع

 

[mamlakatal7ob]

صراحة أنا ما أأيد اللي تقول اذا تزوجتي تفصخين الحيا ترى مهما كانت البنت لازم تستحي

شلون يعني إذا مزوجة الدش وتنقي قمصانها النوم وملابسها الداخليه جدام الرياييل عادي

لا والله عييييييييييييييب .... أصلا يبطون جبدي هالنوعيه من الرياييل خاصه اللي يدشون بروحهم

مره كنت داخل محل وفي ريال واقف بره ينطر متى أطلع يبي يدش والله خلاني ما اعرف

انقي يعني اهوا محل حق الحريم ليش يناشبونا وتقولي صاحبة المحل ان بعض الرياييل

يدشون يسوون روحهم بيشترون ويقعدون يتمقلون في هالصور صج ماكو حيا ولا مستحى

وحمدالله ريلي عمره مادش هالأماكن ولا يمر صوبهم ولا أنا أحب أدخله معاي

 

[أم هـجـرس]

انا ماحب الريال الي يدش مع مرته محل قمصان نوم ويختار لها احس الوضع حييييييييييل مسخره

احنا نشتري قمصان نوم وانشيل الصور الي عليها اشلون هذي موديته بريوله حق هالمكان

وبعدين حلات القميص يكون مفاجأه للزوج موحلو يكون شايفه قبل اللبس احس راح يفقد قيمته

بس ياليت المحلات يمنعون الريايل من الدخول وبهالطريقه يكون افضل

اصلا حتى لما اكون مسافره دولة اوروبيه اخلي زوجي يروح اي مكان وانا ادش المحل بروحي موحلو الريال تدخلينه بأي مكان