عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[orangeya]

انزين منو الشاطرة اللي تعرف شنو السقة وتحطها بجملة مفيدة

مممم...

مادري والله !

طلعت مو شاطره

 

[Q8_QT]

هاااا استسلمتو محد عرف شنو السقة

 

[orangeya]

الخثرة من الأكلات اللي أسمع فيها بس ماشفتها والقبيط

الخثره ,,, خبري من مكوناتها الرئيسيه السمج

وانا مو رفيجته كللللللللللللللللللللللللللللللللللللللللش

القبيط ,,, مادري

لو تسمعني ماماتي بتمسخرني لاني ماعرف لووووووووول

انزين يلا قولولي شنو العصيده؟

 

[جاي الضحى]

إيه :eh_s(1):

ناطرينج علمينا :ggdw:​

 

[Q8_QT]

السقة يا طويلات العمر اهي الأداة اللي يخضون فيها الحليب عشان يسوون اللبن
وهالكلمة قالتها لي الوالدة الله يطول بعمرها

 

[orangeya]

ايوا ايوا...

السقه

مادري ليش طرى على بالي الشغله تكون معلقه لونها غامج بين ادعم

(هالكلمة شبه انقرضت على فكره مادري ليش مادانيها! بيني وبينها عداوة )

ويخضون فيها الحليب
شايفتها بالصور من زماااااااااان واللي تخض الحليب لابسه برقع

 

[Q8_QT]

الخثره ,,, خبري من مكوناتها الرئيسيه السمج

وانا مو رفيجته كللللللللللللللللللللللللللللللللللللللللش

القبيط ,,, مادري

لو تسمعني ماماتي بتمسخرني لاني ماعرف لووووووووول

انزين يلا قولولي شنو العصيده؟

وااااي أموت علي هالأكلة ما أقاومها خصوصا من إيد ماما وضحة (يدتي)
والعصيدة من مكوناتها الشكر والطحين لووووووول شهيتيني عاد وقتها الحين ماكو الا أدق علي أمي وضحة أخليها تسويها لي يوم الزوارة

 

[orangeya]

انا ذايقه العصيده جم مره يمكن بو 3 مرات مو اكثر,,,

بس مو اي وحده تضبطها

اذكر اول مره ذقتها كانت حلوة يازتلي

 

[orangeya]

جويهه... يازلي لقب افنديه :ggdw:

 

[Q8_QT]

اورنجيا تاكلينها بروحها ولا بالبيض

 

[orangeya]

وااااي أموت علي هالأكلة ما أقاومها خصوصا من إيد ماما وضحة (يدتي)
والعصيدة من مكوناتها الشكر والطحين لووووووول شهيتيني عاد وقتها الحين ماكو الا أدق علي أمي وضحة أخليها تسويها لي يوم الزوارة

الله يخليلج اياها ماما وضحه ويطولكم بعمرها قولي آمين

 

[Q8_QT]

آآآآآآآآمين تسلمين حبيبتي
ويخليلج أميمتج ياااااااارب

 

[orangeya]

اورنجيا تاكلينها بروحها ولا بالبيض

لا لا لا,,, لا تقولين ... من صجج؟

يحطون فيها بيض @@

امبي لا

:tomato2: ابي امي ابي ابوي :tomato2:

:tomato2: ماني قادره لا مستحيييييييييل :tomato2:



انا اذوقها ما آكلها صج صج !

النوبه اليايه لازم انشد اذا فيها بيض ولا لأ

 

[جاي الضحى]

وهذي صورة السقه

بدينا بالتشهي؟!! أخخخ وين أطووول هالاكل الحين....أبي قبوووووووووط وعصيده...:lkmnkl:...كوكو إذا قدرتي صوري العصيده...والله يخليلكم ماما وضحه ويطول بعمرها....أقول تعلمي منها كوك....

أفندية الله يخليلج أميمتج... أي نوع زلاطة تحبين؟ ليش ما تحبين السمج؟!! حتى أو اهو مشوي ما تكلينا؟​

 

[Q8_QT]

لا لا لا,,, لا تقولين ... من صجج؟

يحطون فيها بيض @@

امبي لا

:tomato2: ابي امي ابي ابوي :tomato2:

:tomato2: ماني قادره لا مستحيييييييييل :tomato2:



انا اذوقها ما آكلها صج صج !

النوبه اليايه لازم انشد اذا فيها بيض ولا لأ

حبيبتي البيض ينحط من فوق يسوونه عجة ويحطونه فوق العصيدة وناس تحط فلفل اسود ودهن عداني وآنا أفضلها جذيه لان مودايما يسوون البيض مثل ماأحبه

 

[Q8_QT]

بنات منو سمع عن المضروبة والشله ماره عليكم ؟!!!

 

[جاي الضحى]

أمبااه كوكو على طاري العجه ذكرتني بمسلسل رقية وسبيجة يوم حياة الفهد تقول حق غانم الصالح عجه عجه عجه عرفتو هالمقطع؟!!! :krkrkr:​

 

[orangeya]

وهذي صورة السقه

تقريبا نفس الصورة اللي طرت علي
بس الصورة اللي في بالي هقوتي لابسه برقع مو بوشيه

أفندية الله يخليلج أميمتج... أي نوع زلاطة تحبين؟ ليش ما تحبين السمج؟!! حتى أو اهو مشوي ما تكلينا؟

آميييييين يارب...

السمج جذيه من الله مادانيه ولا اشتهيه ولا تواطنه استغفر الله ..

لا مشوي ولا غيره

​

وييييييه السلطات عدي وخربطي

فتوش
تبوله
جرجير
سلطه معكرونيه
شمندر
ناتشوز
يونانيه
سيزر
العاديه

بس اكثر شي اكثر شي اليونانيه + الفتوش :icon30:

 

[Q8_QT]

أمبااه كوكو على طاري العجه ذكرتني بمسلسل رقية وسبيجة يوم حياة الفهد تقول حق غانم الصالح عجه عجه عجه عرفتو هالمقطع؟!!! :krkrkr:​

ئي ئي ذكرته وهي نازله من الدري وتغني لالالالا لا لا
وتروح حق غانم الصالح وتقوله عجة عجة ههههههههههههههههههه عجيييييييييب هالمشهد

 

[orangeya]

حبيبتي البيض ينحط من فوق يسوونه عجة ويحطونه فوق العصيدة وناس تحط فلفل اسود ودهن عداني وآنا أفضلها جذيه لان مودايما يسوون البيض مثل ماأحبه

وييييه اشوه طمنتيني ياوخيتي

عاد انا مو عوايدي ألط اللي جدامي بدون ما اتفحص شنهي مكوناته...

عيل اشوه ولا مره كليته مه بيض