عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[CuTiE PiE]

هلا حبيبتى جويهه.........
السؤال يقول شنو مسمى ينقال حق الشي اليديد؟ أي شي يديد ............لنغ

 

[Betty]

بنات جنكم غيرتوا الموضوع الأصلي..
نرد حق غطاوي وحزاوي وغناوي أول..

أول اليهال الصغار لما يركبور الدوارف (المراجيح) واللي يدزهم يغني لهم:
"هذي الزيادة " .. ويردون اليهال ((كذاب))
"عبدالسادة" .. ويردون اليهال ((كذاب))
"طلق مرته" .. ويردون اليهال ((كذاب))
"عاف عياله" .. ويردون اليهال ((كذاب))
"هذي البنية" .. ويردون اليهال ((كذاب))
"اسمها رقية" .. ويردون اليهال ((كذاب))
"عضها قرب" .. ويردون اليهال ((كذاب))
"وماتت البنية" .. ويردون اليهال ((كذاب))

واي تونس حفظتها بس قاعده ارددها لوول

 

[Betty]

أهلين بنات اورانجيه ياحلو الحزايه و الله
جاي الضحى على بنده تنقال للشي اليديد هذي اللي في بالج و لا لأ

 

[Betty]

اي تصدقون بتي تعني يديد يحليلي يعني اسمي يديده لوول و بقراطيسه تدل على الشي اليديد بعد

 

[Q8_QT]

يااااااااااااااااه ياكوكو ذكرتينى بالغنيه عجيبه اذكر قبل الام عندنا اذا صحا وليدها من النوم تقول له..........
صباحك صباحين ...صباح الكحل للعين
صباح يقول يا يمه ..كليت اليوم قرصين
صباحك الصباح ...الورد و التفاح
صباحك صباحين ..صباح الكحل في العين
صباح يطرد الفقر....صباح يوفي الدين
صباح يقول يا يمه...قريت اليوم جزوين

أهليييييين كيوتي وعلي طاري غناوي أول أذكر أغنية كانت أمي تغنيها :-
حبيبي وليدي ..... يا مسكي وطيبي
وياعل المسك يعدم ...... وتم إنت حبيبي
وفي أغنية ثانية بس موذاكرة كل كلماتها :-
صفاقة حق البابا ....... صفاقة حق الماما
....... صفقي ياراحة إيدينا ....... :ggdw:

 

[Q8_QT]

:ggdw::ggdw::ggdw:

ذكرتيني بمسرحيه ليلى والذيب...

اظنتي في مقطع لما كانت تلعب بالغابه غنت نفس الكلمات تقريبا"

ماني ذاكره الكلمات.. وعيزانه اشغل الشريط وادور المقطع لوووووول

شلووووونج اورنجيا ان شاءالله زينة
يازييييييين هالمسرحية ذكرتيني فيها صج مسرحيات قبل تعلق بالذاكرة مومسرحيات هالوقت ياخلاف علي عيالنا
يبتلج كلمات الأغنية عشانك ياجميل
هذي زيادة جذاب ....هذي زيادة يلوه
هذي زيادة جذاب ... هذي زيادة يلوه
وبعد في كلمات فديمة وأمثال نذكرت بالمسرحية مثل الششمة - الربادة - خلاجين - شماطيط - القبقاب - ولعبة الحيلة - ولعبة طبق حنة طبق ماش
والأمثال :- إذن من طين وإذن من عجين - والإيد الوحدة ماتصفق -والذيب مايهرول عبث -واللي مايطيع يضيع

 

[Q8_QT]

اخليكم مع هالحزايه:

مو كل صديق صادقوه ولا كل رفيج رافجوه ولا كل قريب أأتمنوه ولا كل غريب عادوه


(حزاية سعود و دلال )

زمان اول كانوا يكنزون البنت .. والبنت الاصيله ماتطلع من بيت اهلها الا بزفه على بيت ريلها

فبذيج الليلة في بيت على راس العايل ساكنين فيه اخوان بنت وريال

الاخ سعوود والبنت دلول

سعود كان شايل اخته ومسويها يادهينه لا تنكتين
والبنت عمرها ماطلعت بره بيتها ولا شافت بابا السكه من بره
وبيوم قرر سعوود يحج

عاااد زمان اول الحج مو اسبوع ولا اثنين مثل الحين لاااااااا اقلها شهرين

فكااان رايح وحاط ايده على قليبه خايف على اخته

وخااصه وان في الفريج ماكوو احد غير ياره الهندي

وسعوود خايف من هالهندي

فقبل مايسافر جهز اغراضه وحط لدلول كل الي تحتاجه من ماجله

وغيره

بس ما بقى غير مشكله الماي

فوصى السقاي عبيد انه كل يوم ايي ويترس الماي لدلول

ووصااه لانه يثق فيه

وصاه على دلول وحذره من جاره الهندي الي متخوف منه

وسافر سعووود

ضلت دلول بروحها

وعبيد السقاي ضل كل يوم ايي ويترس الماي

عااد مره طمع السقاي وكانت نواياه شينه

وخاان الامانه

ويااه لدلول ودخل عليها البيت

وقاال لها بنام عندج الليله

قالت له ماشي

بس بالاول انا ابي اعشيك واغني لك وانت ارقص

قال لها ماااشي

قاااامت تغني

وتقول



يااااجاااري يالهندي ترى العبيدي عندي وياكل من عشانا والليله بينام عندي
ويااااجاااري يالهندي ترى العبيدي عندي وياكل من عشانا والليله بينام عندي



جارهم الهندي استنكر اول مره يسمع صوت جارته دايما مالها حس!!!

قال لااااااا ،،، انا خنروح واشوف شسالفه
تناديني ياجاري الهندي
ومنوو هالعبيدي الي بينام عندهاا


المهم راح وكسر راس السقاااااااااي

وقال لهاا من اليووم انتي ما تقعدين بروحج بالبيت انا بيبلج اخي وتسكن معاج

وصار كل يوم ايي بنفسه ويترس لها الماي

واييب كل اغراضهم واحتياجاتهم

لمن يييه سعوود بالسلامه قالت له دلوول السالفه كلهاا



قااال يااالله انا امنت ولد ديرتي على اهلي وبيتي وخان الامانه
وهالهندي الغريب الي كنت خايف منه
اهو الي حافظلي على بيتي

فرااح سعوود وزوج دلول للهندي وقال انا مابلاقي احد أأمن منه على اختي

خووووووش حزاية اورنجيا تسلمين ياالغالية
كلمات الأغنية اللي غنتها دلول ذكرتني بلعبة كنا نلعبها أول وكلماتها قريبة منها
سمبوسة ياسمبوسة ...... وين كنت محبوسة
محبوسة بالعمارة ...... نطت علي الفارة
الفارة هندي هندي ..... الليلة نامت عندي
ههههههههه لايكون ماخذينها من هالحزاية وآنا مادري :dddds:

 

[Q8_QT]

بنااااات منو يعرف معنى قنزوعة - السرعوف ؟!!!

 

[CuTiE PiE]

هلاااااااا كوكوووو قنزوعه يعنى الشعر لما مايكون ناعم وتسوينه جدايل يطلع مرتفع فيسمونه ام القنازع لوووووووووول......
اما سرعوف همممم ماعرف معناها بس كنو الحشره الى يسمونها فرس النبى اسمها سرعوف .....

 

[MaZaji CoOL]

السلاااااااااااااااااااااام عليهووووووم ..



يه يه يه شهالزيييييييييييين شهالحلااااااااااااااااااا ..؟؟

عيني عليكم باااااااااااااارد ه شايلين الموضوع شيل ...:ggdw:


انا خبري عتيج على سالفة ادوات المطبخ و ملاس يدة جويهه ...:dddds:

صج انشغلت وهالحين مخي مقفل مو طاري علي شي ... بس قلت أطل عليكم ...


وشفت جم كلمة عندكم .. ذكرتوني فيهم : زبيل ..<< هالكلمه احنا نقولها من كنا صغار نقصد فيها السله اللي من سعف .. تنحط بالدار عشان أحط الملابس فيها والخدامه تمر كل يوم تاخذ الملابس منها وتغسلها ... بس اللي عندنا هالحين مطووره لوول مكتوب عليها Laundry....:dddds:



وكلمة : بارعه .. لووووووووووول شخباااااااري هالكلمه؟ اذكر أمـي يطولي بعمرها لمن كنت صغيره تطيح علي ألعب كورة مع عيال بيت يارنا !!.. فكانت تناديني وتزفني تقولي :ماتستحيييين يالبااارعه تلعبين مع الصبيان ... ياعيبي .. << طبعآ واهي تقول ياعيبي تسوي (( الحركــه المشهوووووره )) اللي يسوونها على الخد ..و تدل على ان هالشي عيب... منو الشااااااطره اللي تعرفهاااا؟؟؟؟؟:eh_s(6):

.
.

 

[CuTiE PiE]

لوووووووووووووول مزاجي كوول ضحكتينى على الحركه الى يسونها على الخد ذاك اليوم جويهه سوتها لوووووووووووول حاولت اقلدها ماقدرت شكلى صار تحفه :dddds:

 

[^الزين^كله^]

على طاري البارع
في اغنية قبل تغنيها يدتي ومادري شنو معناها ولا الهدف منها
يما يالبارع قوية العين
تبيلها ريلين(يعني زوجين) واحد عور واحد زين
واحد بوربيه واحد بوربيتين(قبل ايام الربيه)
​

 

[Q8_QT]

هلاااااااا كوكوووو قنزوعه يعنى الشعر لما مايكون ناعم وتسوينه جدايل يطلع مرتفع فيسمونه ام القنازع لوووووووووول......
اما سرعوف همممم ماعرف معناها بس كنو الحشره الى يسمونها فرس النبى اسمها سرعوف .....

:nbvppw:
إجابة صحيحة
:ggdw::ggdw::ggdw:

 

[Q8_QT]

بنااااات وييييينكم
:080402ask_prv::080402ask_prv:

 

[orangeya]

السلام عليكم...

شخباركم يا بنيات؟

نوم نوم !!!

وينكم؟

انا قلت الحين طااااااافتني جم صفحه.. وجم سالفه !!!

 

[Q8_QT]

ياهلااااااا ومسهلااااااا باورنجيا
عذريييييييني حبيبتي عالتأخير بس اللابتوب علق
وين الباجي ؟!!!!

 

[جاي الضحى]

وعليكم السلام ورحمة الله وبركاته ؛

شلونج Q8_QT؟ :eh_s(7):

شلونج أورنجيا؟ :eh_s(7):


كيوتي و Betty عدل عدل...:ggdw:..جوابكم ريت .... ما شاء الله.......يبتو إلي في بالي: لنق وبتي...شفتي يا betty طلعتي لنق يديده!

على طاري ريت شنو كلمات اجنبييه الأولين كانو يستخدمونها؟مثل ريت: يعني صح...وقبل يقولون موتور يعني سياره!! شنو يطري عليكم بعد



​

 

[orangeya]

يا رب رزقنا بشتى حلو ومطر هالسنه وخل الدنيا تخضر من خيرك.

آميييييييين :yaaaaaarb:

السؤال يقول شنو مسمى ينقال حق الشي اليديد؟ أي شي يديد...في كلمتين في بالي ودي أشوف منهي تقرى أفكاري و تقولهم.

الكلمات اللي حضرتني البنات قالوها :
بتي + لنg

​

تذكرت كلمة يمكن مالها علاقه بالموضوع لول!


( شد بلادها )
مثلا السيارة جذيه شد بلادها.....


يعني منها وفيها الشغله الفلانيه مو انا اللي ضايفتلها الشغله الفلانيه,,,

صح جذيه بنات ولا انا بدعت ؟ لوووووول :dddds:

 

[Q8_QT]

هلا حبيبتي جويهة نورتي
ممممم يطري علي كلمة لندني وعنجريزي

 

[Q8_QT]

حبايبي عذروني
شوي وراجعة لكم