مدارس الاحتياجات الخاصه

[*دانة الخليج*]

آناا بنتي من ذوي الاحتياجات الخاصة وهي بالصف الثامن بمدرسة القبس في السالمية وما تعرف تقرا ولا تكتب ممكن تعطوني الحل وهل انقلها مدرسة ثانية افضل لانها مو مستفيدة من المدرسة ومن وين احصل معلمة من احتياجات خاصة للغة العربية

السلام عليكم


للامانه انا قريت سنه 2003 او 2004بجريدة ان والد طفل معاق راح مخفر السالميه وسجل قضيه على مدرسه لذوي الاحتياجات الخاصه في نفس المنطقه(( ومافي مدرسه بالسالميه غير مدرسه القبس )) لانه كانوا يضربون الولد ولا شاف الاب علامات ضرب داخل جسم ابنه اخذة للمستشفى وكشفوا عليه وبعدها رفع قضيه
يعني علشان اطفال مايقدرون يتكلمون ولا يتواصلون يسوون فيهم جذى

بصراحه للامانه حبيت ابلغكم هذى السالفه
والله على مااقول شهيد

 

[ناني سيكرتس]

السلام عليكم


للامانه انا قريت سنه 2003 او 2004بجريدة ان والد طفل معاق راح مخفر السالميه وسجل قضيه على مدرسه لذوي الاحتياجات الخاصه في نفس المنطقه(( ومافي مدرسه بالسالميه غير مدرسه القبس )) لانه كانوا يضربون الولد ولا شاف الاب علامات ضرب داخل جسم ابنه اخذة للمستشفى وكشفوا عليه وبعدها رفع قضيه
يعني علشان اطفال مايقدرون يتكلمون ولا يتواصلون يسوون فيهم جذى

بصراحه للامانه حبيت ابلغكم هذى السالفه
والله على مااقول شهيد

قطيعه هالمدرسه كلش ما حبيتها, تخيلوا اليهال من مختلف الاعاقات خالطينهم مع بعض وتحسين المساكين ما يدرون شالسالفه بس يحوسون والابله الناظره تهاوشهم : يلا دخلوا داخل,روحو صفوفكم , في ناس راحت وفي ناس ما تدري وين الله قاطها..

 

[ام اميره]

السلام عليكم ...

قلت نسوي موضوع نكتب فيه عن المدارس و الحضانات مميزاتها و مساوئها ..

ولدي فيه صفات توحد كان في مدرسه هوب ..المدرسه اول سنه كانت وايد ممتازه و فيها امكانيات مع انها توها فاتحه ...بس ثاني سنه اختربت و صار اهم شيء عندهم الفلوس ..مو بس اهم كل المدارس الخاصه عموما..

هالسنه دخلته التربيه النموذجيه و لله الحمد اول مره اشوف هوم وورك حق ولي و انشكه و اشياء تبرد القلب ..و قاعده الاحظ تطور على ولدي

اتمنى كل ام تكتب لنا عن تجربتها مع المدارس و الاخبار عن النوادي الصيفيه و الدورات و المعالجيين...علشان نفيد و نستفيد

و عسانا كلنا على القوه لخدمه اعيالنا

انا يالغاليه بنتي عمرها سنه وابي اعرف اذا في لها مكان اوديها عشان تستفيد يعني حضانه او اي شي ابي استفيد منكم بس انا بنتي داون وهل الحكومه تصرف حق الحضانات ولالأ؟

 

[bint_looda]

اول مره اسمع عن بمدرسة التربية النموذجية للاحتياجات الخاصة في الفحيحيل !!! اهي نفسها فرع للي بشرق ولا شالسالفه ؟

 

[ام اميره]

يسرني اني ارد عليكم انا اشتغل في مدرسة المعرفة النموذجية بالمنقف وللامانة من احلى مايكون اهتمامنا حيل حيل بالطلبة وعندنا اخصائيات وعندنا انشطة وعندنا جميع الفئات من الروضة للثانوي واذا تبون اي استفسار انا بالخدمة

هلا والله ام مشعل
انا بنتي عمرها سنه
المدرسه من اي عمر تستقبل الاعمار وبنتي داون

 

[Emanova]

انا بنتي عمرها سنه
المدرسه من اي عمر تستقبل الاعمار وبنتي داون

في حضانات حق اليهال الاصغار ...لازم تروحين المجلس الاعلى للمعاقين و معاج التقرير الطبي مال بنتج

و اهناك يقولون لج شنو الخطوات .....و لسته باسامي الحضانات الحكوميه و الخاصه

 

[bint_looda]

up..

 

[ام مشعل المطيري]

عفوا بخصوص مدرسة المعرفة انا موظفة فيها ويكون بعلمج كلنا جدد من الي المشرفة والمساعدات اغلبهم كويتيات مو مثل قبل هالسنة غير وفوق هذا كلة المشرفة ماروع مايكون حليوة مو للي السنة اللي طافت واحنا ويا الطلاب ملازمينهم يعني كل المدرسة تغيرت

 

[*دانة الخليج*]

هلا والله ام مشعل
انا بنتي عمرها سنه
المدرسه من اي عمر تستقبل الاعمار وبنتي داون

هلا اختي انا شايفه مدرسه بالخالديه مكتوب عليها دوان
سئلي عنها؟؟؟؟؟؟؟؟؟؟

 

[HearT ChocolaTe]

أنا ولدي عمرة 3 سنوات و5 شهور ابي نصيحتكم
أي مدرسة أدخله أهو إعاقته مزدوجة
انفعوني الله يخليكم
اللسته اللي عطوني اياها المجلس توهتني وودي أحد يشور علي

 

[سديم11]

أنا ولدي فيه تخلف عقلي بسيط واللحين مادري أي مدرسة يحطونه شنو أفضل مدرسة الله يشافي ولدي وأولاد المسلمين يارب

 

[jureee]

هااي
انا بنتي دخلتها سنتين مدرسة التربية النموذجية وبعدين طلعتها لان قالولي يفضل انها تدرس بالعربي عشان النطق لانها ماتتكلم ليلحين كلامها بسيط وتقريبا محد يفهمها غيري
طلعتها وديتها مدرسة الخليفة لان فيها مادة عربي خليتها سنه بس لاحظت ان دامجينها مع حالات واااايد اسوء من حالتها فحسيت انها قامت تقلد الحالات الاقل منها فهذا اخرها يعني شغل سنتين وعلاج نطق بالليل ادويها كل راح من المدرسة
هالسنة وديتها مدرسة دسمان النموذجية وليلحين مادري اشلون بس فيها حصة عربي ودين بالعربي مع ان الحصص العربية يدرسونها مصريات وانا ما اثق بالمصريين نهائيا لا كل مصري او مصرية عرفتهم ماكو ضمير بالشغل الشغل بس جدامج
المهم انا الحين ناطرة احس في فرق بسيط معاها ومن دخلتها دسمان وقفت علاج النطق الي اوديها العصر لان بشوف نتيجة المدرسة اول
وبس هذي معاناتي مع مدارسنا الي تهبل:eh_s(14):
حالة بنتي روبشتاين سندروم
في وحدة عندها نفس الحالة يريت تقولي عشان نتواصل مع بعض اقلها خبرتي مع المرض واعرف منها اهي اشسوت معاها​

 

[قطووووة]

انا صراحه اعرف حضانة الشمس المشرقه الي بشبيلية عن جد تهبل وانا موجوده فيها سكرتيرة مو عشان اشتغل فيه امدحها لا والله مكان ينن وفيها غرفة استرخاء وفيها علاج طبيعي وفيها وايد اشياء تينن والي تبي تيي تشوفها تعجبكم
ونقبل الاعمار من سنتين الى 6 سنوات
وبرامجها وايد حلوة

 

[memes]

السلام لي صديقة غير كويتية لديها طفلان معاقين واحد اعاقتة ذهنية بسيطة والاخر اعاقتة تعليمية في اي حل لهم بدفع رسوم المدارس الخاصة؟؟؟

 

[بنت الكويت1]

انا بنتي بحضانة الهبة بعبدالله المبارك حليوة ومو شينة يعني بنتي تحب تروح وتستانس بس م تغير ببنتي شي للحين هذي السنة الثانية وافكر الحين بمدرسة تعطيها علاج طبيعي صج لانها تحتاجه وطبعا بنتي شلل دماغي وما تمشي ولاتتكلم وقعدتها بسيطة والله يعينها على التشنجات ذابحتها الله يشفيها وجميع مرضى المسلمين

 

[قطووووة]

اللهم امين يارب يشافي جميع المرضى يارب
يابنات الي مو كويتي على حسب الحضانه ورسومها اما اذا كويتي على حساب المجلس الاعلى
والله يابنات الحضانه الي انا فيها للاحتياجات الخاصة وايد تهبل الي تبي تستفسر تكلمني على الخاص

 

[memes]

الله يشافيهم امين
انا عارفه ان الكويتي يدفعله المجلس الاعلى لشئون المعاقين، بس وحدة سألتني وهي موكويتية ولاعيالها كويتيين وتدفع رسوم بنفسها والام ماتشتغل! انا سامعة في جمعية للمعاقين في حولي خلف كلية تجاري بنين وقالولي يمكن يساعدونها؟؟ مادري!

 

[Emanova]

الله يشافيهم امين
انا عارفه ان الكويتي يدفعله المجلس الاعلى لشئون المعاقين، بس وحدة سألتني وهي موكويتية ولاعيالها كويتيين وتدفع رسوم بنفسها والام ماتشتغل! انا سامعة في جمعية للمعاقين في حولي خلف كلية تجاري بنين وقالولي يمكن يساعدونها؟؟ مادري!

انا اللي اعرفه ان بيت الزكاه يدفع بعد ...بس اشلون الطريقه ما ادري

 

[*دانة الخليج*]

انا سمعت انه في مركز عبير 2 يمدحون بس للامانه انا مااعرفهم بس حبيت اساعدكم

 

[*دانة الخليج*]

انا بنتي بحضانة الهبة بعبدالله المبارك حليوة ومو شينة يعني بنتي تحب تروح وتستانس بس م تغير ببنتي شي للحين هذي السنة الثانية وافكر الحين بمدرسة تعطيها علاج طبيعي صج لانها تحتاجه وطبعا بنتي شلل دماغي وما تمشي ولاتتكلم وقعدتها بسيطة والله يعينها على التشنجات ذابحتها الله يشفيها وجميع مرضى المسلمين

انتى تعطين بنتج دوا لتشنجات ولا ما تعطيها شي
ترى هذى التشنجات تعتبر شحنات كهربائيه واذا زادت تؤدي اللي الموت (( الله يحميها))