مدارس الاحتياجات الخاصه

[ملكة الجمال]

أبي حل بأسرع وقت عشان مابي تروح عليها السنة وتكبر وهي ما تعرف تقرا

 

[ملكة الجمال]

مشكورين على هذا الموقع صراحة ويعطيكم العافية

 

[عدسات ملونة]

اختي ملكة الجمال لازم تجيبين لها مدرسة بالبيت علشان تساعدها واشتري لها القصص اللي تكون مكتوبة بخط واضح وكبير وقعدي معاها وخليها تقرا

 

[ضمت غلا]

السلام عليكم ورحمة اللة وبركاتة

انا عيالي في مدرسة التعليم الارشادي في الفروانية
بنتي عمرها 6 سنوات المفروض مدرسة قالت مدرسه لازم تقعد سنة بالروضه نأهلها للمدرسة لان عقلها للحين 4 سنوات -ولدي 5سنوات للحين روضه انشالله السنه الجاي مدرسة -وين انقلة اي مدرسة
وفية مدرسة جديدة في الجهراء اسمها اطفال المستقبل

تكفون انصحوني

 

[ناني سيكرتس]

مشكورة علي الموضوع الرائع ..

انا ولدي بمدرسة التربية النموذجية للاحتياجات الخاصة في الفحيحيل

مستواها تحت الصفر اقسم بالله لما دشيتها حسيت اني مو بالكويت كأني بحي في مصر !

شيء مو طبيعي مستوي اي شيء ودراسة خربوطة صراحة لازم تتصكر لانها دون المستوي

واضطريت احط ولدي فيها لانه صكر التسجيل في المدارس الثانية وما حبيته يقعد في البيت عالاقل لو يغير جو

الحالة حالة الله وحده يعلم فيها

وعسي الله يشافي وليدي واعيالكم والجميع اللهم امين

انا ولدي بالتربيه النموذجيه الي بشرق, بسغير نظامهم عن الي قلتيه..
بصراحه خوش مدرسه ليش ما تييبينه بفرع شرق احسن لج اذا انت حاسه ان مستواهم موشي, شنواعاقة ولدج..؟

 

[ناني سيكرتس]

آناا بنتي من ذوي الاحتياجات الخاصة وهي بالصف الثامن بمدرسة القبس في السالمية وما تعرف تقرا ولا تكتب ممكن تعطوني الحل وهل انقلها مدرسة ثانية افضل لانها مو مستفيدة من المدرسة ومن وين احصل معلمة من احتياجات خاصة للغة العربية

الله يعينج هالمدرسه ليش امدخله بنتج فيها..؟
اتصدقين اول مدررسه رحت وشفتها اهي القبس, وع تعوع الجبد لا من مبنى ولا من مدرسين, لا وشفت بعيني الابله ما ادري الناظره قاعده تهاوش الطلبه المعاقين تخيلي ويوم شافتني اني قاعده اطالعها جان تسوي روحها ما جنها هاوشت احد واهنا شحليلها وطيوبه..؟ اهني حطيت اكس عليهم لانها دون المستوى..
اذا تبين نقلي بنتج لاني مدرسه ثانيه احسن لج..
ان شاء الله بحطلج لسته المدارس العربيه وروحي جيكي عليهم..

 

[ناني سيكرتس]

السلام عليكم ورحمة اللة وبركاتة

انا عيالي في مدرسة التعليم الارشادي في الفروانية
بنتي عمرها 6 سنوات المفروض مدرسة قالت مدرسه لازم تقعد سنة بالروضه نأهلها للمدرسة لان عقلها للحين 4 سنوات -ولدي 5سنوات للحين روضه انشالله السنه الجاي مدرسة -وين انقلة اي مدرسة
وفية مدرسة جديدة في الجهراء اسمها اطفال المستقبل

تكفون انصحوني

ديري بالج تخلينها سنه زياده بالروضه لان لوحطيتيها هم ماراح تستوعب الي قاعدين ياخذونه, احسن شي انج تدورين لها على مدرسه زينه وتسجلينها فيها, تلاحقي بنتج احسن لج..

 

[ملكة الجمال]

ليلحين ما يالي الرد الله يخليكم ضرورى

 

[ملكة الجمال]

الى الأخت ناني عطيني اسم المدارس العربية لذوي الاحتياجات الخاصة

 

[ملكة الجمال]

وين احصل مدرسة احتياجات خاصة اذا تعرفون احد دزولي الرقم

 

[ملكة الجمال]

الاخت ناني كلامج صح مرة مدرسة الرياضيات زفت بنتي واشتكيت عليها وطردوها من المدرسة وايد تشتكي من صراخ المدرسات

 

[ملكة الجمال]

وين اسماء المدارس

 

[طبيعيه]

والله اسمحيلى يا ملكة جمال ماعندى خبره بالمدارس بس بغيت اسأل عن مدرسة منارات بالسالميه للاحتياجات الخاصه اللى سامع عنها وعن مستواها يفيدناالله يعافيكم

 

[Emanova]

اختي ايمانوفا
مدرسة التربية النموذجيه غير عن مدرسة هوب
صح اهمه في نفس الموقع لكن مدرستين مختلفتين واصحابهم غير
وبعدين ما في شي اسمه بمدرسة التربية النموذجية للاحتياجات الخاصة في الفحيحيل

حبيبتي ولدي كان في هوب سنتين ..اول سنه كانت مدرسته وحده فلسطينيه و نحاشت من المدرسه و الثانيه مصريه و النعم فيهم كانوا ايننون ..صج امهات ..

السنه اللي وراها قالوا لي ان حطوا ولدي عند احسن مدرسه في العالم علشان عندها ماجستير ...بس كانت مزاجيه و الياهل اللي تدرسه في البيت تهتم فيه ...و الليما تييله ما تدري عنه ..

و المدرسه على بو ان يديده سنتين و انا اسالهم متى تحطون دوارف ؟ ليش جلسات النطق ولدي معاه ياهل ثاني بدون ما يكون بروحه ؟ يقولون لي احنا يدد و العدد وايد و الاخصائيين اشويه ..

و شوفي المدرسات اللي يابوهم العام كانهم ناس بطاليه بس خذوا التدرييب مال 3 اسابيع اللي على منهج سكوب و بس!!

اما التربيه النموذجيه بس دخلت ولدي صيفي صار ايينن و صار عنده ثقه بالنفس ...و اهم يمشون على نظام aba الللي اهةو one to one و 3 مدرسين بالصف مو ثنتين و خدامه مثل هوب

و طابر صباح كله نظام مو مثل هوب اقولهم نبي طابور علشان اليهال يتعلمون النظام و الزحمه علشان الحفلات اللي تسونها ما تصير مسخره و اليهال خايفين ..

هوب شكلها حلو و امكانياتها حلوه بس للاسف الاداره تبي توفر فلوس و عبير عوض امسويه دعايه حقهم

 

[ام مشعل المطيري]

يسرني اني ارد عليكم انا اشتغل في مدرسة المعرفة النموذجية بالمنقف وللامانة من احلى مايكون اهتمامنا حيل حيل بالطلبة وعندنا اخصائيات وعندنا انشطة وعندنا جميع الفئات من الروضة للثانوي واذا تبون اي استفسار انا بالخدمة

 

[ناني سيكرتس]

واي يا ايمان صج التربيه النموذجيه ماعليها بصراحه, اتصدقين مهارات يسوفي قامت تطلع شوي شوي وثقته بنفسه صارت وايد عاليه ولله الحمد, اتصدقين قام من ايي البيت بروحه يقولي ماما سوينا جذيه بالمدرسه طبعا بس يقول شي واحد ما يقولهم كلهم , بس هم نعمه انا ابيه يتكلم معاي ويقولي عن مدرسته..
الحين ابلته امسويه اوراق وحده للبيت ووحده للمدرسه, ورقه المدرسه فيها صور للانشطه الي يسوونها بالمدرسه, باخر اليوم يوسف يحط دائره على كل نشاط سواه بالمدرسه واذا رجع البيت ابدي انا معاه بالحوار واسئله شنو سويت واساعدهبالحوار, روقة البيت كذلك اكتب فيها للابله شنو سوا يوسف بالبيت عشان اهي تحاوره تساله, اتصدقين هالحركه حلوه عشان تخلي الياهل يتكلم ويشرح شنو سوا وشنو ما سوا وانه يكون فيه حوار بينه وبين امه واخوانه..

 

[أم علاوي حبيبي]

مدرسة المعرفة!!!
لا تعليق
الله يعينهم عاللي اهمه فيه

 

[najlaa]

مدرسة المعرفة!!!
لا تعليق
الله يعينهم عاللي اهمه فيه

حياتي ممكتن توضحي اشفيها المعرفة

 

[أم علاوي حبيبي]

مدرسة المعرفه عليها ملاحظات كثيره من اولياء الأمور وخصوصا بعد تغيير الستاف المسئول عنها
بإختصار ما انصح فيها حاليا لحد ما تتعدل ظروفها
يعني اللي بيحط عياله لازم ينتبه ويجابلهم هل موفرين لهم الخدمة التعليمية المناسبة والا لأ

 

[ناني سيكرتس]

الى الأخت ناني عطيني اسم المدارس العربية لذوي الاحتياجات الخاصة

دورة اللسته بس ما ادري وين حاطتها..
عموما انت روحي حق المجلس الاعلى للمعاقين القسم التعليمي وقوليلهم ابي لستة المدارس الخاصه والعربيه, واهم هناك يعطونج اياها, بس سؤال ليش تبين مدرسه عربيه..؟ المدرسه الاجنيه احسن وابرك وترا مناهج اللغه العربيه والقران نفس مناهج الحكومه, بس التدريس احسن منهم..