شريتي الأوربتراك أو عندج إياه؟حياج معانا

[om - 5dood]

السلام عليكم

شلونكم بنوتات شخباركم ؟

وناسه :>

شكلي بشتريه وببدي ان شاءالله اول ما بشتريه

ويعطيكم العافيه :>

وشكرا

تحياتي

إختكم :

أم خدود

 

[الحــــالمة]

عجيب هالجهاز

ضعفت عليه وايد

بس حسافه انكسر

 

[Ms. luxury]

ها بنات اشصار عليكم؟؟
الله يستر شكلي منتفخة مادري ليش مع اني ألعب كل يوم عليه نص ساعة صار لي اسبوع من خلصت الدورة وأنا رادة العب عليه ..
بس ماأخربط وايد مثل أول رمضان قمت أكتفي بالسحور وجبة كاملة وتتكون من حلو شوية وغالبا مافيه حلو ووجبة الفطور كاملة وغالبا مافيها حلو!!!!!
بس لبست تنورة كانت قبل رمضان تخب علي اليوم لبستها صاكة على خصري
شكلي وكرشتي بالذات فضيييييييييييييييييييع
بنات أنا شارية بدلة العيد قبل رمضان والتنورة تعمدت حده حده تصك صك على خصري الله يستر اشلون بتصير ماتجرأت ألبسها وأجربها الحين ..
بس طايحة بالكمون كرشتي زااااايدة جنها تعاند
بس ترا أنا مستمرة

 

[Ms. luxury]

عندي استفسار اللي عندها خلفية تجاوب
أنا قاعدة أتعالج بأعشاب أم خالد يزاها الله كل كل كل خيييير بسبب ان رحمي نازل وبفضل الله الشافي المعافي سخر لي أعشاب أم خالد ورديت حلوة والحمد لله ومازلت مستمرة بالأعشاب وأنا شارية منها البرنامج العلاجي كامل ويحتوي على شاي وهالشاي مسهل وحلو ينظف البطن ومرتاحة (عسى الله يديمها من نعمة ) وتقول انه ينزل الوزن بعد طبعا بمنتدى الفراشة هي قايلة هالكلام
بس في البرنامج لهوم وسفوف تهقون اللهوم أو السفوف يتفخون البطن؟؟
أو يسببون سمنة لأن فيهم نسبة حلبة
عفيه اللي عندها خبرة بهالشغلات تفيدني

 

[Japanese]

شهريرو .. سلامتج ماتشوفين شر

اوبيه مادري صراحه عن الأعشاب بس اللي اعرفه ان الحلبه تنفخ صححححح :/

... اما انا .. صارلي فتره اتمرن ع الغزال الطائر .. بس نص ساعه

وان شاء الله احاول ازيد الفتره شوي شوي

ومن اليوم ابتديت بالدايت وان شاء الله كثررررررر ماأقدر بلتزممممم أبييي اضعففف متنت عن قبـل

واحس شكلي صاير منفوخ شوي :s

 

[Ms. luxury]

وييييييينكم بناااااااات ..
شكلكم خقيتوا ..
وأنا بعد خقيت صار لي من أول العيد للحين مالعبت مشغولة بالبيت خدامتي الاثيوبية انحاشت<<<<<والله بشارة زين ماذبحت واحد من عيالي مومصدقة انها ذلفت خخخخخخخ

 

[زوجي غرامي]

بنات انا شريت الغزال الطائر هم قالوا حلو بس للحين مااستخدمته لاني بنفاس
ولما استخدم واشوف النتيجه لي عوده معاكم وراح انزل موضوع شصار معاي اوكي
جاو جاو

 

[أساور]

الحين يابنات اي واحد مايتعب اربت ولا الغزال

 

[فلانه_الفلاني]

ما حبيت اطلع من غير ما افيدكم

الصراحه الصراحه هذا الجهاز ( اوربترك ) اهو سرر رشاقتي الحمدالله , ما افارقه وعندي اياه من 5 سنوات تقريبا او اكثر ماني ذاكره

بس الصراحه شي خيالي , اقطع عنه وايد وارجعله , ومن ارجعله اسبوع بالضبط تختلف معاي مقاسات هدومي والله العظيم وبدون مبالغه , واذا عندي عرس العب عليه قبل العرس باسبوع علشان ما احاتي البدله ما تدش فيني لووووووووول

انصح كل البنات فيه واخذيه وانت مغمضه :ggdw::ggdw::ggdw:​

 

[عاشقه الاسمرانى27]

اشلونكم بنات شخباركم منضم جديد

ممكن ادش..........مااطول عليكم

انا ائبى اشترى من النصر الرياضى شنو احلى مكان اشترى منه اجهزه رياضيه
بنات ترا انا كلى منفوخه من فوق ومن تحت بس اكيد الجناط بالكرش اكثر والله مليت فادونى الله يخليكم

 

[Ms. luxury]

هلا بنات مثل ماقلت لكم من انحاشت خدامتي وأنا ماعندي وقت لعب عالجهاز...
بس سمعت من عمتي شي ظيق خلقي مادري قولوا لي صج؟؟ ان هالجهاز ماينحف بس يشد يعني إذا تسوين ريجيم ريجيم مضبوط ونزل وزنج بعدين تلعبين على هالجهاز علشان مايصير عندج ترهل
مع اني وايد مرتاحة عليه وفرق خصري عن أول وايد وزنودي بعد شوي لكن كلام عمتي حبطنييييي

 

[موزة ام فارس]

هلا بنات مثل ماقلت لكم من انحاشت خدامتي وأنا ماعندي وقت لعب عالجهاز...
بس سمعت من عمتي شي ظيق خلقي مادري قولوا لي صج؟؟ ان هالجهاز ماينحف بس يشد يعني إذا تسوين ريجيم ريجيم مضبوط ونزل وزنج بعدين تلعبين على هالجهاز علشان مايصير عندج ترهل
مع اني وايد مرتاحة عليه وفرق خصري عن أول وايد وزنودي بعد شوي لكن كلام عمتي حبطنييييي

حبيبتي هالجهاز ينحف ويشد بنفس الوقت
فما بالك اذا معاه رجيم !!!
ينزل الوزن ويشد الجسم بنفس الوقت يعني ضمنيه ماكو ترهل ويبين عليج وتنحرجين


اوربت تراك عجيييييييييب يشد ويضعف بنفس الوقت
لاتحاتون منه كلش

 

[ام خالد 78]

منو وين اشتريه؟

 

[malek amal]

sallam 3aleekom

plz momken a7ad yefedny mn ween ashtery hatha el jehaz o becham yekoon se3rah bel'9ab6

 

[Ms. luxury]

حبيبتي شوفي أنا رحت محل تيلي سين اللي يحطون دعاياته بالتلفزيون (ماأدل وينه ريلي وداني) ولقيت عندهم القديم ب49 دينار والمطور ب81دينار يعني الدبل ..والفرق يقول اللي يبيع ماكو فرق إلا الشكل فقط فطلبت منهم القديم اللي بدون كرسي وفيه اللي تثقل الجهد وتخففه مرسوم عليها سالب وموجب ..ووصلولي إياه بعد 4 أيام كنت كل يوم اتصل عليهم أسألهم ليش مايابوه ..يالله بالزور وصلوه وحزتها كتبت الموضوع هذا ونبي تفاعل وتشجيع يالله انضمي لنا حبوبة .انتي والبنات حياكم الله

 

[فتاة المدينه]

انا عندي هاالجهاز وببدا فيه باذن الله هاليومين
بس بسال اختي فلانه -الفلاني
انت كم المده اللي تلعبين بها ع الجهاز حتى ضعفتي وشد جسمك
وهل فيه فرق بين الحركة على جدام او ورا!!
ومشكوووووووورة

 

[a7latwins]

يعني تنصحوني اشتريه ؟؟

 

[موزة ام فارس]

يعني تنصحوني اشتريه ؟؟

من قلب اشتريه ولا تقعدين بدونه
هالجهااز عجيييييييييب

 

[cat-girlq8]

هالجهاز عندي واااااااااايد واااااااااايد عجيب حق الشد
علي فكره اهو يشد يعني مو بس تلعبون رياضه عشان تضعفووون لاااااااااء

لازم رجيم ورياضه

وهالجهاز وايد عجيب علي الاقل ساعات مالي خلق النادي من كثر الزحمه بالااافاااااااام علي الاجهزه

نصحيه لكم اشترووه تري وايد زين والله

انا شريته من تلي سييين
ب 49
وايد عجيب

وسلامة قلبكم حبايبي

 

[Ms. luxury]

بنات ان شاء الله باجر ببلش ريجيم الدكتور فادي ممتاز للي فصيلتهم أو و بي..المهم ببلش ألعب عالجهاز وانتظم عليه اللي تبي ترافجني حياها الله بس ماعندي وقت أحط لكم الريجيم انتوا دوروه بقوقل ..
اوكي..؟؟؟