شريتي الأوربتراك أو عندج إياه؟حياج معانا

[أميرة حالمة 33]

شوقتوني والله

 

[Ms. luxury]

هلا بنات اشلونكم مع اللعب بالجهاز ؟؟ الحين من دش رمضان مالعبت عليه نايمة عند أهلي ان شاء الله اليوم العب فيه لأني توني راجعة البيت
سي يو

 

[*~هاجس~*]

السلام عليكم

بنات شنو هالجهاز بسرعه قولولي فديتكم

ومن وين اييبه وبجم سعره لحقوا علي هههههههههههههههههههههااي


من سمعت انه يمحي الموخره والارداف وانا استعيلت ابيه


بس قولولي شنو يسوي بعد

 

[*~هاجس~*]

اهااااا عرفته


في منه قاري


مو احسن ؟؟؟

 

[_ظل الياسمين _]

والله كان عندى عذااااااااااااااااب مو جهاز يهد الحيل هد..


صراااحه للاسف مليته لانه متعب والوقت معاه مايعدى...


يمكن انتوا غير الله يوفقكم باحلى اجسااام ياااارب.

 

[kanana]

طيب بنات شلون استخدمه بس حق زوائد الظهر مابيه يمحي الارداف!!!!

 

[مميزة خلقة]

بنات اللي تبي الضعف لااااااااااازم رياضه ريجيم بدون رياضه مايجيب نتيجه انا من مده شريت الممشى الهوائي اهو نفس طريقة اوربت تراك بس على مشي مو نفس حركة الدرج ونزلت عليه 4 كيلوات وجنطة السفر اللي ورا على قولت امي (انمصرت)بس انا ابس الفخوذ قطع بطلعت الروح يضعفون وانشالله استمر لانه من وزنت وانا منهبله استانست على 4 كيلوات وصرت اخورها بالسبورت

 

[أميرة حالمة 33]

مميزة خلقة

شنو جهاز الممشى الهوائي وبجم

 

[Ms. luxury]

الممشى الهوائي اسمه الغزال الطائر روحي المحل اللي قلت لج عنه وسأليهم عنه اسمه الغزال الطائر ب35 دينار..
والحمد لله مازلت ألعب على الأوربتراك كل يوم عشر دقايق والعرق يشخل وناسة أحس قاعد يجيب نتيجة بس مابي أوزن أدري فيه عنيد أنا قاعدة أقيس بالسنتيمتر كل مناطق جسمي ..
يالله يالله شدوا حيلكم منيه للعيد ان شاء الله التضاريس اللي عندنا رايحة وصايرة سهول منبسطة ورشاقة وجسم مرتب
وااااي ماني قادرة كل يوم أتخيل شكلي ببدلة العيد والكل يقولي ضعفاااانة ..لاعت جبدي من تزوجت وعيلت وهم يسموني الدبة

 

[مميزة خلقة]

حبيبتي اميره حالمه مثل ماقالت اختي شيهيرو اسمه الغزال الطائر يضعف ويشد الجنطه اللي ورا بس استمري عليه وانا شريته ب46دينار والحمندالله صج اني قمت اخورها برمضان لانه مافي وقت بس الله كريم

 

[Ms. luxury]

ماشاء الله اش هالكشخة ستايل حلو ماشاء الله..والله صار لي جم يوم أقول الموقع مافكروا يجددون الستايل ؟؟ الألوان عجيبة وهادية شكلي بتنقع في المنتدى وماراح أطلع منه
اليوم لعبت 10 دقايق والحين ان شاء الله بالعب بعد 10 دقايق ثانية
بس صايرة أخوره مثل ماقلتي يامميزة ماكنت أخربط برمضان بس رمضان السنة غير أطبخ وآكل وأسوي حلويات وأفرم ماشاء الله حلجي مايوقف ..تهقون من الرياضة؟

 

[مميزة خلقة]

هههههههههههههههههههه فرامه مولينكس ،،،،،،،،،،،،،،،،،،،،،،،
اي والله انا من دش رمضان وانا طاب علي كسل مو طبيعي واليوم صار عندي جنه دقيقه مايمديني العب وخبرج منتدانا بعد سوا نيو لوك اجل عزالله ما تلحلحت وسويت رياضه بيجي عيد الفطر والاضحى وانا جذي

 

[بشاير الخير]

السلام عليكم ...مبروك الستايل الحلو والالوان اللي تفتح النفس ..وانا باانضم لتجمعكم واليوم بديت ولعبت 5دقايق من الجهاز عندي من كم شهر بس انتم شجعتوني وان شاء الله مايجي ا لعيد الا وكل يحصل اللي يتمناه

 

[Japanese]

انا ناويه اروح نادي الجامعه

همممممممممممممم .. ان شاء الله القى فيه اوربتريك او حتى الغزال الطائر ..

متعوده اتمرن ع الاوربتريك ساعه او عالأقل 40 دقيقه

برجع لكم بعد ماشوف النادي

 

[Ms. luxury]

ويييييييييييييه صار لي يومين تاركة اللعب عالجهاز ..الدورة بتييني والآلام ذابحتني وجسمي مخزن هالسوائل صايرة جني واحدة بالتاسع على ويه ولادة ..مورمة ومنتفخة ومالي خلللللللق بس للبلعة إييييه بس ان شاء الله بعد ماتخلص الحجية أرجع ألعب وانتوا وينكم اشلون اللعب معاج يابشاير الخير وجابانيز وباجي البنات...

 

[اثمان]

السلام عليكم

انا عندى الغزال الطاير

تاركته صار لى سنه

شجعتونى شكلى ببدا اليوم

 

[D!aM0nD]

مرحبااا بنااات اناا شاريته من فتره وصج عجييب هالجهاااز
اوول ماشريته التزمت عدل كنت العب عليه ثلاث مرات وحسيت جسمي انشد حييييل
بس الحين بالرمضان مالي خلق بس شجعتووني بردله مره ثانيه


ثاااااااااانكس شيهيروووو عالموضوع

 

[kanana]

مرحبا بنات يلاشدو الهمة و لعبوا على الجهاز عشان كلكم رشيقات في العيد


بس عندي استفسار بخصوص الارداف سمعت انه الجهاز يمحيها و يصغرها هل هالحجي صحيح ولا انه بس يشدها ؟!!!!

 

[غريبه قصة احزاني]

انا بغيت هالجهاز ياليت اللي عندها جهاز تبيعه تراسلني عالخاص

 

[Queen-q8]

شيهيرو ومميزة خلقة

انا معاي عوار ركب وهمن صارلي 3 اسابيع عوار بآخر ظهري يقصني يذبح

انا زايدة ولله الحمد على كل حال الحين 4 كيلون غير ال15 كيلو اللي قبل

انا ابي جهاز ما يعور وما يملل ويساعد على النتحيف الكليلان جسمي متناسق بس المشكلة بالمتن يعني ابي يضعف كل الجسم

بصارحة شكثر قالولي اوربت تراك يعور الركب ويذبح ومو سهل انج تستمرين عليه وناس قالوا الغزال الطائر حلو وخفيف وما يملل بس ما يضعف وايد

انا مايلة للغزال الطائر عشان الركب والا انتوا شرايكم احد مثلي زايد اكثر من 20 كجم عن الوزن المثالي وشنو اللي يناسب وما يعور وما يملل ويساعد على نزل الوزن اسرع عفية ؟؟؟