ابي مساعدتكم... انا اتعس امراه بالعالم...

[brettey]

بالنسبه انه لج علاقه قبل الزواج ماله حق يتدخل بماضييج بس عقب الزواج الي سويتيه اكبر غلط والله حرام عليج
عليج بصلاه الليل وكثره الاستغفار

 

[اسوووره]

اتمنى يا دموع انج شابكة عشان تردين على البنات و تقرين حلولهم مع انج مارديتي الا جم رد وانشالله انج مخليه الجهاز شابك ومو قاعده تردين لانج مجابله سيادتج و ربج و ياااااااااااااااااااااااارب ما تكونين مجابله شي يغضب رب العالمين ....

 

[دموع الخطيئه]

حبيبتي اسوووووووور انا قاعد ارد اذا كان فيه شي يديد
واجمع الردود كلها مع بعض
لاني ما راح اقدر ارد عالكل
وعالعموم الكل مو مقصر والله ادري
احبكم الله يحفظكم

 

[رقي]

والله بكيت علي ريلج انج مرته
انتي حرام فيه
واللي سويتيه الصراحه ماله عذر
اولا حلف باغلظ الايمان
ثانيا خيانه ومواعد
واهم شي ماتدرين عن ريلج
نصيحتي لج
حسني اخلاقج وربي عيالج
الريال مايبيج
اخاف تصير فيج رده فعل عكسيه
وتنحرفين اكثر
عشان جذيه حافظي علي نفسج من الضياع عقب الطلاق

 

[عيون زوجها]

قاعده اتخيل نفسي
انا ريلي نفس ريلج بس عيبه ان يغار ليه درجه الجنون وريلج مافيه عيب
مو هذا موضوعنا
اللى انا تخيلته ان انا اسوي بريلي نفس اللى انتى سويتيه
تدرين عاد
لو ظل معاي عقب اللي سويته فيه انا راح اهده لان بيطلع مو ريال لان انتى ماخنتيه مره مرتين ثلاث انتى حاجيتي الف واحد مكانه
الوحده اذا ريلها تحكم فيها وماخلاها تحاجي رفيجتها حتى لو اهى زينه بس حب تملك انا زوجي جذي والله لو اكلم رفيجتي من وراه احس بالذنب اتقطع
اذا رياييلنا زينين ليش نسوي جذى؟؟؟؟
لازم الواحد يدوس على راس المره ويهينها ويخونها عشان تتعلق فيه وتخاف منه وتحترمه
رجعتي حق واحد خاين وجذب عليج وتزوج غيرج وبعتي انسان نفس ريلج؟؟؟
مافكرتي هذاك لو يحبج جان ما هدج بالاساس بس الرياييل مو اغبيه وعارف اللى قاعد يكلمها تستحق تكون شريكه حياته اولا مو كل حب حب واذا فيه بنت مفكره انها قاعده تقص على ريال وانها تحاجي غيره واهو ما جكها فانتي غلطانه الرياييل يدرون ويسكتون تدرين ليش ؟؟؟لان مايحبها ولا معتبرها شي مهم
انا حبيبت ريلي قبل زواجي بس مو كل حب حب
اذا انتى تحبينه صدقيني جان حبج بس هذا عرف انتى شنو
انتى تحبين الانسان اللى يطنشح وفعلا بس ريلح باعج انتى شريتيه
بصراحه مادري شقولج
انا ماراح اقولج راح يرجعلج او شي من هالكلام لان اهو ريال مو بس بالكلام والريال مايرضه بجذي
انا حارق قلبي ريلج لان جني قاعده اشوف ريلي بس الفرق اني عارفه قيمته
انا بقولج كلمه روحي الحج وتوبي وربي عيالج وبس وعيشي لهموخافي من الله قبل لاتخافين من الناس

 

[اسوووره]

دموع شوفي الخاص و ناطرة الاجابة عالخاص اذا امكن ...

وانشالله بقولج شتسوين و انشالله باذن الله ينفع ...

 

[دموع الخطيئه]

ماشي اسوووووره
انا الحين بطلع والعصر انشالله بشوف ردج
وبرد عليج انشالله
الله يحفظج ويرضيج يا رب
اشكرج حبيبتي

 

[روح الدنيا]

ترا ما على الله عسير متى ما رضا عليج خلاص الكل بيرضى

 

[prim rose]

والله قاعده امسح دموعي اولا خليتي عندي امل بالرياييل وخليتيني افقد كل الامل بالحريم..................
شوفي حبيبتي كل شي بالدنيا خيره وريلج هذا اصلا نادر الوجود الله يعطيه على قد نيته
ولاتزعلين الغلط اللي سويتيه كبير كبير ... والله والله والله مالج الا الدعاء والتوبه........
والحين ماراح تنفعج دموعج حسسيه ان انتي غلطانه واعتذريله بإخلاص لان انتي حلفتي جذب قبل هالمره واهتمي بعيالج على الاقل عوضي فيهم النقص اللي كان بريلج واحتسبي الاجر واصبري والله ماراح يضيع صبرج وكل انسان يغلط بس لازم يتحمل

 

[الهما]

لا حول و لا قوة ا لابالله
اللهم ثبتنا بدينناو كملنا بعقولنا....
حبيتي روحتج الحج لازم يكون معاها نيه تووووبه خالصة له سبحانه مو لأحد من خلقة و الا بتردين حق خرابيطج ....
شيلي من بالج فكرة انج تردينه... الريال راح من ايديج هذا واقع و تقبليه ....
مستحيل يرد لج .....الريال يستاهل وحده تحبه اهو.... مو تحب حياة العز و السيارة و الكماليات
حبيبتي انا قاعد ادرس ماجستير بعلم النفس ....كلامج من البداية لي النهاية فيه ندم صح بس مو على الزوج على الكماليات و الفلوس والبيت و الناس شلون بيشوفونج لو تطلقتي ... اللي محاتيته حياتج انت و الفلوس و نظرة الناس و الا ريلج و لا همج ما فيه و لا عبارة بكلامج يدل على ندمج......
اذا في شي ممكن تلحقين عليه اهوا ربج
لحقي على جنه عرضها السماوات و الارض و تجنبي جهنهم اللي مترووسه حريم....
هذا الشي الوحيد اللي ممكن تلحقين عليه ..... الريال انسية الريال يستاهل وحده افضل منج بوايد وحده نظيفة وحده مآثر مو انانية و ماضيها نظيف... اذا فعلا تحبينه و هامج امره انت اللي المفروض تتركينه انسي ترديين له....انت خافي عليه من نفسج حراام عليج حريتي الريال ...حراام عليج
و العيال لهم الله و يمكن هالوضع بيكون افضل لهم....
اعذريني على قسويتي بس والله حريتيني موتيني حرة و بجيتيني انت ما تستاهلين واحد جذيه
اتمنى لح التوبة و الهداية لله سبحانه و بالنهاية تذكري
((ان الله لا يغفر ان يشرك به ويغفر ما دون ذلك لمن يشاء))
و ركزي لعى لمن يشااااء ان شاء الله تكونين منهم
بس بليييز الريال ابتعدي عنه لمصلحته اولا و اخيرا
​

 

[FOZQ8]

مصدومه
بس الله يهديج يوثبتج على التوبه
حبوبه
الحين الطلاق صار
روحي الحج ادعي من قلبج ان يردج
واذا لج نصيب فيه الله ماراح يخيب ظنج خصوصا اذا كانت توبتج نصوحه

 

[مضيعة]

أبي أكرر نصيحة ... وأوضحها بالخط العريض... وهي مهمة جداً جداً لمثل موقفك.. وأتمنى تطبقينها...


أي رد سلبي ...... لا تحاولين حتى إنك تقرينه Please.. قاعدة انصحج من كل قلبي والله... لأن الله بالسماوات راضي عنك بمجرد التوبة.... العباد شكو يحاسبونج ؟!!


رضا ربك أغلى من رضا زوجج.... وهو اللي بقدرته بيرده لج بدعاءنا لج....
ما اعتبر اللي صار إهانة لزوجج كثر ما اهو صحوة لج انتي.. وهذا شي من صالحه اهو!!.. فكري بإيجابية.. ولأأ تقرين أي حرف سلبي أبدا.. ولا تتعبين نفسج بالرد أو التبرير أو الاعتذار من إلا من زوجج بس بالوقت اللي يكون فيه متهئ لسماع الاعتذار.... أو والأهم (من الله سبحانه وتعالى بصورة توبة واستغفار) .... واللي تقول لج قصة ولا خيال .. ما أظن إن ما مرت عليهم بالدنيا كلها قصص مشابهة؟!؟!؟!؟!؟!؟!؟ معقولة يعني عالمهم مثالي ولا مرة سمعوا بحياتهم سالفة من هالنوع ؟!؟!!؟؟! أتمنى بصراحة أعيش يوم واحد في مدينتهم الفاضلة.....

صدقيني التفكير الإيجابي بيحل مشكلتج وبس لي طلب واحد... يومها إن كان قريب أو بعيد... بس أبي تبشريني فيه...
خليك مع الله القادر الكبير وهو راح يكون معاك .... ورابطي على كلمة ~MANARY~ الله يعطيها ألف عافية .... وكلنا معاج نقول .... يا هم....لي رب كبير

تحياتي...

 

[سعوديه بينكم]

اختي مضيعه قالت الي انا ماقدرت أقووووله
حبيبتي ربي ييسرهآآآآ عليك ان شاء الله
وتنحل الأمور بأقرب ووقت
ادعي ربك ليل نهار وحاولي كل ثلاث ليالي تختمين سورة البقرة
صدقيني مااحد راح ينفعكـ الا رب العالمين
اهوا الوووحيد القادر ع انه يرده لك وينسى الي صار
واحنا مابنقصـــــر ياعسى اموركم تهدى وتردون حق بعض بأقرب وقت

ماادري شنو اقوووول بس اختي مضيعه قالت الي ماقدرت اقوووله
...

طمنينا حبيبتــــــــي ،،

 

[عيمية^والقلب^كندري]

أبي أكرر نصيحة ... وأوضحها بالخط العريض... وهي مهمة جداً جداً لمثل موقفك.. وأتمنى تطبقينها...


أي رد سلبي ...... لا تحاولين حتى إنك تقرينه please.. قاعدة انصحج من كل قلبي والله... لأن الله بالسماوات راضي عنك بمجرد التوبة.... العباد شكو يحاسبونج ؟!!


رضا ربك أغلى من رضا زوجج.... وهو اللي بقدرته بيرده لج بدعاءنا لج....
ما اعتبر اللي صار إهانة لزوجج كثر ما اهو صحوة لج انتي.. وهذا شي من صالحه اهو!!.. فكري بإيجابية.. ولأأ تقرين أي حرف سلبي أبدا.. ولا تتعبين نفسج بالرد أو التبرير أو الاعتذار من إلا من زوجج بس بالوقت اللي يكون فيه متهئ لسماع الاعتذار.... أو والأهم (من الله سبحانه وتعالى بصورة توبة واستغفار) .... واللي تقول لج قصة ولا خيال .. ما أظن إن ما مرت عليهم بالدنيا كلها قصص مشابهة؟!؟!؟!؟!؟!؟!؟ معقولة يعني عالمهم مثالي ولا مرة سمعوا بحياتهم سالفة من هالنوع ؟!؟!!؟؟! أتمنى بصراحة أعيش يوم واحد في مدينتهم الفاضلة.....

صدقيني التفكير الإيجابي بيحل مشكلتج وبس لي طلب واحد... يومها إن كان قريب أو بعيد... بس أبي تبشريني فيه...
خليك مع الله القادر الكبير وهو راح يكون معاك .... ورابطي على كلمة ~manary~ الله يعطيها ألف عافية .... وكلنا معاج نقول .... يا هم....لي رب كبير

تحياتي...

ردج بكبره ماينفهم وبعدين الردود السلبية اللي تتكلمين عنها هذي اهون من عقاب الله على اللي سوته وبعدين اهي ماحطت مشكلتها الا عارفة في ردود ضدها لان اللي سوته مايتسوه والمدينة الفاضلة شكلج انتي االي عايشة فيها فزوريها بروحج وشي جدا غريب كلمتج ماعتبر اللي صار لزوجج اهانة كثر ما اهو صحوة لج؟؟؟؟ اي صحوة اذا زوجها اهو اللي متقمص شخصية حرمة ومهددها والله عاد تبين الصج ردج انتي اللي سلبي ومفروض محد يقراه

 

[kuwaitya]

انا قاعده ابجي حدي!! مااعتقد ريلج بيرد لج وحتى لو رجعتوا لبعض صدقيني حياتكم بتكوون غيير..يعني مأسااه
بس بدعليج.. الله كريم

 

[الأم الصغيره]

بناااااااااااااااااااااااااااااااااااااات أيش فيكم حراااااااااااام عليكم شوي شوي على البنت ماهي ملاك هي بشر واعترفت بغلطتها وتاااااااااااااااااااااااااااااااابت ومن تاب كمن لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااذنب له إلي عندها حل حق مشكلتها تتفضل وتعطيها الحل وإلي تعاااااااااااااااااتب مع احترامي لها احس انه مو وقت العتااااااااااااااااااااااااااااااب مانبي عاااااااااااااااااااااااااطفه نبي حلول عقلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااانيه وشيء يزيد إيمانها اكثر ويدخل لها الطمئنينه

 

[الأم الصغيره]

والله عجيب انا مابشجع الاخت خطيئه على فعلتها بل انا ضدها بس استغرب لما الريال يسوي على زوجته المثاليه مثل ماسوت الاخت خطيئه على زوجها ويخونها ويبهدلها بدون اي سبب مع ان الزوووووووووووووووووجه مثااااااااليه ويظلمها نقول حق الزوجه تحملي هذا ابو عيالج ..........................زلا تهدمين بيتج.............الخ لازم العدااااااااااااااااااااااااااله الحين زوجت هل ريال اغلطت خله يتحمل غلطها ويستاهلون على الي صار فيهم الريايل وووووحده بوحده ليش كل مره الزوجه تكون مسكينه

 

[مضيعة]

عيمية^والقلب^كندري
حبيبتي إذا ردي ما ينفهم ... شلون تنتقدين شي انتي مو فاهمته أصلاً ؟!؟!؟!؟!؟!؟
ثانياً آنا كلامي وجهته للبنت وما فكرت أبي من وراه لا مصلحة لي ولا علشان أحد ثاني يقراه وينتقده!!
وإذا أطمع بشي ... فهو من رب العالمين.... ( من فرج كربة عن أخيه .. فرج الله كربته يوم القيامة )
وبعدين ...
لا أنا ... ولا إنتي .... ولا أي مخلوق يقدر يقرر عن الله سبحانه إذا كان بيعاقبها أو بيغفر لها...
إذا الله سبحانه يغفر كل الذنوب ... إلا الشرك؟!؟!؟!؟!؟ والبنت الحمد لله ما اشركت .. وبتروح الحج وبترجع كما ولدتها أمها !!!!
بالمختصر.. يعني إذا احنا بنوصل لمستوى الحكمة الإلهية وبنحاسب الناس... فجان سوانا كلنا أنبياء أو ما نزل أنبياء يعلمونا لأن كلنا وقتها راح نكون حكيمين وفاهمين ومعصومين!!!
وبعدين آنا قاعدة أنصحها تقرا الردود الإيجابية علشان تقوي عزيمتها وتتابع مشوار توبتها... أما الردود السلبية راح تحبطها وتيأس من رحمة الله ...
وهذا حرااااااااااااااااااااااااااااااااااااااااااااام ... الله يفتح باب التوبة واحنا نسكرة؟!
أصلاً منو احنا أمام قدرته وعظمته؟؟؟؟ ورحمته ومغفرته؟؟؟؟
وعلى العموم المدينة الفاضلة هذا حلم افلاطوني (للفيلسوف اليوناني افلاطون) وهو شي مستحيل يتحقق وما في حياة بدون أخطاء إلاّ حياة الآخرة بالجنة إن شاء الله
وإذا عن اللي صار واعتباري له بأنه مو إهانة وإنه صحوة.. لأنه فعلا صحوة... مالي خلق أعيد كتابة المجلد اللي كتبته قبل .. بس إذا يهمج تعرفين .. تقدرية تراجعين ردي السابق...
عموماً آنا أكلمها من منظور نفسني روحاني.. والإيجابية مفيدة لمثل ظروفها... والله يقويها عليها إن شاء الله...
وريلها صدقيني لأنه كبير.. وفاهم وعاقل... ردة فعلة بتكون عقلانية...

على فكرة .. توقيعج فيه معاني كبيرة...
ولايتي لأمير النحل تكفيني.........عند مماتي وتغسيلي وتكفيني....

إذا أبي أكلمج من صميم المذهب!!!!
بواقع معرفتج بأمير النحل.. وبواقع الولاية.... هل في خيانة وذنب أكبر من محاربة إبنه ؟!؟!؟!؟!؟
فكري معاي... ليش الله سبحانة وتعالى غفر "للحــــر" <----- أتوقع عارفة الرواية...
السبب هو التوبة الصادقة !!!!!!!!!!!!!!
واعتقد الامام رد عليه بأن الله غفر له وبالعكس طمنه و قال له بما معناه صدق إللي أطلق عليك اسم الحر!!!
مع إن ذنبه كان كبير جدا !!
تحياتي لج... وحاولي ما تحكمين على الناس من مجرد تجاربهم الخاطئة.... كلنا بشر... ممكن خطأ عن خطأ يفرق... بس عند الله التوبة "وحدة" وهي سبب مقنع للغفران.....

لج ألف تحية والله يهدي الجميع

 

[مضيعة]

الأم الصغيرة:
حياتي إنتي...
الله لا إييب الخيانة لا للحريم ولا الرياييل.. والله يبعد الجميع عن الزعل والهم والغم والنكد..
وهذي اخطاء كل البشر وتيي بصور مختفلة ومتنوعة...
يعني دايما شي نشوفه بعينا غلط صغير ونسمح لنفسنا فيه.. لكنه عند الله شي كبير أو العكس...
النميمة مثلا اللي ما نقدر نمسك لساننا عنها ... وحتى الرياييل ترى متعلمينها بالفترة الأخيرة ومناشبينا بالدواووين على طقوس جاي الضحى باحش والقرض....
احنا عندنا هالشي تنفيس وتبريد قلب بشخص يمكن غاثنا أو باط جبدنا أو مثلا ظلمنا أو غلط علينا.....
لكن..........
عند الله شنو؟!؟!؟!؟
يمكن أكبر من الخيانة !! .. لأنه شبهه بالقتل (وهو من الكبائر)... وفوق هذا بعد أقتلها وآكل لحمها وهي ميته!!! ويــــــــــــع... بصراحة منو فينا لما تحش تحس بهالشعور؟؟؟
طبعا القليل... والشيطان شاطر ...
لا نلوم هذا ولا ذاك ولا حرمة ولا ريال...
إذا بنسوي شي خل يكون لصالح دنيتنا وآخرتنا..
أتمنى تكونين فاهمتني
مشكورة لإيجابيتك مع الاخت التائبة إن شاء الله "دموع الخطيئة" .. اللي أتمنى تغير الاسم إلى "أمل التوبة" ...
تحياتي

 

[الأم الصغيره]

يعطيج العافيه حبيبتي بس إنقهرت شوي وكتبت جذي