%% تجمع حق اللي ولادتهم بأكتوبر ونوفمبر %% حياكم

[Brounzi_girlly]

ألف الحمدالله على سلامتج الضحى ومبروك عليج البيبي الفال لنا

 

[Brounzi_girlly]

مبروك عليج الولد مبدعة يتربى بعزكم وتشوفينه معرس يارب

 

[ام طلال]

السلام عليكم شلونكم

 

[ام الجــوري]

مبروك للي ولدوااا ويتربى بعزكم ...... أنا صامده ومرابطه والبيبي حالف يكون أخر طفل بالتجمع

 

[ام الجــوري]

أم جود وينج ؟؟؟ لايكون سبقتيني وولدتي

 

[أم عبد الله]

صبحكم الله بالخير كروشات ها الظاهر الكسل والخمول مع الشهر التاسع واضح وفي بنات حلوات الله سهل عليهم ويقومهم بالسلامة والله الثقل ثقل متعب ما ادري بس أنا احس وكأن أحد طاقني طق في كل جسمي كل أحس بألم وتكسر وتفكك عظام وكلة أبي أنام وإن كان النوم حسرة بسبب الرشاقة اللي احن فيها الله يهون ويسهل يارب ويتمم على خير

ودي أولد بس أقول لا لا بعد خل أكمل هذا الاسبوع علشان عند بنتي موعد تركيب للتقويم وليلتها بس اخلص منها ماعندي مشكلة أولد ( طرار ويتشرط) .

 

[حور الجنان]

انا زهقققققت ابي اووولد

 

[ام عبدالله2006]

انا زهقققققت ابي اووولد

نفس:0bee2e8d89: الشعووور:eh_s(1):

 

[Om JooD]

ام الجوري..لا للحين صامدة مثلج

حور وام عبدالله..عيييل انا شقول؟؟؟؟

 

[ام الجــوري]

هاي بنات ؟ ام جود حاولتي تشربين دارسين خروع ؟ انا شربت دارسين وكان فيني طلوق وراحت قلت بخليها على الله

 

[Om JooD]

ام الجوري..امي مو راضية اشرب دارسين ولا خروع تقول يأثر عالبيبي اذا ما في طلوق


يارب يارب يارب اولد هاليومين يارب

 

[حبيب قلبي]

السلام عليكم
الله يعينا كلنا تعبنا ونبي نولد
ام جود شنو تأثير الدارسين على البيبي اول مرة اسمع انه يأثر عليه

 

[Brounzi_girlly]

مسا الخير بنات أنا لي الحين ماحولت أمشي ولا اشرب حتى دارسين مالي خلق مادري شفيني

 

[حبيب قلبي]

بنات وينكم دشيتوا التاسع وبندتوا

 

[l!ke A roSe]

مسااااااااااء الخير بناااات

شلوووووونكم

انا للحين معاكم صاااااااامده
والله امس كانت عندنا عزومة صغيرونه للاهل كلهم يقولون مصختيها شربي خروع وتولدين بيومها
مستحيييييييييل مابي اتعب نفسي واتعور واخرتها ماتكون ولاده
نصبر جم يوم والله كريم ويسهل علينا ان شاء الله

والله بطني حده حده نازل عالاخر جنه بيطلع شي من تحت امشي وحاطه ايدي تحت كله امشي
نوم مقدر لايمين ولايسار وين اودي بطني
والقعده تكسر ظهري مقدر ظهري شااااد حيل

الا صج بنات انا لي يومين تقريبا بطني على اليمين احس مثل اللسعه مثل الكهرباء بين فترة وفترة
احس فيها يمين السره اول مرة
مادري احد صار فيه جذي؟!!

 

[حبيب قلبي]

اهلين لايك اروز لا عوارج مامر على

 

[Brounzi_girlly]

هلا والله بكل الموجودين يارب تسهل علينا حتى آنا خايفة اشرب شي

 

[leza_q8]

السلام عليكم ورحمة الله وبركاته ..

شلونكم يا بنات ويا خواتي الحوامل ان شاء الله تكونوا بصحه وعافيه وبأ حسن حال

بنات انا جيت ابشركم اني ولدة بالسلامه والحمد الله وجبة احلا بنوته وكانت ولادتي بداية التاسع بالاسبوع 35و5 ايام
ولدت ب14/10/2008 الثلاثاء

والفال لكم يا حبايب

 

[أناقوقش]

باااااااااااااااك

حوااامل شلووونكم

مافقدتوني؟؟؟

باركولي انا ولدت ويبت كتكوته حلووووه

الفجر 13\10\2008

الفال لكم يارب

الله يسهل عليكم

 

[أناقوقش]

مبروك ليز والحمدلله عالسلامه

يعني بنتي اكبر من بنتج بيووووم