إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[عالمة_جيولوجيا]

رد: إذا أنتي مطلقه شاركينى؟

ماشر ياقلبي مشاركه معاهم لاني معهم اشاركهم الحزن والوحده والحمدلله علي كل حال وحمدلله اننا مع بعض وحمدلله ان لنا رب كبيرررر راح يعوضنا ويستر علينا كلنا انشالله سواء بدنيا ولا الاخره اللهم امين

 

[عهود الحب]

رد: إذا أنتي مطلقه شاركينى؟

صباح الخير
تسلمون بنات كلكم
تسلمين الحالمة اي عيالي حساسين وحنونين حيل
الريادة الله يجزاج خير لافي امل وامل كبير بالراحة النفسية
وانا بنعمة بس الدمعه كانت مثل الغصه واللحين باذن الله تزول كل الحالة الي احس فيها قبل
سبحان الله وبحمده سبحان الله العظيم



رورو مشكورة ياقلبي
عيون الغزال تسلمين ادري والله بس قلت لكم مرات الضيقة تلعب بالواحد
انا مشكلتي لما اشوفه
يحوشني ايام واسابيع ضيقة وقهر


وعقب لي رديت نسيته انسى همي



الحمدلله ابشركم احوالي زينة
اهلي الحين حيل حيل مسانديني مومثل اول



والحمدلله في اشياء كثيرة بحياتي تغيرت للافضل



قبل كنت اعاني من كل صوب لا دوام لازواج لااهل
الحين ناظرتي تغيرت لله الحمد والي جتنا انسانة بحالها كافيه خيرها شرها

والزوج دام راح الحمدلله في حل اسمه طلاق
وانا عزمت مومثل اول كنت مترددة


الاهل قبل كانوا كلهم ضدي من اول لحظة

الحين اهلي لما دش عليهم الكل يستقبلني يهتمون فيني انا وعيالي
يسمعوني مومثل اول


يعطوني حلول ويناقشوني
يأيدوني بطلب الطلاق وهذي اهم نقطة


حتى اخواني الصغار يقولون لأمي ودنا نطق ابو فلان بس خايفين ابوي يزعل
يابعد عمري طقت فيهم الحمية يوم سمعوا شكواي



يا اني قلت كلام لابوي


خلاه يوافق على طول

على طول بطلب الطلاق


بنات الدنيا حلوة


وانا لما حطيت صورة الوردة
وتحت المطر


لترمز عن شخصي


انا سقيت وردتي دمع كالمطر استغفارا لربي عن كل ذنب جنيته بحياتي

سواء قصرت بحق نفسي او عيالي او اهلي او زوج سابق


او عمل



واثناء المطر نمت وكبرت وردتي واشتد عودها


وراح تورد وتحلو اكثر



دام المطر ساقيها


بس مطر طاعة وخشوع

مو مطر ندم على مافات


انا راضيه بنصيبي والحمدلله حمدا كثيرا




وعندي امل كبير بالدنيا



ان الدنيا تضحك لي

 

[عهود الحب]

رد: إذا أنتي مطلقه شاركينى؟

عالمة جيولوجيا


شلون عالمة تدرسين ولا مدرسة
ولا دكتورة


ولاشنو


اهم شي انه لازم تعرفين ان ساعة الضيق ساعه وتنفرج

 

[الريادة]

رد: إذا أنتي مطلقه شاركينى؟

عهود .. أخبارج تبشر بالخير
انشالله اللي ياي يكون أحسن من اللي مضى
كلنا معااج

 

[*الحالمه*]

رد: إذا أنتي مطلقه شاركينى؟

عهود

شي جميل اللي قلتيه .. تفائلي و ماراح تجنين الا الامل و السعاده ولو بعد حين

 

[فراشه]

رد: إذا أنتي مطلقه شاركينى؟

والله انا برمضان بالعشر الاواخر مانسيتكم دعيت الله يعوضني ويعوضكم بالازواج الصالحه والذريه الصالحه

قولوا امين

واي وحده الله يعوضها تبشرنا

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

ان كلامي كلمات متقاطعه ومومفهوم فسامحوني
والحمدلله على كل حال
فما يحمد على مكروه سواه
الحمدلله

حلوه الصوره عهوووووووووووووووووووووود انشالله تتغير نفسيتج بعد مثل ما غيرتي الصوره ..
شفتي شلون كله باختيارج ..​

 

[الانوثه]

رد: إذا أنتي مطلقه شاركينى؟

انا مطلقه وكاملة الانوثه والرقه وسبب طلاقي صدمه لي بس اسمحولي مااقدر ابووووح فيها لان انا اصلا مو مصدقه بس اقوول حسبي الله على من ظلمني وعسى ربي يشغله في نفسه وربي اني ادعي عليه من قلبي هو ومن معه لكن الله ماراح ينساني ولله الحمد ماشيه حياتي الاجتماعيه وهو من حال اردى الى حال اردى بس اتمنى محد يمر باللي مريت فيه ابدا ابدا ابدا وحسبي الله ونعم الوكيل فيه

 

[الريادة]

رد: إذا أنتي مطلقه شاركينى؟

الأنوثه عسى الله يعوضج خيير ..
و يرزقج بالريال اللي تستاهلينه.
صدمتج بعد شكثر من زواجج؟

 

[عالمة_جيولوجيا]

رد: إذا أنتي مطلقه شاركينى؟

بعد عمري عهووووووود الله يبشرج بالخير بعد وبعد وتفرحنا باخبارج اللوه وتتغير نظرتج لحياة وتكون احسن واحسن.........انا ياطويلت العمر خريجة كلية العلوم قسم جيولوجيا فمسماي عالمة جيولوجيا بقسمي بس طبعا بالحقيقه انا مالي مسمه وظيفي ههههههههههههههههههههه الا بمكان الا اتوظف فيه يعني ممكن مهندسه او باحثه او او ...الخ
انتي اختاري عاد

 

[أم حمووووود]

رد: إذا أنتي مطلقه شاركينى؟

اشلونج بدر البدور انا مثلج بس نص مطلقه انا قاعد معاي بالبيت مو راضي يطلق ومليت منه وعندي ولد عمره 7 سنوات بس قاعد ياكل ونام جنه فندق ولا له اي شي بالبيت حتى المعاشره ماكو كل 3 سهور مره مليت وتعبت اقوله بس اخر شي حقرته وتعبت ومليت احنا قاعدين اهوا نايم احنا نايميين اهوا قاعد هذي عيشته والله اقول لو أكون مطلقه احسن وايد من اني قاعده عنده بس ديكور اسم مره وادعولي اني اطلق لان بس المره لها حقوقها وواجباتها والرياييل صراحه كلهم مزاجيين ومانقدر عليهم وانا صراحه تعبت وملييت .

 

[سمراء كويتية]

رد: إذا أنتي مطلقه شاركينى؟

مساء الخير على الكل (( وخاصة لعهود الحب ..
شلونكم يا حلويييييييييييييييييييييييييييييييييييين ؟؟؟
عهود هاليومين انتي احسن و نفسيتج احسن لأنج تعودتي و تاقلمتي على الوضع ..
اهي مسألة وقت لا أكثر و لا اقل ياجر تذكرين كل هذاااااا و تضحكين على روحج
الله يفرج همج و همي ويرزقنا و عوضنا خير ..
الأنوثه .. حتى انا لي الحين احسب عليهم مو ناسيه وكلت امري لله سبحانه الله ينتقم منهم ..​

 

[حتفرج]

رد: إذا أنتي مطلقه شاركينى؟

عين المظلوم ما تنام وعين الظالم بتاكل رز بلبن مع الملايكة.....لا اله الا انت سبحانك اني كنت من الظالمين ...ياحي ياقيوم برحمتك استغيث....انا من انضميت لشر يحة المطلقات من ثلاث شهور (كانت هدية الصيف منه) حسبي الله ونعم الوكيل...بعد زواج سنتين وسبع اشهر لم يسفر عن وجود ضحايا(قصدي أطفال) لأن طليقي العزيز كان يعلم بعجزه وعدم قدرته على الأنجاب!!!وكان جزاء صبري عليه وعلى خياناته المتكررة طردي وورقة الطلاق !!! حسبي الله ونعم الوكيل عليه وعلى والدته الظالمة وأخوه اللي كان سبب زواجنا...

 

[عهود الحب]

رد: إذا أنتي مطلقه شاركينى؟

الملايكة ماياكلون
والظالم ماراح ياكل الا زقوم بنار جهنم
والمطلقة لها رب يملك السماوات والارض
لها رب ينصرها ولووووووووو بعد حين



لي ردة لكم بنات


ومشكورييييين حيل يالي تساندوني وانا بعد اساندكم واقول بالصوت العالي


الحياة حلووووووة حلوة حلوة حلوة

 

[عهود الحب]

رد: إذا أنتي مطلقه شاركينى؟

بنات هذي رسالة خاصة وصلتني حبيت اشارككم فيها
طبعا شلت اسم البنت
بس حبيت اشارككم فيها لأنه كلماتها حلوة حيل عن البداية الجديدة
اقروها عدل واستشعروها بروحكم من داخل

مرحـــــبا
اشلووونج اختي عهود الحب
انا الصراحه ماني عارفه اشلون ابدي!!!
بختصار انا كنت اتابع مشاركتج بتجمع المطلقات مع العلم اني توني بنوته
بس كان يهمني امرج .. سبحان الله
واستانست حيل بتغييرج لصورتج الشخصيه
اسمحيلي اتكلم ...
انتي بديتي تعرفين طريجج اللي راح اتكملين في حياتج
يعني عكس لما تقولين انا ما أقدر وهذي أداة الضعيف..
وانتي شخصيه قادره بإذن الله دامج نويتي التغيير
وحطي في بالج مافي شي اتغير بيوم وليله التغيير يحتاج الى إراده ورغبه في التغيير وإصرار وتحدي ...
نفس إللى يبي يصعد السلم يبدي خطوه خطوه...
نصيحه لا تفكرين بالماضي يكفي انه مضى فكري في باجر واشلون بتعيشينه وتستقبلينه
فكري بنفسج وصحتج و عيالج ووالدينج هذول إللي يستاهلون التفكير
ونصيحه لو الكل يحبطج إنتي لا اتحبطين نفسج بنفسج وخلي ثقتج بنفسج كبييييييييييييره وثقتج بالله أكبـــــــــــــــــــر
آسفه تدخلت
انا عن جد آسفه ع الإزعاج
واتمنى كلامي ماضايقج

بالعكس كلش ما يضايقني كلامج انتي عسل
انا تعرضت بحياتي لهزات قوية حيل
ومرة من المرات دشيت غيبوبة 3 ايام
ورديت انولدت من جديد
وكنت اقول يارب ياعالم بالغيب يارب الاكوان
ليش رديتني للحياة
ووقتها ماكنت اعاني مشاكل مع زوجي
وعقبها هزتني الدنيا هزتين قويتين
جلطة وزواج زوجي بوقت حرج جدا
ضيم الدنيا حسيت بصدري وكنت موعايشه كنت ميته والله بس على اقدامي امشي واحساسي ميت
حسيت الدنيا ماهي الدنيا
والله لما اتذكر ذيك الاايام اقول يارب شلون عايشه للحين
بس الحمدلله يستاهل الحمد
الله له حكمته
وهذا قضاء وقدر لابد نعايشه والله
تسلمين على اهتمامج
وانا لما ابجي بس بالمنتدى افضفض حيل وارتاح لما اتكلم بس بالحياة استحي ابين حياتي الشخصية
والكل من حواليج ينقدونج
بس كنت ابجي من داخل وكان ابسط شي ممكن يخليني انهار انهيار كامل
والله
حطيتي ايدج عالجرح
مشكورة مرة ثانية

 

[عهود الحب]

رد: إذا أنتي مطلقه شاركينى؟

انا مطلقه وكاملة الانوثه والرقه وسبب طلاقي صدمه لي بس اسمحولي مااقدر ابووووح فيها لان انا اصلا مو مصدقه بس اقوول حسبي الله على من ظلمني وعسى ربي يشغله في نفسه وربي اني ادعي عليه من قلبي هو ومن معه لكن الله ماراح ينساني ولله الحمد ماشيه حياتي الاجتماعيه وهو من حال اردى الى حال اردى بس اتمنى محد يمر باللي مريت فيه ابدا ابدا ابدا وحسبي الله ونعم الوكيل فيه

هلا اختي انوثة

شوفي يالغاليه الطلاق شي والانوثة شي ثاني


لاتحطين ببالج انه المطلقات اشباه اسماعيل ياسين ههههههههههههههههه
والله يشهد علي انه في بنات يقطون الطير من السما بالزين وبالاخلاق مشهود لهم واصيلات بنات حمولة
ومع ذلك نصيبها ان تكون مطلقة



الطلاق ماينقص من قدري كـ انسانه

الطلاق مرحلة بالحياة الزوجية
وقضاء وقدر


مثل العقم

في ناس يعني الله ماكتب لهم يجيبون عيال هل معناته انوثتها ناقصه
زينها ناقص
عقلها ناقص؟
حظها ناقص؟ ؟؟؟؟؟؟؟؟
لا ياقلبي
الله سبحانه قدر لنا قضائنا وقدرنا
كتب لنا انا نعيش هالتجربة
بس هي تجربة



شي بالوسط مابين وبين
مرحلة وتعدي
مانوقف عندها
ولاهي مقياس لشخصنا


يعني لما ينادونج يقولون يامطلقة بنت فلان :dddds:


لالا


يقولون يافلانة الفلاني


انا باسمي واخلاقي اصنع صورتي بعيون الثانيين


يعني انا شنو من انسانه افرض وجودي


مو يفرضونه علي بنظرتهم

اكمل بس صبر ...,, يتبع قرقة عهود

 

[عهود الحب]

رد: إذا أنتي مطلقه شاركينى؟

نكمل


اي الدنيا ما تجي بمزاجج انتي شنو تبين جك بوم صار
لا مافي شي ينولد من يوم وليلة




الحين احنا بدوامنا
معانا بنات متزوجات وبنات مطلقات وبنات ماتزوجوا ولاجاهم نصيب


والبنت هذي ممكن تكون اكبر مني


بالعمر طبعا


بس شنو الله ماكتب لها تتأهل وتدش قفص التعاسة الزوجية

تلاقينها والله ما اجذب عليكم بنات

شكلهم اصغر منا


ليش؟



مادقتهم الدنيا و لا صكهم هم الزوج وين راح وين جا شسوي شخربط وراي سهران مع منو رايح وين وجاي منين


وانزلوا تحت بالمنتدى مال الحياة الزوجية شوفوا البنات شلون حياتهم


والله يابنات هم الرجال يكبر



وهم المتزوجات الي معاي بالدوام
لما يسولفون تقولج انا زوجي سوالي
حط لي جاب لي


يابنات

لاتنظرون للحياة نظرة وردية
والي تقولكم جذي جذابة
والدنيا توافيق
والرجال ماعادهم مثل اول


نص اسباب الطلاق او الزعل بين الزوجين

كلام فلانة وعلانة


خل نكون واقعيين
منو عنده الحين يودي ويجيب؟؟؟؟؟



والله الموظف مايلحق
والبورصة طاحت
والعالم موملحقين على حياتهم ربي لك الحمد على كل حال

وتشوفين البنات يهايطون


ترى نص حياتهم اقساط فلاتقارنين روحج بغيرج





واهم شي لاتقولين انا ليش تطلقت وفلانه ماتطلقت


هذا سخط على نعمة ربي


الطلاق نعمة يابنات
بتقولون شلون


اي مسيحية تقدر تقولج شلون


تخيلوا


قبل كنت اعرف مسيحية
ليل نهار تبجي
والله

شفيها زوجها ماكل معاشها كله
ومفارقة اهلها

ومسوي فيها الهواااااااايل
وماتقدر تتطلق منه لانه الكنيسة ترفض الطلاق
تخيلوا



ياناس اهو صحيح ابغض الحلال
ولكن يظل حلال


وفي آية تقول
{وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً }


في آيه ثانية بس ناسيتها
حاولت اتذكرها ماقدرت


قالها لي المحامي
ان اذا صار طلاق


الله يعوض كل زوج فيهم
يعني اثنينا ربي يعوضنا


عرفتم

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

مساء الخير يابنات شلووووووووونكم ؟؟

 

[سمراء كويتية]

رد: إذا أنتي مطلقه شاركينى؟

كلامج حلوووو يا عهوووود ..

 

[نسوره]

رد: إذا أنتي مطلقه شاركينى؟

انا بعد معاكم بس لو بقول قصتى يبييلها دهر! باختصار شديد تزوجت عمرى 19 سنه حملت على طول وزوجى كان شى عجيب يصرف على نفسه وما ييصرف على وفوق هذا خوان الله لا يواريكم مسجات الحب والغرام الى شفتها بمبايله من رفيجاته القدم والى العن ان كان يمد ايده وانااسكت ولا اقول حق اهلى وامه وخواته انسر من النسر يعنى بالعربى كنت كل ليليه انام وانا ابجى ولا سياره عندى ولا شى وكان يشك حتى بخياله مع انه كبير يعنى كان عمره 27 يعنى اكبر منى ب 8 سنين بس الى خلانى اوصل لى الطلاق ان مره من المرات موتنى طق ودممنى وكنت اخر دم لين كسر خشمى وحبسنى بالبيت 3 ايام ومااطول عليكم رحت بيت اهلى وقالى ماكو طلاق وراح اعلقج وكان ولدى بهذا الوقت عمره 3 شهور ورفعت عليه قضه طلاق لضرر بسبب الكسر الى سوالى اياه وبعد سنه محاكم تطلقتمنه وخذيت حضانه ولدى والله لا يحط احد بموقفى ولا يورى احد الضيم الى شفته بحياتى معاه