إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[رحاب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

منا ومنج صالح الأعمال يا رب شلونج حبيبتي ؟؟ [/color][/size][/font][/center]

هلا حبيبتي .. الحمدلله بخير .. ولهانه عليكم​

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

يا مطلقات يقولون ان نسبة الطلاق قلت هالسنه و وصلت 50% !!! (( لا تعليق ))

 

[وردة-الكويت]

رد: إذا أنتي مطلقه شاركينى؟

يالله يفرج همج وينصرج على من ظلمج

 

[*الغالية*]

رد: إذا أنتي مطلقه شاركينى؟

السلام عليكم .. حبيت أشاركم قصتي .. تقدملي شاب فيه كل الصفات الزينه بس قبل الملجه سمعت عنه شي .. سمعت من وحده اتصيرله ان مو ريال أو ان يحب يتشبه بالبنات .. ما صدقتها وقلت هذه وحده تبي اتخرب وبس لان لما سألنا عنه امدحوه وايد المهم تزوجته وحملت على طول أول زواجي كان امخليني ملكه لكن بعد جم شهر رد على ربعه وطلعاته وسهراته وتغير واااااايد معاي بمعاملته وكلامه كلن يجرح بالكلام وكنت أسكت وكانت هذه غلطه لأن الريال اذا تعود ان المره تسكت عن الاهانات يتمادى فيها ولازم يوقف عند حده .. المهم بعد ولادتي كنت أسمع أمه تصرخ عليه واتقوله أكيد رجعت حق سوالفك بس ماكنت أعرف شالسالفه وكنت أفكر شنو هالسوالف لما اشوي اشوي لاحظت تصرفاته وعرفت ان ريلي الحبيب كان .... وحب ان يتزوج ويتغير بس ما قدر لان متعود على .... طبعا كنت أحبه وأموت عليه على كل العيوب الي فيه كنت أحاول أتغاضى عن هالسالفه أكذب نفسي مع ان كل شي يبين أن اهو رد على سوالفه كان يحاول ان يثبت رجولته علي بس لأن بره البيت مو ريال كان يطقني على أتفه الأسباب وكنت أسكت لاني كان عندي أمل ان يبطل من هالطريج وهذه غلطه ثانيه ولا وحده منكم تسكت عن الطق لأن الي يتعود عليه ما يتركه .. المهم تحملت كل الي يسويه وبعد كان مانعني من أهلي لأنهم واقفين معاي وكانوا يقولولي هديه بس آنه كان عندي أمل .. خلصت دراستي واشتغلت حزتها حسيت اني تغيرت لما صار عندي معاشي وسيارتي حسيت اني ماني قادره اتحمل عيشة العبيد الي كنت عايشتها كنت متحمله كل البلاوي وماكان حامد ربه وشاكره كان يقول حمدي ربج اني خذيتج آخر فتره كان يزف ويصرخ ويهدد ويتوعد لأن حس اني تغيرت وتحملت مسؤولية نفسي .. على فكره أهلي ماكانوا عيزانين عني وعن اعيالي صار عندي ولد وبنت منه بس آنه الي كنت مابي أثقل على أحد عشان جذيه تحملته لين يه الوقت الي خلاص حسيت اني بستخف منه لأن صار لا يطاق كأنه مو متحمل ان يعيش مع مره بالبيت كانت معاملته مع اعياله من أروع ما يكون حتى الخدم يعاملهم أحسن مني مع اني وربي شاهد علي ما قصرت معاه بولا شي كنت خدامه له وحق أهله أخدمهم بعيوني وكنت حاسبه أمه مثل أمي بس ما بين بعينه آخر يوم ياني شايش يهدد ويتوعد ان بيسوي وبيسوي وبيحرمني من أهلي ومن شغلي نطرته لما طلع من البيت وبس طلع دقيت على نقل العفش ولميت كل اغراضي بساعه وحده وخذيت اعيالي ورحت بيت اهلي بعد 6 سنين عشت فيهم بجحيم مع العلم اني مدلله في بيت اهلي .. الحمدالله اهلي ما قصروا علي ولا على اعيالي بشي وقلتله يا اتطلقني والا بقول عن كل شي اهو انصدم اني كنت ساكته طول هالسنين وطلقني بدون مشاكل أول فتره كنت أحن له بس لما أتذكر الاهانات والطق أرد وأقول الحمدالله الحين انه عايشه احسن عيشه حاول يردلي وحاول يوسط ناس بينا بس آنه خلاص نفسي عافته أحس اني أستاهل واحد أحسن منه بوايد على كل الي فيه كنت صاينته في بيته واعياله وأهله مع اني حتى المتعه الجنسيه الي أسمع عنها ما كنت أعرفها .. لو وحده ثانيه جان سوت بلاوي لأن كان يسهر وينام بره ويسافر وما يدري عني بس الحمدالله اني صنت نفسي .. أول ما تطلقت قلت مابي أتزوج .. بس الحين لأ أحس اني محتاجه ريال يعوضني عن الي شفته معاه بس ماراح أتخلى عن اعيالي .. والله كريم ادعولي بالزوج الصالح .. نصيحه من أختكم سألوا عن الريال عدل عدل لأن ابهالوقت ما تدرون الرياييل صاروا مظاهر بس ما يندرى عنهم .. ادعولي

 

[*الغالية*]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

لما كنت متزوجه كنت محبوسه بس الحين بعد الطلاق الحمدالله أحس اني تحررت قمت أسوي كل شي أبيه فتحت مشغل وشغلت نفسي بكل شي

حلو .. طلعات .. سفر .. رفيجات .. واعيالي مو امخليه عليهم قاصر بالعكس الحين عايشه حياة ثانيه .. صج الناس نظرتهم اتبط الجبد ولما

يشوفوني بمكان يقولولي اشيايبج اهني مع انهم يكونون بنفس المجمع أو المطعم .. وكله امحسسيني اني خلاص كبرت مع اني ليلحين ما

وصلت 29 يمكن أكون كبيره بس آنه ما عشت مع ريلي وأبي أعيش وأستانس .. تخيلوا ان أقرب رفيجاتي افتعلت معاي سالفه عشان تبتعد

عني الظاهر خايفه على ريلها مني .. كنت أتأثر بالكلام بس بصراحه الحين أحس اني قويه واااااايد ومحد يقدر يهزني أهم شي نفسي واعيالي و

بس وبتزوج وبستانس حياتي ماراح توقف .. لا تيأسون بالعكس خلكم متفائلين لأن الحياة حلوه .. صج أحلى أيامنا ضاعت بس أكيد في أيام

حلوه يايه ..

 

[عنايد]

رد: إذا أنتي مطلقه شاركينى؟

بنات ديرو بالكم حبيت انبهكم لشغله حبيباتي ماتجوز واهي انج لما تدعين تقولين بحق هاليوم او بحق فلان او بهاليوم الفضيل ترا مايجوز

ويعتبر من الشرك الأصغر والعياذ بالله (ألا هل بلغت اللهم فاشهد)

ويارب تفرج هم كل وحده فيكم ويرزقكم الزوج الصالح اللي يعو ضكم اللي شفتوه يارب

 

[عهود الحب]

رد: إذا أنتي مطلقه شاركينى؟

تسلمين يا طواني الهم عالملاحظة ماكنت ادري يمكن قلتها والله مادري
استغفر الله واتوب اليه

 

[عهود الحب]

رد: إذا أنتي مطلقه شاركينى؟

سمراء موقفي تغير للأقوى عقب كلامج
كنت مكسورة وردج شجعني اكمل
شوي تعبت بس الله كريم

وردة جزاج الله خير

 

[عهود الحب]

رد: إذا أنتي مطلقه شاركينى؟

الغاليه


قولي امين عسى ربي يرزقج باللي يعوضج عن كل ماواجهتي


قصتج تعور القلب عسى ربي يفرج همج

 

[*الحالمه*]

رد: إذا أنتي مطلقه شاركينى؟

قوه عهود

ها بشري شخبارج الحين ؟ ان شاء الله احسن

 

[i'am THE ONE]

رد: إذا أنتي مطلقه شاركينى؟

تسلمون بنات قطوة ماقصرتي يالغالية عسى ربي يزيدج من نعيمه
مس ون فديتج ماتقصرين
الزين للحين تفكرين بالدشداشه خخخخخخخ
الي قطيتها شتوية والي نشوفها دشداشة بيضة انا ماشفت الجذب خيبه بس هن شافن
انا اختي تقول يمكن كان يعطيهن فلوس يخرعنج امانة شوفوا اهلي شلون ينظرون له
واختي تقول والله انه حاط لج طبوبة قبل دمعتج 24 ساعه بعينج ودايم اكتئاب
انا اقول اني قبل كنت مسكينة وعلى نياتي حيل

والعالم مايبي احد على النية يبي انسان اقوى من الكل
القوة بالشخصية زينة لج كـ حرمه و لعيالج



انا متأكدة اني اقوى امرأة بالعالم
تدرون ليش
علشان راح اسامح كل من اخطى بحقي


والله انها خيرة

ياسبحان الله لو انا للحين على حالي قبل جان للحين قالب ديوانيته سمرة قمار لربعه



ياسبحان الله الي يغير ولايتغير
كل شي بحياتي حلو فجأة من دون مادري
انا صرت احلى
والعالم صار احلى
وصرت اشوف شنو النعمة الي انا موحاسه فيها
صحيح تنقصني اشياء واجد
بس النقص هو سبب زود الحلا الي فيني



صواريخ حشا
صرت دبس مو عهود الحب ههههههههههه



تدرون انا تغيرت نظرتي للمراية

الحين اشوفها بشكل ثاني

اهم شي


قولوا ماشاءالله
مانزلت دمعة واحدة من زمان
بالعادة كل يوم كل يوم وترك
كل يومين ولا ثلاثة
لاعت جبدي قبل من عيوني تحرقني
الحين



انا مادري شسوي بروحي من كثر وناستي ودي اناقز



امبيه صج انه انا بنعمة
لاتقولون ليش صرتي خبلة ههههههههههههههههههههه
الظاهر مومصدقة روحي

كلمت المحامي وكان كلامه حلو وونسني انا بتطلق يابنات قريب وبسوي عيد ميلاد طلاقي
وبحط دي جي وبرقص لكم بس لاتقولون اقعدي فضحتينا عن الهبال ياعهود





ويويلها وياسواد ليلها الي تجي وماترقص
ورجاء بدون كورسيهات خلوها فرايحي هههههههههههه

دام انك غيرتي الصبغ والاثاث وناويه تتغيرين
يالله كمليها وغيري صورتك الرمزيه خليها فرفشه وتفاول

 

[من ديرة ابو متعب]

رد: إذا أنتي مطلقه شاركينى؟

انا ضيفه جديدة:68_asmilies-com: بس بكل صراحه احس بكل موقف معاكم وربي شاهد
الحياة مدرسه ونتعلم منها كل شي والتجربة خير برهان ومو غلط ان الواحد يخطي
لكن الغلط الي مايعرف كيف يصحح أخطاءة
وعلى قولت المثل القديم الفرنسي
طاف وعيش حياتك
هههههههه حلو المثل

عهود الحب
الامل بالله كبير والموضوع يبيله عزيمة وصبر
الغالية
الله يوفقج يارب ويستر عليج

صدقوني أنا بصفكم والله معانا
:klhfl:

 

[ترف]

رد: إذا أنتي مطلقه شاركينى؟

صح لسانج ومشكورة عهود الحب على المقاله الرائعه والله يمسح على قلبج

 

[عهود الحب]

رد: إذا أنتي مطلقه شاركينى؟

الحمدلله على كل حال انا زينة
بس مغبونة حيل ومتضايقة من سكوتي لااكثر
فيني كلام كبير بس محد بيسمعني
الدنيا ماتجي عالكيف ولو افرفش واضحك اتذكر واضيق


وديت عيالي وونستهم وباسوا راسي من فرحة العيد واللمة والوناسه
فرحت حيل اني بحضنهم ولامتهم وموديتهم ومعايديني
بس فيني حرة


فيني كلام ودي اقولة ولااحد بيسمعني
الكل انقلب ضدي

وفيني خوف من الايام



تدرون بنات ليش انا تعبانه نفسيا ومتلعوزة
عشان معلقه لامتزوجة ولامطلقة


لو تطلقت يمكن ارتحت وخلاص


بس المرة لما تصير معلقه


تحس


بشي ما ينوصف
الرجال عايفها وكارهها
والناس كلهم يدرون

واهلج يدرون
وعيالج يدرون
والمحامي يدري


وانا ادري
هههههههه
حرة وضيم وقهر


شنو فيني يعافني عشانه


صارت بينا صكة ومشاكل وطردته من حياتي


بس ظفر اصغر بناتي يستحق منه انه يرد يراضيني لكن لا


ليش يتعب روحه ؟؟؟؟ ويضيع وقته


الحين عقب ما تسنع حالي ومشى المحامي بالقضية جاي حضرته يبي صلح
وابوي مستانس وامي مستانسة
والكل مستانسين اقولهم اشفيكم
يقولون عشان هالخمسة سامحيه

وانا ؟
مالي حق ؟؟؟

سبحان الله


مايعرف الجرح الا من انطعن بالسكين

لاتقولين اهلج يدرون
محد يدري غير ربج ثم انتي



سبحان الله وبحمده


انا انتظر الحكم واشوف
وادري المحامي ماراح يطلقني


ادري بحظي
بس ابي اكمل مابي ارد لحياتي معاه قبل
لا ومعاه شريجتي
شبي فيك الحين

روح شوف حياتك وخلني اشوف نفسي
سبحان الله


كلهم حيوانات حشاكم



اكرههم الرياجيل سفلة عديمين خوف من الله

والله صارت فيني عقدة كره عليهم محد حاس فيني

محد حاس فيني والله

 

[كيتي]

رد: إذا أنتي مطلقه شاركينى؟

ادعولي امانه اتشرف واصير منكم

والله الحياة بعز وشرف و كرامه ولقب مطلقه تسوى الدنيا و ما فيها


سالفتي سالفه لكن ظني بالله كبير انه يفرج همي و يكشف غمي

واتطلق بسهاله و هون بأمر الله


والحمدلله على قسمته

 

[كيتي]

رد: إذا أنتي مطلقه شاركينى؟

خواتي انا كانت نفسيتي تعبانه ومتضايقة ضيقه الكون اول مره اتمنى الموت في حياتي

صليت و طلبت رب الكون وارتحت

وانا بالنت سويت بحث عن كتاب مدحوه من فتره في مكتبه جرير وسمعت من زميله انه موجود بالنت مجاني

سويت بحث ووصلت له على شكل مقاطع فيلم انصحكم فيه ...والاهم ابي كل وحده شنو استفادت

لانه راح يغير حياتج بأمر الله الى الافضل وخلوكم مع الله

لا يبتلى الا المؤمن وان مع العسر يسرى

اسمه كتاب السر
the secret full film

راح تلاقونه في اليوتيوب


بس رجاءا نبي نقعد ونسولف عنه و عن تجاربكم بعده

 

[*الحالمه*]

رد: إذا أنتي مطلقه شاركينى؟

اهلين كيتي ::::

الله يكتب لج اللي فيه الصالح ان شاء لله

 

[سمراء كويتية]

رد: إذا أنتي مطلقه شاركينى؟

الحمدلله على كل حال انا زينة
بس مغبونة حيل ومتضايقة من سكوتي لااكثر
فيني كلام كبير بس محد بيسمعني
الدنيا ماتجي عالكيف ولو افرفش واضحك اتذكر واضيق


وديت عيالي وونستهم وباسوا راسي من فرحة العيد واللمة والوناسه
فرحت حيل اني بحضنهم ولامتهم وموديتهم ومعايديني
بس فيني حرة


فيني كلام ودي اقولة ولااحد بيسمعني
الكل انقلب ضدي

وفيني خوف من الايام



تدرون بنات ليش انا تعبانه نفسيا ومتلعوزة
عشان معلقه لامتزوجة ولامطلقة


لو تطلقت يمكن ارتحت وخلاص


بس المرة لما تصير معلقه


تحس


بشي ما ينوصف
الرجال عايفها وكارهها
والناس كلهم يدرون

واهلج يدرون
وعيالج يدرون
والمحامي يدري


وانا ادري
هههههههه
حرة وضيم وقهر


شنو فيني يعافني عشانه


صارت بينا صكة ومشاكل وطردته من حياتي


بس ظفر اصغر بناتي يستحق منه انه يرد يراضيني لكن لا


ليش يتعب روحه ؟؟؟؟ ويضيع وقته


الحين عقب ما تسنع حالي ومشى المحامي بالقضية جاي حضرته يبي صلح
وابوي مستانس وامي مستانسة
والكل مستانسين اقولهم اشفيكم
يقولون عشان هالخمسة سامحيه

وانا ؟
مالي حق ؟؟؟

سبحان الله


مايعرف الجرح الا من انطعن بالسكين

لاتقولين اهلج يدرون
محد يدري غير ربج ثم انتي



سبحان الله وبحمده


انا انتظر الحكم واشوف
وادري المحامي ماراح يطلقني


ادري بحظي
بس ابي اكمل مابي ارد لحياتي معاه قبل
لا ومعاه شريجتي
شبي فيك الحين

روح شوف حياتك وخلني اشوف نفسي
سبحان الله


كلهم حيوانات حشاكم



اكرههم الرياجيل سفلة عديمين خوف من الله

والله صارت فيني عقدة كره عليهم محد حاس فيني

محد حاس فيني والله

عهود الحب أنا مريت بنفس الي مريتي فيه .. كنت أحس اني مربوطه بواحد خروف حشاكم كان فيني قهر الدنياااا
بس الحمدالله كلها مسألة وقت عهود مدامج انتي صح يعني انتي قويه لا تفكرين غير بروحج الحين والطلاق مرده راح يصير
بس أبي اقولج نصيحه قالت لي إيها وحده الله يجزاها كل خير (( سورة البقره اقريها لمدة 40 يوم كل يوم واذا قدرتي قيمي فيها الليل والله والله يا عهود اني ما تيميت 40 يوم الا اهما متصلين وقالو خلاااااص بنطلق والله فرج همي ..))
اتصدقووون يا بنات الشي الي يحز بنفسي اني فرحت بيوم طلاقي فرحه ما تكفي الدنيا كلها عكس يوم زواجي ما كنت فرحانه ولا حاسه اني عرووس ولا شي .. سبحان الله ​

 

[سمراء كويتية]

رد: إذا أنتي مطلقه شاركينى؟

السلام عليكم .. حبيت أشاركم قصتي .. تقدملي شاب فيه كل الصفات الزينه بس قبل الملجه سمعت عنه شي .. سمعت من وحده اتصيرله ان مو ريال أو ان يحب يتشبه بالبنات .. ما صدقتها وقلت هذه وحده تبي اتخرب وبس لان لما سألنا عنه امدحوه وايد المهم تزوجته وحملت على طول أول زواجي كان امخليني ملكه لكن بعد جم شهر رد على ربعه وطلعاته وسهراته وتغير واااااايد معاي بمعاملته وكلامه كلن يجرح بالكلام وكنت أسكت وكانت هذه غلطه لأن الريال اذا تعود ان المره تسكت عن الاهانات يتمادى فيها ولازم يوقف عند حده .. المهم بعد ولادتي كنت أسمع أمه تصرخ عليه واتقوله أكيد رجعت حق سوالفك بس ماكنت أعرف شالسالفه وكنت أفكر شنو هالسوالف لما اشوي اشوي لاحظت تصرفاته وعرفت ان ريلي الحبيب كان .... وحب ان يتزوج ويتغير بس ما قدر لان متعود على .... طبعا كنت أحبه وأموت عليه على كل العيوب الي فيه كنت أحاول أتغاضى عن هالسالفه أكذب نفسي مع ان كل شي يبين أن اهو رد على سوالفه كان يحاول ان يثبت رجولته علي بس لأن بره البيت مو ريال كان يطقني على أتفه الأسباب وكنت أسكت لاني كان عندي أمل ان يبطل من هالطريج وهذه غلطه ثانيه ولا وحده منكم تسكت عن الطق لأن الي يتعود عليه ما يتركه .. المهم تحملت كل الي يسويه وبعد كان مانعني من أهلي لأنهم واقفين معاي وكانوا يقولولي هديه بس آنه كان عندي أمل .. خلصت دراستي واشتغلت حزتها حسيت اني تغيرت لما صار عندي معاشي وسيارتي حسيت اني ماني قادره اتحمل عيشة العبيد الي كنت عايشتها كنت متحمله كل البلاوي وماكان حامد ربه وشاكره كان يقول حمدي ربج اني خذيتج آخر فتره كان يزف ويصرخ ويهدد ويتوعد لأن حس اني تغيرت وتحملت مسؤولية نفسي .. على فكره أهلي ماكانوا عيزانين عني وعن اعيالي صار عندي ولد وبنت منه بس آنه الي كنت مابي أثقل على أحد عشان جذيه تحملته لين يه الوقت الي خلاص حسيت اني بستخف منه لأن صار لا يطاق كأنه مو متحمل ان يعيش مع مره بالبيت كانت معاملته مع اعياله من أروع ما يكون حتى الخدم يعاملهم أحسن مني مع اني وربي شاهد علي ما قصرت معاه بولا شي كنت خدامه له وحق أهله أخدمهم بعيوني وكنت حاسبه أمه مثل أمي بس ما بين بعينه آخر يوم ياني شايش يهدد ويتوعد ان بيسوي وبيسوي وبيحرمني من أهلي ومن شغلي نطرته لما طلع من البيت وبس طلع دقيت على نقل العفش ولميت كل اغراضي بساعه وحده وخذيت اعيالي ورحت بيت اهلي بعد 6 سنين عشت فيهم بجحيم مع العلم اني مدلله في بيت اهلي .. الحمدالله اهلي ما قصروا علي ولا على اعيالي بشي وقلتله يا اتطلقني والا بقول عن كل شي اهو انصدم اني كنت ساكته طول هالسنين وطلقني بدون مشاكل أول فتره كنت أحن له بس لما أتذكر الاهانات والطق أرد وأقول الحمدالله الحين انه عايشه احسن عيشه حاول يردلي وحاول يوسط ناس بينا بس آنه خلاص نفسي عافته أحس اني أستاهل واحد أحسن منه بوايد على كل الي فيه كنت صاينته في بيته واعياله وأهله مع اني حتى المتعه الجنسيه الي أسمع عنها ما كنت أعرفها .. لو وحده ثانيه جان سوت بلاوي لأن كان يسهر وينام بره ويسافر وما يدري عني بس الحمدالله اني صنت نفسي .. أول ما تطلقت قلت مابي أتزوج .. بس الحين لأ أحس اني محتاجه ريال يعوضني عن الي شفته معاه بس ماراح أتخلى عن اعيالي .. والله كريم ادعولي بالزوج الصالح .. نصيحه من أختكم سألوا عن الريال عدل عدل لأن ابهالوقت ما تدرون الرياييل صاروا مظاهر بس ما يندرى عنهم .. ادعولي

الغالية ..
كلامج صح المفروض الوحده لمن تشوف شي غلط من زوجها ما تسكت .. مع الأسف احنا و على حسب تربيتنا نعتقد ان اذا سكتنا عنهم راح يقدرووون ويراجعون نفسهم لكن اهمااا يستغلوون ويفكروون ان اهما الي صح لأن احنا ساكتين
نصيحه انصحها لأي وحده تفكر تتزوج في هالزمن الي ماعاد فيه ريايل لا تسكتين على أي شي غلط تشوفينه وحاسبيه أول بأول

 

[bint_q8]

رد: إذا أنتي مطلقه شاركينى؟

حسبي الله ونعم الوكيل علي كل ظالم

الله يعينكم ويوفقكم ويعوضكم احسن ان شاءالله