إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[عهود الحب]

رد: إذا أنتي مطلقه شاركينى؟

عليج بسورة يوسف اسمعيها

فيها علاج للحزن سبحان الله


http://www.tvquran.com/Al-Barrak.htm



سمعيها بصوت البراك معاي عز الله تشرح الصدر

 

[هدوء]

رد: إذا أنتي مطلقه شاركينى؟

ربي يفرج همج يا عهود وهموم الكل ان شالله

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

ها يا بنات وينكم ؟؟

 

[جوجو.]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا عندي عادي ان الوحده يقولون لها حسافه عليج لان صج حسافه عليها
بيني وبينج موضوع الطلاق صار عادي اول يمكن ان عيب وفشله والناس تستحي
أما ألحين صار شي عادي
المهم المطلقه مرتاحه مع عيالها اذا عندها واذا ماعندها مرتاحه فبيت أبوها

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

صج الراحه النفسيه اهم شي ..

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

مبارك عليكم الشهر ​

 

[رحاب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

مبارك عليكم الشهر ​

علينا وعليج حبيبتي .. وتقبل الله طاعتج وطاعة الكل إن شاء الله​

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

يا بنات ..
عانيتووو بعد طلاقكم من الخطبه الثانيه أو ان احد يرفظكم لأنكم مطلقاااات ؟؟

 

[معلمة روضه]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

عسى ربي يعوضكم باللي اطيب منهم ياااارب

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

الله يسمع منج يا رب

 

[عهود الحب]

رد: إذا أنتي مطلقه شاركينى؟

{ أصعب حكمة ما تكتشفها بعد فوات الأوان }
{ و أصعب الهموم ما تعايشه بكتمــان }





مبارك عليكم الشهر بنات​

 

[هدوء]

رد: إذا أنتي مطلقه شاركينى؟

علينا وعليج يا عهود


تقبل الله طاعة الجميع ان شالله

 

[كحيلانه]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

مبارك عليكم الشهررر
حبيباتي حبيت انصحكم بكتاااب ((لاتحزن )) لعائض القرني
والله انه راح يغيركم من دااخل تحسين ان ربج فضلج عن عبااده
ويارب تتزوجون ازواج صالحييين واهم شي يابنات يصلي الي يصلي يخاف الله فيج
وتقبلووو مروري

 

[دالياQ8]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا3اسابيع وتطلقت
الوضع عندي عادي
ماحسيت في هالشي
واطلع واردعادي جني بنت
ونفس الشي الناس اللي معاي
الكل كان متوقع لي من العرس
بس في جم وحده تبي تبين لي اني اكسر الخاطر
وحرام ومن هالسوالف
يعطيج العافيه حبيبتي على الموضوع​

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

مبارك عليكم الشهررر
حبيباتي حبيت انصحكم بكتاااب ((لاتحزن )) لعائض القرني
والله انه راح يغيركم من دااخل تحسين ان ربج فضلج عن عبااده
ويارب تتزوجون ازواج صالحييين واهم شي يابنات يصلي الي يصلي يخاف الله فيج
وتقبلووو مروري

مشكوره على النصيحه فعلا اهوااا كتاااب وايد وحلووووووووووووو
بس بالنسبه للصلاة اعرف وحده تزوجت واحد يركض المسجد على كل صلاة
بس مع الاسف ظلمهااا ظلم ..
الي ابي اقوله ادعي انه يخاف الله ..
الي يخاف الله يصلي
الي يخاف الله يتقي ربه في بنات الناااس
الي يخاف الله يحترم و يحن ..​

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا3اسابيع وتطلقت
الوضع عندي عادي
ماحسيت في هالشي
واطلع واردعادي جني بنت
ونفس الشي الناس اللي معاي
الكل كان متوقع لي من العرس
بس في جم وحده تبي تبين لي اني اكسر الخاطر
وحرام ومن هالسوالف
يعطيج العافيه حبيبتي على الموضوع​

الله يعافيج حبيبتي ..
ويعوضج خير يارب ..

 

[ترف]

رد: إذا أنتي مطلقه شاركينى؟

السلام طبعا شدني الموضوع جدا بس ما عندي وقت اقرا كل الصفحات ما شالله وايد بس حبيت اشارك بقصة منقوله واثرت فيني وايد والبنت صاحبة القصة كويتيه بس تحملوني لاني ما اشبك وايد بس راح احاول كثر ما اقدر التزم بنشر القصه كامله لانه فيها وايد عبر وبالنسبه لي حسيت ان حياتي بكل عيوبها احسن بوايد من وايد ناس فاللهم زدنا من نعمك واحمدك واشكرك يارب الهدف اني انقلها مو ان احنا نعلق وننصح لكن نتعلم من اخطاء الغير ونصلح بحياتنا اللي غيرنا ماقدر يصلحه في الوقت المناسب واترككم مع القصه اللي راح احطها باجزاء لانها طويله وايد وانشالله تعجبكم

 

[ترف]

رد: إذا أنتي مطلقه شاركينى؟

الله يفرج هم كل البنات ويسر امورهم ويقبل توبتي وتوبة امة المسلمين وسامحوني اذا ثقلت عليكم بس ودي اشارك وافضفض عن نفسي بمكان مايرتبط باسم او عايله وماكو افضل من النت وياريت اذا ماقدرت انقذ نفسي بلحظات ضعف انساني يمكن قصتي تنقذ وايد ناس غيري .
بدت قصتي وانا عمري 15 كنت بنت مجتهده والاولى دايما ومره طلعت الثانيه وعقبها ابتدى مسلسل العذاب كنت موهوبه في كل شي الرياضه والرسم والخط والشعر والرقص والرياضيات والانجليزي من كثر ما فزت بمسابقات وعندي شهادات جنطتين ما يكفونهم وكنت شخصيه اجتماعيه لابعد الحدود مافي احد ما يعرفني بالمدرسه لدرجة ان عندي معجبات مو بس من البنات لا كان في مدرسات معجبات فيني ويبونلي هدايا وعقب ما يردون ديرتهم يراسلوني وكنت ملتزمه واخلص كل اسبوع جزئين او3 من القران ليما شفت مشعل وطبعا هذا اسم رمزي مو صجي عشان بس اقدر اعيشكم معاي القصه كنت رايحه اشتري لبس للمرشدات ولحقنا وحاول يرقمني بس طبعا هالشي كان ضد مبادئي ومعتقداتي فرفضت لكنه كان مصر ولحق رفيجتي وكانت اهي معجبه فيه وخذت رقمه وخشته عندها وظلت تحن تحن ليما كلمته بعد شهر وطبعا على ايامنا ماكانت الطلعات سهاله والتلفونات مثل الحين كلمته وكنت خايفه لانه اول رجل يدش حياتي بدت دراستي تتدهور وحبيته وحبني وعشنا قصه من الخيال وصارحت امي وكانت الوحيده اللي تعرف مرت اخوي وبعد مده انخطبت خطبة حريم على اساس نتزوج بعد ما نتخرج لانه اكبر مني بسنه وكنا تونا ب2 ثانوي وكالعاده مثل قصة معظم البنات والغيره والحسد مرت اخوي قالت حق اخوي وانطقيت وتهزات وانشال حتى التلفون اللي في البيت لان عقب ما امه حاجت امي سمحت لي اكلمه لكن اخوي قطع الوايرات وقطع حلمه بانه حتى يسمع صوتي وحتى بالمدرسه قاموا ياخذوني قبل الهده لمده اسبوع وطبعا ما تحمل وضغط على اهله ويوا الرياييل وخطبوني رسمي واخواني رفضوا لانه اصلهم غير اصلنا بس نفس المذهب لكن رغم صغر سني كنت عنيده وكلمتي دايما تمشي وللاسف كنت دايما على حق بس الايام غدرت فيني ومو كل الناس طلعوا عند حسن ظني المهم بعد الخطبه عشنا احلى ايام حياتنا كنا نحب بعض حب جنون والكل يسولف عن قصتنا المهم لهيت عن الدراسه وعشت في عالم ثاني مع حبيبي وخطيبي و زوج المستقبل

 

[ترف]

رد: إذا أنتي مطلقه شاركينى؟

طبعا كلنا بنات والكل يدري ان البنت لو يقفلون عليها مليون قفل اذا تبي تسوي شي تسويه واخواني جني ثقل على راسهم اول ما انخطبت كل واحد جابل مرته وعياله ونسانا واحنا مالنا الا امي الله يحفظها لان ابوي متوفي من زمااااااااااان وياليته ماهدنا و راح بس الله له حكمه بكل شي ولااعتراض على مشيئة رب العالمين المهم قمت اسهر بالليل وانطر الكل ينام عشان اقدر اطلع معاه واشوفه لان ممنوع نطلع او نقعد مع بعض بفترة الخطوبه الا بمحرم ومع كثرة الحاحه علي وانا احبه واموت فيه رضخت لرغبته طبعا بهالفتره الف علي مليون قصه وبعت ذهبي بعد ما عطيته كل اللي بحسابي عشان يسدد اللي عليه مثل ما اوهمني وانا عبالي اني اصيله ولازم اوقف معاه وحتى بقت مضاعد امي وبعتهم وعطيته فلوسهم والله يسامحني بس ايامها كنت ساذجه وصغيره مع اني ما اعذر نفسي لان عقلي كان وايد اكبر من عمري وافهم عدل بس صج ليقالوا الحب اعمى وكمل مسلسل الافلام وانا اسحب واعطيه حتى راتب التقاعد مال ابوي الله يرحمه ليما طحنا بالغلط وبطلعه من الطلعات اخذ اعز ماعندي واللي كان كان عشت فتره من العذاب والخوف لكنه كان يحبني صج وهذا اللي خفف المصيبه وادري بتقولون لو يحبج ما سوى اللي سواه بس انا ادري انه يحبني لانه لازال يبوس التراب اللي امشي عليه بس حسافه الحين انا اللي ما ابيه عموما حملت وترجيته نجدم موعد الملجه لكنه رفض وقالي عشانج انتي مو عشاني مابيج تدشين بيتنا وراسج بالارض نسافر وتنزلينه وبعدين يصير خير وسويت افلام وقصص وحجزنا وكل شي كان جاهز على اساس بنام عند رفيجتي وارجع ثاني يوم ورحنا وبغيت اموت لان الجنين كان بالشهر الخامس وسولي عمليه قيصريه والشق من الخاصره للخاصره ومنعوني اسافر لان الضغط الجوي مو زين ممكن يفتح الخياط لكن كنت مضطره وسافرت والله حفظني رغم الجرم اللي سويته بحق نفسي واهلي وحق طفلي البرئ اللهم اغفرلي اني كنت من الظالمين رجعنا وكانت امي باستقبالنا قلب الام كانت حاسه ان في شي ومن الصبح راحت بيت رفيجتي ومن الضغط رفيجتي خافت وقالت لهم كل شي وطبعا من المطار لبيت اهل مشعل وهناك صارت المواجهه ولاموني اهله بس رفيجتي كانت الشاهد وقالت اني كنت رافضه انزل الياهل لكن اهو مارضى واضطريت ارضخ لقراره لان لا حول ولا قوه بيدي

 

[ترف]

رد: إذا أنتي مطلقه شاركينى؟

وسبحان مغير الاحوال واللي ترخص نفسها الناس ترخصها اهله اللي كانوا مو مصدقين يناسبون ناس مثلنا قاموا يتغلون وامه تتشرط وتقول اذا تحبينه صج نطريه يخلص جامعه وبعدين تزوجوا بعد ماكانوا مستعيلين ومصرين ان الملجه اول ما نتخرج وكان باقي 3 اشهر عالامتحانات ونتخرج طبعا بجيت لما طلعت عيني بس جدام امي كنت قويه يكفي اللي سويته فيها قلت حق امي ردوا دبلته وهداياهم انا اللي ما ابيه وبجت امي وقالت وبلوتج قلت لها الله ما ينسى احد وانا اتحمل غلطتي انشالله عمري ما اتزوج بس محد يذلج ولا تترجين امه و رغم حسرة قلب امي رديت دبلته ودقيت على امه وقلت لها اذا اهو باعني فانا شريت اهله وطيبهم وكسبت معرفتكم بس ما اضمن لج اذا رد من دراسته اني راح اكون ناطرته يمكن يلقاني تزوجت باللي احسن منه والله يوفقه واذا نسيتوا ان عندكم بنات ماراح تنسون ان في رب فوقكم ياخذ حقي وسكرت الخط بعد ما هزاتني بجم كلمه معتبرين صج انجرحت بس مابينت لها وضحكت وقتلها مشكوره وماتقصرين ومع السلامه كان المهم عندي انهم ما يحسون بكسرتي وذلي لان اهو اللي ركض وراي واهو اللي مات عشان اهلي يوافقون والحين عقب ما خذا اللي يبي بيذلني ويتبرى مني ولاني كنت واثقه انه يحبني واذا امه فكرت انها بتكسر عين اهلي انا اكسر عينهم واخليه يحفي عشان يشم ريحتي مثل ماحفى عشان يسمع صوتي قبل وفعلا ماخاب ظني حبي كان اكبر منهم ومن مؤامراتهم سحبهم وياب الملاج وملجوا وانا مو راضيه وملجنا ولما يه يبشرني قتله زواجنا باطل لاني مو راضيه باس راسي ولمني غصب وقالي جب بسج دلع انتي مرتي غصبن على يرضى واللي ما يرضى جدام الله وخلقه انسي كل اللي صار وتزوجناطبعا عطوني المهر ناقص وامي فرشت غرفتنا وسكنا عند اهلي ومصروفنا من امي واكلنا وشربنا وكل شي في البدايه انا اللي صرفت من مهري طبعا وشبكتي اللي امي شرتها بعتها عشان نعيش منها لاني كان ودي ما اعتاز لاهلي كان ودي انه يكون مسئول لكن للاسف ما صار وتخرجنا وطبعا بطلعة الروح على المآسي اللي عشتها باخر سنه لكن الحمدالله مجموعي دخلني الجامعه وحملت عقب زواجنا ب4 اشهر وعشان الولاده وقفت قيدي وابتدى مسلسل العذاب