رد: إذا أنتي مطلقه شاركينى؟
مرة من المرات
خل اقوله قبل لايجي الداتا بيس يركض ويشيل قشنا ونطلع برا
مرة كان قبل يهجرني وكنت متمسكة فيه بس طبعا عقب انفصلنا
كلمته نرد لبعض بس جدام الناس او بالاحرى بيني وبين نفسي كان يهمني انه جدام شريجتي
حفظا لماء وجهي طبعا جدام المجتمع الي كان يهمني بذاك الوقت
كان رده قمة بالبرود وانا جبدي تطبخ ضيم وقهر وحره
وماكان معاي بردتنا لبعضنا عشان عيالنا
قال لي بما معناه اقلبي وجهج مالج حاجه تكلميني
روحي لاهلج واعتذري لي جدامهم
كان الموقف رغم انه انا الي عرضت روحي له بنظري انهيار شامل او دمار شامل مثل ماتسمونه
لكل مافيني وبالاهم كرامتي جدام نفسي
وكنت استعطفه وعيالي يطالعونا من الدريشة واحنا بالحوش بيطلع خلاص وانا احاول فيه يتعوذ من الشيطان
ويصلح اغلاطه
قفا وقام يمشي ببروده
صرخت لحظة
صحيح انت معاها
بس انا معاي الله
انا معاي الله
رووح !
انتهى الموقف بلحظتها وانتهت مع الموقف كرامتي جدام نفسي حسيت اني ظليت وقت طويل ابجي بالحوش وعيالي يتجسسون ينطروني ادش عقب الي صار
دشيت وكنت مكسورة الخاطر
وهم حواليني يمشون دموعي ويبجون لبجييي
قمة الانانية اني كنت ابجي جدامهم اعترف انا
وقمة الانحطاط لما تشعرين بالرفض والاهانة من زوجج بو عيالج
وكلن فينا يمشي بطريجة
بس الموقف الي كسرني بذاك الوقت
كان احسن شي صار لي بحياتي
طبعا قعدت شهور طويلة الم لم بنفسي واجمع شتات روحي على قولتهم
حسيت اني ضايعه مو لأني بروحي
لا
لأني مهيونه ومهجورة وهذا ضيم ماتحس فيه الا الي جرب الهجر والنبوذ
سبحان الله
عقب شهوووووووور اقتنعت انه الحب من الله
وان حبي لزوجي توفى خلاص
وان في حب جديد انولد
حبي لنفسي اي
اي حبي لنفسي
يارب انا احب نفسي احب فلانه واتمنالها كل خير
وما راح اخلي احد يدوسني بطريقه
راح اشيم نفسي وعشان عيالي بعالج نفسي من نفسي
يارب انت معاي
وانا فرحانه اني كسبت قربك
يااااااااااااااارب انت تعلم اني انسانه ضعيفه وانت رب الكون
غيري كثيرون ولكن انت واحد احد
وانا مالي سواك يارب الكون
كن معي ياربي
ياربي كن معي
وانصرني ولو بعد حين
ياربي من كاد لي فرد كيده لنحره وبرد على قلبي وامسح عليه
يارب اجمعني بعيالي واحبابي بالجنة
احبكم بالله بنات عسى ربي يجمعنا بالجنة
شنو موقفج يا ماي عينه
لو حبيبج رب الكون
كل الاحبه وش هم يساوون جدام الله !!!
مافي مجال للمقارنة
