اتعرفون شي عن الــ Bento ؟ حركات وأكلات غريبة ..حياكم معاي ..

[milkshake]

تسلمين شي يفتح النفس

مشكورة يالغالية

 

[milkshake]

طبعا اهم شي في اعداد البنتو او علب الغدا اذا تحبين اتسوين حق اعيالج في المدرسة اهو التشكيل والفن وملء الفراغات..
وطبعا اعرف ان الاغلبية ما عندهم وقت والبعض يشتغلون..فأحسن طريقة اهو ان احنا انجمد الأكل مثل ماذكرنا سابقا..
اتصدقون انهم ايجمدون حتى السندويشات؟؟ براويكم بعدين كم طريقة..
بس هذي فكرة زينة لتوفير الوقت..
اما بالنسبة للفراغات فحاولي تملينها بأي شي ..مكسرات مثلا أو مكعبات جبن كيري أو حتى جبن كرافت القواطي تقدرين اتقطعينه على شكل مربعات وتشكينه في أعواد حلوة..وبراويكم عدة افكار ..
وممكن بعد تستخدمين الورق اللي ينحط فيه الكب كيك (والله ماعرف شنو اسمه سامحوني) بس الورق الملون اللي شكله كأنه ملة وتقدرين اتحطين داخله فواكه مقطعة .. او تقدرين اتجيبين ملة صقغيرة وتسوين فيها جلي وفواكه معلبة وتجمدينه في الثلاجة وتسوين كمية وتطلعين منه وقت الحاجة لوضعه في علبة الغداء ..

وهذي صور اتسهل عليكم تفهمون الهذرة اللي هذرتها ..
مثلا..شوفي في هالصورة اشلون البوكس امرتب .. وحاطين فيه علبة صلصة (سوس) صغيرة للسندويشات...وملو الفراغات بطماطم ضغيرة ..وممكن تستبدلينه بشرائح خيار او برتقال وغيرها..



وهذي طريقة ثانية بنفس المكونات بس بترتيب ثاني




شوفو اهني البارتشن اللي راويتكم اياه قبل اشلون امخليينه عشان يفصل بين الأكلات وفي نفس الوقت يعطي شكل روعة





تابعو معاي ..

 

[milkshake]

اهني عجبني شكل البيضة..يشهي ..مجرد انهم حطو تحتها خس او اي نوع من الخضروات الورقة وزينو البيضة على شكل عيون وفم





نـــصـــــيـــــــحة..............................................

1. لسلامة الأكلات في علب الغداء وخاصة في جونا الحار ..
طبعا حاولي كثر ما تقدرين ما تلمسين الطعام بيدج..وهناك منتجات يبيعونها مضادة لتكون البكتيريا ويكون مكتوب عليها antibacterial مثل:








تابعو معاي

 

[milkshake]

صور علب البنتو ولقيتها في دايسو



اللي على اليمين قطاعة سوسج..واللي في النص بارتشن او ديفادير ويسار هذي أعواد



تابعو معاي ..

 

[milkshake]

الموضوع شكله ماعجبكم ما شوف تجاوب

 

[جارة القمر]

مشكووووووره

موضوعج وايد حلو

 

[milkshake]

مشكووووووره

موضوعج وايد حلو

مشكورة اختي

 

[Lady^bird]

موضووووووعج رووووووووعه و حده يشوق
ان شاء الله اذا ولدي كبر ودخل الروضه بسويله حبيبي اكيد راح يستاااانس
والشكل يشوق يخلي الواحد يشتهي ياكل صج

يعطيييييج العافيه حبوووبه ومتابعينج

 

[milkshake]

طريقة اعداد الأومليت الياباني الرقيق ويستخدمونه وايد في البنتو



المكونات: بيضة واحدة+ ملعقة طعام ماء + ملعقة طعام سكر(ممكن تستغنين عنه) + ملح + نشا + اهم يستخدمون زيت الــ Peanut نقدر نستبدله بأي زيت تحبينه (زيت زيتون او زيت عباد الشمس).

اخفقي المكونات كلها

اشخلي المخفوق بالشخالة

استخدمي مقلاة غير قابلة للصق وضعي عليها الزيت

ضعي القليل من البيض بحيث يكون رقيق وانتظري حتى يستوي



البيضة الواحدة تعمل 3 اومليت

يمكن ان تلفي الاومليت وتقطعيه كما الصورة وتنثريه على المعكرونة أو السلطة



او يمكن ان تحشيه بما تحبين وتلفيه باعواد البقدونس ..يممممممممممممممممممممممممم

 

[milkshake]

هذي صورة ثانية للديفايدر او البارتشن اللي عرضتهم من قبل وشكلها هالمرة على فواكه وخضروات وعلى فكرة علبة الجز هذي تحتوي على صلصة



المزيد من الافكار







لاحظتو كيف امقطعين السندويش على شكل طفل ..
وطبعا للمحافظة على لون الفواكه تقدرين اتصبين فوقه عصير ليمون او برتقال

 

[أحلى الجياكر]

خوش موضوع
متابعه

 

[milkshake]

موضووووووعج رووووووووعه و حده يشوق
ان شاء الله اذا ولدي كبر ودخل الروضه بسويله حبيبي اكيد راح يستاااانس
والشكل يشوق يخلي الواحد يشتهي ياكل صج

يعطيييييج العافيه حبوووبه ومتابعينج

شكرا اختي ..الله يعافيج

 

[milkshake]

هذي صور لأكواب الجلي الخالي وأكواب الجلي بالفواكه الطازجة..تقدرين اتسون منها كمية واتطلعين منها وقت الحاجة ...وتشوفون القوالب المستخدمة حدها كيوت..

 

[milkshake]

شوفو هذي امسويين بنتو لمعازيم..تخيلو كيف ممكن احنا بعد نستفيد من هالافكار



فكرة روعة للأطفال بعد




سامحوني انا برتاح اشوي وبرجع لكم وقت ثاني مع افكار ثانية احلى واحلى ..

 

[فجوره الحلوه]

رووووووووووووووووعه يونسوووووون

مشكوووووووره حبيبتيي على الموضوع الرائع .. انا متابعتج .. الله يعطيج العافيه

 

[brat]

مشكوره

وايد حلوه الفكره

ولما كنت صغيره وايد أشوفها بالأنمي وتشوق

 

[قلب ღ عمور ღ]

أبدعتييييييييييييييييييييييييييي يا milkshake
موضوع فعلااااااااااااا متعوب عليه وجهدج مشكور
أفكار روووووووووووووووعة ومشهية وفعلا تنفع للأطفال والكبار وحتى بالمناسبات في شغلات ماكنت اعرفها وعرفتها من موضوعج يالغالية ماقصرتي واستمري احنا متابعينج

 

[& دانتيلا &]

الموضوع شكله ماعجبكم ما شوف تجاوب

من صجح ؟؟؟؟؟

روعه روعة الموضوع والله وايد استفدت منه وان شاء الله من تخلصينه راح اطبعه كله وطيرااااااااااااااان على دايسو

الله يجزاج كل خير وتسلم ايدج
:tek::tek:
ومتابعتج

 

[هوى الدار]

صج شحلااااته

ذكرني بالنينجا كبمارو لما يشوفهم ويصيح علبه غداااااء علبه غدااااااء

مشكووووره وتسلم ايدج

 

[سكر-نبات]

يم يم ههه خلاص كبرت وصار عمي 22 ما اعتقد انه امي بتسويلي جذي شكلهم حده لذيذ يسلمووو سويتي