ابي رايكم بكل صراحه بهالنوع من الرياييل

[فرفورة2]

السلام عليكم اخواتى العزيزات
انا راح اعرض لكم مشكلة اختي الكبيرة وابي رايكم
مشكلة اختى انه زوجها يطقها"لا تستغربون" اي يطقها وعلى اتفه الاسباب مرات يعني يكون جاي من برة معصب وتكون المسكينه جاية على عماها تبي تطلب منه شي ويطيح فيها طق او يكون جايله اتصال ومعصب وتجي تبي تكلمة ويطقها والمشكلة انه لما يطقها تتحلطم وتاكل بنفسها وتقول والله لاسوي واسوي واسوي شوي تنسى وتطخ لانها تحبه وتقول والله العظيم اذا هدت اعصابه يرجع يعتذر ويطلب السماح وتقول والله يحبها ويموت فيها ومرات تقول اصبر نفسي علشان اعيالى وحبي له
اشرايكم بهالسالفة ومنو منكم زوجها مثل زوج اختي
ويا ترى تتوقعون يحبه صج ولا بيرقع اللي سواه وشنو الحل معاه برايكم انتم خواتي

 

[NoWay2know]

مو مهم منو مثل منو

المهم اهو ما يحترمها، لو يحترمها جان ما طقها ولو بعد يحبها جان ما طقها، اللي يحب أحد ما يأذيه،، حتى تكرمين لما نربي حيوان أليف نوكلة وتشربه ولا نطقه صح ؟؟

ومسألة يراضيها ويعتذر عشان خايف لاتصير ردة فعلها سلبية وهذا شي طبيعي لكل الناس يخافون نتركهم لا تمادوا


اختج لازم تسوي اعادة برمجة حق نفسها وتعرف شلون تحترم وتعز روحها عشان يعيد حساباته مع نفسه ويحترمها ويحسب لها حساب.

وعذريني اذا قلت شي غلط

 

[فقدتك يانور عيني]

الله يكون بعونهاا

 

[جلكسيه]

صح المهم يحترمها
لو يحترمها او يحبها ماطقها
اصلا شكو يطلع حرته فيها ؟
اسمحيلي هذا مافي ذرة رجوله
ولاتستانس اذا يعتذر بس لان يبيها تقعد عند عياله او يفتك من كلام الناس
المهم كل شي ماعدا انه يحبها

يعدين نصيحه والله لودرى ان وراها رياجيل ((يعني اخوانج))) جان عرف شلون يمد ايده عليها

اصلا اذا طقها وورضت ان الوضع تكرر معناته تعطيه مجال يكرر الغلطه وتصير مسخره عنده كل ماعصب يطق ويرجع يعتذر

شهالمصخره صج مايستحي
خل تسأله اذا اخته طقها زوجها بيرضى ؟؟ والا حلال عليه حرام على غيره

انا من رايي ماتسكت وتحل معاه المشكله حتى لوتهدده انا تروح لبيت اهلها بس ماتقعد عنده واهو ممضخرهها...

سوري بس والله احتريت شنو يمشي ويطقها

والله يعينيها ويسخر زوجها لها

 

[فرفورة2]

مشكورة اختى على ردج وبالعكس انا بغيت رايكم بهالموضوع بكل صراحه وجهة نظر احترمها ونترك راي للغير من الاخوات
ويعطيج العافية

 

[بنت الارسنال]

سمحيلي بس هذا شكلة مريض نفسي(مصرقع) اتيييلة الحالة يستخف ولما يهدى يرجع طبيعي

 

[غنوة ستايل]

اللي يحب ما يطق ولا يقلل من احترام اللي قدامه
لو هو رجال صج .. وعنده شي من الرجوله ما يمد يده على مره ؟؟

خليها عايشه باحلام ز. واحلام واحلام مني ليما يسوي فيها لا قدر الله شي .. او يطلعون عيالها معقدين مثله

وترا اختي من غير زعل في حريم ... هم يحبون ينطقون .. و يمووتووون على لعب دور الضحيه ...

لازم توقفه عند حده ..

اهي راضيه على نفسها المهانه كيفها .. بس العيال شلون يتربون ..

الصبيان يشوفون ابوهم يطق امهم . وامهم قاعده .. تبجي شوي
بعدين تضحك !!

راح يتعلمون ان الشي هذا عاادي وبسيط ..

و نفس الشي حق البنات !! قاعده تعلمهم شلون يكرهون ابوهم شوي شوي
بعدين يتعقدون من الرجاااال ...

الله يصلحه بس .. ويهديها اللي صابره على هذا الشي ..

اعذريني يا قلبي على صراحتي
بس هذه وجهه نظري الشخصيه ...
اذا نصحت احب انصح من قلبي ..وما احب اجامل على حساب اللي قدامي ...

 

[فرفورة2]

حتى انا والله لما قالتلي اختى مشكلتها قلتلها هذا مريض نفسى ودايما تجينا زعلانه منه بس يقولها كلمتين من طيبة قلبها ترضا عليه وترد له
يعطيكم العافية على الردود ونعطي مجال للغير يشارك

 

[alfajirQ8]

الله يكون بعونها .. بس انا أشوف هذي إهانة !! شنو عباله لاقيها بالسكة ؟؟ هذي بنت ناس وراها أهل و رجاجيل !! شلون يهون عليه ويطقها 1! إللي يطق يعني يكرهه !! لازم لازم توقفة عند حدده و إذا ما تبي تكبرها وتخسر حياتها وعيالها خل تلجئ للدعاء على طووووول و ربج بعوضها بشيل وحش و ببدله إبـ آدمي عندة إحساس ويخاف الله فيها..

 

[زوجي توأم روحي]

شوفي حبيبتى الله يكون بعون اختج
لكن اللى يسكت عن الإهانة يستاهلها
ولا تزعلين منى
عمر الريال ما يحب وحده ما يحترمها
لان ببساطة اللى يحب يحترم
واضربلج مثل على وحدة من رفيجاتى كان زوجها متزوج قبلها من وحدة ذابحها من الطق والكل كان يعرف هالشى ولما خطب رفيجتى ووافقت استغربت صراحة
لكن المفاجأة انهم الحين صارلهم متزوجين 4 سنوان ما لمسها بوردة واصلا جدامنا يبوس راسها ويقول هذى ام فلان عين السيح شيخة الحريم
ولما سالته ليش كنت تطق زوجتك الاولية
تدرين شيرد؟؟ة

ما أحبها بعدين كانت تبط جبدى ومو فاهمتنى كلش

حبيبتى اللى يطق عمره ما يحب
ممكن الواحد مره او مرتين بالعمر يطق زوجته وتحت ظروف قهري بس مو كل يوم
الله يهديه

 

[ليمونه حلوه]

شوفي حبيبتى الله يكون بعون اختج
لكن اللى يسكت عن الإهانة يستاهلها
ولا تزعلين منى
عمر الريال ما يحب وحده ما يحترمها
لان ببساطة اللى يحب يحترم
واضربلج مثل على وحدة من رفيجاتى كان زوجها متزوج قبلها من وحدة ذابحها من الطق والكل كان يعرف هالشى ولما خطب رفيجتى ووافقت استغربت صراحة
لكن المفاجأة انهم الحين صارلهم متزوجين 4 سنوان ما لمسها بوردة واصلا جدامنا يبوس راسها ويقول هذى ام فلان عين السيح شيخة الحريم
ولما سالته ليش كنت تطق زوجتك الاولية
تدرين شيرد؟؟ة

ما أحبها بعدين كانت تبط جبدى ومو فاهمتنى كلش

حبيبتى اللى يطق عمره ما يحب
ممكن الواحد مره او مرتين بالعمر يطق زوجته وتحت ظروف قهري بس مو كل يوم
الله يهديه

معاج حق السالفة تعتمد على على الزوجة وشخصيتهاااااااا :icon30:

 

[عاشقة الرشاقة]

اللي يحب ما يطق ولا يقلل من احترام اللي قدامه
لو هو رجال صج .. وعنده شي من الرجوله ما يمد يده على مره ؟؟

خليها عايشه باحلام ز. واحلام واحلام مني ليما يسوي فيها لا قدر الله شي .. او يطلعون عيالها معقدين مثله

وترا اختي من غير زعل في حريم ... هم يحبون ينطقون .. و يمووتووون على لعب دور الضحيه ...

لازم توقفه عند حده ..

اهي راضيه على نفسها المهانه كيفها .. بس العيال شلون يتربون ..

الصبيان يشوفون ابوهم يطق امهم . وامهم قاعده .. تبجي شوي
بعدين تضحك !!

راح يتعلمون ان الشي هذا عاادي وبسيط ..

و نفس الشي حق البنات !! قاعده تعلمهم شلون يكرهون ابوهم شوي شوي
بعدين يتعقدون من الرجاااال ...

الله يصلحه بس .. ويهديها اللي صابره على هذا الشي ..

اعذريني يا قلبي على صراحتي
بس هذه وجهه نظري الشخصيه ...
اذا نصحت احب انصح من قلبي ..وما احب اجامل على حساب اللي قدامي ...

:tek::tek::tek::tek::tek:

 

[knooz]

الصراحه المفروض اهي من الاول ماتسمحله يمد ايده عليهاا من البدايه مهما صار اهي عودته على هالشي صار عنده عادي يطلع حرته فيهاا شنو هذا المره لها كرامه لازم ادوس على قلبها شوي و تشيل العواطف لا تقول علشان عيالي او لاني احبه و تواجهه و تقول له ان هالشي اذا تكرر انا ما راح اسمحلك لا يكون عبالك ان ما عندي اهل و لا رياييل يوقفونك عند حدك بس طبعا بحدود الادب لان الريال ينطر على المره الزله و الله يكون في عونهاااا

 

[عاشقة تراب ديرتي]

الله يهديه ياااااااااااااااااارب ويسخره لها

 

[جوك احلى جو]

لو يحبها ماتكون طقتها ببيزه لا تقص علي نفسها الاحترام يولد الحب لكن اهي ماحترمها فالسوال اي نوع من الحب هذا ؟؟؟؟؟؟؟؟؟؟؟؟؟؟؟؟

 

[جوجو.]

اللي يحب مايطق خلاتحط حد حق هالسالفه خل اتحاجي واحد كبير يفهمه ان الحب مو عنف وطق

 

[فرفورة2]

مشكورين هالردود يالغاليات وفعلا اللي يحب مايمد ايده عاللى يحبه بس ما احب اقول لاختي اخاف اجرحها
الله يهديه لها أدعولها يالغاليات

 

[دلوشه]

شحقى يمد ايييييييييييييييييييييييييده

ترى حرااام

الله يعينها

 

[ام مضاوي]

الله يعينها حبيبتي ويسخره لها

في حل مره عطيته لكرنوشه
وطلعتلها ايات واحاديث

اذا شافت زوجها بيوم هادي وطااااااااخ
تتكشخله وتزهب عمرها وتدلع عليه شوي
وتقوله حبيبي بخاطري كلام ودي اقوله لك وانا لو ما احبك ماقلته لك

وتفتحله سالفة الضرب
وتوريه ايات قرانيه مع تفسيرها
واحاديث وردة عن النبي صلى الله عليه وسلم عن ضرب الزوجات

اذا فيه خير
ان شاء الله ربي يحنن قلبه عليها

وتتفق معاه اذا في يوم من الايام عصب خل (يتعوذ ابلييييييس) قبل لايطقها
عالاقل يطلع بره البيت قبل لايفكر يمد ايده

وترى موووووووووحلوه بحق اختج جدام عيالها

 

[<<love>>]

الله يهدي و يسخره لها يا رب بس لا تسمح له ان يطقها