ابي رايكم بكل صراحه بهالنوع من الرياييل

[فطومه الحلوة]

انا برايي لو شنو كانت تحبه لازم فالنهايه تحفظ كرامتها اللي اهوه مو قادر يحفظها لازم تحط حد لسلوكه
مثلا تزعل و تطلع من البيت و تخلي اليهال عنده جم يوم و ما ترد الا اذا وعدها انه ما يكررها مره ثانيه و يستحسن انه يكون الوعد جدام احد كبير بالعايله عشان يستحي و ما يعيدها ترى الحب مو كل شي بالعلاقه الزوجيه في وايد اشياء اهم

 

[أميرة الورد]

شوفي المفروض أول مرة يمد ايده عليها اطوفها له بس تحاسبه عليها وماتخليها تمر مرور الكرام حتى لو اعتذر ...ثاني مرة مد ايده تروح تاخذ تقرير من الطبيب كاثبات لها وتكلم ابوها وأخوها بهالشي وتشتكي عليه ..ادري محد راح يوافقني بهالراي بس هالنوعيه من الرياييل مايردعهم الا جذي عشان ياف ويحسب لها ألف حساب ويردها برضاوة بعد ..شنو بس قال سامحيني سامحته ؟؟؟ بالله واهو معصب وطقها سوا لها عاهة مستديمة ولا ذبحها لا سمح الله ؟ بشنو راح يفيدها حبه ؟ الحب أحترام ورقي وسمو بالمعاملة مو جذي ...ميخالف عصبت بس احتريت على أختج

 

[*سوسو ستار*]

اللي يحب ما يطق ولا يقلل من احترام اللي قدامه
لو هو رجال صج .. وعنده شي من الرجوله ما يمد يده على مره ؟؟

خليها عايشه باحلام ز. واحلام واحلام مني ليما يسوي فيها لا قدر الله شي .. او يطلعون عيالها معقدين مثله

وترا اختي من غير زعل في حريم ... هم يحبون ينطقون .. و يمووتووون على لعب دور الضحيه ...

لازم توقفه عند حده ..

اهي راضيه على نفسها المهانه كيفها .. بس العيال شلون يتربون ..

الصبيان يشوفون ابوهم يطق امهم . وامهم قاعده .. تبجي شوي
بعدين تضحك !!

راح يتعلمون ان الشي هذا عاادي وبسيط ..

و نفس الشي حق البنات !! قاعده تعلمهم شلون يكرهون ابوهم شوي شوي
بعدين يتعقدون من الرجاااال ...

الله يصلحه بس .. ويهديها اللي صابره على هذا الشي ..

اعذريني يا قلبي على صراحتي
بس هذه وجهه نظري الشخصيه ...
اذا نصحت احب انصح من قلبي ..وما احب اجامل على حساب اللي قدامي ...

:ggdw:


انا معاج بكل اللي قلتيه بس لازم بعد ريال يوقف معاها ابوها اخوها خل يوقفونه عند حده مايصير جذي !!


بعدين ترى عيالج راح يقتدون بأبوهم لمن يكبرون ويصيرون يطقون حريمهم !!



والله حرام خليها تسوي شي تكلم ابوها اخوها عمها اهم شي يوقف عند حده :eh_s(14):

 

[ro3ah]

اسمحي لي لو يحبها مايفكر حتى ان يطقها مو يطقها !! واختج شلون ساكته الا الطق والكرامه

 

[فرفورة2]

بنات ابشركم زوج اختي جاها ذاك اليوم وبدون ما تسوي اي شي والله العظيم مغير البجي اللي يشوفه بعيونها وقالها سامحينى على كل اللي سويته وجابلها المصحف وأقسم عليه انه مايمد ايده عليها مرةثانية وانه ندمان على كل مرة طقها فيها وقالها انه كل مرة كان يطقها فيها كان يحس بتأنيب الضمير وحتى النوم ما تشوفه عينه وانه يتمنى الموت
واختى استغربت من تصرفه واهني من حبه لها لا وانه يموت فيها بعد مع انها تزعل مرات وتجيلي لاهلى بس ترضى من يقولها كلمة سامحينى بس يعني بدون رضاوة ولا شي
بس هذا كله من دعواتكم الحلوة الله يجزاكم كل خير
والشكر حق كل وحدة دعت لزوج اختي بالهداية والله يوفقكم

 

[Dancing^Queen]

ياختج الصراحه سمحيلي

اختج
ليش ترضا جذي علي نفسها؟
لي صار فيها عاهه مستديمه الله لايقوله شنو بيفيدها يحبها يموت عليها لي انبطت عينها! او انشلت او صار فيها شي وشالوها باسعاف جدام عيالها!
وهل هذي البيئه اللي تبي عيالها يتربون فيها؟
وهذا قدوه الصبيان اللي يابتهم!
وهذي الفكره اللي ترسخها عن الزواج والرياييل حق بناتها
ابوكم يحبني يموت علي ومايستغني عني وعنكم بس يطقني طق سواءا لي دخل او لا!!!!
لاوالله حشا حشا
قوليلها بس يا اختي وامانه نقليها مني لها امانه امنتج
روحي قوليلها في وحده وصتني اسئلج
تحبين بنتج؟ صج صج تحبينها؟ اذا قالتلج اي
قوليلها ترضين علي بنتج ريل مثل ابوها؟ وحياه مثل حياتتج؟ واذا كان ريل بنتج جذي شنو بتسوين؟
ماقولها تطلقي
بس اقولكم اوقفو بويه ريلها لايذبحها يوم يكون محتتر زياده

 

[ام كنعه]

هذا مريض نفسي لو كان يحترمها ما يستعمل اسلوب الطق والغلط تبين الصج من البدايه من اختج لو كانت من اول مره تعلمه انها زعلانه وانه اهانه بهذا الطق جان ما عاد على هذا الفعل ولما يرجع على فعلته مره ثانيه لازم تزعل زعل قوي علشان شويه يحس وينقرص والاه يعينها تري ما يفيدها اهانه نفسها وايد محد يسوى ومثل ما ان اهو عنده كرامه خليها تفكر بكرامتها وما تسمح له مره ثانيه يمد ايده كل ريال والريايل وايد والله يساعدها

 

[ام مضاوي]

الحمدلله ان الله هداه لهاا

وان شاء الله ربي يسخره على طوووووووووووووووول

 

[روحـ روحه]

الله يسخر لنا ازواجنا ويبعدهم عن الحرام ويهديهم