حملة قراءة سورة البقره كل يوم

[flowers_q8]

الحمد لله قريتها وكملت اليوم 11 ادعو لي مااقطعها وان ربي يرزقني مااتمنى عفيه بنات

 

[بشرى]

الحمدالله كملت اربعين يوم والله يعينا على طاعته وعبادته وايفرج همي ويحققلي كل مااتمناه والمسلمين اجمعين ادعولي يااخواتي ان الله ايفرج همي ويستجيب دعائي وجزاكم الله خير

 

[Cherrrry]

تسلمووووون حبيباتي

ويعيطكم العافيه على التشجيع

احرجتوني

انا الحمدالله صارلي الحين ثلاث ايام

وتو الناس شوي شوي ان شاء الله يخف الهم

وارتاح

وصايره اقراها جذي حزة صلاة العشى وبعدها اصلي العشاا

وادعي واقوول كل اللي في قلبي

وقبل لا انام اصلي الشفع والوتر واقرالي سورة من السبع المنجيات

والحمدالله

بس ياربي يقدرني على قرايتها

كل يوم

ويقدركم

وثانكس مره ثانيه على التشجيع


مزيانا

ما شاء الله عليج

خليج على هذا الحماس و بتشوفين الايام تركض

و اهم شي حطي في بالج اللي قاعده تسوينه اهوه علاجج من الهم و الحزن و الضيقه اللي في قلبج


و الله يشفي الجميع ان شاء الله

 

[Cherrrry]

جزاج الله خير أختي على هالحملة الحلوة و المباركة .. ان شاء الله تعالى ..

أنا من الناس اللي بديت من فترة ألتوك بقراءة البقرة كل يوم .. و الحمد لله أحس بالراحة النفسية ..

بارك الله فيج

تسلمين حبيبتي ..

الحمد لله انه تحسين براحه و هذا من اعجاز القرآن سبحان الله


ان شاء الله تستمرين عليها و دوم مرتاحه

 

[Cherrrry]

ما شاء الله بنات والله ودي اقراها 40 يوم ادعولي بنات استمر بقراءة البقره

تقدرييين والله تقدرين

شوفي شلون ما شاء الله البنات كلهم بدو بالقرايه و تشجعوا و ماطوفو يوم

بالاخير طاف الوقت و ماحسوا انه وصلوا حق اليوم ال 40

الايام تركض :dddds: يالله تشجعي و اقريها

و بتوشفين خل يطوف اسبوع و بتقولين ما شاء الله توني باديه ما مداه يطوف اسبوع

و نفس الشي الشهر لين ال 40 يوم

و بعدها تدخلين بالجدول الثاني و تستانسين

 

[Cherrrry]

انا اليوم اكمل 40 يوم انشالله ومكملة

ما شاء الله ..


عفيه عليج والله .. استمري حبيبتي و بلشي في الجدول اليديد

موفقه

 

[Cherrrry]

خواتي بليز انا ياتني الدورة و ابي اقرا البقرة هل لازم اني اتوضا و لو في الدورة يعني اتوضا زي وضوءي للصلاة و قولو لي هل ممكن اقراها من الموبايل و انا مستقبلة القبله و لابسة حجابي

اقريها من الموبايل او من الموقع


و مو شرط تتوضين لانه انتي مو على طهاره و ماراح تلمسين القرآن

بالنسبه حق استقبال القبله يفضل

بس عادي لو ماقعدتي باتجاه القبله

و نفس الشي الحجاب مو لازم ..

انا عادي ما البس حجاب وانا اقرا


مادري لو البنات يلبسون بس عادي يعني مو شرط

 

[Cherrrry]

:ggdw:

ابشركم يابنات اتفسر حلمي شوفو شنو طلعلي تحقيق امنيه وزواج من رجل صالح وذريه صالحه يارب يتحقق حلمي قولو اميييييييييييين

ما شاء الله ..

الله يعطيج اللي تتمنينه حبيبتي و لا يخيب ضنج امين

 

[Cherrrry]

بعد يومين بكمل ستين يوم من بديت قراءة سورة البقره والله الايام تركض وماتحسون فيها بس عالااقل ماركضت الايام عالفاضي لالالالالالالالالالالاركضت علي الايمان والطاعه والله يقدرنا ونقراها لاخر يوم في حياتنا بعد عمر طويل ان شاء الله

ما شاء الله عليج

الله يوفقج حبيبتي

وعدل كلامج الايام صج انها تركض بس تركض بشي مفيد

احسن من ايامنا اللي تضيع عالبجي و الهم والغم واحنا قاعدين بس نفكر بهمومنا ولا نفكر شلون نعالجها

القرآن نعمممممممممممممممممممممممممه

والله محد يعرف هالشي الا اللي يجرب

 

[Cherrrry]

أسأل الله العظيم رب العرش العظيم المنان الكريم الواحد الأحد الفرد الصمد الذي لم يلد ولم يولد ولم يكن له كفؤا" أحد أن يبلغج في القريب العاجل القريب العاجل القريب العاجل الزوج الصالح اللي يسعد قلبج ويملى عينج ويرزقكم الذريه الصالحه المشافاه المعافاه وبنات المنتدى وبنات المسلمين

قوووووووووووولوووووووووووووو آآآآآآآآآآآآآآآآآآآآآآآآآآآآآآآآآميــــــــــــــــــــــــــــــــــــــــن

اميييييييييييييييييييييييييييييييييييييييييييييييييييييييييييييييييييييييييييين

 

[Cherrrry]

الحمدالله

قريتها

بنات شرايكم كل وحده تكتب عدد الايام اللي قرتها

يعني مثلا

اليوم الرابع - العاشر - الاربعين -الخمسين

جذي عشااان نشجع بعض ونستمر

انا اليوم الرابع



مزيانا

فكره حلوه .. و اغلب البنات قاعدين يسون جذي

عشان نشجع بعض

الله يوفقج حبيبتي استمري

 

[Cherrrry]

السلام عليكم ورحمة الله وبركاته

شخباركم جميعا شلونج اختى شيري ان شاء الله كلكم بخير وسهاله..
شيري حبيبتي جزاج الف خير على هذا التجمع الطيب وفميزان حسناتج باذن الله
انا اشتركت فالمنتدي عشان هالتجمع الطيب قرات عن الموضوع من منتدي ثاني وركظت ركظ ادور عليه فجوجل وف كل مكان عشان اشوف هالتغير الي صار باختي الكادي الله يخليها ويوفقها بحياتها ولما لقيته ماصدقت وسجلت علطول وقرات كل ردود البنات ومشاركاتهم وفعلا لقيت الي تمنيته واكثر منتدي حلو وبنات ما شاء الله عليهم تعاون مافي منه وتالف ما شاء الله مو طبيعي عجبني وااايد بس انا مشكلتي اني قرات سورة البقرة من اول شهر 3 وتقريبا استمريت 16 يوم ووقفت بعد ماجتني الدورة ومن يومها وقفت خلاص ورجعت لها من يومين قراتها مرة فقيام الليل ومرة قراتها بعد صلاة الفجر والله يابنات ماكذب عليكم حاسة بضيييييييييييييييييييق زاد علي بعد القراءة ومعرف هل السبب القراءة ولا شي ثاني استغفر الله العظيم احس مو طايقة نفسي ماحب احتك بحد ماحب اسولف وايد يمكن لو سولفت اضحك واتغشمر بس عقبها يمسكني ضيييق وخنقة ابي الارض تنشق وتبلعني وارتاح من كل شي فالدنيا ليش هالاحاسيس ياربي معرف مع اني كثفت هالايام صلاة وصيام واستغفار وصدقات وطاعات واتمني يتحقق كل الي فبالي بس في اشياء للحين مو ماشية معاي مع اني ما شاء الله والحمد لله جامعية وموظفة وبراتب زين الحمد لله بس معرف شنو سبب هالضيج واكرمكم الله بعد جم يوم وتيني الدورة ومعرف لو رجعت اقرا مرة ثانية ولا لا ؟؟؟بنات اعرف انه القراية زينة وكله كلام الله وفيه خير بس احس يمكن يروح الحماس الي موجود عندي فالبداية ومع الايام يروح واوقف قراية بعد ماتخلص الدورة ابي اعرف شنو سبب هالضيج الي فيني ادعولي بنات تعبانه وايد​

بعد عمري لا تضيقين خلقج و حطي في بالج كل هالشغلات مع الايام والاستمرار بالقرايه راح باذن الله


و اقري ردودنا في الموضوع من باديته بتشوفين شلون البنات حياتهم ما شاء الله ما شاء الله ما شاء الله تغيرت

يمكن في شغلات بعدها ماتغيرت و في شغلات تغيرت

يعني كل شي شوي شوي قاعد ينحل و بطرق ماحد كان حاسب لها حساب

سبحان الله بيوم وليليه تصير شغلات ..صج احس معجزه


الضيقه اللي انتي فيها هذي طبيعيه لانه الشيطان يحاول انه يوقفج عن القرايه

وايد بنات كانوا يحسون بهالشغله

يقعد يوسوس لهم و يخليهم يحسون انه هذي الامور كلها والضيقه بسبب القرايه

فيوقفون قرايه و يحسون انه مافيهم اي شي

هذا كله من الشيطان

و وقت تكرمين الدوره اهوه اكثر وقت يكون في له فرصه انه يوسوس علينا

لانه بهالوقت نكون بعاد عن الله من ناحية الصلاة مانصلي

و القيام و نفس الشي القرآن


لكن لما نقرا قرآن بهالوقت يبدي يوسوسلنا عشان نتركه بس لازم نكون اقوى و ما نترك القرايه حتى بهالوقت و نغصب نفسنا بعدها خلاص بنحس بالراحه

و في شغله بقولها انه شي طبيعي بوقت تكرمين الدوره تحسين بضيقه و عصبيه اغلب البنات جذي يصيرلهم

انا يحوشني اكتئاب و اصير عصبيه على اتفه الاسباب

لي درجه بعد ما اخلص اقعد استوعب مع نفسي اقول شفيني عصبت عالفاضي مافي شي يسوى


فعادي لا توسوسين و حطي في بالج هذا شي طبيعيييي

و استمري في القرايه يمكن فيج عين او محسوده هالشي وايد بنات اكتشفوا مع القرايه


كلما ضاق خلقج و حسيتي بقمته اقري و غصبي نفسج

والله راح ترتاحين

و اهم شي تحطين في بالج انه اللي قاعده تسوينه اهوه الحل لهمج و علاج ضيقتج

فاستمري عليها و وكلي امرج حق الله


في غيره يقدر يحل مشكاكلج و يطلعج من همومج؟؟

طبعا مافي احسن و اكرم و ارحم منه


استمري معانا و كل يوم دشي و سولفي ويانا و اذا في شي مضايقج قوليلنا و ان شاء الله بنحاول نساعدج فيه

و نشجعج عالاستمرار

و بتشوفين الخير و البركه في حياتج

بس خليج واثقه من قدرة الله


و راح تشوفين كل خير ان شاء الله

 

[Cherrrry]

عساكم عالقوه

واستمرو00000000000
انا باقي لي 10 ايام عالاربعين يوم
انشاللءالله اتمهم

والله يا بنات اني قمت اقرى السوره بكل سهوله وحفظت ايات منها من دون ما ادري
وكنت استغرب من البنات اللي يقيمون الليل بسورة البقره وكنت اقول ويييييييييه صعبه اوقف مده طويله اقرى 6صفحات او جزء

بس والله مع الايام صارت الشغله سهله وعاديه بس صج يبي لها مده لين تستسيغين المفردات عدل

ما شاء الله .. الله يتمم عليج حبيبتي


عدل كلامج بدايتها بس اللي تحسين شوي الكلمات مو متعوده عليها

بعدها تصير سهله حييل

 

[Cherrrry]

احم احم اليوم بكمل ان شاء الله 47 يووووووم )

ما شاء الله عليج

استمري

 

[Cherrrry]

اختي الحبيبة
يفترض ان حد ثاني اقوى مني يرد عليج عشان يقوي من عزيمتج ويشجعج ، بس انا لما قريت كلامك حسيت ان في حد تقريبا بنفس معاناتي ، انا كنت اقراها من مدة مع البنات وكنت حاسة براحة كبيرة ومتعة بالحياة غير طبيعية ، الى ان جاء يوم وحصلت لي مشكلة اعترف اني ما احسنت التصرف فيها فنقلبت علي نتائجها من كل ناحية حتى نفسي احس انها ضاقت علي وبهالوقت انا سهيت فيه عن قراءة البقرة بعد ما كنت مواظبة عليها. حتى المنتدى ماكنت ادخله كثير وان دخلت ماروح للمنتدى الاسلامي ، كان في شي يردني عنه. أو الاحساس بالذنب يمكن لاني ابتعدت عنهم وتركت القراءة.
المهم مازال الشعور بالاسى والاحباط مراودني بحياتي وودي اتخلص منه فقلت ادخل يمكن الاقي حد يآزرني بمشكلتي . ولقيتج انتي يا اختي العزيزة اتمنى ان نمد يد العون لبعض لنتساعد في التغلب على احساسنا بالضيق مما احنا فيه.
وخلينا نبدأ من الأول في قراءة البقرة وكلنا امل ويقين بان الله لن يتخلى عنا، وسيخلصنا من هالاحساس الخانق.
والله يوفقج ويفرج همج..

بناااات لا تضيقون خلقكم و كل انسان يغلط و الله انه مافي ارحم من الله علينا

مهما نغلط و مهما نبتعد عنه لو نردله تلاقونه يسويلنا اشياء اكثر من قبل عشان يبين لنا رضاه عنه انه رديناله



توكلوا على الله و ردو اقروا

والله بتحسون بالراحه

شعوركم طبيعي و عادي ومافي اي شي غريب ..

كل انسان تحوشه خالة يأس و احباط و يحس الدنيا كلها فوق راسه معفوسه و كل المشاكل على بعض

اقرو سالفتي والله راح تستغربون شلون قدرت اتحمل


بس لانه كنت عارفه انه خلاص مافي شي راح يعدل هالاوضاع كلها و المشاكل غير الله

و ادري انه مافي شي بعيد عليه

يعني قادر انه بيوم وليله يغير كل شي مهما كان صعب و مهما كان ماله حل

لانه مافي مستحيل عند رب العالمين




الله يعطي كل انسان حسب ضن هالانسان في الله

يعني اذا احسنتوا الضن في رب العالمين راح يعطيكم بالضبط اللي ضنيتو فيه


واذا ما احسنتوا الضن ماراح يعطيكم شي

لانه انتوا بالاساس مو واثقين من قدرته



شيلوا اليأس اللي فيكم

و تفألو بالخير

راح تلاقونه ان شاء الله


و من اليوم قرروا انه تردون تقرون سورة البقره


و شاركوا معانا و بتلاقون كل التشجيع


و الله ما يخيب ضن اي احد فزيدوا ثقتكم فيه و بقدرته و اهوه قادر انه يحقق كل امانيكم و يعطيكم كل اللي في بالكم و يبرد قلبكم و يشيل الهم اللي فيكم ان شاء الله


ومافي انسان خالي من الهموم


بس الشاطر اللي يعرف شلون يعالج هالشي بالتقرب حق الله

قيموا الليل والله انه دوا عجييييييييييب حق الهموم

منتوا خسرانين

و الله يوفقكم و يفرج همكم امين

 

[Cherrrry]

شيري احنا وياج مستمرين

وانشالله انا اقراها قيام الليل واعتقد هذي الليلة الرابعة كقيام وانشالله الجمعة الجاية تكون الجمعة الرابعة كقراءة


مشكورة حبيبتي وعساج عالقوة دوم وجعله الله في ميزان حسناتج يارب

ما شاء الله عليج حبيبتي ..

استمري والله يوفقج ان شاء الله و يسهل عليج امين

 

[Cherrrry]

الحمد لله قريتها وكملت اليوم 11 ادعو لي مااقطعها وان ربي يرزقني مااتمنى عفيه بنات

الله يسهل عليج و ينولج مرادج يا قادر يا كريم

ضغطي على نفسج و لا تقطعينها و ان شاء الله الله يفرجها عليج قريب

 

[Cherrrry]

الحمدالله كملت اربعين يوم والله يعينا على طاعته وعبادته وايفرج همي ويحققلي كل مااتمناه والمسلمين اجمعين ادعولي يااخواتي ان الله ايفرج همي ويستجيب دعائي وجزاكم الله خير

الله يتقبل منج حبيبتي و مبروووك الاربعين الاولى ما شاء الله


الله يتمم عليج ان شاء الله

 

[أم منصور]

يالله الحمدلله الليلة الخامسة تمت

جزاج الله خير ياشيري تشجعينا ولك الأجر يالغالية

 

[[ . . Jee Jee . . ]]

قريتها الحمدلله..