حملة قراءة سورة البقره كل يوم

[الحلوه80]

ما شاء الله بنات والله ودي اقراها 40 يوم ادعولي بنات استمر بقراءة البقره

 

[pretty sarona]

انا اليوم اكمل 40 يوم انشالله ومكملة

 

[ام الخير]

خواتي بليز انا ياتني الدورة و ابي اقرا البقرة هل لازم اني اتوضا و لو في الدورة يعني اتوضا زي وضوءي للصلاة و قولو لي هل ممكن اقراها من الموبايل و انا مستقبلة القبله و لابسة حجابي

 

[فيفي محمد]

:ggdw:

السلام عليكم خواتي معععععععجزه بعد ماصليت يوم الخميس القيام وخلصت حوالي الساعه 2 وكنت اقرء البقره اتصل فيني اخوي وبشرني فيه عدنا مشكله متعلقه من سنه انيبها يمين نيبها شمال والله مب قادرين انحلها قالي اخوي فرجت والله من الفرحه قلت فبالي انحلت بفضل الله سبحانه وبفضل البقره ونمت وحلمت حلم اني يالسه في الحرم المكي وخلصنا من صلاة الفجر وننتضر صلاة العيد ومرو جدامي ثلاث اواربع ريايل لابسين بشوت خضر حتي قلت في نفس لون البشوت غريب وحلو وقمت من النوم الله يخليكم بنات الي تعرف اتفسر وثقه اتفسرلي اياه وعادي خله اتخليه علي العام موب لازم الخاص

ابشركم يابنات اتفسر حلمي شوفو شنو طلعلي تحقيق امنيه وزواج من رجل صالح وذريه صالحه يارب يتحقق حلمي قولو اميييييييييييين

 

[فيفي محمد]

بعد يومين بكمل ستين يوم من بديت قراءة سورة البقره والله الايام تركض وماتحسون فيها بس عالااقل ماركضت الايام عالفاضي لالالالالالالالالالالاركضت علي الايمان والطاعه والله يقدرنا ونقراها لاخر يوم في حياتنا بعد عمر طويل ان شاء الله

 

[[ . . Jee Jee . . ]]

خواتي بليز انا ياتني الدورة و ابي اقرا البقرة هل لازم اني اتوضا و لو في الدورة يعني اتوضا زي وضوءي للصلاة و قولو لي هل ممكن اقراها من الموبايل و انا مستقبلة القبله و لابسة حجابي

اقريها من التلفون.. او من النت.. مو مشكلة

اما عن الحجاب واستقبال القبله مادري ....

انا لما ام عباس تشرف .. اقراها عادي لا استقبل القبله ولا البس حجابي, مادري عنكم..

هذا الموقع اقريها منه...
http://www.quranflash.com/old/index.html

:ggdw:

ابشركم يابنات اتفسر حلمي شوفو شنو طلعلي تحقيق امنيه وزواج من رجل صالح وذريه صالحه يارب يتحقق حلمي قولو اميييييييييييين

آميييييييييييييييييييين
الله يبشرج بالخير ويتمم عليج ويتحقق الحلم

 

[فيفي محمد]

اميييين ياجيجي تسلمين والله ويحقق حق كل وحده فينا ماتتمني

 

[الكادي-83]

:ggdw:

ابشركم يابنات اتفسر حلمي شوفو شنو طلعلي تحقيق امنيه وزواج من رجل صالح وذريه صالحه يارب يتحقق حلمي قولو اميييييييييييين

أسأل الله العظيم رب العرش العظيم المنان الكريم الواحد الأحد الفرد الصمد الذي لم يلد ولم يولد ولم يكن له كفؤا" أحد أن يبلغج في القريب العاجل القريب العاجل القريب العاجل الزوج الصالح اللي يسعد قلبج ويملى عينج ويرزقكم الذريه الصالحه المشافاه المعافاه وبنات المنتدى وبنات المسلمين

قوووووووووووولوووووووووووووو آآآآآآآآآآآآآآآآآآآآآآآآآآآآآآآآآميــــــــــــــــــــــــــــــــــــــــن

 

[الكادي-83]

اي والله الكادي
امس ماقريتها طاف الوقت لانه اقوم متأخر .. ويروح اليوم بسرعة...
يارب ارد اكتب قريتها اليوم

أنسي اللي طاف وكملي معانا وان شاء الله ماتقطعين وأسأل الله ان يثبتج

وحطي في بالج انج في حرب مع الشيطان ولازم تنتصرين عليه

 

[أم منصور]

وانشالله وياكم مستمرين

 

[[ . . Jee Jee . . ]]

الحمدلله قريتها ..

 

[*^*مــــزيــــانــــا*^*]

الحمدالله

قريتها

بنات شرايكم كل وحده تكتب عدد الايام اللي قرتها

يعني مثلا

اليوم الرابع - العاشر - الاربعين -الخمسين

جذي عشااان نشجع بعض ونستمر

انا اليوم الرابع



مزيانا

 

[فيفي محمد]

ااااااااااااااااااااااميييييييييييييييين ولج مثله ان شاء الله يالكادي83

 

[بـنت بـلادي]

السلام عليكم ورحمة الله وبركاته

شخباركم جميعا شلونج اختى شيري ان شاء الله كلكم بخير وسهاله..
شيري حبيبتي جزاج الف خير على هذا التجمع الطيب وفميزان حسناتج باذن الله
انا اشتركت فالمنتدي عشان هالتجمع الطيب قرات عن الموضوع من منتدي ثاني وركظت ركظ ادور عليه فجوجل وف كل مكان عشان اشوف هالتغير الي صار باختي الكادي الله يخليها ويوفقها بحياتها ولما لقيته ماصدقت وسجلت علطول وقرات كل ردود البنات ومشاركاتهم وفعلا لقيت الي تمنيته واكثر منتدي حلو وبنات ما شاء الله عليهم تعاون مافي منه وتالف ما شاء الله مو طبيعي عجبني وااايد بس انا مشكلتي اني قرات سورة البقرة من اول شهر 3 وتقريبا استمريت 16 يوم ووقفت بعد ماجتني الدورة ومن يومها وقفت خلاص ورجعت لها من يومين قراتها مرة فقيام الليل ومرة قراتها بعد صلاة الفجر والله يابنات ماكذب عليكم حاسة بضيييييييييييييييييييق زاد علي بعد القراءة ومعرف هل السبب القراءة ولا شي ثاني استغفر الله العظيم احس مو طايقة نفسي ماحب احتك بحد ماحب اسولف وايد يمكن لو سولفت اضحك واتغشمر بس عقبها يمسكني ضيييق وخنقة ابي الارض تنشق وتبلعني وارتاح من كل شي فالدنيا ليش هالاحاسيس ياربي معرف مع اني كثفت هالايام صلاة وصيام واستغفار وصدقات وطاعات واتمني يتحقق كل الي فبالي بس في اشياء للحين مو ماشية معاي مع اني ما شاء الله والحمد لله جامعية وموظفة وبراتب زين الحمد لله بس معرف شنو سبب هالضيج واكرمكم الله بعد جم يوم وتيني الدورة ومعرف لو رجعت اقرا مرة ثانية ولا لا ؟؟؟بنات اعرف انه القراية زينة وكله كلام الله وفيه خير بس احس يمكن يروح الحماس الي موجود عندي فالبداية ومع الايام يروح واوقف قراية بعد ماتخلص الدورة ابي اعرف شنو سبب هالضيج الي فيني ادعولي بنات تعبانه وايد​

 

[دمعةعين]

عساكم عالقوه

واستمرو00000000000
انا باقي لي 10 ايام عالاربعين يوم
انشاللءالله اتمهم

والله يا بنات اني قمت اقرى السوره بكل سهوله وحفظت ايات منها من دون ما ادري
وكنت استغرب من البنات اللي يقيمون الليل بسورة البقره وكنت اقول ويييييييييه صعبه اوقف مده طويله اقرى 6صفحات او جزء

بس والله مع الايام صارت الشغله سهله وعاديه بس صج يبي لها مده لين تستسيغين المفردات عدل

 

[kuwaitya_zoGaa]

احم احم اليوم بكمل ان شاء الله 47 يووووووم )

 

[kuwaitya_zoGaa]

فيفى محمد حبيبتى نصيحه لج
من اختج اللى تحبج وتخاف عليج ... مره ثانية لاتذكرين حلمج ولا تذكرين تفسيره
لانه ممكن انه وحده تقاول عليج بشى غلط ويقع .
او ممكن تنحسدين ديرى بالج حبيبتى والرسول عليه الصلاة والسلام حذر من هذا الشى .

 

[شيخة البلادين]

السلام عليكم ورحمة الله وبركاته

شخباركم جميعا شلونج اختى شيري ان شاء الله كلكم بخير وسهاله..
شيري حبيبتي جزاج الف خير على هذا التجمع الطيب وفميزان حسناتج باذن الله
انا اشتركت فالمنتدي عشان هالتجمع الطيب قرات عن الموضوع من منتدي ثاني وركظت ركظ ادور عليه فجوجل وف كل مكان عشان اشوف هالتغير الي صار باختي الكادي الله يخليها ويوفقها بحياتها ولما لقيته ماصدقت وسجلت علطول وقرات كل ردود البنات ومشاركاتهم وفعلا لقيت الي تمنيته واكثر منتدي حلو وبنات ما شاء الله عليهم تعاون مافي منه وتالف ما شاء الله مو طبيعي عجبني وااايد بس انا مشكلتي اني قرات سورة البقرة من اول شهر 3 وتقريبا استمريت 16 يوم ووقفت بعد ماجتني الدورة ومن يومها وقفت خلاص ورجعت لها من يومين قراتها مرة فقيام الليل ومرة قراتها بعد صلاة الفجر والله يابنات ماكذب عليكم حاسة بضيييييييييييييييييييق زاد علي بعد القراءة ومعرف هل السبب القراءة ولا شي ثاني استغفر الله العظيم احس مو طايقة نفسي ماحب احتك بحد ماحب اسولف وايد يمكن لو سولفت اضحك واتغشمر بس عقبها يمسكني ضيييق وخنقة ابي الارض تنشق وتبلعني وارتاح من كل شي فالدنيا ليش هالاحاسيس ياربي معرف مع اني كثفت هالايام صلاة وصيام واستغفار وصدقات وطاعات واتمني يتحقق كل الي فبالي بس في اشياء للحين مو ماشية معاي مع اني ما شاء الله والحمد لله جامعية وموظفة وبراتب زين الحمد لله بس معرف شنو سبب هالضيج واكرمكم الله بعد جم يوم وتيني الدورة ومعرف لو رجعت اقرا مرة ثانية ولا لا ؟؟؟بنات اعرف انه القراية زينة وكله كلام الله وفيه خير بس احس يمكن يروح الحماس الي موجود عندي فالبداية ومع الايام يروح واوقف قراية بعد ماتخلص الدورة ابي اعرف شنو سبب هالضيج الي فيني ادعولي بنات تعبانه وايد​

اختي الحبيبة
يفترض ان حد ثاني اقوى مني يرد عليج عشان يقوي من عزيمتج ويشجعج ، بس انا لما قريت كلامك حسيت ان في حد تقريبا بنفس معاناتي ، انا كنت اقراها من مدة مع البنات وكنت حاسة براحة كبيرة ومتعة بالحياة غير طبيعية ، الى ان جاء يوم وحصلت لي مشكلة اعترف اني ما احسنت التصرف فيها فنقلبت علي نتائجها من كل ناحية حتى نفسي احس انها ضاقت علي وبهالوقت انا سهيت فيه عن قراءة البقرة بعد ما كنت مواظبة عليها. حتى المنتدى ماكنت ادخله كثير وان دخلت ماروح للمنتدى الاسلامي ، كان في شي يردني عنه. أو الاحساس بالذنب يمكن لاني ابتعدت عنهم وتركت القراءة.
المهم مازال الشعور بالاسى والاحباط مراودني بحياتي وودي اتخلص منه فقلت ادخل يمكن الاقي حد يآزرني بمشكلتي . ولقيتج انتي يا اختي العزيزة اتمنى ان نمد يد العون لبعض لنتساعد في التغلب على احساسنا بالضيق مما احنا فيه.
وخلينا نبدأ من الأول في قراءة البقرة وكلنا امل ويقين بان الله لن يتخلى عنا، وسيخلصنا من هالاحساس الخانق.
والله يوفقج ويفرج همج..

 

[فيفي محمد]

فيفى محمد حبيبتى نصيحه لج
من اختج اللى تحبج وتخاف عليج ... مره ثانية لاتذكرين حلمج ولا تذكرين تفسيره
لانه ممكن انه وحده تقاول عليج بشى غلط ويقع .
او ممكن تنحسدين ديرى بالج حبيبتى والرسول عليه الصلاة والسلام حذر من هذا الشى .

امبييييه يزاج الله خير حبيبتي والله ماكنت ادري علي نياتي مشششكوره والله ماقصرتي نبهتيني:tek:

 

[أم منصور]

شيري احنا وياج مستمرين

وانشالله انا اقراها قيام الليل واعتقد هذي الليلة الرابعة كقيام وانشالله الجمعة الجاية تكون الجمعة الرابعة كقراءة


مشكورة حبيبتي وعساج عالقوة دوم وجعله الله في ميزان حسناتج يارب