زقرتيه قبل التجميل وبعد (الانف)

[فطمطم]

السلام عليكم يالغاليات

اذكروا الله وقولوا ماشاءالله

ربي يحفظها زقرتيه

نتيجه راااااائعه

تفضلوا

دعوااااااااااااااتكم

 

[zqertya]

مشكوره حبيبتي فطمطم حياتي ماقصرتي تسلم ايدج فديتج



بنات شوفوا الصور ولاحظوا الفرق واي سؤال انا حاضره ؟؟!

 

[اميره بكلمتي]

ماشاء الله تبارك الرحمن تتهنين يارب

 

[فطمطم]

مشكوره حبيبتي فطمطم حياتي ماقصرتي تسلم ايدج فديتج



بنات شوفوا الصور ولاحظوا الفرق واي سؤال انا حاضره ؟؟!

العفو يا قلبي وحاظرين للطيبين :eh_s(15):

 

[zqertya]

مشكوره حبيبتي


انشالله تكون الصور والتعليقات واضحه أنتو اول أقروا الكلام بعدين شوفوا الصوره وترا اغلب الصور ويهي عوي تدرون ما اصور سيده لازم حركات ههههههه

 

[Dalo0o3a Cute]

ما شاء الله حبيبتي زقرتيا يهببل حيل طبيعي اصلا لا تقولين لاحد انج مسويه تجميل لان كلش مو مبين

ولاحظت كل شهر له شكل

انا حاليا قدرت اتنفس عدل فتحاتي للحين مو متساويات والارنبه طامره لجدام صايره احط لزقه عليه بس مجرد اغطيها

بس عظمي مسويه اصغر منج والحين بس ناطره تفش اللي بنص لان حدها وارمه وان شاء الله يطلع شكله حييل حلووو

الله يهنيج يارب

 

[غرور 9]

ماشاء الـلـْ♡ـْْه تبارك الرحمن فرررررق فرررررق حيل
الـلـْ♡ـْْه يهنيج بالنتيجه ي رب وعقبالنا

 

[zqertya]

دلوعه انتي وين سويتيها ؟؟

اي انا بالنص للحين يابس ووارم وطامر محد يدري اني مسويه بس أهلي والي معاي بالدوام لان خذيت أجازه بس انا ماقول لاحد طبعا شكلي تغير قبل كنت احلى ههههه بس لما اضحك كان خشمي فلم الحمدالله الحين أحسن
وترا الصوره الاخيره الي مكتوب عليها قبل اسبوع هني خشمي وارم من البرد

غرور انشالله يصير مثل ماتبين

 

[زين المزايين]

الله يتمم عليج يارب ومشكوره وااااايد على سعة صدرج ووضع تجربتج
بالنسبه للتنفس شلوون تحسينه 100 %؟؟

كم قالج الدكتور تخلين اللزقات ليل ونهار شهرين؟ هل بعد الشهرين تتركينهم خلاص ؟
هل اعطاج تنبيهات بخصوص استعمال كريمات الوجه وتعرض الانف للماء الساخن اثناء الحمام ؟؟

 

[Dalo0o3a Cute]

دلوعه انتي وين سويتيها ؟؟

اي انا بالنص للحين يابس ووارم وطامر محد يدري اني مسويه بس أهلي والي معاي بالدوام لان خذيت أجازه بس انا ماقول لاحد طبعا شكلي تغير قبل كنت احلى ههههه بس لما اضحك كان خشمي فلم الحمدالله الحين أحسن
وترا الصوره الاخيره الي مكتوب عليها قبل اسبوع هني خشمي وارم من البرد

غرور انشالله يصير مثل ماتبين

لوووووول زقرتيا ضحكتيني انا مسويتها عند نفس الدكتور نسيتيني بسرعه
:eh_s(22):

 

[زين المزايين]

لوووووول زقرتيا ضحكتيني انا مسويتها عند نفس الدكتور المفروض ما تنسين :eh_s(22):

دلوعه كيف رضاج عن النتيجه ؟؟ مقتنعه فيها -- وشلون تحسين الدكتور يسمع لج ولا شغله سريع ومايعطيج فرصه للاخذ والعطى ؟؟ وبما انكم ثنتينكم عنده شنو تعليماته اللي تحسونها غير باقي الدكاتره هل قدرتي تطلعين وتتمشين بره وتسوين سياحه من يوم ثاني ولا نصحج ترتاحي كم يوم
ومشكوره مقدما

 

[Dalo0o3a Cute]

دلوعه كيف رضاج عن النتيجه ؟؟ مقتنعه فيها -- وشلون تحسين الدكتور يسمع لج ولا شغله سريع ومايعطيج فرصه للاخذ والعطى ؟؟ وبما انكم ثنتينكم عنده شنو تعليماته اللي تحسونها غير باقي الدكاتره ومشكوره مقدما

اولا حبيبتي انا للحين ما اقدر احكم اخاف اقول مو حلو واظلم الدكتور قلت انطر عليه بعد لان ارنبتي فلم حدها وارمه حيل بس اذا فشت ان شاء الله بيطلع حيل حلو


الدكتور اي يسمع لج ... بس مبين فاهم شغله يعني اذا ييتي عنده راح يقولج كل العيوب اللي ملاحظتها بخشمج بس اللي عليج انج هم تقنعينه شنو تبين يعني مرفوع او يلم لج الجوانب وجذي غير هذا الحمدلله ممتاز كل شي

التعليمات اللي عطاني ياها بعد العمليه : ما اسجد لمده شهرين - وما اكل اشياء عاصيه - احاول ما اضحك وايد لمده شهر ونص !
اللزقات احطهم لمده شهرين متواصلين وهالشي الصراحه ساعدني نفسيا اني ما اشوف خشمي واتحلطم وزينه اللزقات تحسينه تلم الخشم وتمسكه عدل لان يكون حيييل حييل طري بعد العمليه جنه شي مركب على ويهج

وطبعا عطاني قطرات استعملهم لين يخلصون ومرهم احطه لمده شهرين

والادويه واللزقات كلهم شريتهم من المستشفى اللي سويت عنده

 

[Dalo0o3a Cute]

ومنعني الدكتور من الرياضه لمده شهرين

وقالي الجراح المساعد الخشم يصير طبيعي بعد شهرين ويصير صغير بعد ست شهور بس ما اعتقد هالكلام ينطبق علينا احنا الخليجيات لان جلدتنا سميكه يبيلنا سنه

والله كريم متفائلين x(

 

[زين المزايين]

ومنعني الدكتور من الرياضه لمده شهرين

وقالي الجراح المساعد الخشم يصير طبيعي بعد شهرين ويصير صغير بعد ست شهور بس ما اعتقد هالكلام ينطبق علينا احنا الخليجيات لان جلدتنا سميكه يبيلنا سنه

والله كريم متفائلين x(

فعلا كلامج احنا جلدنا صراحه غييييير اتوقع عشان تطلع النتيجه النهائيه يبغالنا 3 سنوات ههههه
الرياضه بانواعها ممنوعه شهرين :eh_s(2):حتى المشي على السير الكهربائي ؟
والسجود تقصدين لازم على شي مرتفع ؟
هل تحسي شهرين كافي للزقات ؟ شلون قدرتي تروحين وتردين بلزقاتج ؟؟
الماي طيب الدافي واحنا بشتا الحين شلوون؟ متى قدرتي تاخذي شور مثل الناس الطبيعيين:krkrkr:

الاشياء الصلبه لمتى يعني شهر شهرين ؟

وترى طرف الارنبه الامامي اخر شي يفش فعلا يبغاله وقت هذا في حالة انه ماسواه دائري من اساسه

 

[zqertya]

لا حبيبتي بس مخربطه بينج وبين وحده ثانيه نفس النك بس قلت بتاكد بالنسبه لي التنفس أحسن من قبل

والدكتور صج فاهم شغله اصلن 5 دقائق مو اكثر قالي يبيلج جذي وجذي بالضبط قالي نفس ما انا كنت مفكره وطلعت وانا مرتاحه والحمدالله كل شي اوكي

دلوعه حبيبتي كنتي تحاتين شرايج الحين بخشمي والنتيجة ترا مع ويهي كامل حلووو مايبين الورم الي بالنص ضايع

دلوعه انا الصراحه حطيت اللزقات 3 شهور ماشلتهم كلش عشان ارتاح نفسيا وانا نفسج بالضبط خذيت قطره ومرهم بس لما رجعت المرهم خلص وشريت ميبو مال الآثار الجراحية و يشيل الأثر الحمدالله مافي اثر كلش بس جهة اليمين الشق خفيف مبين

 

[زين المزايين]

زقرتيه بعد الشهرين حطيتيهم بس بالليل؟ شلون اللصقات مع الدوامات والطلعات؟

 

[منار123]

طبييعي ماشاءالله وهذا المطلوب موتغيير كلي مجرد تعديل
بصراحة فررق عن اول من ناحية الجمال للانف ماشاءالله
الله يهنيج
اختيار موفق للدكتور

استمري عالمساجات عشان تحافظين عالرفعه

 

[Dalo0o3a Cute]

فعلا كلامج احنا جلدنا صراحه غييييير اتوقع عشان تطلع النتيجه النهائيه يبغالنا 3 سنوات ههههه
الرياضه بانواعها ممنوعه شهرين :eh_s(2):حتى المشي على السير الكهربائي ؟
والسجود تقصدين لازم على شي مرتفع ؟
هل تحسي شهرين كافي للزقات ؟ شلون قدرتي تروحين وتردين بلزقاتج ؟؟
الماي طيب الدافي واحنا بشتا الحين شلوون؟ متى قدرتي تاخذي شور مثل الناس الطبيعيين:krkrkr:

الاشياء الصلبه لمتى يعني شهر شهرين ؟

وترى طرف الارنبه الامامي اخر شي يفش فعلا يبغاله وقت هذا في حالة انه ماسواه دائري من اساسه

اي ممنوع كل شي لمده شهرين جميع انواع الرياضات ...حتى بعد الشهرين قالي لعبي خفيف
والسجود اي كنت اسجد وانا رافعه راسي والله يغفرلي لان مو بيدي

وشهرين اي احس كافي بس المشكله اذا للحين مو متقبله خشمج ..وبالنسبه للطلعات عادي طاف ما يهمني احد مو اول وحده انا اسوي تجميل واصلا مو وايد كنت اطلع

وبالنسبه للشور طبعا قبل ما اشيل الفتايل ممنووووع يحوش ويهي الماي .. وبعدين عادي
واذا تبين تاخذين شاور بماي دافي اغسلي شعرج اول بحيث ما يحوش ويهج وبعدين جسمج ..

وبالنسبه للاشياء الصلبه اصلا انتي بالاول ماراح تقدرين تاكلين اشياء قاسيه الشفه اللي فوق تكون وارمه حيل ما تقدرين تبطلين حلجج يعني الشي بالتدريج

 

[Dalo0o3a Cute]

لا حبيبتي بس مخربطه بينج وبين وحده ثانيه نفس النك بس قلت بتاكد بالنسبه لي التنفس أحسن من قبل

والدكتور صج فاهم شغله اصلن 5 دقائق مو اكثر قالي يبيلج جذي وجذي بالضبط قالي نفس ما انا كنت مفكره وطلعت وانا مرتاحه والحمدالله كل شي اوكي

دلوعه حبيبتي كنتي تحاتين شرايج الحين بخشمي والنتيجة ترا مع ويهي كامل حلووو مايبين الورم الي بالنص ضايع

دلوعه انا الصراحه حطيت اللزقات 3 شهور ماشلتهم كلش عشان ارتاح نفسيا وانا نفسج بالضبط خذيت قطره ومرهم بس لما رجعت المرهم خلص وشريت ميبو مال الآثار الجراحية و يشيل الأثر الحمدالله مافي اثر كلش بس جهة اليمين الشق خفيف مبين

خشمج ما شاء الله طبيعيييييي اصلا يبين انتي جذي خلقه واعتقد بعد سنه على كلام البعض يقولون يصغر اكثر بيصير حييل نعوم وكافي اللي يشوفج ما يقولج تجميل ! لان انا ماحب جذي

بس زقرتيا شلون كنت تحطين اللزقات بعد !! ما فهمت قصدج تحطينهم بليل ! بس جذي راح تضطرين تغيرينهم كل يوم وهالشي مو زين ؟


وبسالج بعد متى ابتسامتج ارجعت طبيعيه انا للحين اسناني ما يطلع الا ربعها :eh_s(2):

وبشتري هالمرهم اللي قلتي عنه لان الاثر للحين موجود ولون وردي

الله يسهل ويعدي هالشهور على خير :eh_s(7):

 

[zqertya]

اللزقات قالي كل يومين ابدلهم انا كنت أحطهم وانام واطلع فيهم وبعد يومين اشيلهم ولما بشيلهم ادش أسبح اول عشان يصير باللزاق ماي لما ينشال بروحه يطلع بسرعه يكون الصمغ ذايب ما يحتاج أشده او اسحبه حيل عرفتي

وبالنسبه الابتسامه ما طولت واغلب الوقت لما اضحك او ابتسم أمسك خشمي افقصه ولي الحين صارت عاده فيني افقص الارنبه وبالصبعين اضغط وارفع ايدي لي فوق لي صوب عيوني