زقرتيه قبل التجميل وبعد (الانف)

[zqertya]

بيوتي عيونج الحلوه مشكوره

 

[خيال دبي]

احس أبدا ماقرب صوب الأرنبان المفروض كان صغر الفتحات لو شوي وثاني شي مب ناحت الصوتين نفس الشي فاستوى ميلان فالخمان وإلا نبه بعد ما دقاتها بس فالح يأخذ هالكثر وآخر شي الخشم يطلع من تحت أيده ببلاوي

 

[كويت الاناقه]

حمد الله علي السلامه

وربي يحفظج

 

[zqertya]

خيال بالعكس اصلن خشمي فرق عن أول وايد طلع ويهي انا مشكلتي كانت صوب الارنبه الفتحات حيييل كبار وخو بنفسه قالي خشمج مافي شي يبيله شوي تضبيط بس الشغل كله بالفتحات والصور الي انا حاطتها قبل ترا صور كنت بعرس او طالعه عرفتي فما اصور واطلع خشمي يعني كنت كثر ما اقدر اصور جنب وخشمي مايكون واضح لأحظي اول صوره خشمي وايد طويل ولما اضحك يفرش حيييل مسبب لي إحراج ووايد قالولي فتحات خشمي كان صبعين يدشون فتحه وحده يعني متخيله شكبره

الحين الحمدالله كلي ثقه ووايد عاجبني وحتى الي اول شب قالوا مو حلو مرفوع ومنهم كانت امي كانت خايفه حييل من العمليه بس الحين تغير رأيهم ووايد قالولي حلو مو مبين مسويه تجميل


وبنات ترا صح ممكن الفتحات عندي شوي مختلفه بس هذا لان الارنبه للحين وارمه مافشت وحتى لو كان في خطا الله لايقول فعادي لان بيكون جدا بسيط

 

[zqertya]

؟؟رفع

 

[فطمطم]

وهاي اخر صووووووره لزقرتيه كملت 6 شهور و 3 ايام

 

[Dalo0o3a Cute]

ما شاء الله حبيبتي زقرتيه حده طبيعي ومرتب
اللي لاحظته انه الارنبه انرسمت اكثر
بس بكل صراحه حبيبتي بعد ال 6شهور لاحظتيه صغر اكثر من حجمه او شهرين وغيره ؟
وترا راح ان شاء الله بنرسم اكثر بعد 8شهور
ما شاء الله ربي يحفظج

 

[ياسمين1411]

ماشاء الله جميل وطبيعي مره مو واضح تجميل
الله يهنيك ويتمم عليك

 

[Dalo0o3a Cute]

ما شاء الله حبيبتي زقرتيه حده طبيعي ومرتب
اللي لاحظته انه الارنبه انرسمت اكثر
بس بكل صراحه حبيبتي بعد ال 6شهور لاحظتيه صغر اكثر من حجمه او شهرين وغيره ؟
وترا راح ان شاء الله بنرسم اكثر بعد 8شهور
ما شاء الله ربي يحفظج

حبيبتي زقرتيه سوري بسألج سؤال ثاني انا من بعد ما كملت شهرين واسبوع صار الوضع تمام خشمي فش وعجبني

الحين رد انتفخ

اخاف يظل جذي ولا يتم على الشكل اللي عجبني انتي صار معاج جذي ثبت على اي شكل المنتفخ ولا الفاش

 

[zqertya]

مشكوره حبيبتي ياسمين


دلوعه لاتخافين لو ترجعين حق الصور راح تلاقين في صور فيها خشمي وارم صاير كبير ونازل وحتى انا حاطه ملاحظه بس لاتحاتين لان لما كملت ال 6 شهور صغر واايد بس ظلت الارنبه كبيره بالنص رفيجتي تقول يبيلي سنه عشان يبين شكله الطبيعي وفي بنات سنتين وبين عموما هو شكله الحين ماشالله وايد حلوو يعني مو متضايقه من شكله حتى انتي دام عاجبج الحيين لاتحاتين

 

[zqertya]

نرجس حبيبتي اذا تقدرين تنقلين الصوره الي بالصفحه الاخيره بالصفحه الأولى

 

[فطمطم]

سؤال يسدح نفسه اللحين اذا الدكتور مالمس الارنبه
بعد تنزسم وتصغر حالها حال باقي الخشم ؟

لاته دكتوري قال لي انه مالمسها وخلاها على حجمها
بس يوم طلعت من العمليه خشمي كان مرفوع ويلوع الجبد وبعد ٣ شهور نزل
واللحين كملت ٤ شهور نزلة الخشم صارت مثل قبل العمليه ،

 

[Dalo0o3a Cute]

سؤال يسدح نفسه اللحين اذا الدكتور مالمس الارنبه
بعد تنزسم وتصغر حالها حال باقي الخشم ؟

لاته دكتوري قال لي انه مالمسها وخلاها على حجمها
بس يوم طلعت من العمليه خشمي كان مرفوع ويلوع الجبد وبعد 3 شهور نزل
واللحين كملت 4 شهور نزلة الخشم صارت مثل قبل العمليه ،

نفس السؤال فطمطم انا عكسج صغره كله لان في شق تحت الفتحات بس اللي اشوف ماحس صغير نفس ما ابي انا احب نتفه الخشم من فوق حيل عاجبني والحمدلله بس تحت ابيه صغير مدري هذا ورم اتمنى يصغر انا متطمنه ادري الارنبه راح تفش وتنرسم وتصغر بس ياااخوفي من الجوانب :eh_s(2):


ابيه ينلم :eh_s(2):

والحمدلله ان خشمج نزل نفس اول لان كنت اقرى تحاتين هالشي :eh_s(7):

 

[zqertya]

مادري بس اذا ماجاس الارنبه معناته راح يصير شكل خشمج مو حلو مايصير الجنب تصغر ومايجيسالارنبه عشان يصير نفس

 

[منار123]

ماشاءالله زقرتيه
ربي يحفظج
هاشلون النفسية الحين اكيد افضل من اول

 

[zqertya]

هلا حبيبتي منار طبعا الثقه زادت خصوصا لما اضحك او ابتسم لان قبل شكله مو حلوه وايد الفتحات كبار الحمدالله الحين احسن مع ان الارنبه وارمه شوي بس عادي في سبيل الجمال يهون كل شي هههههه

 

[$نرجس$]

فطمطم اذاا ماحاش الارنبه ما رااح يتغير واذا قصدج بعد العمليه كان مرتفع لان خشمج مورم فطبيعي يكون وارم ومرتفع بس يخف يرجع نفس اول

 

[$نرجس$]

زقرتيااااا ماشاااءالله تباارك الله يجنننننننن صاار اصغر ويهبببل مبرووك على النتيجه الحلووه

 

[FANA__3]

ما شاء الله طالع طبيعي تتهنين فيه

 

[أم علي الرفاعي]

تبارك الرحمن يهبببببببببببببببل وصج شكله طبيعي 100 %

عليج بالعاااااااااااافية النيولوك