ساكنه ببيت حمولتج ؟ رمضان قرب

[^^Mo0oNy^^]

حبايبي اللي تبي فناتك رمضان كولارات ...وهديه تراثيه للخاله او الوالده
وبعشرين بس


حياها باكاونتي fashion__model

 

[مشتطـه]

كل بيت غير

يعني مثلا انا صارلي سنتين متزوجه

ماعندي حموات الا صغار بالمدارس

ماعندي حريم حموان

بيت حمولتي محد يزورهم لان خالتي مو مرا عوده
اهي تزور الناس
ف كشختي مالها دااااعي ككلشششش يصير شكللي غلط

البس دراريع ناعمه من قبل الفطور ب ساعه لين عقب الفطور بساعتين اقعد معاهم عقب اصعد فوق واطلع

 

[مشتطـه]

انا ماادش المطبخ

شكووو ادش ؟ الخدم موجودين وخالتي اذا طبخت لان اهي حابه مو مغصصصوووبة

شكو اتدخل واقوم أطبخ لهم وانا مو خبره بالطباخ ؟


انزل وياي طبق اي اوكي

بس اوقف على راسها بالمطبخ هذي لقافه

وخصوصا بنت بعمري 23

مادري احنا ماندش المطبخ علبوني سنعه

الخدم موجودين 3 بدال الوحده وكل وحده تطبخ احلى من الثانية

 

[الغضى]

الطبخ مو ضروري انج تسوووين اطباق وسفرة كاملة من إلى أكيد فيه خدم
السالفة انه رمضان جمعه ومشاركة وتواصل وعبادة
والطبخة اذا من ايدج لو بسيطة تكسبين فيها أجر
نظامي برمضان يشابه أغلب البنات
اسوي بمطبخي طبق أو طبقين جانبي لأنه خالتي طباختها تسوي الأطباق
الرئيسية وانزل قبل الفطور بشوي بدراعه ناعمه ومسكره وبلشر واتفطر
واقعد لين اذان العشا عقب اصعد أصلي التروايح وبعدها أروح أزاور أهلي
أو انزل تحت أو اقعد بشقتي,,, وسحوري ويا ريلي بروحنا وبس.

 

[متوترة]

انا مادري شسوي انا مراه حماي بنفس البيت وعندنا ام زوجي وشغالتها
ومرات تقول مراه حماي بطبخ بشقتي وبفطر ومرات تقول لابنزل تحت
قلت اثبتي عشان الطبخ والسمبوسه واللف والرول وكذا بتسوين معي او بسوي لي ولرجلي
قالت لا بصير معاكم عقب ترد تقول مابي مع احد شكلي بطبخ شقتي

 

[طريق السعاده]

الله يبلغنا وياكم رمضان اشتقت لجوه وروحانيته وصوت المساجد بالتراويح

مو متزوجه وماعندي حريم اخوان هههههههه < مدري شنو ابي داشه بس حنيت لرمضان والله


بنات نصيحه الي ساكنه عند اهله تعتبرهم اهلها يعني مو معقوله اهلك يطبخون وانتي جالسه طول اليوم واخر شيء تنزلين تاكلين

لكن حلوه لو تنزلين بيدك حلى وصينيه معها وتساعدين بترتيب السفره مع حمواتك او توزعين طبقك الي جبتي عشان نوع من المشاركه وهالشيء يحسسهم انك وحده من بناتهم ماقولك اكرفي وحوسي لا بس ساعدي ع خفيف يعني اسم انك وقفتي وسويتي وهالشي يكبرك بعينهم حيل ..

الي عندهم شغالات ادري انه مو اجباري والشغالات يسوون كل شيء بس مثل ماقالت الي فوقي الموضوع نوع من المشاركه وفيه اجر وترا الحريم الكبار لاحظت لما نزور اقاربنا وتصلح زوجه ولدهم شيء يرزونه قدامنا يعني شووفو مرت ولدنا سنعه يحبون هالشيء حيييل ..

 

[M!SS.LOBY]

اللهم بلغنا رمضان لا فاقدين ولا مفقودين ( قولو امين)

 

[<miss botamba>]

اقل شي لازم تبينين لهم انج سنعه

يعني البنات الي تقول انا شعلي والا في خدم

كلنا ترا عايشين بخير ونعمه

بس الي يفرق سنع الانسان و اخلاقه وطريقه معاملته


مثلا اذا انتوا جنانين وايد بالبيت او مو شرط جنانين تحاططوا انتي وخواته او حريم اخوانه واشتروا طقم يديد حق رمضان

سواء طقم صحون او طقم صخانات او طقم استكانات وعطوه لخالتج كهديه رمضانيه


مو شرط تطبخين كل يوم مثلا مره طلبي لهم سويت او صينيه حلو عربي او تنقصي لهم كبب و سمبوسه مثلجه من هالفناتق الي يبيعونها الحريم


على يوم عزميهم على سحور انتي وزوجج سواء بره في فندق او بالبيت تطلبون بوفيه

ومن قبل الفطور بساعه الى بعد الفطور بساعتين او الى وقت اذان العشا خليج على الدراعه الناعمه

وبعد العشا تبدي الكشخه

 

[زبــــــــدة]

انا ماعرف اطبخ للاسف ماحب بعد

بس رمضان اللي طاف كان اول رمضان ويا حمولتي وانا مو ساكنه وياهم بشقه بروحي

فكل ماروح الفطور كل اسبوع اخذ وياي شي يا حلو يا طبق جذي يعني ...

 

[كويتية أصيله]

واي لا مو من صجكم ...... عيل الطباخ شيسوي اذا انا بنزل قبل الفطور....... انا اتفطر بشقتي بروحي والاكل يركب لي لي فوق
اول يوم انزل ع السريع ابارك حق خالتي واروح ابارك لاهلي ........ ومايشوفون وجههي لي العيد .........

 

[مشتطـه]

كويتيه اصيله شدعوة مايشوفون ويهج للعيد هذا وانتي نكج اصيله وجذي

لا والله ما احب القاطعه لو اني بشقة بروحي وبره لتفطر كل يومين بالاسبوع عند اهل زوجي
عيل تقولين شهر مايشوفونج ياحافظ

 

[نوفآ]

انزل قبل الفطور كاشخه و لابسه دراعة ومتمكيجه من غير حمره
مع المكياج يصير لون الشفايف الطبيعي جنه حمره
واساعد خالتي بس انجب معاها لان في خدم و انا عندي بنتي واخليها خدامتي تساعدها و مرات اسوي اطباق حلوياتي
ولان اساسا ماعندي مطبخ مكتفيه بالحلويات البارده

اذا عندج مطبخ سوي طبق مرتين بالاسبوع بس مو بشكل دايم وبنفس الوقت لا تنزلين دايما وايدج فاضيه مو حلو بحقج
سوي سلطات حلويات طبق واحد غريب

شوفي الانستقرام مترووس اكاونتات طبخ

مبارك عليج الشهر مقدما

 

[نور دنياه]

احنا مو ساكنين عندهم والعام كان اول رمضان لي وياهم ، كنت اسوي كذا صنف واوديه معاي وبالاخير ماينوكل ويتوزع على الفقارى الي بالفريج !! ماياكلون الا قفشه ويعلقون اذا حلو ولا لاء وتالي كل السفره تتوزع على الفريج .. وصرت مااروح الا بعد التراويح ونقعد شوي ونطلع لانه اهل زوجي انطوائين لا يعزمونا واذا عزمنا نفسنا بنفسنا قاموا يتثاويون ولا كل وحده تتسحب وتروح تكمل شغلها. وهالسنه اعتقد بسوي نفس الشي بروح بعد التراويح شوي واطلع

 

[مذهلة2013]

بشقه واكيييييد بطبخ ومره بيت حمولتي ومره بيت اهلي

 

[مس كرز]

قبل الفطور يكون لبسي دراعه عادي لكن بعد الفطور لازام نكشخه :rerrerek:عشان يمعت الاهل والغبقه

 

[متوترة]

انا خلاص قررت اسوي فطوري كله فوق بشقتي بس حزه الاذان انزل انا وزوجي ونفطر عندها تمره وماء
وعقب صلاه المغرب اصعد لشقتي واكمل باقي فطوري وانزل اي شيء لخالتي فطاير سمبوسه اي شي المهم
انزلها شي بسيط والباقي فوق ... لاني خلاص تعبت من مراه حماي مره تقول فوق مره تقول تحت
لين كلمت زوجي وقال اوك نفطر عند امي تحت تمره وماء والباقي نكمله عقب الصلاه لان خالتي اصلن عقب
الصلاه يجونها عيالها مااشاء الله يفطرون عندهم
وبريح راسي وبثلج سمبوستي وواشتري الكبه وحوسه رمضان قبل رمضان بيومين .. وبرتاح من سالفه
وش طبخت وليه راحت ل اهلها وتركت زوجها بدون فطور وووالخ

 

[كليـ دلعـ]

واي لا مو من صجكم ...... عيل الطباخ شيسوي اذا انا بنزل قبل الفطور....... انا اتفطر بشقتي بروحي والاكل يركب لي لي فوق
اول يوم انزل ع السريع ابارك حق خالتي واروح ابارك لاهلي ........ ومايشوفون وجههي لي العيد .........

امبي!!

فاهمه السنع غلط!!

طبااااخ!؟

اي عادي حبيبتي

كا احنا عندنا طباخيين واحد بالبيت واحد بالمزرعه


ومع ذلك برمضان يسوي طبقين رئيسييين والبااجي كلللللله احنا

نسويه!


باختيارنا محد جبرنا وغصبنا طيب مننا نسوي

اليمعا خير وبركه وكل مشروك مبرروك



ويكفي

فرحت عمي وخالتي بلمتنااا

وشحلات هالطبخه متو


من بناتي سواها ((( يقصدنا احنا جناينه)))

ونتفنتق ونتحدا بعض بالسنع والطيب!!

والبيت حي وفيه صوت وحركه

بنت الحمايل ماتعيش معزوله جنها يرباا


بنت الحمايل تدش مغ حمولتهاا وتعين وتعاون

يكفي لذه التعب والحركه والضحك والمواقف

يكفي فرحه ريلي بسنعي جدام اهله!

هذا يطلب وهذا ينطر ووناسه ولمه وخيير من الله

وبركه!!

وانا مومحروله ولامشلوله ولافيني مرض معدي

عشان الزق بشقتي جني موبوووءه!

ولاارضاا اعيش مهمشه مالي وجود ولاجيمه ولامعنى


موحلوه حياه العزله والوحده!

عساني اموت قبل لا اعيش معزوله اطالع بالطوف

مالي قدر ولاقيمه ولافعل ولا حركه

بذمتج هذي عيشه!!؟

الله يعين خالتج مسيجينه بس عموما جناينج بيسون

نفسج كل وحده بتلزق بشقتها ماتشوفينها


ذيج الحزه عاد لايضيق خلقج وتحزنين لانه شي زرعتيه


لازم تحصدينه!!!

الله يعينج ولايحطنا مكانج!​

 

[Huda alotaibi]

ليش مجنونه قلت الاماكن اسكن مع اهله ):


الله لا يحشرني بس

 

[لاتكابر غلطتي]

،


ي حلوكم ي بنات المنتدى سنعات والله ..
اشهدني استفدت منكم حيل ..
الله يبلغنا هالشهر الفضيل لا فاقدين ولا مفقودين يارب ..
واللي تقول مانزل لحمولتي ومايشوفون وجهي
اعتقد رمضان هو اللي يجمع ولا يفرق
وحلاته بجمعته ولمته ..

 

[^^Mo0oNy^^]

اب اب