ساكنه ببيت حمولتج ؟ رمضان قرب

[قآنون كيفكـ!!]

امبيه زين اللي سويتوا هالموضوووع انا حدي متفشله وابي اسالكم

الحين رمضان السنه اللي طافت كنت عروس توني و توه مبلش فيني وحامي وكان خايس حيل متعب

البيت كان دوريه طباخ بين خالتي و خالتي الثانيه مرت ابو زوجي (مره كبيره حبيبه ما يابت عيال ) و حريم حمواني *

بس فرق العمر بيني و بينهم 10 سنين و الثانيه 16 سنه تقريبا

وانا طالبه و ماااااااااااااااااااااااااااا اعرف اطبخ كللللللللللش كانوا عاذريني و محد كلمني

الحين ياينا هالرمضان شسوي .. مع العلم اني هم الحين وحام .. لان الاول ما كمل حملي و توفى الحمدلله على كل حال

ودي اسوي شي فشله بس انا ميييييييح و بس احط ايدي بشي يخرب

شورو علي يا جماعة الخير العموم ينغز وترى هم فشله الكل يتعب وانا اكل بارده مبرده

حبيبتي اللة يتمم حملج
لا فشلة بعد ماتقومين معاهم حشموج والله
سوي سلطاات
حلى شكثر انواع بسيطة في اطباق بلاستك وكلها في عشر دقايق مسويتة وعلى الثلاجة
....

صاحبة الموضوع
حبيبتي شوفي نظام خالتج شلون واذا عادي دشين مطبخها او سوي بمطبخج ونزلي مرة وحدة

 

[سيلينا]

الله يعينا على الدراريع

تدرين انا مو توني متزوجه انا مرت الكبير ,, بس هذا اول رمضان اكون مع حريم حمواني ..

نظامي قبل البس دراعه ناعمه واسوي اي شغله فوق وانزل قبل الفطور بدقايق .. واقعد لي التراويح وعقب اصعد مافي نزله ثانيه ممكن اطلع او ازور اهلي او اقعد بشقتي

بس احاتي هالسنه الظاهر غيرة الحريم بتشتغل يعني اقولبها براسي احس قبل الفطور انا وين والكشخه وين وبعد الفطور مالي مزاج بشكل يومي انزل واساسا خالتي مو من النوع الي عندها زوار او البيت دايما متروس ! وهي بعد تطلع وتزور اهلها
اكيد بتعامل بطبيعتي بس احاتي ان ابين مقصره
بس الاغلب ان راح البس دراريع ناعمه موو عاديه لا اقصد تكون حلوه وكشخه لكن اقرب للعمليه ممكن اول يومين بعد الفطور البس دراريع اشوي كشخه وفيها شغل ثقيل عشان وقت زوارتنا وهم للقرقيعان ابي شي حلو والايام الثانيه بلبس لبس عملي ومريح
وبالنسبه للطبخ انا بسويه فوق بمطبخي وانزل حده حده لاني رمضان هذا انا عندي دوام لاني احس فشله مو لان خالتي بتزعل لانها حييل تقدر وتتفهم احس عيب لازم اشارك

بالنسبه للي ماتعرف تطبخ ترى عادي نزلي قبل الفطور بمده وساعديهم باي شي وقفي بالمطبخ معاهم


** احسن حل لج انج تسوين مجموعه دراريع اول جم يوم جيسي النبض باللبس لان اكيد ماتبين تكونين اقل منهم عقب انتي شوفي اللي يناسبج .. والاهم ان تتعاملين بطبيعتج وتشوفين الي يناسبج انتي احس الافضل تشوفين الشغله الي تناسب طبيعتج مو تجارينهم لان بالاخير بتتعبين وتضغطين على نفسج

 

[Zinab BH]

والله حلو نظامكم
انا ماعندي دراعة ابدا ابدا ابدا
بس اتوقع نظامي في شهر رمضان كالعادة دائما بدلات و في الشهر مرة بسوي لهم طبق من يديني لان ام زوجي من النوع اللي ماتحب احد يدخل المطبخ جربتها مرة وبس مااعيدها
و مريحة و مرتاحة لان بيكون عندي جامعة بعد الفطور و الله يعينا

 

[M!ss CoLoRz]

مس جولاي

مثل ما قالوا لج إنتي خلي صوبج السلطات والحلويات والشوربات

ما في اسهل من هالشي ... منها تشاركين معاهم بشي ومنها ما تضغطين على روحج

و عاونيهم على قد ما تقدرين

 

[مس جولاي]

والله صح كلامكم يزاكم الله خير

المشكلة اهما واااايد يتفنتقون و كل وحده تهايط بطباخها ههههههه

واااي صج حريم الحموان غثااا الله الكافي

بقعد ادور شغلات سهله و سريعه و ايمعهم بورقه حق رمضان

 

[مصرقعه كوول]

حبيبتي انا السنه الي طافت كنت عمد اهل حمولتي بس ماحبيت الوضع يعني انزل لابسه وكاشخه يجون الجهال يكتون الشوربه والفيمتو والعصير اقوم وانا لايعه جبدي وكنت حامل بالسادس وتعبانه وماكنت اطلع السلم من الثقل وكنت اتعب واكره اليوم كله ودخلت المستشفه اخر 17 يوم من التعب والنفسيه والاكل الغلط يعني حيييييل تعبت فقررت السنه هذي اتفطر بروحي فوق وزوجي مع اخوانه اريحلي ما واقعد اصلي والبس واتمكيج والبس بنتي وانزل ع راحتي

ودمتم سالمين وعسالله يعوده عليكم بالخير

 

[sona87]

انا توني متزوجه ماصارلي وايد ثلاث شهور
وكل حمواتي متزوجات ولا عندي حموان

بس خالتي في البيت ما ادري شلون روتينهم

 

[نـعـومـه]

اتفطر بيتت حمولتي وعقب الفطور ايون الناس واقعد وسوالف واروح بيتنا اكون لابسه بالاساس بدله طلعه

 

[مصرقعه كوول]

انا توني متزوجه ماصارلي وايد ثلاث شهور
وكل حمواتي متزوجات ولا عندي حموان

بس خالتي في البيت ما ادري شلون روتينهم

انا هم بروحي بالبيت وارتحت اني بتفطر ع راحتي مع خالتي بس انصدمت بحمواتي وعفسية عيالهم :eh_s(14)::eh_s(11):

 

[عسل حدي]

اب اب اب

 

[مدينة الاحزان]

انا يمكن رمضان القادم بيكونو بيت اهل زوجي ساكنين تحت واحنا مع اخوانه بشقق فوق فما ادري النظام معهم كيف بس بصراحه انا اايد افطر بشقتنا لحالنا واسوي اطباق ونزل تحت بس احنا نفطر بالشقه احس كذا اريح خصوصا اللي عندها اطفال بس المشكله اذا قررو الكل انهم يفطرو مع بعض بيكون صعب نفطر لحالنا فمو عارفه اشلون بتصرف لاني احس اريح نفطر بالشقه وانزل الهم من الاطباق اللي مسويتها وبعد الفطور البس واتعدل واحط مكياج خفيف وانزل واجلس معهم شوي وبعدها اروح عند اهلي ان شالله يتممها على خير

 

[SWiiiRZ]

انا اقول خلج على طبيعتج


تبين دراعه لبسي تبين بجامه لبسي تبين تريننق لبسي لبسي اللي يريحج

وانا عن نفسي انزل واساعد خالتي او اكون فوق و اسويلي جم شغله للفطور تحت

 

[Om zayd]

شوفي حبيبتي اهم شي مت تكونين انانيه يعني لازم تساعدين وتطبخين معاهم لو طبقين انتي معدوده عليهم فرد بالاسره
وعشان لا ينقدون عليج بنفس الوقت هالشغله تفرح زوجج حييل انا صارلي 3سنين معاهم نظامنا الكل يدخل ويسوي اللي يبي ونتعاون
وحزت الفطور كلنا بالمطبخ كل وحده تزين وتنجب طبقها عقب الفطور نرتاح ونصلي عالساعه 8 نسوي القهوه والجاي والحلا والكبب والسمبوسه ونلبس دراريع الاستقبال ونكشخ ونتمكيج ونقعد مع بعض لين السحور
وطبعا نتوقع ضيوف مفاجأين لان الكل يحب يتزاور بهالحزه اتمني اني فدتج ونصيحه خلج متعاونه يحبونج ويذكرونج بالخير حتي يوم زوارتج لاهلج يفقدونج باالمطبخ

 

[بنفسجيه_Q8]

حبيبتي انا انزل قبل الفطور بدقايق معاي اطباقي واقعد لحد صلاة العشا واصعد شقتي وبعد صلاة التراويح وشوف وضعي انزل كاشخه ولا اروح لاهلي انا ماعندي حموان متزوجين يعني مرت الكبير وهالسنه راح انزل قبل الفطور ونجب وياي واساعدهم احس فشله رمضانين طافوا وانا احس مريحه

 

[Bnt-USA]

شوقتيني واااااي اشتقت للاجواء هذي ،،

يارب ارجع بصحة وسلامة و اعيش هالاجواء



شوفي انا عن نفسي البس دراعه عادية لمن انزل على الفطور
يعني ساعات تحصلين ملوت المعرض المصري في بعضهم حلويييين و ذربين للاكل

و عندج الفروانية امي تودي خامات وتخيطهم تحط تطريز ناااااااااااعم
تصلح حيل لرمضان للفطور



بس بعد الفطور ورا التراويح اكشخ واتبخر و اتصبغ واتمكيج والبس من دراريعي الكشخه
المغربيات و اللي فيهم حزم وحركات


الله يهنينا برمضان ويعيده علينا كل عام بالطاعه والرضى يارب

 

[حلاوتي حلوه]

بشقتج لازم يكون لج مطبخ خاص !! لانه برمضان مافي مجال تطبيخن المطبخ حوسه !!

ولازم لازم تطبخين لا تاكلين وانتي مو مسويه شيء ترا اهل الزوج ياخذون عنج فكره طبخي وشاركيهم لو بسلطات اسمج مسويه شيء !

أنا من عمر مع اهل زوجي اسوي فطوري بشقتي و قبل الفطور بنص ساعه انزل ارتب السفره ولبسي عادي مره دراعه مره بجيام اللي فيها جاكيت لاني متحجبه واخوان زوجي يعني مو شرط لبسج قبل الفطور محد يم احد !!!

وبعد الفطور نصلي و نتوضا لتراويح و نخلص لتراويح و البس حق الجاي والقهوه مع ام زوجي واهله ونحط الحلى ومكياج خفيف كونسيلر وبلشر وقلوس ومسكره و دراعات الكشخه أنا بطبعي احب اخيط لنفسي دراعات !!

وبس تالي حسب سحوركم متى في ناس تتسحر مبجر وفي ناس متأخر !! اغلب المرات احنا نكثر بالفطور عشان نخلي للسحور بس نزيد عليه سلطات او نسوي خفايف

وشاركي معاهم بكل شيء!!

 

[أجمل إنسـآنـه ~]

الله يعييييين اول سسنه بيت حمولتي

يبيلي تجدييد داريع .~| نظامهم دور ع حمواتي وحريم حمواني,~,>

بس تدرؤن شحاتي لمن يجي دوري مالي خلق انزل بمطبخهم واسسوي .~| ودي بمطبخي بس لأ صغير ومابي اخليه حوسه هههههه مالي خلق انضف تحت عندهم خدم,>

 

[البرنسيسة غلا]

_




شوفي نظآم حمولتج شنو وآمشي عليه

أنآ رمضآن آللي فآت كآن أول رمضآن لي معآهم
من بعد آلعصر أسوي لي طبق أو طبقين آللي أقدر عليه و أنزل قبل آلفطور بـ شوي
نرتب آلسفره لـ عمي و زوجي و أخوآنه
و نرتب سفرتنآ مع خآلتي وبنآتهآ
بعد آلفطور آلكل يتفرق ويسوي آشغآله
أنآ آصعد شقتي وأصلي آلترآويح وبعدهآ آكشخ و أنزل مره ثآنيه

وعلى هآلروتين طـــــول رمضـــــآن

أمآ رمضآن آلسنه هذي آلله يقدرني وأصومه كله
بكون دآشه شهري فمآلي خلق شي من آلتعب
آلله يعين




_​

 

[راحيل العبدلي]

انزل عً العصر اساعد حالتي بالمطبخ و بدراعه عااااااديه بارده بععد ههههه
تالي عقب الفطور اصعد سيده لشقتي ارتاح لي ياذن العشا و وبعد التراويح
اكشخ بدراعه رمضانيه وميك ااب ناعم
.


و بس ..

اي وحبيت انبه خواتي الي ساكنه ببيت حموله عفيا لا تخلين خالتج تطبخ
الفطور و انتي قاعده بشقتج ما تشوفج الا حزه الفطور
حدددده مو شي
منها اجر ومنها مره كبيره يالله تشيل عمرها و هم تطبخ لي

!!!

 

[بحور العنا]

السلااام عليكم شلووونكم
يالله يارب كلكم بخير وصحه وعااقيه ومااييكم يوم ماتنامون في مرتاحين البال


وعليكم السلام
مشكوره على هالدعوه حبيبتي ولج بالمثل يارب

اول شي انا ساكنه في بيتي بروحي حبوبه

ثاني شي الجنه الجديده لازم تطلع مره سنعه من البدايه خليج معاهم حتى لو ماتعرفين تطبخين وقفي وياهم بالمطبخ

شوي شوي راح تتعودين على الوضع

الله يكتب لج اللي فيه الخير حبيبتي