تجمع مراجعات مستشفى رويال حياة

[tota77]

الله يهون عليكم ويسهل حملكم وتقر عيونكم بالذريه الصالحه يارب

انا ناويه اولد برويال حياة بس الدكتوره من برا ..

شنو الاجرءات الي اتبعها قبل موعد الولاده ؟ واسعارهم ؟


الي تعرف لا تبخل علينا :**

 

[Aloe Vera]

الله يهون عليكم ويسهل حملكم وتقر عيونكم بالذريه الصالحه يارب

انا ناويه اولد برويال حياة بس الدكتوره من برا ..

شنو الاجرءات الي اتبعها قبل موعد الولاده ؟ واسعارهم ؟


الي تعرف لا تبخل علينا :**

حبيبتي لازم لمن تدخلين التاسع دكتورتج تسويلج تقرير تودينه رويال يحطونه لج في ملفج
و السعر حسب دكتورتج
بالغالب و حسب تجربتي المستشفى يدفع حق الدكتورة و اهي طالعة من ولادتج فاتكون اهي ماخذة حسابها
و بعدين لمن تيين تدفعين فاتورة المستشفى يحاسبونج اهما على سعر الدكتورة نفسه
انا اول ولادة و ثاني ولادة كان النظام جذي

 

[Aloe Vera]

شلونكم بنات شخباركم انا دكتوري عمر عصام بغيت اسال اللي مجرب الولاده شلونها والكمام مالهم زين يغني عن ابره الظهر والستاف والسسترات شلونهمم عفيه بنات حدي خايفه

الممرضات و دكاترة الطوارئ وايد زينين انا مجربتهم في ولادتين
بس انا ماجربت لا كمام و لا برة الظهر فا ما اقدر اعطيج رايي

 

[noufb]

بنات سؤال انا مره قريت اعلان انه عندهم كلاسات حق الحوامل سواللف يوغا وجذي ماتدرون الحين عندهم ولا لا

 

[tota77]

حبيبتي لازم لمن تدخلين التاسع دكتورتج تسويلج تقرير تودينه رويال يحطونه لج في ملفج
و السعر حسب دكتورتج
بالغالب و حسب تجربتي المستشفى يدفع حق الدكتورة و اهي طالعة من ولادتج فاتكون اهي ماخذة حسابها
و بعدين لمن تيين تدفعين فاتورة المستشفى يحاسبونج اهما على سعر الدكتورة نفسه
انا اول ولادة و ثاني ولادة كان النظام جذي

ماقصرتي يالغاليه :eh_s(22)::eh_s(7):

عسى الله يسهل الامور

 

[يتيمة جابر العز]

نوف
موجود أكيد تبع المساج عندهم بالدور الأول دقي واستفسري

 

[Aloe Vera]

عندهم كلاسات عن الولادة تسويهم ممرضة اجنبية
غير جذي مادري
و اعرف مكان اسمه birth kuwait عندهم هالسوالف بعد

 

[ffanr]

الو فيرا
لاكمام ولا ابره عيل شلون. ولدتي ؟؟
اذا الدكتوره من برا شلون نظام انهم يتصلون مبجر ولا لأ

 

[Aloe Vera]

انا بالولادتين رحت المستشفى لمن ياني طلق طبيعي منتظم و هناك يفحصون و بالولادتين دقو على دكتورتي و يت علطول
بس اول مرة رحتلهم كنت ٥ سانتي يات دكتورتي ولدتني ثاني مرة رحت كنت ٨ سانتي فا ولدت قبل و دكتورتي يت عقب حق الخياط
عوار الولادة بالنسبة لي كان محتمل و بعدين كنت مع الطلق ادوخ و ماقدر اركز او اطلب ابرة او كمام و مادري احس الم الولادة صج يعور بس عوار حلو مادري شلون اشرح

 

[يتيمة جابر العز]

^^
سبحان الله صج الولاده سهالات

 

[سيكولوجية]

بنات اشلون غرفة الياسمين منو شايفتها؟

 

[ffanr]

بنات ابرة الظهر متى اطلبها ولازم اكون مفتوحه شكثر
وليمتى مفعولها

 

[Aloe Vera]

غرفة الياسمين وايد حلوة فيها مطبخ و حمام ضيوف
سعرها الفين حق الولادة الطبيعية
شكثر زرت حريم فيها بس عليها طلب وايد و ساعات ماكو ولا وحدة فاضية
انا بالولادتين اطلب ياسمين ما ا احصل

 

[Aloe Vera]

بنات ابرة الظهر متى اطلبها ولازم اكون مفتوحه شكثر
وليمتى مفعولها

ماعندي فكرة عنها

 

[besko0o0otah]

فنر .. انا اللي اعرفه ان دكتور التخدير يجي لك بالوقت المناسب للابره و يسالك تبين ابرة ظهر او لا و بعض الدكاتره ما يجي مره وحده لا يجي اول مره يسالك و اذا رفضتي يخليك شوي و يرجع مره ثانيه ..

بس الاكيد الاكيد ان ابره الظهر يعطونك اياها قبل ما توصلين 8 سم عشان تكونين ثابته ماتتحركين من الالم حق الطلق و الله يسهل

 

[درة التاج]

الياسمين حلللللللوة كبيرة وشرحة
بس مثل ماقالت Aloe Vera
ما تحصلينها لان عليها ضغط دائماً
ممكن تحصلينها لوتس نفس الحجم بس الأثاث أفخم وسعرها 3 آلاف ولادة طبيعية
الله يسهل علا الجميع

 

[ffanr]

لازم يوم الولاده اقولهم عن الغرفه. ولا قبلها يفتره

 

[يتيمة جابر العز]

بنات أنا أنصحكم بغرفة باليلي سعره اقل غرف ولاده ب ٧٠٠ تقعدين فيها يومين واليوم الثالث سوي استقبالج
بقاعه الجوري ب٦٠٠
وزيدي ١٠٠ حساب التحاليل أو شي بيطلع التوتل ١٤٠٠ بس

افضل من اسعار الياسمين واللوتس الي ولاده طبيعيه فوق ٢٠٠٠ شدعووووه !!

 

[Aloe Vera]

اللوتس وايد اكبر من الياسمين و فيها غرفة طعام و غرفة نوم اضافية

انا ماتريحني فكرة اني اخذ ليلي و اسوي استقبال بقاعة كلش كلش و كلمن و راحته

الياسمين ٢٠٠٠ بدون خصم الوزارات او التامين

الوحدة اول ما تدش ولادة تحاول تحجز الغرفة و اذا قيصرية قبلها

انا بالولادتين اضطر اطلب الغرفة بعد الولادة لان اكون ياية طلق طبيعي و لوية ما افكر احجز الغرفة


معني اكون حاطة الغرفة بالملف و حتى رقم الغرفة و دافعه السعر مقدم بس سبحان الله ما احصل اللي ابيه

 

[CANDLES]

بنات بغغيت اسالكم عن احسن دكتوره
انا بجريه ووايد احاتي ابي دكتوره بالها طويل ونفسيتها حلوه وايدها خفيفه بليز
سواء الدكتوره من رويال او برا عادي