بنااااات دبروني شوروا علي. قلبي بيوقف من القهر

[نـعـومـه]

تصرفج كله حلو بس اشوفج ماعاقبتيه ؟؟!!!

يوم واحد عند اهلج بس !! هذا جزا واحد زاني يخربط !!!

لو قاعده بيت اهلج اكثر عالاقل تعيشينه بخوف وعلى اعصابه عشان يتأدب

واستغرب من البنات يقولون عادي وطوفي وبيتج اهم؟ الحين لو اهيه قايلخ ترا خنت زوجي نمت مع واحد زوحي طاح علي بيقولون قلعتج ويسبون ؟؟!!! بس لانه الريال غلط عادي حلال غلطه الريال

وسالفه الانفصال مابي اشيشج بس يعتمد على شعورج ورغبتج

واهم شي تستخيرين

والله يعينج

 

[أم دوينة]

تصرفج كله حلو بس اشوفج ماعاقبتيه ؟؟!!!

يوم واحد عند اهلج بس !! هذا جزا واحد زاني يخربط !!!

لو قاعده بيت اهلج اكثر عالاقل تعيشينه بخوف وعلى اعصابه عشان يتأدب

واستغرب من البنات يقولون عادي وطوفي وبيتج اهم؟ الحين لو اهيه قايلخ ترا خنت زوجي نمت مع واحد زوحي طاح علي بيقولون قلعتج ويسبون ؟؟!!! بس لانه الريال غلط عادي حلال غلطه الريال

وسالفه الانفصال مابي اشيشج بس يعتمد على شعورج ورغبتج

واهم شي تستخيرين

والله يعينج

لآآآآآآآآآآآآآآآ حبيبتي انا للحين ما حاسبته ولا عاقبته
انا قلت له بروح بيتنا يومين اريح وافكر وبعدين نتفاهم .

انا بس خذت بريك منه عشان استجمع قوتي واحاول اضبط نفسي واستوعب الي انا فيه

عشان جذي قاعده اخذ رايكم حتى في نوع العقاب والتصرف الي لازم اتصرفه معاه

والله يعيني على الياي :eh_s(2):

مشكورة فديتج على تفاعلج معاي

،،،،،،،،،،،،،،،،،،،،،،،،،


بنات رادة لكم ان شاءالله وسامحوني على التأخير

 

[عزيز قلبي]

حبيبه قلبي الله يكون بعونج اللي سوتيه عجبني لكن برايي اللف والدوران مامنه فايده الحين اهو اكيد
مسح الدليل اللي ضده ليش عطتيه فرصه انه ينكر ويقول كلام الناس جذب
ثانيا خطوتج حلوه انج رحتي لبيت اهلج لكن ليش خربتي علي نفسج ورديتي انتي غلطانه
حتي لو امج تعبانه الله يشافيها تحملي لان مصيبتج يبيلها موقف حازم تدرين الحين اهو ارتاح
رديتي له بدون اي تعب ولا جهد منه غلطانه غلطانه بعد شوي بتلقين السالفه بردت واهو ولا علي باله
وانتي اللي بتعيشين بقهر وتندمين علي رجعتج كان المفروض تجمعين اغراضج وتنطرينه يدش البيت
وتطلبين منه الاي باد وتفتحين البلاوي جدام عينه بولا كلمه تسكتين بس تخلينه يشوف اللي شفتيه وتاخذين اغراضج وتروحين
عموما الحين والله مادري احس انج بردتش خربتي كل شي وطبعا الحين بيقول حق نفسه كاهي درت عني وردت
لي رجعه بس خليني امخ مخ لج

 

[عاشقة الككاو]

سالفتج تعور القلب والله
بس ممتاز انج عيشتية بغموض وخوف من المجهول


لا تعطينه الثقة والامان لين ما تتاكدين وتسوين له اختبار وتراقبينه عدل
بس حسافة لو مصورة الادله وحافظتها عندج
بس عموما القصص والروايات الي موجودة بالايميل كافي واكبر دليل ع خيانته وخرابيطة ..


ربي يقومج بسلامة
وعليج بالدعااااااااااااااااااااء

واوصيج بالصدقة

سبحانه ربي ما يعجزة شي

ماتدرين يمكن ربي يهدية ويصلحه ويترك هالسوالف نهائيا خاصة انه جاية له بنوته واكيد بيلها فيها وبجوكم الاسري !


ربي يقويج ويعطيج الحكمة ف التصرف ويهدي سركم ويسخرة لج ويهدية ويتوب توبة نصوحة يارب يا كريم

 

[أم دوينة]

اختي الله يكون في عونج والله هالرياييل مامنهم امان وتوقعي منهم اي شي لاتعطين احد ثقه عمياء علشان ماتنصدمين وتنهارين ولاتعطين احد اكبر من حجمه لأنه راح يكبر راسه الظاهر شي والباطن شي ثاني مو كل مصلي ومسمي ملاك مثل مايقولون ياما تحت السواهي دواهي شلون تثقين في واحد حلف بربه كذب ونكر انه ماسوا شي
اذا تبين تواجهينه اهم شي تكونين قويه لاتنزل دمعه من عينج علشان تعرفين تواجهينه وهدي اعصابج وتدربي جدام المرايه على الكلام اللي بتقولينه حاولي تسيطرين على نفسج ولاياخذج بالتمثيل والبجي
الخطوه اليايه اول شي صوري محادثاته كلها ولما يكون جالس وياج وريها اياه قوليله شرايك وشوفي ردة فعله شنو بيقول وشنو بيسوي وقوليله انا مستحيل اعيش مع واحد بالمستوى الاخلاقي هذا واتخذي موقف حازم لاياخذج بالبجي والتمثيل ياانتي وبنتج يالطريج الوسخ اللي ماشي فيه
والله يهديه ويسخره لج

صدقتي والله انهم مامنهم امان حسبنا الله ونعم الوكيل مهما الواحد بين انه ذهبة وطينة جنة الا ان الوحدة لازم تتوقع بأي لحظة انها بتنصدم بواقع مر . السالفة مو اني عطيته اكبر من حجمه بس انا دايما كنت امدحه بقصد انه يحط في باله انه مثالي في نظري وما يسوي شي ممكن انه يخرب هالصورة بس هو خانه حظه وكشفته . وعلى ما قلتي ردة فعله ما تأثر فيني عاد صرخ بجى انتحر ما يهمني الحين ابي ابرد حرتي فيه واعطيه درس ماينساه .
وقلت له اول امس يا انا وبنتك يا خرابيطك وانت تتحمل نتايج اغلاطك لاني ما بسامحك فيها انا صنتك وحفظتك بس انت الظاهر مو كفو . انا لحد الان بس قلت له كلام في الوتس اب للحين ما واجهته ولا عاقبته .. وهو خايف مب عارف شناطره ومسويني يادهينة لاتنكتين لدرجة اني على المعاملة الزفت الي اعامله اياها ما يعاتبني ولا كأني قاعدة اعامله بطريقة مو زينة وهذا بعد دليل انه غلطان وخايف ومايدري شنو الي بيصير ومايبي يكون بأي موقف ممكن اني افقد اعصابي فيه . الله يسامحه ويهديه بس
مشكورة حبيبتي يزاج الله خير

المشكلة أن معظم الرجاجيل ما يتوبون لأن البنات نفسهم ما يبون يهدون الزوج
صراحة أنا أشوف الأفضل هو الطلاق لأنه الرجال ما تمادوا إلا لأنهم عارفين حريمهم متعلقين فيهم
و عاد الي يسويه ريلج مو هين
و سووي فحوصات طبية لنفسج ما تدرين إذا انتقل لج مرض
____
عموما ، الهدف من الزواج السكينة و الاستقرار للزوجين
اسألي نفسج ، بقائج في هالزواج راح يوفر لج الاستقرار و الراحة النفسية ؟
هل أنتي ضامنة أنه ما راح يزني أو يلوط ؟
السالفة فيها أمراض و عرض

معاج حق اغلب الرياييل ما يتوبون لان الحريم يسمحون لهم انهم يتمادون .. بس بعد الواحد ما يتصرف بتهور لازم الوحدة تكون حكيمة وماتكون انانية في حالة انها ام ترى الي مب بهالوضع ما بيحس ولا بيقدر شعور الوحدة الي تكون بهالاوضاع. انا عن نفسي مو خايفه من الطلاق بس احاول اكون عقلانية خاصه اني ما شفت منه الا كل خير ومريحني ويحترمني ويعاملني احسن معاملة وعايشين بإستقرار والكل حاط عينه علينا لكن الي اكتشفته قبل جم يوم هو الي هد علي الراحة الي كنت فيها . الحين ابي اتصرف تصرف ما اندم عليه عشان جذي قاعده اشاوركم مابي اعصابي هي الي تجرفني لاني متأكدة بعدين اني بندم لازم الواحد في هالمواقف يتصرف بعقل .
ادعوا لي اطلع من هالمصيبة بإلي يرضيني ..
مشكورة حبيبتي على تفاعلج ما قصرتي

 

[أم دوينة]

^
مثل ما قالت الاخت اللي فوق
السالفه فيها اولا امراض
ثانيا عرررض لا تنسين هالشي نهائي وحطيه في بالج
والدنيا والله تدور ولا تعرفين منو رح يتحمل هالذنب انتي او بنتج او اخته او منو الله اعلم
لكن تـأكدي الله يمهل ولا يهمل
وطالما انج صارحتيه ونكر وما اعترف معناته مو تايب عن حركاته
عن واااقع تجربه اللي يخوون واذا صدتيه يقول ايه خنت لكن نزوه وتكفين سامحيني وكل انسان يغلط والله يغفر وانتي ماتغفرين هذا شاري مو بايع وصريح وضميره حي وفعلا تكون السالفه نزوه
اما ..
اللي ينكر ويتصدد ويلف ويدور هذا ضميره ميت ولي الحين مابطل من الاعبيه
انا ما اقولج اطلبي الطلاق الا في حاله وحده اذا حللتو انتو الاثنين وطلع فعلا فيه شي في هالحاله الطلاق ضروووري حتى لو نوى يتوب ويتعالج كيفه شي راجع له بس انتي ما تأمنين نفسج مع واحد يحمل امراض
والله يستر لايكون ناقلها لج بعد
وولا اقولج ابقي ساكته هذا اكبر غلط
طالما كلمتيه ونكر فرصتج الحين تقطينها في وجهه اذا دق قولي له ابي اريح قلبي من الظنون واسد حلوق اللي تكلمو عنك تعال نروح نحلل انا معاك ابي اتطمن على نفسي وعلى بنتي
وفرصتج وضروووري الحين تصورين كل شي شفتيه وتحتفظين فيه
تدرين ليش عشان اذا حلل وسواء طلع فيه شي او ما طلع تطلعين وجهج الثاني وتقطين نسخه من اللي صورتيه بوجهه وتقولين له انا ما أأمن على نفسي وعلى بنتي مع واحد زاني ولوطي يا انا يا خرابيطك وتطق على القران اذا اخترتني تتوب عن خرابيطك ولا مرح ارجع لك واذا باعج عشان خرابيطه صدقيني انتي الكسبااانه لانج كسبتي رضى ربج ونفسج وصحتج وبنتج تربينها احلى واحسن تربيه بدون ماتعيش بهالجو القذر
اما اذا اختارج فيطق على القران وتقولين له ماني محللتك ليوم الدين والله لايسامحك لو رديت لخرابيطك ولو بس سمعت او اكتشفت مالي قعده معاك لحظه وحده لو تمووت
حبيبتي غير هالحل مافي
ومو طيب غصب عنه يحلل واذا مارضى ماكو الا انج تقطين المحادثات المصوره بوجهه وتواجهينه
بهالحاله مرح يقدر ينكر وغصب رح يحلل واذا مارضى بالطيب دخلي اهلج بالموضوع هالموضوع مافيه غشمره عشان تسكتين وتخافين ينصدمون فيه بالعكس رح يوقفون وقفه قوويه معاج ورح يهااابج ويخاااف
وارد واقول ياجعل ربي يفرج عنج همج حبيبتي ويوقف معاج ويساندج لا تنسين استغفري ورددي اللي قلت لج عنه كل يوم وبكل لحظه قولي ربي اني مسني الضر وانت ارحم الراحمين
سبحانك اني كنت من الظالمين
لاحول ولا قوة الا بالله انا لله وانا اليه راجعون
وقومي كل يوم بالثلث الاخير طلعي كل اللي بقلبج حق ربج وكوني قوووويه لا توهمين نفسج بالضعف وقلة الحيله
لا انتي قويه ورح تاخذين حقج ومرح تسمحين له يظلمج والله رح ينصرج تأكدي من هالشي بس لا تستسلمين

وامانه بشرينا عنج وقولي لنا شنو يصير معاج قلبي معاج والله
ويجعل ربي يعينج ويساعدج يويوفقج فيه وبلياه
وصدقييني اذا خسرتيه والله ماعليه حسووفه
انتي طيبه والله يحبج واكبر دليل انه كشفه عندج سبحان الله هو فضح نفسه بنفسه من غير مايحس
هذا تنبيه من ربي لج لانه يحبج ويبي ينجيج من الدمار والضياع
ولا تزعلين بالعكس افرحي انج اكتشفتي هالشي الحين عشان تحطين حد و تحافظين على نفسج من البلاوي والامراض ولا الرجال بحريقه بالطقاق يطقه هو راح يجي اللي احسن منه لكن صحتج ان راحت والله بكنووز الدنيا ما تردينها

حبيبة قلبي اللهم آمين الله يسمع منا ومنج يارب وعسى الله يرزقج من حيث لاتحتسبين ويسعدج ويجعل ايامج كله راحة بال وسعادة يارب ويرزقج جنات الفردوس انتي وغاليج اللهم آآآمين .

هذا الي دايما في بالي اني اسويه نفس ما قلتي غصبا عليه يروح معاي ونسوي تحليل واذا لاسمح الله طلع فيه شي خلاص هو الي حكم على نفسه ويارب يكون مافيه شي مو عشانه الا عشاني انا وبنتي .. ولو مافيه شي راح احلفه عالقرآن وراح ادعي عليه جدامه ومابخلي شي مابقوله وباخذ ارقامه السرية كلها وافهمه إني بأي وقت بدش وبقرا الي ابيه وبكيفي .
وصدقتي والله مافي ريال يسوى انا لهاللحظة يصيدني شعور احس ان الي انا فيه مو صج :eh_s(2): خاصه لما اتذكر التفاصيل الي بينا وطريقة معاملته لي وشلون مايرضى علي وشكثر هو حنون وطيب معاي ويحترمني .. كل هذا طلع مو صج و وهم !! حسبنا الله ونعم الوكيل . الله يسوي الي فيه الخير والصلاح يارب .. حبيبتي مشكوره مشكورة مشكورة وااايد على ردج واهتمامج عسى الله يحرم هالايدين عن النار يارب .

زين حبيبتي اللي سويتيه
انج سألتي شيخ دين
بس انا اللي مستغربه منه
انه شلون يعطيج الايباد و اهو عارف شنو فيه؟؟؟؟؟
بس مادري ليش انا بالنسبه لي انج لو قايلة له انج انتي شفتي الايميلات و المسجات

على شان لا يقول الناس تجذب عليج
و طمنينا عليج

حبيبتي هو ما كان منتبه كللللش لانه كان فاتح كذا رابط وفاتح ايميل معين مو منتبه انه في ايميلات تفضحه وكان بنفس الوقت ميود الايفون وعطاني الايباد لانه اغلب الاوقات عندي هو مايستخدمه اصلا من زمان .
هو قال الناس تجذب بس انا صدمته بأشيا ثانية الي صار ساكت وعقبها قام يقول ان شاء الله ما بغلط ان شاءالله ما افقدج ومن هالكلام يعني وصل لمرحلة الي موقادر ينكر 100% ولا قادر يعترف بالصج .
ادعوا لي بنات محتاجة دعواتكم وايد .
ومشكورة فديتج ماقصرتي

 

[أم دوينة]

اللي يحب يصون مايخوون

الله يعينك ويفرج همك ويقويك وينصرك ياارب ..

اللهم آآآمييييييييييييييين يارب العالمين جزاج الله كل الخير اختي

انتي اللي سويتيه زين العقل لكن قولي له وصلني كذا وكذا وكذا عنك
انا سترك وغطاك وصدقني لو انت تبت او تبي تتوب انا بكون لك عون ومابتخلى عنك وبساعدك
شرط نسوي فحص ونطمن
الصور خلي لهم كذا نسخه بفلاش بره او جهاز مايعرفه
اذا انكر ومصر انه كله غلط بغلط قولي على عيني وعلى راسي
لكن هالصور هذي وش افسرها! ؟
خلك قويه لاتنهارين وتبكين وخلي صوتك هادي وبين كل جمله خوذي نفس عشان مايطلع كلام من غير تفكير
حسسيه بالامان وانك بتسترين عليه لان سمعتكم وحده وكلها تاثر بسمعة البيبي وانك بتكونين له عون
وبتساعدينه وقولي له خوذ وقت وفكر بكلامي وانا بروح بيت اهلي بحجة تعب الشهر الاخير
ومانبي نحسس احد بشي تزورني ونحترم بعض لين ما انت تقرر يانكمل ياننفصل

هو نكر لما كلمته اول مرة ولما قلت له في الوتس اب بعد لكنه ما كان مصر عالانكار كان يقول لي ان شاء الله مافي شي بيفرق بينا وان شاء الله مابغلط ومن هالكلام .. عارفة شلون؟ هو كأنه بين نارين مو قادر يعترف ولا قادر ينكر 100% هو حتى ما عصب بس كان منصدم .. ولو فكر يسوي لي افلام الرياييل المعتادة انه معصب لما اواجهه راح اطلع له الاكو والماكو وبشوف شلون بينكر بس ان شاء الله ما يسوي جذي لان بعدين خلاص بتكون الاوراق كلها تكشفت والعقاب ما بيصير الا بطلعتي من عنده وانفصالي عنه .
لازم بنسوي فحص وما بخليه ولا بسمح له انه يماطل وفي حالة طلع سليم ان شاء الله راح اقول له هالكلام الي قلتيه لي وبحط شروطي ويارب يارب يكون الي بسويه صح وينفع معاه ويفيد . ريلي الي فيه ترى مو واسع حيلة ولا ذكي لدرجة انه ما قدر يمثل والصدمة كانت باينة مو طبيعية عليه .. ان شاء الله منه رجا الله يهديه بس .
يزاج الله خير حبيبتي ما قصرتي وايد فادني ردج

الله يكون بعونج حبيبتي بس لازم تتكلمين وتواجهينه وتبينين له انج مو فضولية بس الله كاتب انج تكشفينه

لاحول الله ولا قوه الا باالله

من انزلت هالاكترونيات والناس مو عدلة

صدقتي والله كل ما افكر بهالتكنولوجيا اتحسب واتحسب شهالانحطاط الي وصلو له بعض من الناس خلاص مافي خوف من الله الحمدلله والشكر مايشوفون شلون موت الفجأة منتشر وغيره وغيره . الله يهديهم .
الله يعين ان شاء الله .. مشكورة يالغالية ما قصرتي

حبيبتي قلبي معك
انا اقوول خليه يشووف الصور اللي صورتيها
قولي فسرلي هالمحادثات والايميلات ؟؟
بس اهم شي لاتصيحين وخليك قويييييييييييه
وبصرااحه ماادري ليش اول مره احس بهالاحساااااس مع اني مااعرفك
بس احس زوجك بس حب يكتشف هالعالم ويلعب من بعيد لبعيد
الا اذا شفتي ايميلات توووضح شي انه عاش التجربه واستمتع فيها من كلام او صور
ومتاكده مليووون ب% هنا اقولك ماله داعي تضيعين وقتك تطلللللللقي لان اللي يمارس هالاشياء مستحيل يتخلى عنها

انا قريت ردج كذا مرة وفكرت فيه .. للأمانة هو مو كاتب شي يدل انه عاش تجربة واستمتع فيها بس بعد في كلام يدل على اشيا ثانية .. مثلا كان يكتب على اساس انه متعود على هالشي وخاصه لما يتكلم مع الشواذ كان يوصف لهم نوعه شنو على طول ما يطول كلام وعلى طول يرقم ويحاولون يتفقون على مكان وكان يقول انه بيأجر شقة .. وبعدين المحادثة تخلص لانهم تبادلو الارقام ويواصلون في الوتس اب او يصير اتصال بينهم. شي ثاني كان كاتب حق وحدة وينج حبي من زمان ما سمعت صوتج. شنو معناته؟ معناته انه بينه وبينها اتصالات .
حتى الشيخ سألني نفس السؤال وقال لي يمكن هذا فضول فيه وبس كلام مو فعل اذا ما شفتي شي يدل انه فعلا سوى هالشي وتكلم عنه .. بس الي قريته كانت له معاني انه واصل معاهم وممكن يكون غلط لان المحادثات مو 2 ولا حتى 10 يمكن فوق ال100 محادثة كلها ترقيم وقذارة . وعلى فكرة يقول لهم اسمه الصجي ومنطقة سكنه الصجي واغلبهم يقول لهم انه متزوج. لاعت جبدي منه . ساعات اقول صج ممكن انه كلام وصاخة ومو فعل بس عقب اتذكر كل الكلام واقول لا مستحيل يكون مجرد كلام . مخي مشتت بس انا بتصرف معاه على اساس انه غلط ..
مشكورة حبيبتي يزاج الله خير ما قصرتي

 

[Mjnont '3lay]

رااااجعة لج بس افضى ان شاءالله

 

[أم دوينة]

لاحول ولا قوة الا بالله
والله مو عارفه شقولك .. احس اني تضايقت
الحين سالين عنه ولمده شهر وهذا الي طلع منه بالنهااااايه ..
حاولي تشوفين ردود البنات ماقصرو واخذي منهم الي تحسين انه مناسب لك
الله يعينك ويهدي سركم ويصلح اموركم

سألنا عنه شهر ويمكن اكثر وهذا لانه على اساس انه مو غريب هو يصير حق صديقة امي عشره معاها 30 سنة ونعرفها عدل وغير انه صديق صديق اخوي و وايد في خيوط ترابط خلتنا نتطمن وانا كنت متطمنة له لما تقدم لي .
وفعلا كلكم ما قصرتوا عسى الله يسعدكم ويرزقكم من حيث لاتحتسبون السعادة وراحة البال يارب .
اللهم آآمين حبيبتي بارك الله فيج ماقصرتي

الله يبرد على قلبج ويهدي زوجج ويسخره لج
نصيحه كلميه وواجهيه وخليييج جديه حييل لاتتساهلين اذا برر لج او حاول يراضيج ولازم قبل تواجهينه يكون عندج الدليل على الشي الي شفتيه يعني ياتصورين شاشة الايباد بتلفونج او تجيبين الايباد وتورينه اذا ما مسحتيهم
ولاتوصلين الشي لبيت اهلج لانه مهمن يكووون اهلج قلبهم عليج وراح تاخذهم المشاعر ويمكن يضرونج برايهم
حاولي قد ماتقدرين تحلينها بينج وبينها وقوليله ماتلمسني لين تسوي فحص انا بنت ناس واخاف الله ومارضى اعيش مع واحد مو نظيف
نقدييه على نفسه خليه ياخذ درس

اللهم آآآآآآآآآآآمين جزاج الله خير حبيبتي مشكورة
هذا الي بسويه بواجهه بس ما براويه الدليل الحين اول شي بشوف لوين بوصل معاه ولو حاول يسوي لي حركات الرياييل المعتادة يزعم بيعصب وبيصرخ مع اني ما اعتقد انه يسوي جذي . هني راح اطلع له الصور وحزتها خلاص مافي مجال للتفاهم بشيل اغراضي وبمشي عنه.
مو قادرة اقول لأهلي كلش مستحيل اول شي خايفة على امي صحتها ما تساعدها وهي من النوع الي كله تشيل بقلبها وتحاتي ونفسيتها تأثر على صحتها ف انا احاول اني كلش ما ابين لها شي خاصه انها اصلا بدون شي متضايقة علي لان اهل زوجي شريين وضروني وايد بأول زواجنا لدرجة اني 3 اسابيع ما قعدت عنده ورجعت بيتنا وما رضيت ارد له الا بعد شهرين بعد ماعطاني ضمانات انه ما بيسمح لأحد انه يخرب حياتنا . وفعلا من وقتها واحنا حياتنا سمن على عسل لحد ما اكتشفت الي اكتشفته. ف امي اصلا بدون شي قلبها معورها علي .
ان شاء الله الله يعيني ويقدرني وينصرني ويهديه لي ان كان فيه خير لي ولبنته يارب.
مشكورة فديتج ما قصرتي

انا اتوقع دام انه بجى يعني جذاب لان وحده من رفيجاتي نفس الشي جكت ريلها يخون ورته التلفون ماله قام يبجي يقول مو انا هذا رفيجي اخذ تلفوني ودز حق رفيجاته ,, عيل شحقه تبجي دام مو انته ؟؟؟ وين الرجولة ؟؟!!!
بس خليج قوية وديري بالج لا يقلب الموضوع ضدج ينام برا جنه انتي الي غلطانه مو اهوا ,, وخليه يسوي الفحص اذا رفض يعني اهوا خايف . اذا صج مو مسوي شي ماراح يخاف ويقولج يلا نسوي الفحص وقوليله ترى كل شي سري بس بيني وبينك

حبيبتي هو ما بجى هو مثل البجي لثواني بس وشافني ما عطيته ويه ولا حتى حطيت عيني بعينه قام يتكلم عادي اصلا هو من الصدمة مو عارف شلون يتصرف. هو حاول ينكر بس نكرانه ما كان قوي . انا قلت له عن الفحص وما رفض . بس هالجم يوم بقول له يلة بنروح نفحص وبنشوف اخرتها معاه .
دعواتكم لي بنات .
مشكورة فديتج ما قصرتي

لا حول ولا قوة الا بالله مصيبه الله يكون بعونج

الله يهديه لج ويتوب ويسخره لج ادعي بجوف الله الله يهديه

ماعندي حل اقولها لج لاني انا لو مكانج ماادري شبسوي

الله يفرج همج ويهدي زوجج

اللهم آمين
اللهم آمين
اللهم آمين
جزاج الله كل الخير حبيبتي ماقصرتي الله العالم شكثر محتاجة دعواتكم

حبيبتي اذا قبل العرس انسييييي الموضوع
كللللهم بشر ولهم سوابق
انا اخوي متملك وعنده خرااااااابيط من تزوج ماشاء الله تبارك الله يخاف الله فيها
ماعليج الا من بعد الزواج اللي فبل الزواج انسي ولاتخربين بيتج وحياتج
والافضل ان زوجج يضل حاط في باله انه بعيونج نظيف عشان يحافظ على هالنظافه
بس دايماً قوليله انا احمدالله اني اول انثى بحياتك ومن هلكلام عشان يحس بتأنيب الضمير

لا حبيبتي هذا قبل وعقب الزواج .. اخر مرة مخربط بالكلام توه قبل اسبوعين .. انا دايما كنت احسسه انه نظيف بعيوني عشان يحافظ على هالمكانة عندي بس مافي فايدة . كاني كشفته. الله يهديه بس ويغفر له
مشكورة فديتج

اذا انتي متأكده ان التواريخ كانت قبل العرس والمحادثات قديمه لا تفتحين الموضوع لانه ماضي وانتي ماتحاسبينه علي ماضيه
لكن..اذا للحين مستمر بالطريق هذا ومواعد مع بنات وشواذ لااا هني صارحيه واستجمعي قوتج وقوليله
جم كلمه تهزه ولاتبجين لاتضعفين جدامه خليه ينقد علي نفسه ويحس بالطريق الوصخ إلي ماشي فيه
قاعد يعاشر بالحرام حريم ورياجيل ويعاشرج اعوذ بالله باجر ينقلج مرض لا سمح الله قوليله ليش تزوجت دامك تحب هالطريق
جان كملت فيه للنهايه وعلميه ان الله يراقبه وان بأي لحظه يموت واشلون بيقابل ربه

صدقتي والله مادري شلون مافي خوف من الله ياليت ذنوب عادية هذي كبائر مصاااااااااااايب
التواريخ اغلبها عقب العرس . وصدقتي الله العالم الحين انا شفيني انا بالطقاق والله ما همني حالي بس خوفي على بنتي ..
يارب يارب يارب
مشكورة حبيبتي ما قصرتي

شوفي انا لوكنت مكانج لاسمح الله بهدالدنيا ع راسه اقسم بالله حتي الطق اطقه مادخل احد بس انا ابرد حرتي والعن خيرخيره لي متي سكتي وسكتي وباچر لاسمح الله ايدز وله هربس وقتها شنو بتسوي انا احب المواجهه اقلب الدنيا ع راسه وبعدها اما يتوب ويمشي سيده وله يطلق اما اصبر ع خاين وتوصل للفراش لأ انا وحده ابداااااا ماتحمل

انزين وبعد المواجهة ؟ انا بسوي جذي بواجهه بس بعد المواجهة شنو ؟ هذا المهم . يا اني اواصل معاه او اتركه . الموضوع مو سهل وحتى لما يقول لي انه بيتوب المصيبة ان الثقة راحت بس لو قررت اني اصدقه انه تاب ومابيغلط بيكون الثمن اتحمل الشك . الله يهديه بس ويسوي مافيه خير وصلاح لي ولبنتي . الله يهديه

 

[أم دوينة]

حبيبتي ام دوينه انتي الحين عطيتيه نفس الطراق على ويها وخلاه يحس ان ممكن يخسرج اذا استمر بخرابيطه
وكلام الشيخ صح انتي الحين جربتي اول حل ومانفع او بالاحرى مااستفدتي شي طبعا راح ينكر زوجج ان في ناس تتكلم عليه
بس لو وريتيه الدليل بعيونه هني ماراح يقدر يتكلم لان انفضح فعلا
وانتي ليش تحاتين رده فعله وتخافين تتطلقين انتي ياعمري بنتج ماراح تضيع ولا تتشتت من الطلاق لان عندها ام سنعه ومحترمه وطاهره تربيها
بالعكس راح تضيع ان تربت مع ابو هذي اخلاقه وهذي سوالفه
انا اقول خليج هناك ببيت اهلج ودزيله صور من كل الادله اللي عندج وخليه يعرف انج عرفتي وان طاح من عينج وان مافي مجال للصلح
في حال ان شاريج بيحاول ان يستردج باي طريقه ولو اهو بايعج منتي خسرانه
بالعكس لو طوفتيله الحين بيقول اي هذي عادي عندها او انتي بتمين بصراع نفسي وخوف وبتعيشين مع انسان طايح من عينج
قعدي عند اهلج شهر شهرين ثلاث ان شاء الله سنه بس تطلعين كسبانه بالنهايه
ترديله بشروط
ادري صعب وصعب وايد بس لازم تتحملين وتكافحين عشان تعيشين باجي عمرج مرتاحه

صدقتي والله انا عطيته طراق قوي خلاه منصدم مو عارف شيقول وشيسوي.. انا لما عرفت كان هذا الحل الي بسويه انه ما بطول الموضوع وعلى طول بتركه بس فكرت بأشيا ثانية وقلت اشاوركم واشوف رايكم وافكر عدل ..
انا في الحالتين وراي نفاس بيت اهلي يعني ببتعد عنه وهو يقول لي انه بينام عندي في النفاس وبياخذ اجازة عشان يجابلني .
الله كريم ويسوي الي فيه الخير يارب .
مشكورة حبيبتي يزاج الله خير ما قصرتي

استغفر اللله يرربي ككل م نخلص من برنامج يططلع لنا
ثاني اقوووووووووووول افصلي عليه واخذي موقف دامه صمممل 9 شهووور مو همه البرناج داخل لقاافه
بس اخذي موقف قولي انا مااضيكككك ما احاسبك عليه بس اخر رساله وصلت قبل سبوعين
شوووفي هالبرنامج المعفن نازل ب فونه ولا
الله يهديه لج ويصلح باله

قلت له انا عارفه ان مافي ريال ما كانت عنده خرابيط ومايخصني بخرابيطك قبل الزواج لكن من ييت عندك تخربط لا والله ما اسامحك ولا احللك . وهو ماغير منصدم .. اااااااااااي البرنامج عنده بالايفون والمحادثات تتسيف على الايميل
امين يارب مشكورة فديتج ماقصرتي

توني اشوف كلامج

يعني يخربط انتي زوجته

لااااوالله لاتسكتين

دخلي ابوج بسالفه وفكري اذا تقدرين تستمرين معاه ولا لا لانه موشويه زااااني مو شي ينسكت عنه

ماقدر ادخل اهلي وابوي من النوع المساااااااااالم جدا انا شرسة اكثر منه . هذا انا الي لازم اتصرف معاه ومابسكت له بس قاعدة اعطي نفسي اقوى اكثر واكثر وبعدين راح اراويه وهو الحين خايف مو عارف شراح اييه لاني ما اعامله عدل ومن يرجع انام ويكلمني ما ارد عليه ولو اصر اقول له لاتكلمني لان اذا الطوفة ردت عليك انا راح ارد. احاول استفزه بس هو متحمل وخايف اني افقد اعصابي والي بيصير بعدها.
مشكورة حبيبتي على رسالتج يزاج الله خير.

الله يعينچ الصراحه
و الله شي صعب
قوليله انچ شفتي الايميل هذاك اليوم
و كان فيه بلاوي
بيتم يلاحقچ لين يعرف شنو شفتي
الاكيد انه بيتهرب
و هذا مو لي
الربع يتبلون علي
و بيلف و يدور

لآآآآآآآآآآآآآآآ مايقدر ينكر لان هو من النوع الي ربعه مايتدخلون في هالامور واشيائه الخاصة محد يتدخل فيها واجهزته كله مسكره ماقد صار انه قال لي ربعه لمسو جهازه او استخدموا ايميلاته اهم مو ناقصين بروحهم ربع سوء . مايقدر يلف ويدور على هالسالفة ويتعذر من بربعه مو زين له يسوي جذي .
راح اواجهه وان شاءالله ارتاح بعدها واستفيد
مشكورة حبيبتي ماقصرتي

لاحول ولا قوه الا بالله ...
الله يفرجهااا علييج اختي .
والله اني مرررعوووبه من اللي صاير معاااج ...
الله يفرجهاا عاجلا غير اجل ...
الله يقووويج ويحفظج ويسترهاا معااج ..
والله يهديه ..

حياتي مشكورة واااااااايد والله يعطيج على قد نواياج وياجرج على كل حرف كتبتيه لي ويسعدج ويرزقج راحة البال وجنات الفردوس يارب ماقصرتي يالغالية

 

[أم دوينة]

طمنينا تكفين
انا ماعندي حلول للاسف

حبيبتي الله يطمن قلبج ويرزقج راحة البال يارب

كلامج عين العقل.. مادري السكوت عن هالسوالف شبيفيد فيه؟

ماراح اسكت ولا راح ارضى بس مابي اتسرع ابي اتكتك له صح

الله يسخركم لبعض

امين يزاج الله خير

انا رايي غير عن معظم البنات لان لو شاف انتي مسوية هسوالف قبل الزواج مابيردج غير بيت اهلج و فضيحتج في الديرة كلها
وانا اقولج لا تخلين في قلبج قولي له

ماسكت وقلت له وفعلا لو المرة هي الي مسوية هالبلاوي جان سيرتها على كل لسان. لكن الله فوقنا والله يحب الستر .. الله يهديه ان شاءالله

حبووبة اصبري جمن يوم ولا تفاتحينه ابدا لين ما تهدين و تسوين نفسج مو دارية


و اقعدي معاه و قولي انا عرفت كل شي بالصدفة وما توقعتها ابدا منك
وانا صاينتك و ما اشوف غيرك ولا خنتك ولا مجرد فكرت حتى تفكير اني اخون
و خلج جادة وياه جدا و لا تعطينه ويه و وقفيه عند حده
بدون ما اطولين لسانج
بس بدون ما تطلعين برى البيت و ها الحركات لا

خلج ف بيتج بس عطيه عين حارة عشان يعرف انج مو ساكتة
و بعدين بيحاول يراضيج عاد حطي شروطج ع راحتج بيج و بينه
لا ادخلين الشيطان ولا اي حد ثاني ولا اهلج
خلج عاقلة و حكيمة

هذا هو انا احاول كثر ما اقدر اني اتصرف بحكمة وعقلانية مابي بعدين اتحسف انا قاعدة اعاقبه على مراحل هو للحين مايدري شناطره راح يشوف شي ثاني لما اواجهه بقوة بعدين . ووقتها اقدر اعرف شنو مستقبلي معاه. الله يهديه يارب . مشكورة حبوبة ماقصرتي

لاحول ولا قوه الا بالله الله يهديه ويسخره لج

حبيبتي ماعليه تصبري يمكن هذا كان طيش قبل الزواج ومن تزج ربج هداه والحمدالله

لا حبيبتي بعد الزواج هذي سوالفه . الله يهديه ان شاء الله

حرام تاكدي لان اللحين الشباب يستخدمون ايميلات بعض يمكن احد من ربعه والا شي
ومرته عنده شنو بيحده ع الشواذ والحريم م اتوقع اذا كذا حاولي انتي تستدرجين منه اذا احد يستخدمه او لا !

حبيبتي ماعليج من الي يقول ايميل رفيجي وهذا رفيجي كله جذب بجذذب يعني رفيجه عيزان يسوي له ايميل . احنا بزمن الحين التكنولوجيا صارت بيد الياهل قبل العاقل. وهو مابيقول كله من ربعي لاني اعرف ان ربعه اصلا منحرفين وخالصين اذا هو بنفسه كان يقول لي عن سوالفهم .
الله يهديه يارب

 

[أم دوينة]

لاا تخربين علا نفسسج وانتي اصلا ماعنددج دلييل يمكن يكون ماضي وتاب بعد الزواج واستغنى عن الحرام وبدله بالحلااال واهوا كان واثق من نفسسه لما عطاج الأيباد ماخاف انج تشووفين البلااوي اللي فييه يمكن موو له بعد بس انا لو اني منج وشوف الريال حنون وزين معاي بحيث انه عطاني الأيباد وكله ثقه وشفت البلاوي االلي فيه اكلممه علا طوول افهم منه بالأوول عقب اقرر شسووي معااه. وانصصحج انج تلزمين الإستغفار كل يووم استغفري واايد وادعي الله ترا مايعجزه ششي قولي ياارب سخرلي قلب زوجي وسخرني له والله يوفقكمم يارب

امييييييييييين الله يسمع منج يارب .
حبيبتي هذا مو قبل الزواج بس هذا عقب الزواج بعد واغلب المحادثات كانت عقب الزواج !!!! هو عطاني الايباد لانه ماحط في باله انه فاتح لي كل شي وغير جذي هو متطمن اني ما افتش ولا انبش وراه هو يظن اني مفهية !!! عشان جذي مو لأنه برئ بس لانه مستخف فيني .
هذا الي بسويه انا بواجهه وبحاسبه ومابعطيه فرصة انه ينكر اصلا هو مو قاعد يصر عالنكران وعلى كثر التجريح الي جرحته ولا كأني قلت له شي وهذا دليل على انه غلطان ويستاهل الي اييه مني. الله يهديه يارب

لحد الحين انا فاهمه انها قبل الرواااج
منو ماخررربط
ابي اعرف
اذا صج قبببل الزوااج طنشي كلللها من الشيطان
الله يهدينا ويهدي شبابنا وبناتنا

امين يارب الله يهدي الجميع ان شاءالله .. مو قبل الزواج بس .. الا بعد الزواج واغلب سوالفه كان بعد الزواج .

الله يعينج ياربي ويفرجها عليييج .. من قريت موضوع انا ووحده معاي بالدووام واحنا نحاااتيج والله وندعي لج ..

حياتي والله عسى الله مايراويكم يوم شين ويسعدكم ويرزقكم من حيث لاتحتسبون .. يزاج الله كل الخير حبيبتي

حبيبه قلبي الله يكون بعونج اللي سوتيه عجبني لكن برايي اللف والدوران مامنه فايده الحين اهو اكيد
مسح الدليل اللي ضده ليش عطتيه فرصه انه ينكر ويقول كلام الناس جذب
ثانيا خطوتج حلوه انج رحتي لبيت اهلج لكن ليش خربتي علي نفسج ورديتي انتي غلطانه
حتي لو امج تعبانه الله يشافيها تحملي لان مصيبتج يبيلها موقف حازم تدرين الحين اهو ارتاح
رديتي له بدون اي تعب ولا جهد منه غلطانه غلطانه بعد شوي بتلقين السالفه بردت واهو ولا علي باله
وانتي اللي بتعيشين بقهر وتندمين علي رجعتج كان المفروض تجمعين اغراضج وتنطرينه يدش البيت
وتطلبين منه الاي باد وتفتحين البلاوي جدام عينه بولا كلمه تسكتين بس تخلينه يشوف اللي شفتيه وتاخذين اغراضج وتروحين
عموما الحين والله مادري احس انج بردتش خربتي كل شي وطبعا الحين بيقول حق نفسه كاهي درت عني وردت
لي رجعه بس خليني امخ مخ لج

خله ينكر مو هامني نكرانه حبيبتي انا شفت بعيني ..
وعن روحتي لبيت اهلي ما كانت عقاب له لان انا للحين ما تناقشت معاه ولا بردت قلبي فيه شلون اتركه واروح جذي ؟ انا كنت قايلة له اني برتاح يومين في بيتنا ابي افكر . للحين ما عاقبته .. انا ابيه يكره روحه لو قررت اتركه ابي اذله وانقده على روحه . ابيه يحس انه خسران وانه مايسوى . وهو اصلا عارف ان محد له غيري حتى اهله مامنهم امان .
صبري علي بس . فيني قهر ماتتخيلونه بنات وبنفس الوقت احس بسجين بقلبي . الله يسامحه بس .

سالفتج تعور القلب والله
بس ممتاز انج عيشتية بغموض وخوف من المجهول


لا تعطينه الثقة والامان لين ما تتاكدين وتسوين له اختبار وتراقبينه عدل
بس حسافة لو مصورة الادله وحافظتها عندج
بس عموما القصص والروايات الي موجودة بالايميل كافي واكبر دليل ع خيانته وخرابيطة ..


ربي يقومج بسلامة
وعليج بالدعااااااااااااااااااااء

واوصيج بالصدقة

سبحانه ربي ما يعجزة شي

ماتدرين يمكن ربي يهدية ويصلحه ويترك هالسوالف نهائيا خاصة انه جاية له بنوته واكيد بيلها فيها وبجوكم الاسري !


ربي يقويج ويعطيج الحكمة ف التصرف ويهدي سركم ويسخرة لج ويهدية ويتوب توبة نصوحة يارب يا كريم

امين يارب العالمين آمييييييييييييييييييين . حبيبتي يزاج الله كل الخير على هالدعوة الحلوة .
وهذا الي صاير انا مخليته الحين على ولوال مايدري شناطره وشنو بييه مني وخايف وعلى الي اقطه عليه من كلام بعد مايرد علي ولا كأني اقول له شي .
الله يهديه يارب ويسخره لي ويتوب عليه والله انا مادري شلون هالرياييل مايخافون من الله جذي وكل شي عادي عندهم ما جنهم وراهم حساب وعقاب. الله يهديهم.
مشكورة بعد عمري ماقصرتي يالغالية

 

[strong faith]

انتي قلتي بداية الموضوع حطي نفسج مكاني :

حبيبتي نصيحه انسى وطنشي و اهتمي بنفسج انتي اللحين حامل على وشك الولاده ..

و لا تفتحين الموضوع ابدا ، بعد ما تطلعين بسلامه من 40تقربي من زوجج اكثر و اشبعي ككككل اللي بخاطره

و هالله هالله بدعاء :yaaaaaarb:و ربي يخليكم لبعض ..

دام انه مقدرج و محترمج و يحبج ( تذكري كل شي حلو بينكم ) لاتواجهين علشان هيبتج لا تروح اذا انتي شاريته و تبينه هذا ابو بنتج لا تخربين بيتج بسبب طيش فتره و تعدي ..

بس تاكدي هل اهو مارس الزنا وله بس محادثات و تخيلات .. دربالج على نفسج من الامراض اذا كان في ممارسه لا سمح الله

و الكمال لله وحده ....

 

[فرزاشيهـ]

لا ولله ماينسكت عنه الموضوع ولا شي !!


الله يكوون بعونج اهم شي تهدين و تفكرين عدل قبل المواجهه عشان تعرفين شنو تقولين و ماتخورينها بالكلام مثل الاغلبيه اللي انا منهم اذا عصبت ماتحكم بنفسي


و اللله يصبرر قلبج

 

[Mjnont '3lay]

نووو كووومنت
والله يابعض البنات ينطبق عليهم المثل قل خيرا او اصمت
والله لو هاللي شافته وصار فيها مو فيج ونصحناها تطنش كان انجلطت
بس المثل يقول اللي رجله بالماي مو مثل اللي رجله بالنار
ومايحس بالنار الا واطيها
شنو طنشي وانسي ومدري شنو
كلام فااضي
لا لا يام دوينه لا تطنشين ولا تنسين
هالشي ما ينسى ولا يبيله تطنيش
دامج بديتي بقوه كملتي بقوتج والله معاج وكلنا معاج ولا يهزج كلام بعض البنات وتضعفين وتبدين باللين معاه والله تندمييين طول عمرج بعد هذي مو علاقه عابره ونزوه عشان نقول يالله انسي وطنشي ولا هي مكالمات وبس
هذا يمارس الزنى والشذوذ والعياذ بالله
هز عرش الرحمن حسبي الله ونعم الوكيل فيمن تسبب بأذيتج وانتي بهالحاله
بدل مايراعيج وانتي حامل قاعد ويراسل زبالة المجتمع تكرمين ويواعدهم عالخياس والحرام
هذا شنو ترجين منه
والله الموضوع حيل حيل قووي لا يلين قلبج وتنسين اذا ماوقفتي وقفه حازمه معاه رح يتمادى بالمستقبل وانتي الخسرانه
خليج حكيمه وتصرفي بعقل بدون صراخ ولا عصبيه
شفتي هالغموض والاعصاب اللي عيشتيه فيه هاليومين
كملي وخلج على هالغموض وقعديه على اعصابه خليه يحس انج بأي لحظه رح تروحين عنه
دامه شاريج ومدور رضاج وماباعج وساكت عن تجريحج له معناته يبيج بس يمكن هو يبي يعيش دورين بحياته دور العزوبي والخرابيط ويكون مثل الطير الحر محد يحكمه
ولا شبع رد لشخصيته الثانيه متزوج ومسؤؤليه وبيت مسؤؤل عنه ومره مسؤؤل عنها وبيجيه بنت في الطريق من جذي يمكن والله اعلم مايبي يخسر الاثنين
لا جوه اللي مستمتع فيه ولا جو الاسري اللي يحتاجه
فطالما الرجال للحين باله طويل وما اعترف عيشيه بصراااع وقوي شخصيتج اكثر واكثر وبين فتره وفتره قطي كم كلمه بوجهه
عن الوفى والاخلاص والاحترام وعذاب النار وانه بعض البشر لو تعطيهم ماي عينك مايبين بعينهم
نغزااااااااااات يعني
ولا تنسين الفحص ضرووري ضروووري يفحص ويطق عالقران هالشيين ضرووري تتعجلين فيهم ضرووري ولا تستحين من الدكتوره هذي صحتج وصحة بنتج من شنو تستحين
عجلي وكل ماعجلتي بالموضوع كل ماكان في صالحج يمكن يكون فيج شي الله لايقول عالاقل بسرعه تتداركين الموضوع وتشوفين حل علاج او اي شي بس لا تطولين بالفحص والله مو زين لا لج ولا لبنتج
وهو خليه يفحص ضروووري ويطق عالقران ضروووري واذا مارضى خيريه بينج وبين الفحص وانه يطق عالقران
غير جذي مافي حل صدقيني
واللي ميت ضميره حيل حيل ينخاااااف منه الله يعينج ويقويج ويصبرج امانه طمنينا عليج قلبي معاج

 

[طريق السعاده]

يعني يزني ويهز عرش الرحمن باللواط ومرح يحلف يقولك قول للحرامي احلف قال جاك الفرج

حبيبتي انتي صح واستمري ولا تلينين مثل الي قالت قبلي ترا الي يسوي هالسوالف كان يعاملك زين عشان يغطي ع بلاويه !!

لانه ضميره يعوره انك تعزينه وتحترمينه وتحافضين ع بيتك وهو يخربط ف يعاملك حلو عشان بداخله مايحس انه صلح شيء يضرك !!

عموما انا لو منك مستحيل لو تنطبق السما ع الارض ابقى معه وبنتي بعيشها احسن عيشه واربيها احسن تربيه بعيد عن هالخراب والاجرام بس خذي حقك منه وتاكدي ان مافيك شيء افحصو فاقرب فرصه


والله ييسر امرك ويبرد ع قلبك وينصرك يارب

 

[shak!shoka]

لاااااااااااااااااااااااااااااااااااااااااااااااااااااااا تسكتيييييييييين

لاااااااااااااااااااااااااااااااااااااااااااااااااااااااا تسكتيييييييييين

لاااااااااااااااااااااااااااااااااااااااااااااااااااااااا تسكتيييييييييين





واجهيه و كلميه واذا استدعى الموضوع دخلي اهلج و اهله




هذاااااااااااا زاااااااااااااااااني
زاني
زاني
زاني



يعني بالشرع


يرجمونه حتى الموت




رجاءا لا تسكتين

 

[shak!shoka]

ولا تخلين الموضوع يبرد


والله انه يقلبه عليج و يقهر قلبج
هاذي حركاتهم يغلطون و يتهمون الزوجه بالجنون و المرض النفسي


دقي الحديد و اهو حامي

و فشليه و شهري فيه خلي يتسنع

لا تاخذج الرأفه فيه

 

[أسرار الجمال]

مع الأخت شكشوكة الله والعليم اهو شنو قاعد يخطط يقلبها عليج انتبهي اختي اهو ساكت الحين ويس تهدين راح تنقلب الامور ضدج انتبهي انتبهي مالهم أمان هذا شاذ وزاني ماله امان

 

[رجفة وهم]

[quote

نووو كووومنت
والله يابعض البنات ينطبق عليهم المثل قل خيرا او اصمت
والله لو هاللي شافته وصار فيها مو فيج ونصحناها تطنش كان انجلطت
بس المثل يقول اللي رجله بالماي مو مثل اللي رجله بالنار
ومايحس بالنار الا واطيها
شنو طنشي وانسي ومدري شنو
كلام فااضي
لا لا يام دوينه لا تطنشين ولا تنسين
هالشي ما ينسى ولا يبيله تطنيش
دامج بديتي بقوه كملتي بقوتج والله معاج وكلنا معاج ولا يهزج كلام بعض البنات وتضعفين وتبدين باللين معاه والله تندمييين طول عمرج بعد هذي مو علاقه عابره ونزوه عشان نقول يالله انسي وطنشي ولا هي مكالمات وبس
هذا يمارس الزنى والشذوذ والعياذ بالله
هز عرش الرحمن حسبي الله ونعم الوكيل فيمن تسبب بأذيتج وانتي بهالحاله
بدل مايراعيج وانتي حامل قاعد ويراسل زبالة المجتمع تكرمين ويواعدهم عالخياس والحرام
هذا شنو ترجين منه
والله الموضوع حيل حيل قووي لا يلين قلبج وتنسين اذا ماوقفتي وقفه حازمه معاه رح يتمادى بالمستقبل وانتي الخسرانه
خليج حكيمه وتصرفي بعقل بدون صراخ ولا عصبيه
شفتي هالغموض والاعصاب اللي عيشتيه فيه هاليومين
كملي وخلج على هالغموض وقعديه على اعصابه خليه يحس انج بأي لحظه رح تروحين عنه
دامه شاريج ومدور رضاج وماباعج وساكت عن تجريحج له معناته يبيج بس يمكن هو يبي يعيش دورين بحياته دور العزوبي والخرابيط ويكون مثل الطير الحر محد يحكمه
ولا شبع رد لشخصيته الثانيه متزوج ومسؤؤليه وبيت مسؤؤل عنه ومره مسؤؤل عنها وبيجيه بنت في الطريق من جذي يمكن والله اعلم مايبي يخسر الاثنين
لا جوه اللي مستمتع فيه ولا جو الاسري اللي يحتاجه
فطالما الرجال للحين باله طويل وما اعترف عيشيه بصراااع وقوي شخصيتج اكثر واكثر وبين فتره وفتره قطي كم كلمه بوجهه
عن الوفى والاخلاص والاحترام وعذاب النار وانه بعض البشر لو تعطيهم ماي عينك مايبين بعينهم
نغزااااااااااات يعني
ولا تنسين الفحص ضرووري ضروووري يفحص ويطق عالقران هالشيين ضرووري تتعجلين فيهم ضرووري ولا تستحين من الدكتوره هذي صحتج وصحة بنتج من شنو تستحين
عجلي وكل ماعجلتي بالموضوع كل ماكان في صالحج يمكن يكون فيج شي الله لايقول عالاقل بسرعه تتداركين الموضوع وتشوفين حل علاج او اي شي بس لا تطولين بالفحص والله مو زين لا لج ولا لبنتج
وهو خليه يفحص ضروووري ويطق عالقران ضروووري واذا مارضى خيريه بينج وبين الفحص وانه يطق عالقران
غير جذي مافي حل صدقيني
واللي ميت ضميره حيل حيل ينخاااااف منه الله يعينج ويقويج ويصبرج امانه طمنينا عليج قلبي معاج​

][/quote]


أنا معاها بكل كلمه قالتها الله يعينك صراحه ألي أنتي فيها محد يقدر يتحمله

والله ياحياتي عارفه شعورك صدق صدددددمه قووووية

وكلنا خواتك ومعاك وبندعيلك الله يفرجها عليك ويهونها وينزل السكينه والطمأنينه

ع قلبك لاحول ولاقوة إلا بالله