بنات فديتكم وحدة وحدة مشكورين واااااااااااااااااايد وعسى الله يسعدكم ولا يراويكم يوم اسود ويجعل بكل حرف كتبتوه لي اجر عظيم لكم يارب يزاكم الله كل الخير وبارك الله فيكم ..
الحين الي صار ,,,,
امس الصبح كلمت شيخ دين معروف وكنت منهاااااااااارة بمعنى الكلمة وهو سمعني للآخر وسألني عن كذا شغله عشان يوضح له الوضع .. وعطاني خيارات وايد ممكن احل فيها الموضوع .. واهم خيارين قال لي اني ممكن افتح معاه الموضوع على اساس ان احد موصل لي كلام عنه انه راعي خرابيط وقال لي هذا الحل زين لانه راح يوصل له بشكل غير مباشر انه انفضح مو بس عندج الا عند الناس بعد وراح تكون له قرصة قوية وراح يفكر بإلي ممكن يخسره . والحل الثاني هو اني اواجهه بكللللللل شي عندي واخذ اغراضي واروح بيت اهلي ولو فكرت ارجع لازم بضمانات وفحوصات طبية و و و . بس قال لي هذا الحل يصلح في حالة انه يحبني ومتعلق فيني ومو بايع . وانا بصراحة الحين صرت اشك انه شاريني وهذي سوالفه .
والصبح طلعت من البيت ورحت بيت اهلي وكان كل شوي يتصل وحقرته ومارديت عليه لفليل . وكنت ارد عليه ببرود ومن غير نفس وهو ماغير يسألني شفيج وشصاير. المهم فليل رحت البيت .... وقلت له ابي اتكلم معاك ... طبعا انا كنت محضرة كلام واااااااااااااااايد كلللله اختفى وقت الي قعدت معاه .من زود القهر الي فيني ماقدرت اضبط اعصابي .
سألته انا مقصره عليك بشي ؟ قال لي لا انتي مو مقصره .. ليش شصاير وشفيج .. انا طبعا انهرت ودموعي طاحت .. وقلت له انا واصلني كلام وايد عنك ومو مرة ولا مرتين كل مرة اطنش واطنش وانا اصلا الاحظ عليك اشيا مريبة وبعد اطنش .. انا رافعتك فوق جدام نفسي وجدام هلي وجدام كل الناس انا امشي وافتخر فيك ان مافي منك .. هلي كلهم يحبونك من كثر ما انا امدحك وموصلتك للسما .. انت شي كبيييير بعيني .. لاتسوي شي ممكن يطيحك من عيني ولا تصدمني فيك لاني لو بيوم اكتشفت انك قاعد تغلط .. مستحيل اسامحك وحياتنا كلها بتروح عالفاضي وبنتنا بتضيع وبتتشتت .. وهو منصدم ويقول ليش وشصاير ومن الي قايل لج كلام عني وشنو هو الكلام و و و و . انا طبعا ما رديت وقلت له مو مهم .. المهم الي عندي الحين .. خذ لك وقت و فكر وشوف انت شتبي في حياتك واذاا هالخرابيط الي سمعتها عنك مهمة عندك اكثر من حياتنا ومن بنتنا ف ما له داعي نضيع وقت .. انت الي تختار وانت الي تحدد .. وقلت له انت خذتني من بيت هلي وكاني جدامك صفحة بيضة ونظيفة .. خلك قد نظافتي . وهو بس يرد علي ان شاء الله وان شاء الله وطبعا غير الحلف انه ماسوى شي وما غلط ومافعل .
بالاخير قلت له لاتجرب مني لاني مو متحملة شي منك وقام عصب وقام يقول يعني انا نجس ؟ قلت له انت ادرى بنفسك.. وقال دام اني نجس عيل بروح اشوف لي مكان انام فيه وانتي خلي الي نقل لج الكلام ينفعج. انا هني وقفت وقلت له ما له داعي انا الي طالعه .. وخذت مفتاج سيارتي وعلى اساس اني بطلع .. وقعد يحلف اني ما اتحرك من مكاني وما اطلع .. وقلت له بروح بيت اهلي لاني مو متحملة انا بس ابي ابتعد عنك وعن كل شي .. وهني رجعت انهرت ..
بعدين ياني يبي يضمني وقعد يمثل انه قاعد يبجي ويقول لي والله ما سويت شيي انا ابيج انتي انا ما غلطت وانا وانا وانا ...
بس بعدين سكت ماكان فيني حيل اني اتكلم بعد.
هذا الي صار . والحين ماعرف الي سويته صح ولا غلط .. قلبي يحترق ومو عارفه شنو الخطوة الي بعدها .
شنو اسوي بنات .. فكروا معاي ..
اقول له خلاص احنا مانصلح لبعض واخذ اغراضي واروح بيت اهلي ؟.. اراويه الي شفته واقول له انا ما آأمن على نفسي معاك .. ولا ادوس على نفسي واعتبر الي سويته قرصة له .. شسوي شقول شنو الصح بهالحالة .
وانا الحين بروح بيت اهلي وبقعد لباجر وبقول له اني محتاجة افكر .. ومابرد على اتصالاته ..
يارب يارب يارب فرج همي يارب
