بنااااات دبروني شوروا علي. قلبي بيوقف من القهر

[غارقة بأحزانها]

حبيبتي ام دوينه انتي الحين عطيتيه نفس الطراق على ويها وخلاه يحس ان ممكن يخسرج اذا استمر بخرابيطه
وكلام الشيخ صح انتي الحين جربتي اول حل ومانفع او بالاحرى مااستفدتي شي طبعا راح ينكر زوجج ان في ناس تتكلم عليه
بس لو وريتيه الدليل بعيونه هني ماراح يقدر يتكلم لان انفضح فعلا
وانتي ليش تحاتين رده فعله وتخافين تتطلقين انتي ياعمري بنتج ماراح تضيع ولا تتشتت من الطلاق لان عندها ام سنعه ومحترمه وطاهره تربيها
بالعكس راح تضيع ان تربت مع ابو هذي اخلاقه وهذي سوالفه
انا اقول خليج هناك ببيت اهلج ودزيله صور من كل الادله اللي عندج وخليه يعرف انج عرفتي وان طاح من عينج وان مافي مجال للصلح
في حال ان شاريج بيحاول ان يستردج باي طريقه ولو اهو بايعج منتي خسرانه
بالعكس لو طوفتيله الحين بيقول اي هذي عادي عندها او انتي بتمين بصراع نفسي وخوف وبتعيشين مع انسان طايح من عينج
قعدي عند اهلج شهر شهرين ثلاث ان شاء الله سنه بس تطلعين كسبانه بالنهايه
ترديله بشروط
ادري صعب وصعب وايد بس لازم تتحملين وتكافحين عشان تعيشين باجي عمرج مرتاحه

 

[فوولي]

استغفر اللله يرربي ككل م نخلص من برنامج يططلع لنا
ثاني اقوووووووووووول افصلي عليه واخذي موقف دامه صمممل 9 شهووور مو همه البرناج داخل لقاافه
بس اخذي موقف قولي انا مااضيكككك ما احاسبك عليه بس اخر رساله وصلت قبل سبوعين

شوووفي هالبرنامج المعفن نازل ب فونه ولا


الله يهديه لج ويصلح باله

 

[نـعـومـه]

مادري على حسب اذا مقموته صارحيه ولل يظل بقلبج

 

[نـعـومـه]

توني اشوف كلامج

يعني يخربط انتي زوجته

لااااوالله لاتسكتين

دخلي ابوج بسالفه وفكري اذا تقدرين تستمرين معاه ولا لا لانه موشويه زااااني مو شي ينسكت عنه

 

[sh_mashael]

الله يعينچ الصراحه

و الله شي صعب

قوليله انچ شفتي الايميل هذاك اليوم

و كان فيه بلاوي

بيتم يلاحقچ لين يعرف شنو شفتي


و الاكيد انه بيتهرب

و هذا مو لي

الربع يتبلون علي ّ

و بيلف و يدور

 

[مهمهانه]

لاحول ولا قوه الا بالله ...

الله يفرجهااا علييج اختي ..

والله اني مرررعوووبه من اللي صاير معاااج ...

الله يفرجهاا عاجلا غير اجل ...

الله يقووويج ويحفظج ويسترهاا معااج ..

والله يهديه ..

 

[قَلبڪْ صًخرْ]

طمنينا تكفين
انا ماعندي حلول للاسف

 

[Lubna85]

يابناااات شلون اتقولولها سكتي و صبري.. المحادثات من قبل العرس وحتى بعد العرس... قاعد يواعد اشكره و يطلع مع بنات و شواااااااذ و يخربط... هذا باجر ايبلها امراض و بلاوي ماتترقع ويمكن ماتتعالج بعد.. شبيفيدها سكوتها حزتها على بو بس لا تخترب حياتها!!!!!!! حبيبتي صاحبة الموضوع لااااازم يتواجهينا و تكونين قوية وصارمة و اتقوليله يا انا يا هالخمة الي اتماشيهم.. قوليله ان صحتج و صحة الي ابطنج اهم من اي شي ثاني.. واذا يبيج يهد الخرابيط والمفروض بعد يروح يفحص نفسه قبل لا يلمسج.. واذا ما هد خرابيطه المفروض ماتقعدين عنده دقيقة وحدة.. يعني لو بس مغازل بالتلفون الواحد يقول نزوه واتعدي و لا تخربين بيتج.. لكن انها توصل لي العلاقات الجنسية ويدفع افلوس و يروح مع شواذ هذا شي واااااايد كبيييييييير وماينسكت عنه لانج اذا سكتي احتمال كبير انج راح تدفعين صحتج و صحة بنتج ثمن لهذا السكوت

كلامج عين العقل.. مادري السكوت عن هالسوالف شبيفيد فيه؟

 

[عطاء أنثى]

الله يسخركم لبعض

 

[Zinab BH]

انا رايي غير عن معظم البنات لان لو شاف انتي مسوية هسوالف قبل الزواج مابيردج غير بيت اهلج و فضيحتج في الديرة كلها
وانا اقولج لا تخلين في قلبج قولي له

 

[دانة_ دبي]

حبووبة اصبري جمن يوم ولا تفاتحينه ابدا لين ما تهدين و تسوين نفسج مو دارية


و اقعدي معاه و قولي انا عرفت كل شي بالصدفة وما توقعتها ابدا منك
وانا صاينتك و ما اشوف غيرك ولا خنتك ولا مجرد فكرت حتى تفكير اني اخون
و خلج جادة وياه جدا و لا تعطينه ويه و وقفيه عند حده
بدون ما اطولين لسانج
بس بدون ما تطلعين برى البيت و ها الحركات لا

خلج ف بيتج بس عطيه عين حارة عشان يعرف انج مو ساكتة
و بعدين بيحاول يراضيج عاد حطي شروطج ع راحتج بيج و بينه
لا ادخلين الشيطان ولا اي حد ثاني ولا اهلج
خلج عاقلة و حكيمة

 

[شطانه طفله]

لاحول ولا قوه الا بالله الله يهديه ويسخره لج

حبيبتي ماعليه تصبري يمكن هذا كان طيش قبل الزواج ومن تزج ربج هداه والحمدالله

 

[عسل حدي]

استغفر الله ربي اللذي لا اله الا هو واتوب اليه

 

[Um Tuki]

يابناااات شلون اتقولولها سكتي و صبري.. المحادثات من قبل العرس وحتى بعد العرس... قاعد يواعد اشكره و يطلع مع بنات و شواااااااذ و يخربط... هذا باجر ايبلها امراض و بلاوي ماتترقع ويمكن ماتتعالج بعد.. شبيفيدها سكوتها حزتها على بو بس لا تخترب حياتها!!!!!!! حبيبتي صاحبة الموضوع لااااازم يتواجهينا و تكونين قوية وصارمة و اتقوليله يا انا يا هالخمة الي اتماشيهم.. قوليله ان صحتج و صحة الي ابطنج اهم من اي شي ثاني.. واذا يبيج يهد الخرابيط والمفروض بعد يروح يفحص نفسه قبل لا يلمسج.. واذا ما هد خرابيطه المفروض ماتقعدين عنده دقيقة وحدة.. يعني لو بس مغازل بالتلفون الواحد يقول نزوه واتعدي و لا تخربين بيتج.. لكن انها توصل لي العلاقات الجنسية ويدفع افلوس و يروح مع شواذ هذا شي واااااايد كبيييييييير وماينسكت عنه لانج اذا سكتي احتمال كبير انج راح تدفعين صحتج و صحة بنتج ثمن لهذا السكوت

معاها بكل كلمة

 

[م بقئ إلآ القليل !]

حرام تاكدي لان اللحين الشباب يستخدمون ايميلات بعض يمكن احد من ربعه والا شي
ومرته عنده شنو بيحده ع الشواذ والحريم م اتوقع اذا كذا حاولي انتي تستدرجين منه اذا احد يستخدمه او لا !

 

[وسن العنزي]

لاا تخربين علا نفسسج وانتي اصلا ماعنددج دلييل يمكن يكون ماضي وتاب بعد الزواج واستغنى عن الحرام وبدله بالحلااال واهوا كان واثق من نفسسه لما عطاج الأيباد ماخاف انج تشووفين البلااوي اللي فييه يمكن موو له بعد بس انا لو اني منج وشوف الريال حنون وزين معاي بحيث انه عطاني الأيباد وكله ثقه وشفت البلاوي االلي فيه اكلممه علا طوول افهم منه بالأوول عقب اقرر شسووي معااه. وانصصحج انج تلزمين الإستغفار كل يووم استغفري واايد وادعي الله ترا مايعجزه ششي قولي ياارب سخرلي قلب زوجي وسخرني له والله يوفقكمم يارب

 

[سندس 90]

لحد الحين انا فاهمه انها قبل الرواااج


منو ماخررربط

ابي اعرف


اذا صج قبببل الزوااج طنشي كلللها من الشيطان

الله يهدينا ويهدي شبابنا وبناتنا

 

[أم دوينة]

السلام عليكم ورحمة الله وبركاته


بنات عسى الله يحرم هاليدين عن النار ويرزقكم من حيث لا تحتسبون ويكتب لك التوفيق والسعادة وين ما كنتوا .. مشكورين وااااااااااااااايد على تفاعلكم معاي والله يجزيكم كل الخير على دعاؤكم لي الله العالم شكثر انا احتاجه .

وسامحوني اختفيت هاليومين لاني قعدت في بيت اهلي ومو راضي يشبك الايباد تعبت منه بس كنت اتابع ردودكم اول بأول

خلوني اقول لكم شصار من اخر رد كتبته وبعدين ارد عليكم وحدة وحدة ان شاء الله

 

[أم دوينة]

الله يسلمكم يوم الاثنين الصبح بعد ما راح الدوام كتبت له في الوتس اب اني رايحة بيت اهلي وقلت له لا تتصل لي لاني مب رادة عليك .. وقال لي ليش شفيج ليش بتروحين بيت اهلج وليش ماتبين تردين علي !!! قلت له اعصاابي تعبانة ومحتاجة افكر . قال لي تفكرين بشنو وشنو مضايقج ومن هالكلام .
قلت له شلون تتوقع يكون احساسي لما اكتشف ان زوجي الي احبه وصاينته وحافظة عرضه ومبيضة ويهه بأخلاقي وسمعتي وطيبتي مع الكل يطلع واحد راعي فليبينيات وشواذ؟تواعد وترقم وتدفع بعد .. يعني اقذر من جذي شنو ؟؟؟
بنات تم ساااااااااااااكت ما كتب لي شي حسيته منصدم منصدم من قلب . قلت له انا ياما شفت وشفت وكنت اطنش واسكت ادري ان عندك خرابيط بس اقول الله يهديه توه للحين ما تعود على الزواج والاستقرار لكن وصلت فيك المواصيل انك الله العالم يمكن تزني وتلوط وحالتك حالة وبكل قواة عين تسألني شفيج.
بردت جبدي فيه ما خليت ما بقيت .. وهو ساكت ما يرد. اخر شي قلت له اكيد بتسكت ما لك ويه ترد صح ؟ قال انتي ظالمتني والي موصل لج الكلام حاقد ويبي يخرب بينا لانهم يشوفونا مرتاحين بحياتنا مع بعض يبون يخربون ويتشمتون انتي تدرين اني اعزج على الكل ومن هالكلام . قلت له اوكي اذا الناس جذابين عيل الاشيا الي كنت الاحظها عليك شنو ؟ بعد جذب وتمثيل ولا هذا الصج ؟ على طول يبي يغير الموضوع وقال لي انا مابي شي من هالدنيا الا انتي والي في بطنج والله يشهد علي انا ما لي غيرج ومن هالكلام . قلت له لو تحبني وتحب الي في بطني جان خفت علي الله العالم الحين انا وهي صاحين ولا نقلت لنا مرض وانا ياغافلين لكم الله .. قال لي الي تبين بسويه عشان تصدقيني . قلت له لو اقول لك تحلف عالقرآن ان كل الكلام الي انقال عنك جذب بتحلف ؟ ولو اقول لك نروح نفحص ونتأكد ان انك خالي من الامراض بتروح ؟ قال لي اكيد .. بس انا متأكدة انه يقصد انه مستعد يروح يفحص بس مو مستعد انه يحلف عالقرآن .
عقب الكلام الطويل .. قلت له انا بعطيك يومين تفكر .. وانت اختار شتبي يا انا وبنتك ياخرابيطك وتحمل ثمن اغلاطك حزتها . انا ماقبل اني اعيش مع واحد نجس عايش مثل الحيوان يركض ورى شهوته وبس . وانت سواء هالكلام صحيح ولا مو صحيح فكر عدل بإلي تبيه واذا كنت قبل ماعطتك خصوصية وثقة الحين انت خسرت الاثنين .
ورده لي كان : الله يخليج لي ولا يحرمني منج ومن هالكلام الفاضي . ما رد علي كلامي الي قلته له على كثر ما جرحت فيه وعلى كثر ما حاولت استفزه عشان يقول الي عنده . وهالشي بعد دليل ثاني انه فعلا غلطان وانه منصدم شلون انفضح فجأة جذي


واول امس الصبح قلت له عطني ايميلك والباسوورد ابي اراسل موقع احنا طالبين منه شغلات .. سكت عني نص ساعه وبعدين كتب لي الباسوورد وقال لي سمحي لي كنت وايد مشغول في الدوام . طبعا ماسح كللللل شي الا رسايل الموقع الي طالبين منه . وانا ما قلت شي .. لحد العصر قال لي متى بترجعين البيت . قلت له لين عرفت غلطك وتبت. قال لي انتي شفيج قلت لج انا ما سويت شي انتي تبين تسوين سوالف وخلاص ؟ قلت له لاني عرفتك على حقيقتك متدوده مو عارف شتقول وتبي تسد السالفة بأي طريقة عبالك بعديها لك جذي . قال لي وشنهي حقيقتي . قلت له حقيقتك انت ادرى فيها لان انا ماعندي كلمة توصف حقيقتك. قال لي الله يهديج وعلى راحتج .. قلت له يهديك قبلي ان شاء الله انا ما عندي ذنوب تهز عرش الرحمن من قذارتها الحمدلله .وعلى فكرة ما كان له داعي تمسح ايميلاتك لكن اثبت لي انك خايف اني انبش وراك والقى سواد ويهك .. قال لي اخاف من شنو خلاص كيفج.
وامس الصبح قاعد يصبح علي ولا كأن في شي وانا حاقرته .. وطول اليوم يتصل ويتصل ويكتب لي بالوتس اب متى بترجعين وينج ردي علي .. وانا حاقرته.
بس امي يابنات حاسة ان فيني شي وهي اصلا تعبانة ومريضة واذا نفسيتها تتعب يرتفع الضغط عندها .. قلت خلاص خل ارجع واتحمل واحاول اعاقبه وانا جدامه. رجعت امس فليل متأخر كنت ابي ارجع وهو نايم بس مافي فايدة اهو طول اليوم يتصل ويكتب لي بالوتس اب. المهم رجعت وتميت حاقرته وكل ما يكلمني اقول له لسانك ما يطق لساني ولا تكلمني ولا تحط يدك علي . وهو ولا كأني حاقرته يعاملني بنفس الطيبة والحنان الي تعودتهم منه .

لهاللحظة يابنات مو مصدقة ان هالطيب الحنون يطلع انسان مقرف ومقزز ومن تحت لتحت .

وانا رجعت كلمت الشيخ امس وقلت له عن الي سويته قال لي الي سويتيه ضربة له وان شاء الله يتوب بعدها واذا حسيتيه معاند ومحاصر ومالمستي منه رغبة بالتغيير قولي له انا عندي ادلة وشفتها بعيني بس انا لحد هاللحظة مابي احطك بموقف ماتنحسد عليه ف ليش تخليني وتجبرني اثبت لك هالكلام بالدليل ؟ وقال لي عقب ما تبردين قلبج فيه قولي له انا زوجتك سترك وغطاك اذا انت معترف بغلطك انا مستعده ابتدي معاك صفحة يديدة بالحلال واساعدك واكون معاك مو عليك في النهاية انت ابو عيالي والي يمسك يمسني ويمس بنتنا. وكلام وايد .

الحين حبايبي الحمدلله نفسيتي بفضل الله والاستغفار والدعااء ودعواتكم فديتكم وااااايد احسن هاليومين قويت شوي وما صرت انهار كل ما اتذكر السالفة .. انقهر وقلبي يعورني بس يطلع علي بغضب والحين اقدر اتصرف شوي بحزم ..
واليوم كان موعدي مع دكتورتي .. وكنت ابي اسألها عن الامراض الجنسية وتفاصيلها وشلون اقدر اتأكد ان انا وريلي سليمين .. بس بنات استحيت وخفت اني اتكلم .. قلت في نفسي هذي دكتورة وغريبة عني ماتجرأت اقول لها عيل لو صار واضطريت اقول لأهلي شبقول وشبسوي !!!!!!!!!
بس لهاللحظة يابنات مادري شلون اتصرف بالايام الياية .. للحين ضايعه ومو عارفه شنو ابي وشنو لازم اسوي ..
ساعات اييني شور اقول بحلفه عالقرآن انه يتوب وما يرد لخرابيطه وان سواها ورجع الله لايحلله وذنبي وذنب بنته برقبته ليوم الدين والله يراويني حوبتي وحوبة بنتي فيه في الدنيا قبل الاخره . واخليه يروح يفحص غصبا عليه .. واخذ باسورداته كلهم مالت ايميلاته وتلفوناته وافهمه اني بأي وقت بدخل وبجيك وبقرا الي ابيه وان شقت انه مغير رقم سري واحد هذا معناته انه في شي مايبيني اشوفه ودام انه ما يبيني اشوفه يعني شي غلط وممكن يدمر الي بينا .

وارجع اقول شلون بقدر انسى الي شفته وعرفته .. وشلون بتتقبله نفسي وانا اتخيله مع هالقذرين النجسين . وشلون بعيش معاه وكأن الي شفته ما شفته .

وساعات احس بإستسلام واقول خلاص مامنه فايدة خلني اخذ اغراضي واروح بيت اهلي ولين اولد بالسلامة ان شاءالله اقول له ننفصل وما لي ردة.

بنات شوروا علي ابي رايكم مابي اتصرف تصرف اندم عليه بدون ما اشاور احد.

وسامحوني طولت وايد عليكم بس ادري انكم معاي بأول الموضوع وحسيتوا فيني وانا في عز انهياري .. لازم اقول لكم الي صار .

والله لايحرمني من خوات مثلكم يارب .


وان شاءالله برجع ارد عليكم وحدة وحدة

 

[مهمهانه]

السلام عليكم ورحمة الله وبركاته


بنات عسى الله يحرم هاليدين عن النار ويرزقكم من حيث لا تحتسبون ويكتب لك التوفيق والسعادة وين ما كنتوا .. مشكورين وااااااااااااااايد على تفاعلكم معاي والله يجزيكم كل الخير على دعاؤكم لي الله العالم شكثر انا احتاجه .

وسامحوني اختفيت هاليومين لاني قعدت في بيت اهلي ومو راضي يشبك الايباد تعبت منه بس كنت اتابع ردودكم اول بأول

خلوني اقول لكم شصار من اخر رد كتبته وبعدين ارد عليكم وحدة وحدة ان شاء الله

الله يعينج ياربي ويفرجها عليييج .. من قريت موضوع انا ووحده معاي بالدووام واحنا نحاااتيج والله وندعي لج ..