زوجي خلا اخته تركب بالمقعد الي قدام وانا ورا !

[شونغ هونغ]

سلام بنات بليز لاتقعدون تهاوشوني ابي ردود حلوه تهدي بالي '''''مره كنا رايحين حق عزيمه واخت زوجي معنا اخذناها من بيتها مع ان له زوج وعيال كبار ؟؟؟؟؟؟المهم كنت راكبه قدام جنبه يوم وصلنا عند بيتها قال انزلي وهي كانت واقفه عن باب بيتها بغيت امووووت يوم قال انزلي جاملته ونزلت ورا اه انقهرت هي وراسها مدري ليه حاشرتني ومره تعبت وودها لمستشفى راح الساعه 9 الصبح مارد الا 4 العصر امبي لييه قلت في قلبي تستاهل خلها تكرفك المشكله طويل العمر يخدم كل الناس حتى الي بعيد عنا واانا لاء حتى السوق ماروح له اقول ابي السووق يقول طيب ويسكت وانا اطنش وعلى الله اقول ماعلي عندي ملابس امشي بها حالي مره كنت مسويه غدا بسيط كان برا دق علي وش سويتي غدا وكدا قالي اعزم اختي وعيالها أبمبيييي انصدمت قلت الغداء مايكفي ليه ماقلت لي قبل اسويه !امس صحى بدري دقت عليه واخذته كالعاده عشان اوراق لولد اخته الثانيه مارجع الا العصر وجاني وهو ينافخ علي وانا ماسويت له شي وسكت عشان ماغلط عليه قال وين القهوه اي قهوة هو مايشرب قهوة عربي صدمني قلت بسوي لك قال بطلع غسلي ملابسي هاذي لها اسبوع يرحم امك لها اسبوع وحنل تونا جايين من الديره مع انه ماقد خلاني اغسلها دايم يغسلها بمغاسل ووووواي في اشياء بقلبي بس مابي اطول

 

[بنت النوخذا]

واخت زوجي معنا اخذناها من بيتها مع ان له زوج وعيال كبار

:d

يعني هذي اخته الكبيره

وحشيمتها من حشيمة أمــه
ما فيها شئ ليش مكبره الامور
المفروض انتي من نفسج تقولين لها
حياج ام فلان و تفتحين لها الباب بعد

ماهي بشينه السالفه

 

[ديانا سبنسر]

ليه عادي ما صارلج إلا. 3شهور متزوجة وتبين تقطعينه منهم زين ماتدرين شنو ظروف. خواته ويمكن. هم معتمدين. عليه اعتماد كلي وللحين ما استوعبو انه تزوج ولازم يفجون. عنه. شوي

 

[مدّهره !]

أنتِ قلتِ عيالهاا كباار يعني لهاا قدر يخيتي

مااأشوف فيهاا شيء ....~

ولاتزعلين يخيتي بس كبري راسك عن سالفة قدّام وورى ^^

 

[الأميرة الجميله]

شوفي أختي من ناحيه لما قالك انزلي أركبي وراء أنا معاه كبيره ولها حقها والمفروض انتي اللي نزلتي بدون مايقولك منها تكبرين بعينه ومنها تحترمينها
اما من ناحيه انو فيه أشياء تقولين متغير عليك فيها أذا كان لك 3 شهور فقط من تزوجتي يمكن مابعد فهمتيه صح هو وأهله وكيف طريقة حياتهم يمكن كانوا يتكلون عليه بشكل كلي
والله يسخره لك يارب ويسعدكم ويصب حبك في قلبه صب يارب
وانتي أستغفري وأكثري من الأستغفار وصدقيني بتتيسر امورك وبيرجع لك وقولي الميره ماقالت
عليك بالأستغفار والدعاء وصدقيني راح يهدي ربي بالك ويسخر لك زوجك
والله يسخره لك يارب ويصلح بالكم

 

[Perfume]

عادي حبيبتي لانها كبيرة يبيها تقعد جدام
بس سالفة انه يطنشج كلميه
قوليله انا مو معترضة انك تخدم خواتك بس مو على حسابي
وخصصوا لكم يوم لتقضية المشاوير

 

[كيوت جيرل]

مدام الوضع كذا لاتحاولي تقللي من قدرهن قدامه عشان ماتصير مشاكل
وثانيا عوديه انه يشوف طلباتك ولاتخليه على راحته يعني مدام رايح جاي يشوف طلبات اخواته وهن متزوجات انتي بعد لش حق عليه ولازم مايقصر معك بأي شي

 

[لسووعه]

اي عادي حبيبتي انا طبيعي اذا اخت زوجي اللي اكبر مني بتروح معاي انزل واركب ورا بدون مايقولي مع إن مابيني وبينها ذاك الفرق بس احتراماً لزوجي ولها

 

[عذوٍق الوٍرٍد]

لوووووول
عاااااااااادي شدعوه فاتحه موضوع عشان ركبت جدام وانتي ورا !
والله لو انا منج بالعكس اقعد ورا
الناس الي يحترمهم زوجي احترمهم معاه خصوصا انها اخته وكبيرة فأكيد يعزها ويحترمها
وثاني شي انتي داشه على شر توج لج شهرين وتبين تقاطعينه عن اهله وتغارين

توج جديده بعده ماتأقلم على الانسانه الجديده الي اهي انتي
هذول اهله قبل لاتصيرين زوجته

 

[ام دليار]

لزم لحالك نزلتي بدون مايقولك احترام وتقدير
كل شغلة بدك تزعلي عليها راح تخسري كتير
هلأ انتي تجوز تي كل شي محسوب عليكي
لا تحطي. راسك براس أهلو اذا بدك تظلي غاليه عليه
موفقة بحياتك

 

[خالتي قموش]

يا ساتر يا رب
توج متزوجه وتبين تبعدينه عن اهله
هذه اخته العوده
شفيها لو قعدت جدام
بتوصل قبلج مثلا
وبعدين قعدة الورا للملوك على فكره
و لا تتهاوشين معاه على خواته
بلاخير انتي الخسرانه
هذول اهله
واللي مافيه خير لهله مافيه خير للناس
ترضين اخوج يسمع كلام مرته و يقاطعكم
يعني باجر انتي ما تضطرين تطلبين من اخوج يوصلج مكان
هذا اخوها سندها بلدنيا
خافي ربج
ولا تحطين في بالج المقارنه مع الخوات
لانج خسرانه

 

[Arwa AL-O]

اول شي الله يعطيج العافيه
ثاني شي ترى مافيها شي
انا اول ماقريت العنوان هقيت اخته صغيره واصغر منج قلت هني لا ماله حق
بس دام اهيا مره كبيره وانتي الصغيره ترى مافيها شي يمكن عادهااا امه
واذا على شغل اهله بالعكس اللي مافيه خير لاهله ترى مافيه خير للناس
بس اذا كان معاج نفس الشي اما اذا غير هالكلام لا تسكتين يعني حاولي تطلبين منه
اشياااااء مثل ما اهم يطلبون منه بس بهدوء وبدون عصبيه واذا ما سوالج مثل ما سوالهم
ثقلي وشيني النفس شوي حسسيه بزعلج وانج مضايقه

وعسى الله يسخر لج زوجج ويسخرج له يارب

تقبلي مروري
:eh_s(17):​

 

[شونغ هونغ]

اشكركم ع المرور

 

[sh_mashael]

المفروض تنزلين و تركبين ورا

هاذي اخته العوده

و مو معقوله يركبها ورا عشانچ؟

و اذا ع المطاريش
امي دايم تطلب من خالي و خالي مايقصر و مايردلها طلب

شي طبيعي هذا
الا اذا انتي عايلتچ ماتخدمون بعضكم

الدنيا سهالات و أخذ و عطا

 

[قَلبڪْ صًخرْ]

عجبني كلام الاميره الجميله

 

[كوكي الحلوة]

شي طبيعي انو تجلس قدام انتي بنفسك تقولين كبيرة وعيالها كبار يعني اخته العودة لازم يكون لها احترام وبعدين انتي لسة توك ماخذتي عليه اتفقي معاه بكل هدوء انو يوديك مشاويرك والله يوفقك حبيبتي ​

 

[amami al-kuwai]

ماني عارفه ليش مكبره السالفه عادي اخته الكبيره ولها قدرها وماتدرين شنو هي بالنسبه له

اعتبريها امه لو امه ماراح تقعدين ورا << ترى هذا السنع

 

[خالتي قموش]

نصيحه
لا تخلين بداية حياتج الزوجيه مشاكل بسبة خواته و اهله
لا تتكلمين عنهم بلسوء جدامه
عشان حياتج تمشي
واللي يبيع اهله بسهوله
سهل عليه يبيعج

عيشي حياتج و استانسي و لا تقعدين له ع الوحده
ترا بيمل و بيروح من وراج
و تنقلب حياتج نكد
المفروض تستانسين
باجر ولدج يقلد اابوه ويحن على خواته
صفي نيتج تجاه اهله
لا تحاسبينه على مساعدة اهله وخواته

اللي يحن على اهله بيحن على زوجته
اهم شي انه مو مقصر معاج
اما علاقته باهله لا تدخلين فيها

 

[معصبه وايد]

اول شي الله يعطيج العافيه
ثاني شي ترى مافيها شي
انا اول ماقريت العنوان هقيت اخته صغيره واصغر منج قلت هني لا ماله حق
بس دام اهيا مره كبيره وانتي الصغيره ترى مافيها شي يمكن عادهااا امه
واذا على شغل اهله بالعكس اللي مافيه خير لاهله ترى مافيه خير للناس
بس اذا كان معاج نفس الشي اما اذا غير هالكلام لا تسكتين يعني حاولي تطلبين منه
اشياااااء مثل ما اهم يطلبون منه بس بهدوء وبدون عصبيه واذا ما سوالج مثل ما سوالهم
ثقلي وشيني النفس شوي حسسيه بزعلج وانج مضايقه

وعسى الله يسخر لج زوجج ويسخرج له يارب

تقبلي مروري
:eh_s(17):​

وانا معاها بكل كلمه قالتها :eh_s(9):

 

[PuPa^^SWeeT]

شنووو اتقوولين و راسها ؟؟؟




خير ياطير قالج قعدي وراا اخته اكبر منج



؟؟؟؟ و حتى لو عندها ريل كييفه خل يشيل خواته


و شكلج انتي ماتعطيينه نفس حلوو من جذي يعصب علييج


ومبين من اسلووووبج انج كارهتهم و تبين تاخذينه منج



حبيبتي لاازم اتعرفييين انه ريلج مو بس لج بروحج


عادي يشيل خواته



لاتزعلين من كلامي


لانه تصرفج ترا ينحش ريلج عنج