زوجي خلا اخته تركب بالمقعد الي قدام وانا ورا !

[عشقك وطن]

بم انها اخته الكبيره فبحسبه امه يمكن عشان كذا قال هالكلام

مع ان الحركه تقهر وانا مالومك لو تضايقتي

في اسلوب الطف من هالطريقه يفهمك فيها .

اما انه يقضي مشاوريهم وانتي لآ هنا ستوب ؛ كل وحده عندها زوجها يقضي شغلها

مايمنع انه يخدم خواته ع العين والراس اما انه يخدمهم وهم متزوجات وشغلك انتي

مايقضيه؛ فشوفي لك حل من بدايه الزواج ولا راح يتمادى بهالتصرفات وياك .


بالنسبه للبنات اللي يقولون تفرقينه عن اهله وانتي مدري وشو ؛ لو سسمحتوا بلا مثاليه زايده

انا ماشوف البنت الا طلبت حقها .



الله يسخر لك زوجك ؛ موفقه

 

[Perfume]

^^^
معاها
يساعد خواته على عيني وراسي
بس يطنشها ويقضي اشغالهم واهما متزوجات وكبار !!
لا اهوا تزوج ومسؤول عنها

 

[رنيم الروح]

حبيبتي بالنسبه حق اخته انها تركب قدام هذي لها الحشيمه والمفروض قبل مايقولك من نفسك انتي تسوينها وهالشي مايزعل احد
وعلى انه يخدمهم مافيها شي هذولي اهله ومافيه مقارنه
بس على طلباتك لما يطنش حاولي اتفهمينه وانه تتضايقين من هالشي والله يهديه

 

[مرتبة]

المفروض انتي تنزلين قبل زوجج يقولك
من تربيتج
واخلاقج

 

[PuPa^^SWeeT]

و ععلى طلباتج ولا مشاويرج


شوفي مثلا تبين اتروحين اليوم قوليله


ابي اليوم نطلع ابي هالشغلة


قالج اوكي و سكت



قوومي لبسي


و خلصي قولي انا خالصة


قالج بروح مشوار لاختي قولي اوكي انخلصه انا وياك بعديين انروح مشواري

 

[Patcholli]

لانج مو حابتها ولا متقبلتها
كل الرياييل جذي
وانا هالمواقف صارتلي بشهر العسل
عمري ماقلت حق ريلي ليش وشحقه حتى لو تظايقت
على اطول اتذكر خواتي وان بيوم من الايام ممكن انا انحط بمكانه
اتخيلي وحده من خواتج تطلب منج طلب وريلج يتصرف مثلج يتظايق ويزعل ويعصب
بتكسرين باختج عشان ريلج ؟
حبيبتي طولي بالج وصدقيني هاذي مو مشاكل هاذي امور عاديه انتي مكبرتها حيل ..
خل يسوي حق اخته ويحطلها وين المشكله ؟
اذا قصر معاج مو لانه مايحبج ويحبها
لان يجاملها
بس انتي مرته ماخذ راحته معاج مايجامل الي بقلبه يقوله لج بدون لا يستحي
مو معقوله بيعامل القريب مثل البعيد
يعني انتي لو حرمه كبيره غريبه اتدش عليكم بالمجلس وتقول فلانه قومي بقعد مكانج شي طبيعي بتقولينلها اتفضلي خالتي وتخلينها تقعد
بس لو وحده من خواتج وميانه معاج عادي اتقولينلها مابي اقوم مالي خلق
مع ان الثانيه تحبينها اكثر من الاولى
بس الاولى جاملتيها والثانيه عاملتيها على سجيتج بدون مجامله

اتمنى وصلتلج الفكره ..
حبيبتي شغلي بالج باشياء ثانيه
وماعليج من ريلج شنو سوا حق اهله ولاتقارنين اصلا لا تسئلينه مالج شغل فيهم كيفهم ينيازون
انا جذي ما اسأله ولا اعور راسي وقلبي
كيفهم مالي شغل فيهم
ليش اقعد اقارن سوالهم ماسوالي
قالهم ماقالي
شرالهم ماشرالي
ماله داعي في اشياء اهم من هالامور ..

 

[ناتشوو]

المشكلة
انج مثل كثيرات
من الحريم
بدل لا تركز ع حل مشكلتها
وتحديد اللي مضايقها
تلف وتدور
خليتي مشكلتج
انه يساعد اهله
لا
انت مشكلتج
يؤجل طلباتج
والمشكلة الوحدة لي فتحت الموضوع
ماتقول ابيك توديني هالمكان
وتوفي وعدك بكذا
لا
تقول
خواتك متزوحات
وازواجهم مسؤولين عنهم
باختصار
مو شغلج
ازواجهم وعيالهم طلباتهم
اللي عليج تحلينه
ان مشاويرج يقضيها
وفهميه
ان يضايقج تأجيل مشاويرج المهمة

وباقي الامثلة
عليج مو لج
قال انزلي قعدي ورا
شافج متمسكة بالكرسي
وحلاتها بدون كلام
اخت كبيرة اخلي لها المكان
الا لو حلف او حلفت عليج

قال بعزم ع الغدا
من باب الميانة
ماصار شي
قلتي مايكفي وانتهى الموضوع
مو معقول بتتضايقين
لانه فكر يعزم وخذا رايج
شنو تسوين لو جو ضيوف بدون لا يقول لج
بتزعلين عند اهلج
قال لج اغسلي الملابس
خلاص
المفروض تبدين تشوفين بيتج
لي متى ملابسه بالمصبغه تنغسل
يمكن لو انشغلتي بتسنيع البيت
بتنسين خواته وتلهين عنهم

الله ييسر امورج ويريح بالج
استمتعي بالفترات اللي مافيها مشاكل
وهموم
لا تخلقين لج مشاكل من عدم
ترى النفوس تحس
لا تخلينهم يشيلون عليج
ترى بدون لا تتكلمين
بيحسون ان ف قلبج شي عليهم

 

[Um Tuki]

قطيعة ناس ما عندها سنع
المفروض هي تستحي على ويها وتقول لاا عادي بقعد ورى و تلزم انج ما تنزلين و تتسمعت جدام
اشهالناس الحمدلله و شكر اللي تبي تراوي زوجة الاخو اني انا اقدر اكسر راسج

عالعموم ماتقدرين تتكلمين اخاف لو تكلمتي ريلج يقول انج سوسة و انج ماتحبين اهله فخليه على كيفة بس فهميه مثل ما هم اهله انتي زوجته و ان هو المسؤول عنج هم عندهم رياييلهم و ان انتي مالج شغل و ماتبين تتدخلين بينه وبين اهله بس مثل ما يخلص مشاويرهم ملزوووووووووووووم يخلص مشاويرج
و لما يوديهم المستشفى اتصلي في اخته سألي عنها و تطمني
اذا كان الموضوع فيه مستشفى بس اتصلي سألي اما شي ثاني لا تتدخلين وتعورين راسج باجر يفهمونج غلط


ربي يكون بعونج

 

[رنيم الروح]

قطيعة ناس ما عندها سنع
المفروض هي تستحي على ويها وتقول لاا عادي بقعد ورى و تلزم انج ما تنزلين و تتسمعت جدام
اشهالناس الحمدلله و شكر اللي تبي تراوي زوجة الاخو اني انا اقدر اكسر راسج

عالعموم ماتقدرين تتكلمين اخاف لو تكلمتي ريلج يقول انج سوسة و انج ماتحبين اهله فخليه على كيفة بس فهميه مثل ما هم اهله انتي زوجته و ان هو المسؤول عنج هم عندهم رياييلهم و ان انتي مالج شغل و ماتبين تتدخلين بينه وبين اهله بس مثل ما يخلص مشاويرهم ملزوووووووووووووم يخلص مشاويرج
و لما يوديهم المستشفى اتصلي في اخته سألي عنها و تطمني
اذا كان الموضوع فيه مستشفى بس اتصلي سألي اما شي ثاني لا تتدخلين وتعورين راسج باجر يفهمونج غلط


ربي يكون بعونج

اسمحيلي انتي ترضين على نفسك زوجة اخوك الي اصغر منك بالعمر اترجعك بالخلف واهي الي قدام -في شي اسمه احترام الاكبر سناً فيه شي اسمه سنع وتربيه وحماتي وكبيره لها حق واحترام والموضوع هذا
مافيه استمتاع اهي قدام وبعدين وش توري ولا ماتوري وبلاش التفكير العوج الي يودي وراء الشمس

 

[فرزاشيهـ]

دام كبيره و عندها عيال شكبرهم ليش محتره ! خخخ كلها كرسي ورا جدام كله نفس الشي

 

[مناير ...!]

زين شصار لمن قعدتي ورا؟
وصلو قبلج مثلا؟؟
كلكم وصلتوا بنفس الوقت !!

اخته وكبيره
اصلن عيب عليج المفروض بروحج تنزلين !!

طبعا من كلامج ومشاكلج الي اقل من يقال عنها "تافهه"
مبين ماعندج شي يشغلج لامن هوايات ولاشغل ولادراسه ولاجان لهيتي عن هالسوالف ولاطقيتي لها خبر

ردي قاسي بس فصالحج
غسيل هدومه واجبج ترا مو شي تنقهرين منه
شحقه متزوج اذا حتى هدومه يغسلها بالمصبغه !!

خدمه خواته
مافيها ولاشي بالعكس المفروض اتفرحج
الي مافيه خير لااهله ماراح يصير فيه خير لج يابنت الناس !

ولاتنسين توج مالج 3 شهور
يعني المقارنه بينج وبين اخته حدها عقيمه !!

سالفه السوق
عروس مالج 3 شهور
المفروض مايطري عليج تطلبين منه تروحين السوق !
وين جهازج ماامدج تخلصين كل هدومج !!

 

[قــمر]

من الذوق انتي اللي تركيين ورأ بدون مايقولج انا اخت ريلي الكبيرة بدون ملحد يقولي بنفسي اروح اقعد ورأ مع انها مب وايد كبيره في عمري واكبر مني. بسنتين وبالنسبة لطلباتج كوني مرتبه مثل حددي يوم في الاسبوع يخلص شغلج فيه حتى لو حد اتصل له من هله يقول أسف اليوم مشغول يعني حددي الموعد قبل بأسبوع وكل مايقرب اليوم ذكريه عوديه ع هالحركه بيتبرمج وقولي له هلك ع عيني وراسي بس انا زوجتك بعد ومثل ماتخلص لهم شغلهم تخلص شغلي وتدلعي عليه قولي له انا ماعندي احد غيرك وانت حبيبي وذا وداج السوق طيري فيه واشكريه ودلعيه عشان يتعود ان يسوي لج كل شيء تبينه

 

[M!SS.LOBY]

أمر عاادي فديتج

 

[manoooram]

حبيبتي اخته كبيرة ومن حقها تقعد جدام ما فيها شي أبدا ولها احترامها
والاخوان يشيلون بعض ترى حتى لو متزوجين عادي طولي بالج
يحتاجون لبعض
والاهم من كل هذا مقصر بمشاويرج وطلعاتج كلميه ترى ما فيها شي
مثل ما هم لهم حق ترى لج حق بالمثل
ومحد أحسن من الثاني أو أفضل
وطولي بالج

 

[البتولً]

شوفي حبيبتي انتي لج 3 شهور متزوجه وبتشوفين العجب العجاب بس حكمي عقلج
اذا هي اكبر منج خليها تقعد قدام وش صار يعني اهم شي تكبرين بعين زوجج ويحبج ولا هذي بكيفها كلها مشوار
لاكن ماراح يدوم لج الا زوجج وانتم بهالفترة كل واحد فيكم تبدا تبين شخصية للثانية لان الفترة الي راحت تقريبا اغلبها مجاملات
انا مرة خلتيها تركب قدام عشان اكسب قلبه ولا علي منها الحمدلله اذا هي تشوف المساله انها قلة تقدير
انا بالعكس حشمتها وكبرت بعين زوجي زين شكلي هي اكبر مني ورازة عمري قدام ولله فشلة
وعادي انا يقدم مشاوير اهله علي وانا اخر الناس اخرتها مخليني بالمشتشفى بروحي ورايح يسوي التاير حق سيارة اخوه
وانا بروحي بالمستشفى ولما زعلت اكلني ..
كبري عقلج شوي وبري باهله عشان تكبرين بعينة ويدوم لج وتزيد غلاتج بقلبة وبكذا بيدللج وبتحرينهم بحبة لجَ

 

[M!Ss.Dudi]

بس ركبها قدام و انت وراا ؟!!
يختي الله يجعلها اكبر المصايب
انت قلتيها كبيره وذوقياً تجلس قدام ,,
صفي النيه ولا تقارني وربي بيعطيك على قد نيتك


و على فكرة اخطر مقعد في الحوادث المقعد الي جنب السائق

^
^
ايش دخل ؟؟

:krkrkr::krkrkr::krkrkr:

 

[خلطات المذهله]

لا اله الا الله يابنات لاتغركم الدنيا الحين اخته وكبيره وفرقت معاج قعده الكرسي ومتضايقه ليش وداها لما مرضت ياختي حطي نفسج مكانها وشوفي هالشي يعجبج ولالا وتذكري كماتدين تدان واستغفري ربج علشان يحفظ لج زوجج ويهديه ولاتزعلين علي شي تري الدنيا فانيه

 

[خالتي قموش]

ام تركي خافي ربج
اخرتج حفرة متر في متر

 

[تبيني آرضى عليك]

حبيبتي كلها كرسي وراء وقدام يعني شنو فيها قامت الدنيا مثلا

 

[بنت النوخذا]

يا حلو السنع و الحشيمه
ترفع من صــــاحبها
بعين الناس كلها



شوفي يا قلبي
الاخت الكبيره .... تحل محل الام ( ان غابت الام او كانت الام عايشه )
ومن طيب نفس
ومن دون محد يقولج
انا بنفسي انزل وافتح لها الباب
حياج ام فلان تفضلي
وان صارت عزيمه او ان زارتني بالبيت
اسلم عليها واحب راسها
وان طبخت شئ تحبه
وجبتها بنقصــه
و ان صار موجب او شئ ..... اول ما ادق و اول ما اعزم
الاخت الكبيره
وان صار ورحنا عمره او حج
ادق ابلغها و اخذ بخاطرها
اذا ودها تروح معانا
منها اجر ومنها توجب و صله رحم
وان صار يوم الام ... اقدم لها هديه
وبين و قت و الثاني اهاديها و اتودد لها
وما اناديها الااا ام فلان
من زود الاحترام و الحشيمه

وخزياه وحده اكبر مني بسنين
وعمة عيالي و بحساب خالتي
ما احشــمها



فشله بحقي