روايتــــــي الثـــــــانيــة :خــــوات ايد بيــــــــد لن يفرقنا الزمـــــــــن ....

[zhoorQ8]

هااي انا متابعة يديدة كملي حبي

 

[بنت مغليهإ]

la yw8f ., Up Up Up ., ammmmm m5e m8fl ma 3nde tw83a >< ., Up Up Up Up Up UP

 

[RzoOon]

حبووبه عاادي تحطين البارت اليوم الفجر مافيني صبر هع

 

[قلبي سلمته لك]

بنات انا كاتبة نص البارت بس عشانكم بطوله وان شاءالله بكرة بنزل لكم بارت يعجبكم بس هاا ترا الاحداث بتحمسكم اكثر << نطروني يا الغوالي



منورين المتابعين اليدد نورتوا الرواية والله

 

[RzoOon]

لا حطي نص البارت ناطرين عاادي

 

[قلبي سلمته لك]

هههههههه لــ هالدرجة متحمسة ... << بصير نذلة بكرة بنزله كامل

عاد ابي التوقعات شنو اللي بيصير وخصوصا لــــ ... << بكرة تعرفون

 

[Dlo3at_7abebha]

اب أب اب
لا تطولين علينا

 

[قلبي سلمته لك]

البارت السابع عشر ​

******************​

​

بعد مرور 3سنين على الاحداث الاخيرة ... ​

​

سطام مازال يزور منى ويطلع معاها وخصوصا بعد ما ولدت لكنه ما خبر أي احد باللي صار وما قال لهم ان منى عايشة ​

منى : ولدت وجابت بنوته قمر وسمتها حلا لانها فعلا حلا كانت جميلة فيها من ملامح امها وماخذه من حمد العيون الناعسة اللي لونها ازرق < نفس امها > وشعرها بني مايل للاشقر بيضة بياض الثلج والحين تستحي من سطام ههههههههه حسبالها صج بيتزوجها ​

هديل : جابت ولد وسمته عبدالرحمن كان جميل بعد اكبر من حلا بشهرين ابيض عيونه لونها اسود شعره بني ​

******* ​

اما الاحداث بالكويت ​

اريام وحمد : الله ما رزقهم بعيال واريام تقول لحمد ان العيب منك مو مني وهو صدقها بس رفض انهم يتعالجون برا ​

ناصر ونادية جابوا بنت وسموها نور ( بيضة عيونها لونها بني شعرها قصير كانه بوي ومو راضي يطول عمرها سنه وشهرين < لا تضحكون علي عشان شعرها هههع ​

اما فيصل وفاطمة : جابوا ولد وسموه احمد عمره سنتين ​

ملاك وجاسم الى الان ما تزوجوا لان ملاك رفضت جاسم والجد ما قدر يغصبها والكل انصدم منها ​

وملاك رفضته عشان ......... بعدين تعرفون ​

مريم وحمود تزوجوا والحين هي حامل بالشهر السابع وحمود مدلعها حيل بس بعض المرات يعصب منها عشان كل شوي مقعدته من النوم مشتهية شي .... الله يعينه البنت تتوحم​

وسارة .... قصتها قصة بتعرفونها شنو هالقصة بالبارتات الجاية لانها عشتقت احد واخيرااا ههههه​

........................................................................................​

هذي احداث السنه اللي مرت على ابطالنا بس الاحداث بتبين بعدين وبتحلى القصة << واثقة الاخت << خلينا نكمل احسسسن ​

___________________________________________________________​

في مدينة ميلان في ايطاليا .. .<​

منى : هديل انا طالعه اجيب العيال من الحضانة ​

هديل : بروح معاج انا ​

منى : ليش ما بتروحين للعيادة ​

( نسيت اقول لكم منى وهديل فتحوا لهم عيادة منى تعالج الاطفال وهديل عيادة تصير دكتورة نفسية تسمع شكاوى الناس وتساعدهم يعني جذيه )​

هديل : لا اليوم بعطي نفسي اجازة ​

منى : هو على كيفج ماما روحي وانا بجيبهم ​

هديل : تكفين قلبو والله تعبت من طلعت من الاربعين وانا رايحة للعيادة رادة من العيادة مايصير ​

منى : طيب بس متى بترجعين لها ​

هديل : لا تخافين انا قلت للسكرتيره اذا احد جاء تتصل علي بعدين ما كو مواعيد اليوم خلينا نروح نطلع مع العيال ​

منى : يالله امشي ........... وراحوا للحضانة ​

منى وهي تبوس حلا : امووووووووووواح يا بعد هلي كلهم ​

حلا : ماما ابي هلاوة < حلاوة ​

منى : يا بعد ماما انتي بس حلاوة بجيب لج الا شوكلاته واللي تبين امووووواح ​

هديل : تراج دلعتيها والله ما تستاهل شوفي انا شسوي بولدي .... حمني ​

عبدالرحمن بفهاوة : هااا ​

هديل : فشلتني قول نعم ​

منى : يا بنت ذبحتي الولد خليه على راحته ​

عبدالرحمن : ابي هلاوة < حلاوة ​

هديل : لا بعد تبي ضروسك تتكسر​

منى : ههههههه يا قلبي تعال امش معاي ​

هديل : لا انا بوديه .... ومسكت ايده وراحوا يشتررون لهم ويمرون مطعم يتغدون فيه ​

_____________​

في الكويت وتحديدا فله الجد ** ​

ملاك بالجناح تبجي : اااهي اهي ما ابي اتزوجك واضيعك معاي جاسم والله احبك بس ما اقدر غصب عني ​

الجد دخل الجناح وراح لها : ملاك يا بوج شنو اللي فيج ليش تبجين ​

ملاك حضنته : جدي الله يخليك ما ابي اتزوج الله يخليك ​

الجد : بس يا بوج ما راح اغصبج على شي انتي ما تبينه << اكيد تستغربون تغير الجد لان من يوم ما دروا بان القنبلة انفجرت الجد تغير وصاير يعامل الكل بطيبة ​

ملاك : اااهي والله غصب عني ​

الجد ماكان فاهمها عدل : بس خلاص يا ملاك بس ​

ملاك هدت وقومها جدها للسرير وسدحها فيه ومسح على راسها وقرا القران ليما نامت وطلع من عندها وهو يفكر بتغيرها المفاجئ​

________________​

​

في فله بو ناصر وجناح ناصر ونادية بالتحديد ​

نادية : يوووه ناصر بنتك ما ادري شفيها ​

ناصر ترك اللي بيده وراح مع نادية للبنت ومسح على شعرها : بس قلبي لا تبجين ​

نادية : اخاف تعبانة والله ما اني عارفة لها ​

ناصر ضحك : هههههههه ​

نادية: ليش تضحك ​

ناصر : ما في شي امشي ناخذها للدكتور ​

نادية : يالله بلبسها واغير لها والبس عباتي وانزل لك بس انت شغل السيارةة​

ناصر كاتم ضحكته على كلام نادية وطريقته : لا انا بساعدج بلبسها معاج ....... ​

وفعلا لبسوها وغيروا لها ونزلوا تحت عشان يروحون للمستشفى ​

ام ناصر قابلتهم وهم طالعين : وين على الله ​

نادية منصدمة من طريقة كلامها : بناخذ نور للدكتور ​

ام ناصر بدون نفس : ليش شفيها ​

نادية : شكل صدرها تعبان لانها من اليوم وهي تبجي وتصيح علينا وما تقدر تتنفس عدل ​

ام ناصر : ما فيها شي روحوا ردوا فوق ​

ناصر : يمه البنت تعبانة ​

ام ناصر : أي تعبانة هذا دلع من امها غصب تمرضين البنت ​

نادية سكتت لانها لو ردت بتنفجر بوجهها : ........​

ناصر : يمه أي دلع الله يهداج البنت تعبانة يالله نادية ...... وطلعوا وتركوا ام ناصر تدعي وتزف فيهم ​

بالسيارة نادية كاتمة دموعها من تعامل ام ناصر معاها وهي مو عارفة شنو السبب : .......​

ناصر انتبه لها : نادية ترا امي مو قصدها جذيه انتي تعرفينها ​

نادية نزلت راسها : لا عادي ناصر انا تعودت عليها ​

ناصر : في بقلبج حجي موو ​

نادية : لا ليش تقول جذي ​

ناصر : امي ترا حتى معانا هي جذيه بس تحب اريام ما ادري ليش ويا ليت اعرف السبب ​

نادية : لا تقول جذي هي يمكن تحبها عشان انها بنتها الوحيدة ​

ناصر تنهد : ااا يمكن ​

نادية عرفت انه فيه شي بس سكتت : ..........​

وراحوا للدكتور وبعد ما فحصها ": البنت دهي حرارتها مرتفعه ليه ما غبتوها لي بوقت اقدم < ما اعرف اتحجى مصري عدل هع <​

نادية : دكتور كانت تبجي طول الوقت وما عرفت لها​

الدكتور : لازم ناخذ لها اشعه على صدرها يمكن تكون التهاب او حاقه مثل دهي​

نادية : التهاب​

الدكتور : احنا متوقعين بس لا اكثر​

نادية : طيب ان شاءالله ما يكون نفس توقعكم ...... وراحوا سوا لها اشعه والحمد الله ما طلع نفس كلام الدكتور ​

بالسيارة ​

نادية : مالت هوو مالت شكله مخرف هالدكتور يتفاءل على بنتي ( وتحضن بنتها ) ​

ناصر : ههههه أي والله شكله جذي ​

نادية : والله لو اني ذابحتها بس شسوي بالمستشفى عيب قدام الناس ​

ناصر : ههههههههههه​

______________________​

في فله الجد في جناح حمد واريام ​

حمد : اريام شفيج زعلانه ​

اريام : الكل حمل وعنده اعيال الا انا ​

حمد مسح على خدها : هذا اللي مضيق خلقج ​

اريام : حمد الله يخليك ابي عيال ​

حمد : طيب شرايج نتعالج​

اريام وقفت : انت اللي المفروض تتعالج مو انا ​

حمد وقف : نعم انا شفيني ​

اريام : لان العيب منك مو مني ​

حمد ضربها كف : عمري ما شفت وحدة تقول حق زوجها هالكلام السانج طال يا مدام ​

اريام : اهي اهي انت ليش ما تصدق ان العيب منك مو مني ... منى ما حملت منك شلون تبيني احمل منك اكيد العيب منك مو مني ​

حمد : بس منى انا ما لمستها ​

اريام ابتسمت واستانست ان منى وحمد ما صار بينهم شي : صج ​

حمد رفع حاجبه: أي .. وبكرة جمعي اغراضج بنسافر نتعالج كلنا ونشوف العيب من منو ​

 

[قلبي سلمته لك]

اريام خافت : طيب ...... وراحت تجهز الشنطة لهم ​

حمد قعد على الكنبة : اااه يا منى بس اطلعي من حياتي صارت 3 سنين وما نسيتج احبج .. وطلع من الجناح ​

____________________​

منى وهديل وحلا وعبدالرحمن بالمطعم يتعشون ​

هديل : والله هالاكل عجيب يسلم ايدج منووي ​

منى : ههههههه على فكرة مو انا اللي مسويته ​

هديل : أي عادي مو انتي اللي مختارته ​

منى : أي صح هههههههه ​

حلا : ماما ​

منى : لبيه ​

حلا : ما ابي اقعد هني بروح العب ​

منى : طيب يا قلبي بنروح نطلع انا ووياج بس نخلص غداءنا طيب ​

حلا : طيب ​

منى : فديتج امووواح ​

هديل : هههههه روحوا انتو وانا وحمني بنروح للعيادرة صح حمني ​

عبدالرحمن بضيق : صح ماما ​

منى : خليه حمني يروح معانا ​

هديل : لا ابيه معااي بطلع معاه اذا خلصت مواعيدي ​

منى : زيييييييييين ​

هديل : شفيج ​

منى : ماكو شي بس يالله انا اترخص يالله حلا ​

حلا قاممت وطلعت مع منى ​

______________________​

في فله بوفيصل ​

فاطمة : احمدوو اقعد ازعجتني ​

فيصل : ههههههه خليه هذا طالع علي ​

فاطمة : أي مو احنا مو ذابحنا غيرك انت يعني لازم تشتري له هالدراجة كسر البيت علينا ​

احمد : ماما شوفيني اقحص ​

فاطمة فتحت عيونها على الاخر : شنو تقحص ها ​

فيصل ميت ضحك : هههههههههههههههههه ​

فاطمة : مالت حتى مالت عليكم اثنينكم بروح لــ تحت عند خالتي احسن ...... وقامت ​

بس فيصل سحبها وقعدها بحضنه : ............ ​

فاطمة : فصيل شوف ولدك شلون مبقق عيونه ابعد عني ​

فيصل باس خدها : احبج ​

فاطمة قلب وجهها احمر خصوصا قدام احمد اللي كان متصنم بمكانه ما تحرك وهو يشوفهم : فيصل ابعد خربت الولد علينا ​

فيصل : اقول احمدووو روح انزل تحت ​

احمد : يبا شنو اللي بتسوي مع ماما ​

فاطمة صار وجهها احمر : .......​

فيصل :هههههههههه بقولك اذا كبرت ههههههههه ​

احمد ما فهم شي بس طلع برا : ..........​

فيصل : فكة ما بقى ​

فاطمة تحس شوي وتبجي : ليش جذي عيب قدام الولد ​

فيصل : عشان يتعلم ويصير رجال ​

فاطمة :شنو رجال انت ووجهك ......... وقامت عنه وعطته ظهرها ​

فيصل قام وحط ايده على خصرها : بعد ما طلعت الولد تبين تحرميني هاللحظة ​

فاطمة نزلت راسها ......... فيصل سحبها للغرفه ​

_________________________________​

​

عند هديل راحت للعيادة ودخلت عبدالرحمن المكتب وقعدته على الكرسي بعد ما شرت له الايس الكريم عشان يسكت ​

السكرتيره تتكلم ايطالي : مدام يوجد لديك زاير هل ادخله ​

هديل : هل يوجد مواعيد الان بهذا الوقت ​

السكرتيره : لا يوجد اليوم عندنا أي مواعيد وخصوصا بعد الساعه 9 ​

هديل : اوكي ادخليه الي ....... ​

هديل :حبيبي حمني ما ابي صوت في عندي مريض بعالجه اوكي وابيك تساعدني ​

عبدالرحمن : طيب ...... ويكمل لعب ​

ضرب الباب ودخل واحد وسيم ( ابيض وجسمه عريض من الاكتاف لون عيونه بني شعره طويل شوي والسكسوكة محليته اكثر ) << اكيد عرفتوه ​

.............. : السلام عليكم ​

هديل : وعليكم السلام ....... بس انتبهت ان اللي يتكلم معاه يتكلم كويتي رفعت راسها وانصدمت من اللي تشوفه ​

................ : شلونج هديل ​

هديل : اطلع برا ​

............... : ليش يا هديل ادري انج ما راح تسامحيني بس والله اني غلطان وانتي لو تدرين بـ هالسبب اللي بعدني عنج جان سامحتيني ​

هديل : اطلع برا تركي ارجوك ​

تركي : ما راح اطلع الا تسامحيني ​

هديل : ما ابي اسامحك ( تناظر ولده وتتمنى تركيما يشوفه ) ​

تركي : الا هذا منو ( ياشر على عبدالرحمن ) ​

هديل : مالك شغل ​

تركي راح له وباسه : شسمك بابا ​

عبدالرحمن : اسمي حمني ​

تركي حضنه لانه يدري انه ولده من متابعته لاخبار هديل : ...............​

هديل راحت له وسحبت عبدالرحمن وراها : مالك شغل بولدي ​

تركي : هذا ولدي بعد ​

هديل : لا هذا مو ولدك ​

تركي : هديل انا ادري انه ولدي لا تقعدين تجذبين كل شي انا ادري فيه ​

هديل قعدت على الارض تبجي : بعد ما عرفت ان عندك ولد جاي تاخذه .. تاخذه مني اللي ربيته وتعبت عليه 3 سنين يا تركي ظلمتني هني ولا تدري عني تركتني ورحت عني ليش يا تركي ليش ​

تركي راح لها وحضنها : والله ظروف يا الغالية ​

هديل رفعت عيونها : شنو هي الظروف اللي تركتني علشانها تترك زوجتك في دولة ناسها ما تعرف ربها بس الحمدالله ربي سترني انا وولدي ​

تركي : خليني اقول لج اللي صار ​

هديل بحكمة : اطلع برا ​

تركي : تطرديني براا ​

هديل :أي ​

تركي : على فكرة لا تنسين انج الى الان زوجتي انا ما طلقتج ........ وطلع ​

هديل قعدت تبجي وتصيح : .........​

عبدالرحمن : ماما ليش تبجين ​

هديل حضنت ولدها : يا رب ابعده عني وعن ولدي ​

وراحت للشقة وقالت لمنى كل اللي صار ​

منى سدحتها على السرير وقرت عليها الايات ليما نامت وراحت تنوم حلا و عبدالرحمن وتقص عليهم قصة ليما ما ناموا ....... بعدها طلعت برا الغرفةوراحت للصاله ​

منى قعدت الكنبة وتنهدت : اااااااااه ... والله يا هديل رجع لج زوجج وانا حمد بيرجعني والا شنو اللي بيسويه لما يعرف اني حية وعندي بنت منه ​

___________________​

​

​

توقعاتكم ​

​

​

​

​

​

​

​

 

[RzoOon]

انا ودي ان حمد يتعالج بإيطاليا ويعرف ان العيب مو منه من اريام ويطق اريام ويطلقها وبالصدفه يشوف منى ويردها >> خطيره توقعاتي

 

[جوري ستايل]

متى البااارت

 

[3rbawiiya]

انا ودي ان حمد يتعالج بإيطاليا ويعرف ان العيب مو منه من اريام ويطق اريام ويطلقها وبالصدفه يشوف منى ويردها >> خطيره توقعاتي

ههههههه والله توقعج عجيييييييييب ههههه





يالله حبي ناطرين الباااااارت
اب اب اب اب اب اب اب اب اب اب اب اب ا
ب ب

 

[Šnoopy>>>3]

ههههههه والله توقعج عجيييييييييب ههههه





يالله حبي ناطرين الباااااارت
اب اب اب اب اب اب اب اب اب اب اب اب ا
ب ب

والله صج هههههههههه

 

[بنت مغليهإ]

Up Up Up ., الببااارتت ححدداا رووووووووووععةه .، ننططررج .، ببس ممتتى ـآ بتتننزليينن الباارت ؟؟

 

[RzoOon]

ههههههه والله توقعج عجيييييييييب ههههه





يالله حبي ناطرين الباااااارت
اب اب اب اب اب اب اب اب اب اب اب اب ا
ب ب

خخخخخخ ثينكس شسوي بطت جبدي هالارياام مالت عليها

 

[3rbawiiya]

خخخخخخ ثينكس شسوي بطت جبدي هالارياام مالت عليها

اي مالت عليها اكرررهاااااااا هههه << حماس زايد خخخخ

 

[قلبي سلمته لك]

ههههههههههه ... تعليقكم على اريام عجيب شكلها بتحول عليكم <<< هع

يا الغوالي البارت بيكون يوم الجمعه وبنفس هالحزة انطروني

عاد ابي التشجيع وردودكم الحلوة ... يعني بشوف نكاتكم اللي تطيب الخاطر

 

[RzoOon]

ليش يوم الجمعة خليها الفجر بيوم الجمعه لأني راح اكون مشغوله
نااطرينج قلب وياليت تبردين قلبي بأريام بالبارت الجاي

 

[قلبي سلمته لك]

ههههههههه رزون لا تقلب عليج اريام هههه .......

اوكي بشوف يا الفجر اذا قدرت او الساعه 8 يوم الجمعه


نطروني

 

[قلبي سلمته لك]

البارت بيكون جاهز ان شاءالله ........ الساعه 3,30 الفجــــــــــر



توقعاتكم ...............