حبيبتي الطيبة ^_^ ,,
بخصوص ارتداء الحجاب عن قناعة أو غير قناعة ,,
هذهـ حجّة واهية ابتدعتها بعض المفرّطات هداهنّ الله لتتنصّل من الإنقياد للحكم الشرعي القاضي بإرتداء الحجاب
أطلب منكِ يا عسل أن تقرأي موضوعي هذا :
بسم الله الرحمن الرحيم
السلام عليكم و رحمة الله و بركاته
أهلاً حبايب قلبي ,, كيف الحال ؟ عساكن بخير يا الغاليات ؟ ^_^
بس ملاحظة حبايبي قبل لا نبتدي بسرد الموضوع :
شوفن حبيبات قلبي بالبداية ,, ( اقرن الموضوع كامل ) ,, يعني لا تعلقين يا الحبيبة الطيبة على الموضوع و أنتِ ما بعد قريتيه كامل !
[ عشان لا يصير سوء فهم ]
ترى يبيّن من الردود من هي آللي قاريتن الموضوع كامل و من هي آللي ماهيب قاريتوهـ كامل
/
نبتدي على بركة الله و بسم الله الرّحمن الرحيم ,, ^^
أنـا يا حبايب قلبي ,, لفت انتباهي شي !
إن كثير بنات يقولن :
ما نبي نتحجّب ,, ما بعد اقتنعنا بالحجاب !
أنـا ضد إن الأم أو الأب يحجبون بناتهم و هن ما بعد اقتنعن بالحجاب ! ,,
طيب ..
راح أناقش معكن ,, هالإشكاليّة :
و أبي يا الغاليات تركزن معي بالحكي آللي أبي أقوله ,,
أول شي يا الحبيبة الطيبة ,, يا الأخت آللي غير ( مُحجّبة )
أنتِ غير مُحجّبة لأنك غير مقتنعة بالحجاب .. صح ؟
و أنتِ يا الأم الطيبة الحبيبة .. يا آللي ساكتة على هالوضع ,, و ما تبين تحجبين بنتك ( بالغصب )
و السبب إنك ضد سياسة الإجبار ,, صح ؟
طيب نشوف هنا ,,
أجل لو بنتك .. جت و قالت : ماما ما أبي أروح المدرسة ,, بصراحة مانيب مقتنعة بالدراسة
( يا ترى .. هل بتتركينها على كيفها ) ؟
يا الأبو .. لو جاك ولدك و قال : يبـة أنـا صرت رجّال و أبي أدخّن مثلي مثل باقي الشباب !
( يا ترى ., هل بتتركه على كيفه ) ؟
/
نشوف من جهة ثانيــة ,, أنتِ يا الحبيبة الطيبة يا آللي تقولين أنـا ما أبي أتحجّب لأني غير مقتنعة بالحجاب !
راح أثبت لك الآن إنك لو تبين تلبسينه راح تلبسينه سواءًا اقتنعتِ ,, و إلا ما اقتنعتِ !
القصة ماهيب اقتنعتِ و إلا ما اقتنعتِ .. القصة تبين و إلا ما تبين !
لو رتّبت جااائزة على لبس الحجاب قدرها مليون ريال أو مليون دينار أو مليون درهم ..
كان الحين ما فيه و لا بنت سفور ! كان الكل تحجّب ,, سواءًا المقتنعة ,, و الغير مقتنعة !
ليــه ؟ عشان الجائزة ! .. قال تعالى : { وَمَا عِندَ اللَّهِ خَيْرٌ وَأَبْقَى }
حبيبة قلبي ,, يا الحبيبة الطيبة ,, ^__^
اسمعيني شوي يا الغاليــة , إني لكِ ناصحة ,, و لقلبكِ محبّة ,,
و أنـا خايفة عليك من نار جهنّم
ليه تضحكين على نفسك حبيبة قلبي فديتك ,,
أنتِ كم مرّة بحياتك اضطرّيتِ إنك تسوين أشياء ما تبينها و لا تحبينها و لا أنتِ مقتنعة فيها
و السبب إن تنفيذ هالأشياء ( يصب في مصلحتك الشخصية ) ؟
كثير صح ؟
خليني أعطيك مثال :
المذاكرة مثلاً ,, غالبيّتنا ما يحب المذاكرة الشديدة المكثّفة ,,
لكن نضطر بأوقات الإمتحانات إننا نذاكر و ندرس و نشد حيلنا و نتعب و نسهر الليالي
( و بواقع الحال : نفسنا بكل صراحة تكرهـ هالشي !! )
يعني ما فيه إنسان يحب يتعّب نفسه و يجهدها و يسهر طول الليل ! معليش هذي بس الفطرة !
لكن كم مرّة أجبرناها على إنها تسوي شي ما تبيه و ما تحبّه ؟ كثيييييييييير والله كثيييييييير عدّوا و اغلطوا !!
لما تمرضين يا أختي الحبيبة الطيبة ,, تشربين الدوا صح ؟
و يمكن هالدّوا طعمه ( مر) ! و أنتِ غير مقتنعة بطعمه ( المر ) !
مع هذا تصبرين نفسك و تشربينه ( بالغصب ) ,, صح ؟
ليــه طيب ؟ لأنك تدرين بقرارة نفسك إن شرب الدواء و إن كان مر يترتب عليه شفاءك بإذن الله
صح حبيبة قلبي ؟
طيب .. قومة الصّبح حق الدوام ,,
محد يحب يقطع لذيذ نومه و يقوم من الصّبح ..
مع هذا نغصب أنفسنا و نجاهد حتى نصحى الصباح ,, ليـه ؟
عشان نشتغل و نكسب فلوس !
أو عشان ندرس و نتخرّج بأعلى الشّهايد !
شفتوا كيف إننا داااائمًا و أبدًا نسوي أشياء ما نحبها و لا حنـا مقتنعين فيها ؟
و السبب ؟ إنها تحقق مصالحنا الشخصية ..
لكن يا سبحان الله !!
إذا تعلق الموضوع بـ ( الحجاب ) أشوف يتغيّر الوضع !!
يصير لنا كلام ثاني !!! يصير لنـا موقف ثاني !
أنـا أجبر نفسي على الدّراسة ,, و أجبر نفسي على شرب الدواء المر
و ما أقول شي !!
لكن لما يصير الموضوع متعلّق بالحجاب ( أقول أشياء ) !
و أبدأ أتحجّج و أعلل بأعذار واهية مردود علي !
بموضوع الحجاب يصير ( أنـا ضد سياسة الإجبار ) !
بموضوع الحجاب يصير ( أنـا ضد سياسة لبسه من غير اقتناع ) !
لكن بموضوع الدواء ( لا عادي ) !! أجبر نفسي ما يخالف !!
/
ليه يا قلبي .. ليه ؟؟
يعني تبين تفهميني إنك بكل حياتك ما تمارسين مع نفسك سياسة الإجبار و لو بصورة خفية ؟
أعتقد أعطيتك أمثلة يا الحبيبة الطيبة ,,
أفهم من هذا يا الحبيبة الطيبة .. يا عسل لو تجيك بنتك و تقول لك :
يمه أنـا أبي أتعرف على واحد ! ,, بصراحة أنا غير مقتنعة بإن العلاقات الغرامية حرام !
أفهم من هذا يا الأم الطيبة الحبيبة إنك راح تتركين بنتك على كيفها ؟
تتركينها تكلم شباب و تتعرف و ما تحركين ساكن ؟
لأن حضرتك تنتظرينها ألين ما تقتنع بحرمانية هالعلاقات عشان تتركها عن قناعة بلحالها ؟
لو تجيك بنتك و تقول لك ( عذرًا على المثال بس عشان تآضح الصورة ) و تستشعرون خطورة هالمبدأ :
لو تجيب بنتك و تقول لك :
أنـا أمارس العادة السريّة ! هل بتتركينها على كيفها ؟ و تقولين خلاص لمّا تقتنع إن هالشي غلط هي راح تتركه بنفسها ؟
لو تجيك بنتك و تقول لك ما أبي أداوم ما أحب المدرسة ,, مانيب مقتنعة بالدراسة
أفهم من هذا إنك بتتركينها على كيفها ؟ بتخلينها ما تداوم ؟
يضيع مستقبلها و يتدهور ؟
لا والله ما راح تتركيها على كيفها ! والله إنك راح تمارسين معها سياسة الإجبار و الغصب !
مع إن الدراسة يا قلبي ( شأن دنيوني ) ,, فما بالك بالحجاب آللي هو شأن ديني ( بل فرض من الله جلّ جلاله ) ؟
يا سبحان الله !! .. في الأمور الدنيوية نتشدد و يكون فيه نوع حزم و شدّة و إجبار و غصب !!
لكن لمّا يجي شي يخص الدين نترك عيالنا على كيفهم و نحتريهم ألين يقتنعون ؟
طيب يا أختي الحبيبة الطيبة
لو ما اقتنعت بنتك أبد ؟ و بعدين ؟ بتتركينها خلاص ؟
تسوي آللي تبيه ؟
يا حبايبي هالمبدأ آللي تفكرون فيه خطير جدًا !!
هالمبدأ لو طبقناهـ من جد راح يفسد علينا ديننا !!
انتبوا يا بنات !!
لا تقولون ما فيه شي بالغصب !
يعني آللي ما له خلق يصلي خلاص يترك الصلاة ؟
تارك الصلاة عمدًا كاااااااااااااافر ..
هل يصلح يقول : أنـا بصراحة ما أصلي لأن ما لي خلق و ماني مقتنع بالصلاة ؟
و هل يصلح إن الأب يسكت عن ولدهـ و ما يأمرهـ بالصلاة لأن ما فيه شي بالغصب و يتركه ألين ما يقتنع و يصلي من نفسه ؟
ليـه أنتم نسيتم قول الرسول صلى الله عليه و سلم :
( مُرُوا أَبْنَاءَكُمْ بِالصَّلَاةِ لِسَبْعِ سِنِينَ ، وَاضْرِبُوهُمْ عَلَيْهَا لِعَشْرِ سِنِينَ ، وَفَرِّقُوا بَيْنَهُمْ فِي الْمَضَاجِعِ )
قال : اضربوهم !
و قال ( فرّقوا بينهم بالمضاجع )
رضوا ما رضوا.. لازم يتم التفريق بينهم بالمضاجع !
شفتوا كيف إن حنـا بحاجة إلى استخدام سياسة الإجبار ؟
و الدليل ؟
قال صلى الله عليه و سلم :
( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان )
و خروج البنت من غير حجاب ( منكر )
منكر عظيم ,, فبتبرّجها و سفورها ( فتنة على الشباب ) و سعي في إفسادهم !
ما أقدر أجاملكم حبايب قلبي ,, بس فعلاً آللي تطلع سفور هذي تتسبب في افتتان الشباب بها
إذا مهوب في وجهها .. جسمها
إذا مهوب في جسمها .. شعرها
و هكذا !
و أعتقد الأم تقدر تتدخّل و تمنع هالمنكر و تحجّب بنتها !
و أعتقد الأب يقدر يتدخّل و يمنع هالمنكر و يحجّب أبنته !
و أعتقد الأخ يقدر يتدخّل و يمنع هالمنكر و يحجّب أخته !
من رأى منكم منكرًا فليغيّرهـ بيدهـ يا مسلمين و هذي أعلى درجات الإنكار
كيف ترضون على بناتكم الخروج سافرات بلا حجاب ؟
المرأة فتنة على الرّجال و هي عورة كما ثبت في الحديث الشريف ليه متساهلين بالموضوع ؟
هل تقبل على نفسك أيها الأخ الفاضل صفة ( الدّياثة ) ؟
آللي يرضى و ما يغار على محارمه هذا ( ديّوث ) و الديوث ما يدخل الجنّة .. هذا مهوب كلامي
معقولة هانت عليك الجنّة ؟ معقولة ما تبي الجنّة ؟
كل هذا باسم الحريّة ؟
أي حريّة آللي تخلّيك معدوم الغيرة ,, شحيح المرجلة ؟
أي حريّة هذي آللي تحرّم عليك دخول الجنّة ؟
أنت من جدّك ؟
هذا كلام الرّسول صلى الله عليه و سلّم ..
( لا يدخل الجنة ديوث .. قالوا: ومن الديوث يا رسول الله ؟ قال : الذي لا يغار على محارمه )
قال صلى الله عليه و سلّم :
( المرأة عورة ، فإذا خرجت استشرفها الشيطان )
تدرون يا بنات وش معنى هالحديث ؟
البنت لما تطلع للشارع ,, يزيّنها الشيطان بعيون الناس ,, يخليها جميلة !!
أجل كيف لو طلعت سفور ؟
يا أخواتي شوفن هالرابط والله يعوّر القلب :
http://www.saaid.net/Doat/assuhaim/186.htm
ختامًا :
أنـا أطالب كل أم حبيبة فاضلة .. و كل أب شهم فاضل
و كل أخ عندهـ غيرهـ و مرؤهـ ,,
إنهم يتقون الله حقّ تقاته ,,
و بسنا ضحك على أنفسنا ,, يا كثر ما ضحك علينا الشيطان ..
لأن هذي جريمة جماعيّة ,, الكل له يد فيها ,,
فالراضي كالفاعل ,,
أتمنّى نتحرك ,, و نقضي على ظاهرة السفور
لأننها بالنهاية مسلمين ,,
و الحجاب هو آللي يميّزك ( ظاهريًا ) عن الكافرة ,,
لأنك لو خرجتِ للشارع و أنتِ سافرة ,,
أنـا وقتها ما راح أقدر أحكم عليك
إذا كنتِ مسلمة أو غير مسلمة ,, لأن المسلمة تلبس حجاب و الكافرة ما تلبس حجاب
معليش ما قدرت أحدد ديانتك وش هي ,, خلافًا لما تكونين متحجّبة
هنـا و بكل فخر ,, راح أشاور عليك و أقول :
تراها مسلمة
/
شي أخير :
هذا هو المفهوم الصحيح للحجاب ( الشرعي ) :
http://www.binbaz.org.sa/mat/8903
لأن مهوب أي حجاب ينقال عليه ( حجاب ) ..
انشروا الموضوع
