وين يالج الطلق؟؟

[منتهى الرقة86]

ولادتين اطلع من السوق للمستشفى

الاولى كنت بمركز سلطان اشتري اغراضي للمستشفى معجون اسنان وكريم والسوالف هذي طبعا شنطتي وعلبة تمر بالسيارة من دخلت التاسع

من قوة الالم ماقدرت احاسب راح زوجي السيارة وانا مستنده على الرفوف والناس تطالع فيني

الثانية نفس الشي كنت امشي وشربت قهوة وسينابون وكثرت دارسين وعلى المستشفى بروااااق

 

[ELFAD3Ah]

انا ياني الطلق بالسوق كنت مع ريلي قاعده اشطب على شغلي مال الاستقبال ولا ينزل علي ماي وانا بالسوق عاد طرت دار الشفا ولا فيني طلوق وانا ماادري كنت قاعده اطلق من 9 بليل ما طلع الاخ الا ويا اذان الفير وسوالنا مناحه بعد

 

[بنتي شبيهتي]

انا اول حمالي كانت الولاده اسبوع الاول من التاسع وريلي راح العمره مع ابوي بنفس اليوم اللي راح فيه ياني طلوق واهو بالطريج ثاني يوم الصبح ولدت



وحمالي الثاني كان من الفير ومطنشه لانه موقوي وانا ادرس مسائي رحت امتحاني ولا يزييييد حده كملت وخلصت وبعدين عاد صارت سالفه طويله من ابداعاتي بس بصراحه كنت مغامره في وايد هههههه حدي مينونه امتحن واقول ااااي تقولي الابله مالكوانا مالي خلق اتكلم اتلوه والبنات يقولون بتولد ابله ع بالها نستعبط بعدين عرفت انه صج
وانشالله هالمره بعد بشوف شراح ابدع من ابداعاتي

 

[love love]

قصصكم تونس

حمدالله على سلامتكم ولو انها متاخره

و
الله ييتمم عالحوامل

 

[in style]

اب اب


عجبني الموضوع

 

[نوفلتي]

انا يوم بجري حطولي طلق صناعي هالمره ياربي يجيني طبيعي عشان احس شلون :080402ask_prv:

 

[RO0O7Y KUWAITYA]

انا المره الي طافت صناعي ويذذذذذبح
عاد ان شاءالله هالمره طبيعي ياااارب

 

[فوشار]

انا بجرية ان شاءالله أقولكم تجربتي
توني دخلت التاسع الله يهون علينا ياااارب

 

[زين ودلال]

الحمدلله كله بالبيت

 

[نفول]

كملوا كملوا بنات خوش موضوع
حدي مستمتعه فيه انشالله بعد شهرين اقولكم وين يالي الطلق

 

[مثايل الوفاء]

لحضاات تخوف
الله يهوون عليناايارب

 

[noo7a]

اول صورتين معبرين حدهم لوول
بس اخر صوره لا تعليق لول

للاسف ماجربت شعور الطلق لاني ولدت قيصريه بالثامن
مع اني طول فتره حمالي اتخيل الموقف

انشالله لي ربي كتب لي الحمل مره ثانيه يارب اجربه
*

 

[[[ عيون جابر ]]]

ياربي تسهل علينا

 

[حنيت إلك]

اول مرة جاني الطلق بالليل الساعة ثنتين وثلث تقريبا طبعا نايمة بشقتي وزوجي يمي بس ماقلت له الا الساعة سبع وشوي لاني صج خلاص تعبت من الالم وهو يقول لا مافيك شيء نامي اريح لك...
المرة الثانية بدايته ببيت اهلي بس زااد حيل وانا بالستشفى لاني كنت منومه.
المرة الثالثة طلق صناعي وبعده عملية .
وهالمرة ادعوا لي وللجميع بالسهالة ان شاء الله.

 

[love love]

الله يسهل عليكم بناات

 

[قمرية الفيس]

انا بجرية الله يسهل علي وعليكم

 

[Miss Golden]

اذكر بحمالي الاول ياني الطلق بالافنيوز بس كان عالخفيف شوي يعني اقدر امشي بس حدي تعبت وكنت احس اني مو بالدنيا حتى كنت اقول حق ريلي احس جني غرقانه واسمع صوت الناس من تحت الماي... نفس شعور اللي يغوص بحمام السباحه

بس رديت الشقه اغمى علي يمكن ساعه قطيت روحي عالفراش و ريلي عباله نايمه الظاهر لوول

المهم قعدت من النوم عال12 تقريبا بالليل و دخلت الحمام ولا نازل علي شوويييييييي مثل بداية الدورة دم غامج او مادري شسميه!!
قلت حق ريلي جان يدق على امي و اكلمها قالت لي هذي تجاديم

هنيه خليت ريلي ينام قلت له عادي ليلحين مافيني شي والمفروض اني نايمه يمه بس خليته ينام و قعدت ماقدرت انام كلش ورحت الصاله وكنت اكلم بنات مواليد شهر نوفمبر بكويتيات واقولهم شنو احس فيه

المهم عال4 الفير كنت واصله حدييييييييييييي كان الطلق ايي كل 6 او 7 دقايق بالضبط ولما اييلي انسدح من شدة العوار ماقدر اقعد.. قمت و لبست عباتي و قعدت ريلي من النوم و قلت له خلااااص حان الوقت

يحليله عباله دلع بنات الظاهر قال لي بروح الدوام وارد لج مبجر اوديج

قلت له لاااااااااااااااا تكفه ودني مو قادرة ولا تحاتي اذا قالوا مو ولاده انا بقعد انطرك بالمستشفى لا تحاتي

---> من داخلي كنت متاكده ان فيني شي وهذا طلق


المهم الساعه 6 الصبح بالضبط وصلت المستشفى فحصتني ولا 4 سم قالت لي ولااااااادة على طوول


اذكر طول الدرب بالسيارة منزلة الكرسي و أتلوى من العوار وااااي


بس الحمدالله ولدت بالسلامه و يبت زيونه الحلوة الله يخليها لي و يسهل علي ولادتي الثانيه يارب

 

[love love]

اذكر بحمالي الاول ياني الطلق بالافنيوز بس كان عالخفيف شوي يعني اقدر امشي بس حدي تعبت وكنت احس اني مو بالدنيا حتى كنت اقول حق ريلي احس جني غرقانه واسمع صوت الناس من تحت الماي... نفس شعور اللي يغوص بحمام السباحه

بس رديت الشقه اغمى علي يمكن ساعه قطيت روحي عالفراش و ريلي عباله نايمه الظاهر لوول

المهم قعدت من النوم عال12 تقريبا بالليل و دخلت الحمام ولا نازل علي شوويييييييي مثل بداية الدورة دم غامج او مادري شسميه!!
قلت حق ريلي جان يدق على امي و اكلمها قالت لي هذي تجاديم

هنيه خليت ريلي ينام قلت له عادي ليلحين مافيني شي والمفروض اني نايمه يمه بس خليته ينام و قعدت ماقدرت انام كلش ورحت الصاله وكنت اكلم بنات مواليد شهر نوفمبر بكويتيات واقولهم شنو احس فيه

المهم عال4 الفير كنت واصله حدييييييييييييي كان الطلق ايي كل 6 او 7 دقايق بالضبط ولما اييلي انسدح من شدة العوار ماقدر اقعد.. قمت و لبست عباتي و قعدت ريلي من النوم و قلت له خلااااص حان الوقت

يحليله عباله دلع بنات الظاهر قال لي بروح الدوام وارد لج مبجر اوديج

قلت له لاااااااااااااااا تكفه ودني مو قادرة ولا تحاتي اذا قالوا مو ولاده انا بقعد انطرك بالمستشفى لا تحاتي

---> من داخلي كنت متاكده ان فيني شي وهذا طلق


المهم الساعه 6 الصبح بالضبط وصلت المستشفى فحصتني ولا 4 سم قالت لي ولااااااادة على طوول


اذكر طول الدرب بالسيارة منزلة الكرسي و أتلوى من العوار وااااي


بس الحمدالله ولدت بالسلامه و يبت زيونه الحلوة الله يخليها لي و يسهل علي ولادتي الثانيه يارب

قصتج تونس لووول

تصدقين لازم كل حامل بعد الافينيوز تولد لووول اتذكر بالثاني ريلي مشاني ايكيا بعدها رحت لي كارفور مشي تخيلي وفرني بكارفور طولنا واحنا نحاسب اقوله ريولي متخدره واحس بثقل عفيه ييب سياره مارضى
قعد يدز عربانه بنتي ويسحبني جنه ساحب بانشي لوووول


حمدالله عدت

 

[love love]

انا بجرية الله يسهل علي وعليكم

الله يسهل عليج

 

[عالمي المجنون]

كنت عند اهلي نائمة ليش ان قبلها بيوم الدكتور قالي احتمال قيصرية لان ما بقي شي و اخلص شهري

و طلب مني اشرب خروع و اروح امشي و اكثر جماع بعد ما سويت هالاشيا رحت بيت اهلي12 بالليل

قمت ع عوار ما اقدر استحمله الساعة 7 و شي الصبح جريب ال8 رحت أهوس بالصالة و اتشكي حق امي ما صدقتني

لين زاد الألم لي درجة ما كنت اقدر اقعد واااي يا الطلق عذاب و طلقي كان حاااااار وصلت الطلقات 5 دقائق اقل من نص ساعة

<< ودي استرجع هاليوم ع كثر العذاب بس كان حلو

رحت البس عباتي و امي قعدت اخوي و دزيت حق ريلي مسج دخلوني الولادة ع طول الساعة9:15 واااي عذاب