تجمع مدرسه كيمبرج الانجليزيه ( المنقف ) 2011/2012

[ماريا 2006]

أختي ماريا أبشرج رحت لها وقالتلي خلاص مقبول عندنا ....​

يروح ريسبشن ...ان شاالله ...والله يجزاج خير الي قلتيلي عليها ...​

هيااااااااا
ام خالد الحمدالله والله فرحت لج

 

[miss_uk]

نمله معصبه
تسلمين حبيبتي على المعلومات ما قصرتي
انا كانت مشكلتي مع البريطانيه سلوى القبول انا مو بالكويت وكانوا موقفين قبوله
لكن ابشرج الليوم دزولي انه انقبل وعطوه كرسي الحمدالله
كنت افكر بالكيمبردج بس ريسيبشن لين ارد اقدم السنه اليايه بس بفضل الله سهلها علي واقبلوه هالسنه

ومشكوره مرة ثانيه على نصايحج

 

[قطعة حلا2]

مسائكم الله بالخير,,,,,الله يجزاكم خير علا هالتجمع,,,بنات حبيباتي انا عندي ولد عمره لربع سنين دخلته الكورس الاول اولى روضه في حكومه بس ماعجبت ولدي لانه كان داخل في حضانه ثنائيه اللغه وكانت ابلته كنديه وتهبل,,المهم انه ولدي طلع من الروضه وماحبها مع العلم ولدي يحب الانجليزي ويحب الابداع والرسم المهم فكرت وين ادخله,,وفكرت وفكرت بعدين قريت عن الرساله واعجبتني حييل بس رسومها غاليه,,,وانا معاشي عالشوون بس رفيقتي دلتني على كيمردج وسبحان الله تشجعت وقريت عنها وقلت خل اروح اشوفها,,,وفعلا علا شهر 2 اللي طاف رحت لها واستقبلتني المزيونه فاطمه البلوشي وكانت قمه في التعامل والاخلاق,,وسويت لولدي امتحان بس ولدي كان سهران ومعصب وكان بس يخز وماتكلم بس انا علمتها انه يتكلم وانه مبدع,,هههههه وتخيلوا بنات دخلت المديره البريطانيه علي وكنت حاطه ولدي في حضني وقعدت تتكلم معي وانا مدري شتقول بس ماقصرت فاطمه قعدت تترجم لي,,وكانت تقول لي انه طفلج متعلق فيج لانه من قعدته في حضنج واضح انه متعلق فيج حييييييييل,,قلت لهم اني تطلقت وانا نفاس فيه عشان جذي اهوا متعلق فيني شويات,,,,,,,,
المهم انه قبلوه ولله الحمد وانا كنت مستخيره في التسجيل,,,بس الحمدالله مشا الامر علا خير,,,,

بعدها باسبوع زينت اوراقه ودفعت لهم 200 دينار,,وباقي لهم قسط في شهر 9 تقريبا 680 ,,,قلت لفاطمه انه شوي غالين قالت جمعي من اللحين الى شهر 9 وراح يكون معج اكثر من 600,..

بنات هذا ولدي الوحيد وعندي بنت بس تدرس في الحكومه بصف ثاني ابدائي,,والحمدالله ماشيه بس انا دخلت ولدي لاني ابيه يعتمد على نفسه وبعد ابيه يتكلم انجليزي ويطلع كل ابداعه,,انا مو موضفه بس احيانا افكر واقول اخاف ولدي يحب المدرسه ومايطلع منها واكلها انا,,
وان شالله ولدي السنه الجايه بيروح لريسبشن وحابه اعرف اللي سجلت عيالها متى خذت الملابس ومتى الجداول تنزل وابي اعرف اللي مدخله ولدها ريسبشن هل ولدها استفاد منها ولا عادي,,
وهل تاسس فيها الانجليزي عدل,,تكفون ياللي مدخلات عيالكم فيها وبالذات الريسبشن علموني بكل شي,,لاني في حيره من امري اخاف ادخله وماتعجبه ويطلع خاصه انها ب1380 دينار يعني شي مو هين ابداا,,,ردوا علي

 

[قطعة حلا2]

بنات ابي اعرف شنو يدرسونهم في ريسبشن وشنهي المواد,,وعلموني شنو احسن ميس عشان اخلي ولدي عندها او احسن صف ماسكته ابلا زينه,,انا ادري انه ولدي بيتعبني وبيبكي بس ماعليه بضغط علا نفسي وعليه عشان يدرس فيها وماتروح فلوسي عبث,,ابي ولدي يعتمد علا نفسه ومايبكي لاني شوي مدلعته,,وهو عصبي,,فعلموني الله يوفقكن,,بكل اللي تعرفونه,,وهل كيمبردج طلباتهم وايد ولا لا وشكرااا لكم

 

[قطعة حلا2]

كو كو لاتي والبنات بليز ردو علي ترا انا محتاره

 

[قطعة حلا2]

اب اب بليز ردو علي

 

[!الجادل الصعب!]

بنات بغيت اسالكم .. السالفه الي طلعت عن فيها مدرسه
تحفظ العيال النشيد الايراني ومشتكين عليها ..؟!
هالسالفه جد ؟

 

[يـاسمينا]

بنات بغيت اسالكم .. السالفه الي طلعت عن فيها مدرسه
تحفظ العيال النشيد الايراني ومشتكين عليها ..؟!
هالسالفه جد ؟

هههههههههههههههه الصراحه السالفه تضحك :krkrkr:
المدرسه انجليزيه مو ايرانيه حبوبه
من وين تييبون هالسوالف !!

اظاهر في ناس يحبون ينشرون الاشاعات اللي مالها داعي

 

[يـاسمينا]

بنات ابي اعرف شنو يدرسونهم في ريسبشن وشنهي المواد,,وعلموني شنو احسن ميس عشان اخلي ولدي عندها او احسن صف ماسكته ابلا زينه,,انا ادري انه ولدي بيتعبني وبيبكي بس ماعليه بضغط علا نفسي وعليه عشان يدرس فيها وماتروح فلوسي عبث,,ابي ولدي يعتمد علا نفسه ومايبكي لاني شوي مدلعته,,وهو عصبي,,فعلموني الله يوفقكن,,بكل اللي تعرفونه,,وهل كيمبردج طلباتهم وايد ولا لا وشكرااا لكم

شوفي حبيبتي الياهل لازم يأذيج اول سنه خصوصاً اذا ماكنتي مدخلتا حضانه قبل المدرسه ,

المواد : رياضيات , العاب , عربي , قرآن , وغيرها طبعاً من المواد الانجليزيه .

ابلة ولدي بالكي جي كان اسمها مس آنا بس انتقلت ,
وبالرسبشن عندج مس هيزل وااايد زينه وتهتم بالياهل ولدي كان مطلع لها قرون
بس مسكينه كانت متحملته وتوصيني عليه وتعلمني شلون اتعامل معاه ,

وحتى لو ماتحطينا عندها ترا المدرسات اهناك كلهم زينين
لان عيال حماي بنفس المدرسه وماشاء الله مستواهم وايد حلو نفس مستوى ولدي واحسن ,
يعني لاتحاتين .

الطلبات : اممممم ماعندهم طلبات ذاك الزود يعني ماذكر شنو بالضبط كانت طلباتهم بس
اللي اذكرا كانوا يطلبون فلوس حق الرحلات طبعاً مايطلبون وايد دينارين او 3 بالكثير .

وبس هذا اللي اعرفا واي سؤال انا حاضر وبالخدمه ..

 

[رجـــاوي .. }]

بنات متى حفل الرسبشن ومتى اخر يوم دوام

وغنيتهم معطيني الورقه احفظ ولدي نزين شغرفني الحن

 

[قطعة حلا2]

مشكور مكشوره ياياسمينا بصراحه ودي اضرب لج تحيه علا اجابتج الشافيه لي...زين حبوبه انا اللحين مدخلته حضانه ثنائيه اللغه وماشي فيها الحمدالله..بس خايفه انه مايمشي في كيمردج يعني يداوم يومين ويغيب 3 ايام وهذا الشي مو مقبول نهائياا في المدارس الاجنبيه لكني ان شالله بكون حريصه علا دراسته..
وبعد تعرفين انه الرسوم للقسط الاول 650 ديناراللي بتكون 9/1 يعني لو دفعتها وماداوم الا يوم مستحيل يردونها لي وهالشي حييييييييييييل موترني ومخوفني,,ههههه اخاف ولدي يكسر فيني ومايداوم,,,
وابي اعرف هل ولدج تاسس في الريسبشن عدل,,يعني يتكلم انجليزي ويقرا كلمات ولا لا,,وهل انتي اذاكرين له ولا المدرسه بس اذاكر له..لاني بصراحه لغتي الانجليزيه لج عليها...
علمني شنو استفاد ولدج منها وولدج الله يخليه باي صف اللحين؟؟
ومشكوووووووووووووووووووووووووووووووره ياحياتي وتحملي اسالتي الكثيره..بس شسوي ماعندي احد اعرفه مدخل عياله خاص عشان جذي سالت.......وجزاكي الله كل خير

 

[قطعة حلا2]

مكشوره يعني مشكوره ماشفتها الا بعد مالبست نضارتي هههههههههههه اب اب

 

[يـاسمينا]

مشكور مكشوره ياياسمينا بصراحه ودي اضرب لج تحيه علا اجابتج الشافيه لي...زين حبوبه انا اللحين مدخلته حضانه ثنائيه اللغه وماشي فيها الحمدالله..بس خايفه انه مايمشي في كيمردج يعني يداوم يومين ويغيب 3 ايام وهذا الشي مو مقبول نهائياا في المدارس الاجنبيه لكني ان شالله بكون حريصه علا دراسته..
وبعد تعرفين انه الرسوم للقسط الاول 650 ديناراللي بتكون 9/1 يعني لو دفعتها وماداوم الا يوم مستحيل يردونها لي وهالشي حييييييييييييل موترني ومخوفني,,ههههه اخاف ولدي يكسر فيني ومايداوم,,,
وابي اعرف هل ولدج تاسس في الريسبشن عدل,,يعني يتكلم انجليزي ويقرا كلمات ولا لا,,وهل انتي اذاكرين له ولا المدرسه بس اذاكر له..لاني بصراحه لغتي الانجليزيه لج عليها...
علمني شنو استفاد ولدج منها وولدج الله يخليه باي صف اللحين؟؟
ومشكوووووووووووووووووووووووووووووووره ياحياتي وتحملي اسالتي الكثيره..بس شسوي ماعندي احد اعرفه مدخل عياله خاص عشان جذي سالت.......وجزاكي الله كل خير

ولو حبيبتي باللي اقدر عليه واعرفه راح اساعدج ..

شوفي انتي كل شي بيدج يعني مو معقوله بتخلين ولدج واهوا طفل يمشيج على كيفه ,
انا ولدي ماشاء الله عليه حيييل شيطان وحركي كان اول شهر كلا يبجي وما يبي يروح المدرسه,
بعدين سار عندا الوضع عادي بالعكس اهوا يروح بروحه الكلاس ,

ولدي تاسيسه وايد حلو ماشاء الله والحين اهوا يير 1 يعني اولى ابتدائي ,
يقرا ويكتب بس اكيد مو كل شي ,
يعني الحين يعطونهم كل اسبوع قصه يقرونها بالبيت واشوف ان ولله الحمد يعرف يقرا عدل
من غير ما انا اعلمه حتى الواجبات انا ما اقرا له اهوا بروحا يقرا ويحل ,

وعلى فكره بالكي جي والريسبشن انا ماجابلته عدل يبي يدرس ادرسه مايبي اخليه على راحتا عرفتي
يعني ما كنت ضاغطه عليه اخليه اهوا اللي يطلب ان يدرس .

وباختصار ولدي الحين يعرف كل الارقام والاحرف ,
يعرف يكون كلمه من الاحرف المتلخبطه ,
يعرف الزائد والناقص ,
يعرف يقرا قصه .


توكلي على الله وسجليه بس مو تخلينا على كيفه ,
لازم تضغطين عليه شوي وتعلمينا ان الغياب ممنوع .

 

[يـاسمينا]

بنات متى حفل الرسبشن ومتى اخر يوم دوام

وغنيتهم معطيني الورقه احفظ ولدي نزين شغرفني الحن

19 / 6 آخر يوم دوام بس ما عندي فكره عن الحفلاة متى ,
والاغنيه اهما يدربونهم عليها انتي بس قوليلا قول لي السونغ اللي معلمينك اياها واهوا راح يبلش معاج لوول ,

انا ولدي اولى ومعطينا ورقه بس عشان يكون عندج علم ان راح يغنون هالاغنيه ..

 

[ماريا 2006]

بنات بليز متي عطلهم بالضبط

 

[كوكو لاتي]

هاي بنات شلونكم قطعت فتره


حبيبتي ياسمينا مشكوووره علا تفاعلج المجدي بالتجمع


الحين اليهال معطلين لمده اسبووع نرتاح شوي

 

[!الجادل الصعب!]

هههههههههههههههه الصراحه السالفه تضحك :krkrkr:
المدرسه انجليزيه مو ايرانيه حبوبه
من وين تييبون هالسوالف !!

اظاهر في ناس يحبون ينشرون الاشاعات اللي مالها داعي

حبيبتي السالفه مو من جيبي بنات يشتغلون بالتعليم الخاص قايلين في شكاوي عالمدرسه
وبغيت اتاكد منكم .. هههه ومادري شنو هذا رد ماله داعي
قولي الي تعرفينه .. + ان المعلمات وافدات ليش تستغربين هالشي .. لايكون مدرساتهم من بريطانيا !
وانا مانشر اشاعات لاعندي مدرسه خاصه ولا حضانه شستفيد يعني ؟!
ولوبسوي ضجه موضوع بسيط بالمنتدا لكن انا بغيت اتاكد منكم
لان عيالكم يدرسون ..


الي ماتعرف ترد رد سنع ياليت ماتعب نفسها واصابعها !

 

[يـاسمينا]

بنات بليز متي عطلهم بالضبط

حبيبتي عطلهم مع الحكومه وفي عطل بروحهم ,
يعني عندج عطلة الكريسمس والهالوين وعطلة الايستر اللي اهي الحين ,
بس اهما مخلينهم مع نهاية كل فصل ,
مادري شلون اشرح لج بس اهما عندهم 3 فصول او كورسات العطل اللي بين الكورسات دايماً تصادف هالاعياد عرفتي !!

 

[يـاسمينا]

هاي بنات شلونكم قطعت فتره


حبيبتي ياسمينا مشكوووره علا تفاعلج المجدي بالتجمع


الحين اليهال معطلين لمده اسبووع نرتاح شوي

العفو حبيبتي ولو

 

[يـاسمينا]

حبيبتي السالفه مو من جيبي بنات يشتغلون بالتعليم الخاص قايلين في شكاوي عالمدرسه
وبغيت اتاكد منكم .. هههه ومادري شنو هذا رد ماله داعي
قولي الي تعرفينه .. + ان المعلمات وافدات ليش تستغربين هالشي .. لايكون مدرساتهم من بريطانيا !
وانا مانشر اشاعات لاعندي مدرسه خاصه ولا حضانه شستفيد يعني ؟!
ولوبسوي ضجه موضوع بسيط بالمنتدا لكن انا بغيت اتاكد منكم
لان عيالكم يدرسون ..


الي ماتعرف ترد رد سنع ياليت ماتعب نفسها واصابعها !

حبوبه انا موقاصدتج بالكلام قصدي عن اللي ناقل لج هالمعلومه .

وبعدين انا شايفه مدرسينهم ومدرساتهم اغلبهم اجانب وفي سوريات ومصريات ,
بس ايرانيات ولا عمري شفت او سمعت ان في .

واكيد بستغرب من هالمعلومه اشمعنا انتي بس سمعتيها ؟؟
في اكثر من ولية امر بهالموضوع ما اسمعت ولا قالت انها اسمعت بالموضوع !!